يا ريت تشوفوا الفيديو ده، و ممكن نبقي نعمل ركن للي عايز يعيط .

[Mohamed.Ramah]

فكرتنى بمدرستى الخليفة المامون وتعدية الشارع اللى عند كلية التربية والمترو والحياة حلاوة والمدير اللى كان بيزعق لينا واحنا داخلين دا حتى الفسحة مكناش بنلعب فيها كان بيخلينا نقعد كلنا وحصص النشاط المكتبة و الموسيقى والالعاب كانت حصة احتياطى وكان فى جرس غبى كان بيجبلنا طرش مابين الحصص حرام عليك ياوديع لية فكرتنى

[M.Osman]

يومياً 5 مساءً
وكل الحلقات موجودة على يوتيوب
ابحث عنها بس بـ "خواطر 5"
على فكرة مدة الحلقة 15 دقيقة فقط

متشكر جداً

[aif]

ايه يا محمود انت دايما كدة تصدمنا بالحقيقة المرة ....
كنت سيبنا عايشين في البالوظة .....
انت كدة ضيعت دماغ الحمام اللي كان ع الفطار

[sherif222]

آآآآآآآآآآآآآه يااااااااااااانى يا امه .

[أبو صلاح]

والله العظيم بجد انا حزنت
ده انا كنت فاكر ان افضل تعليم على مستوى العالم هو اللي موجود في مدارس اللغات الغالية اللي بسمع عنها ب 15 الف و 20 الف في السنة

لكن اتضحلي بجد والله ان هي كمان في البالوظة

يا جماعة الناس دي من عالم تاني خالص غير بتاعنا او احنا من عالم تاني غير بتاعهم

ده حتى رفع اليد اثناء الحصة ليه نظام وأشكال مختلفة والطالب ليه حرية الاعتراض في وجهات النظر
الطالب في اولى ابتددائي يتقالوا يا استاذ
و و و و و و و والخ

حرااااااااااااااااااااااااام
انا هحاول اعمل اي حاجة تنسيي الفيديو ده

[M.Osman]

حرااااااااااااااااااااااااام
انا هحاول اعمل اي حاجة تنسيي الفيديو ده

انا في مشاهد في الفيديو (مشاهد الفصل) بقارنها بأيام المدرسة

و الله بجد كنت هعيط فعلاً .. و أنا اصلا عمري ما عيطط على فيلم او كلام من دا .. لكن الكلام دا يزعل اوييييي
لا حول ولا قوة الا بالله

بس على فكرة انا مش معترض ان احنا نتفرج عالحاجات دي.. بالعكس
دا انا جبت كل اللي في البيت و فرجتهم عالفيديو ..

لازم بجد نحس ان احنا متخلفين يا جماعة
لازم نعترف
لاااااازم
يا ريت يا محمود لو اي فيديو من النوعية دي تجيبه هنا على طول

شكراً

[Abo_Lina]

لازم بجد نحس ان احنا متخلفين يا جماعة
لازم نعترف
لاااااازم
يا ريت يا محمود لو اي فيديو من النوعية دي تجيبه هنا على طول

شكراً

هو ده فعلا
لازم نحس إن بلدنا تحت ..و ده لأننا بنحبها و عاوزينها هيا و ناسها يطلعوا فوق ..

باستغرب ساعات لما حد يبعت فيديو زي ده و تلاقي الناس زعلانة إن احنا بننتقد البلد و يقولوا كلام من نوع : يا جماعة أنا رحت الصومال و المدارس هناك أسوأ من مصر بكتير احمدوا ربنا ..

زي ما يكون مفروض نفرح إن فيه بلد فاقتنا تخلف..

[kareem_Ashmawy]

الله يكرمك يا موتو على الفيديو ده
عشان أما أجى أتناقش مع حد فى موضوع الهجرة
يقعد يقولى ولادك لازم يتربوا هنا على الاخلاق و الدفئ الاجتماعى
و أقعد أقول ان عايز اجيب اولاد يكونوا اسوياء
انما اللى يعيش و يتربى فى مصر دلوقتى و أنا منهم لا يمكن يكون سوى
بس تسمع جدال بقى انك هتلاقى بره عيوب تفوق المميزات و كلام من ده
يلا ربنا يعمل اللى فيه الخير

شكرا يا باشا مرة تانية على الفيديو