يا ريت تشوفوا الفيديو ده، و ممكن نبقي نعمل ركن للي عايز يعيط .

[SeMo_SiRiOnY]

يااااااااااااااااااه هو دة بقي التقدم الي بيقولوا علية
علي راي الي قال لو لم اكن مصريا كان يبقي قشطة اوي والله يا عم الحج

[dr.nemo]

اظن ان العياط مش كفاية

[waleedrahmy]

انتوا بتقارنونا باليابان دي في ظلم كبير لليابان زي ال بيقارن السماء بالعما احنا اخرنا نتقارن بكلالامبور

[mahmoud_magdy]

انتوا بتقارنونا باليابان دي في ظلم كبير لليابان زي ال بيقارن السماء بالعما احنا اخرنا نتقارن بكلالامبور

ياريتها مقارنه
طبعا مينفعش اي مقارنه مش هقول حد ادنى لا دا مينفش مقارنه بالسالب اصلا
هو بيوضحلك الفرق بيننا كعرب وبينهم كـ ...... اوصفهم بــإيه بس
يكفي ان عندهم نظام واحترام

[theking2690]

انا مش هقول غير ان هى دى معاملة البنى ادمين والله العظيم لما قارنت بينهم وبين عندنا هنا اكتئبت ده احنا مره هنا وانا فى المدرسه سواق الاتوبيس الله يكرمه خد جنب عربيات شارع كامل و خلانا نروح القسم واهالينا جت خدتنا و مره تانيه بعد ما ركبنا الاتوبيس و مشى واحنا مروحين بييجى عن الحتت اللى المفروض ننزل فيها وبيهدى مش بيقف قال ايه خير الله ما اجعله خير اكتشف بعد ما مشى ان الاتوبيس مفيهوش فراملو المطلوب مننا انا ننط عند المحطات بتاعتنا مش عارف اقول ايه ولا ايه بس هو كما قال الزعيم سعد زغلول مفيش فايده غطينى وصوتى يا صفيه

[aboalm]

بس حاجه تضايق المدرسين مش بيروحوا المدرسه بعربياتهم علشان العيال يبوظوها .
زمان كان المترو من غير سور فحب التلاميذ النشطيطين المتفوقين طبعا ينتقموا من واحد من المدرسين عملو ايه تخيلوا
و لا حاجه شالو العربيه هيلا هوب و حطوها له على قضيب المترو بس خلاص

[pro_samir]

انا مقدرتش اكمل الفيديو الصراحة

شوفت لحد حتة الجرس بس ، مش فاهم مالة الجرس بتاعنا بس

وبعدين هد السور دة يظهر طلع منتشر فى مدارس مصر كلها هههههه

ولا موضوع التدافع اللى بيقول علية musiccairo ، حاجة تحفة يعنى أسانسير أفقي ، انت بس تحشر نفسك واتوماتيك هتلاقى نفسك برا المدرسة ، والخاصية دى موجودة فى أكثر من مجال فى مصر زى المواصلات العامة مثلا

[حاتم سليم]

[quote=dr zezo;3871981658]

الاطفال تعليمهم هو الحل[/quote]

[aliabutaleb]

انتوا بتقارنونا باليابان دي في ظلم كبير لليابان زي ال بيقارن السماء بالعما احنا اخرنا نتقارن بكلالامبور

كوالالمبور دي عاصمة ماليزيا
ماليزيا اللي كنا إحنا وهما على نفس الدرجة في الستينيات ويمكن كنا سابقينهم
دلوقتي ماليزيا اقتصادياً وأخلاقياً بيننا وبينها سنوات ضوئية سابقانا بيها
البرنامج ده معقدني فعلاً وللأسف مفوتش فيه ولا حلقة
لدرجة إني حاطط موسيقى التتر بتاعه نغمة رنين للموبايل

[M.Osman]

البرنامج ده معقدني فعلاً وللأسف مفوتش فيه ولا حلقة
لدرجة إني حاطط موسيقى التتر بتاعه نغمة رنين للموبايل

طب ممكن اعرف بعد اذنك معاده عالـmbc ؟

[moatazbunny]

انا مسافر اليابان حد جاي !!!

واحد يابان واحد يابان

الأجرة 5 ين يا باشا
ماشي يا بيه
ماشي
خُش رابع ورا بقى
كمان ...!

حسبي الله ونعمة الوكيل

[moatazbunny]

كوالالمبور دي عاصمة ماليزيا
ماليزيا اللي كنا إحنا وهما على نفس الدرجة في الستينيات ويمكن كنا سابقينهم
دلوقتي ماليزيا اقتصادياً وأخلاقياً بيننا وبينها سنوات ضوئية سابقانا بيها
البرنامج ده معقدني فعلاً وللأسف مفوتش فيه ولا حلقة
لدرجة إني حاطط موسيقى التتر بتاعه نغمة رنين للموبايل

احنا مينفعش نتقارن بأي بلد تاني عشان في كل الحالات الكافة مش في صالحنا .

واحد كلوالامبور ... واحد كلوالامبور

[aliabutaleb]

طب ممكن اعرف بعد اذنك معاده عالـmbc ؟

يومياً 5 مساءً
وكل الحلقات موجودة على يوتيوب
ابحث عنها بس بـ "خواطر 5"
على فكرة مدة الحلقة 15 دقيقة فقط

[dr-mohamed]

أصل دول بني آدمين
و محدش يقولي مصر هيا أمي..
الحقيقة إن احنا على معيار التحضر مش موجودين أصلا..

احنا مش هانتقدم إلا لما نحس بالغيرة من المجتمعات المتقدمة و نحاول نقلدهم و نبقى زيهم ..
لكن طول ما احنا متقوقعين على نفسنا و مش عاوزين نشبك في ديل التقدم يبقى البلد هاتفضل زي ما هيا كده ..

والله لو مصر دي مرات ابويا ما هتعمل فينا كدة
بس اقول ايه لا غير الله ما بقوم حتي يغيروا ما بانفسهم
مصر هي انا وانت وهو وهي وانت ايوة انت ايوة اللى هناك وعامل نفسه مش سامعني ومش معانا
مصر هي احنا

[dr-mohamed]

واحد يابان واحد يابان

الأجرة 5 ين يا باشا
ماشي يا بيه
ماشي
خُش رابع ورا بقى
كمان ...!

حسبي الله ونعمة الوكيل

ده انت مفتري واخد الناس ورايح اليابان وكمان عايز تحمل العربية ورا اربعة عليا النعمة لو رايح طنطا ما هوافق اركب رابع ورا
وكمان عايز تاخد الاجرة 5 ين يخرب بيت الاستغلال ولا علشان اجازة العيد يعني هما 3 ينون مفيش غيرهم عاجبك عاجبك مش عاجبك اطلع على القسم
يا تطلع و3 بس ورا يا اما والله هبلغ عنك في اقرب نقطة شرطة ده لو لقيت