إعـــــــلان

**icehearted girl** · 18-09-2009, 11:58 PM

اسمحلي اغلط فيكم وفي اسلوب تعاملكم وليس فلصحوبية والصداقة نفسها

شيطان دخل بينكم وانتم ادتوله فرصة علي طبق من ذهب

**KHALED AYMAN** · 19-09-2009, 03:35 AM

المشاركة الأصلية كتبت بواسطة newhansol مشاهدة المشاركة

انسى يا عم خالد وكبر دماغك وبكرة يامة تصاحب وتنسى برضة بس خد بالك مش كل صاحب يتصاحب فى اصحاب زى مابيقولو على القهوة بس وفى صاحب الى هوة يبقى زى اخوك يخاف عليك ولو شافك بتعمل غلط انا بكررها اهة لو شافك بتعمل غلط يقولك لا انت رايح فين انت كدة غلطان فوق لروحك
انما بقى بتوع يلا بينا رايحين مصلحة اوكية
طب ماتييجى دة فى مصلحة نارررررر لا انا بذاكر يا عم كبر دماغك تعالى طيب انا جاى لا
من الاخر الصاحب الى مايخفش عليا ويرجعنى عن غلطى او على الاقل يحذرنى دة الى ماابكيش علية
وبعدين انتة لسة سنك صغير مش كبير يعنى قوى ولسة العمر قدامك انا عن نفسى وعندى دلوقتى 29 سنة شفت اصحاب بعدد شعر راسى وتلات تربعهم عايزين الحرق اعمل زيك كدة برضة اقول دة اية واد مية مية وبعدين عند اول امتحان لمعدن البنى ادم الاقية طلع عيل فرت زى السجاير الفرت كدة
وبعدين معلش يعنى صاحبك اية دة الى مسكتة من التى شرت قام شتمك قمت مكسر علية 3 كراسى دة الواحد بيحس من الكلمة مش من البوكس ولا الضرب صاحبى لو قالى كلمة مش كويسة بعديها بس بقولة انما ماتوصلش للضرب وبعدين يا سيدى هاقولك حاجة هوة زعلان انك شتمتة بس دة انا ايام الجيش مكنش فى فى بق الواحد غير الشتيمة والهزار بالايد
ولحد دلوقتى احسن اصحاب قابلتهم فى حياتى همة بتوع الجيش دول
المهم علشان ماوجعش دماغك نصحتى يا خالد حرص شوية فى اختيار اصحابك والى حصلك دة مش عيب محدش بيتعلم ببلاش وخلى دايما حدود فى التعامل بين وبين اصحابك لا تبقى المعاملة جافة قوى ولا داخلين جوة بعض قوى كدة علشان لما تحصل حاجة ماتبقاش تزعل وتعرف تصد الى قدامك

شكرا يا باشا ...
بس بجد انا لازم اقابلك و اتعرف عليك ..
مش معقول نبقى فى بلد واحده
و قريبين من بعض
و على منتدى واحد
و منتقابلش ..
لازم اتعرف عليك

**lancerevolution** · 19-09-2009, 04:10 AM

الحمد لله كله بقى تمام بس أنت كدا فكرتنى بصديقى

**evoo90** · 19-09-2009, 04:25 AM

يا خالد يابلطجى
بص ياحبى مافيش اصحاب خدها نصيه انت صاحبك وانت اخوك وانت كل حاجه لنفسك ماتتعبش نفسك وتدور على اصحاب
لأنى انا مش مقتنع بأفلام الخيال العلمى اللى يتتحكى وبيمثلوها عن حاجه اسمها اصحاب وتضحيات وحب وكلام من ده

مانتا عارف صاحبى اللى من اولى ابتدائى باعنى فى اقرب محطه وليه بلاش اشرد هنا فى المنتدى

**Mohamed.Ramah** · 19-09-2009, 04:41 AM

احسن حاجة هى دة الصلح خير بس اديك فهمت كل واحد وموقفة فمتسلمش نفسك لحد كدة تناى وعامل كل واحد بمعاملتة بمعنى احمد عملنى وحش اعملة وحش احمد تانى يوم جة هزر واتعامل كويس يبقى اعملة كويس ومتستناش من حد موقف معين تعامل من وجهة نظرك الصح وربنا يجمعكم على الخير ولعلمك مش انت بس اللى دخلت مواقف زى دة كل الناس كدة والحياة مواقف وياما حتقابل فى حياتك اهم حاجة تصرفك الصح

**A.Saad** · 19-09-2009, 05:51 PM

خالد
اسمع وركز
لو انت صاحبى
وقلت عليا كلام من ورايا

بجى اقولك انا سمعت كذا
ياعرف الحقيقة انك قلت او ما قلتش
يا معرفهاش
بس هسال نفسى
ليه اللى بيحط كلام ده بيحطه
هوا مستفيد ايه من كدة
او مضرور من صحوبيتنا فى ايه

غير كدة
متامنش ليهم زى الول
يعنى حرص برده

Comment

Comment

Comment

إعـــــــلان

.

هى الاصحاب جرالها ايه ؟؟

Comment

Comment

Comment

Comment

Comment

Comment