لانى مش قادر اسامح يمكن حد يساعدنى

[Islam_galal]

حين تموت الام. ينادي ملكٌ من قِبل الله عز وجل يقول { يابن آدم ماتت التى كنا نكرمك من أجلها فاعمل صالحاً نكرمك من أجله }

و من حديث الرسول
[s]يامعشر المهاجرين والأنصار من فضَّل زوجتـه على أمُّه ... فقال : يا معشر المهاجرين والأنصار من فضل زوجته على أمه فعليه لعنة الله وملائكته والناس أجمعين[/s] حديث غير صحيح

لا تتسرع و تعقل فالحياه مراحل ولا تظن أنك أحسست كل الاحاسيس و عرفت كل شئ يخصك ، فكلما مر وقت ندمت علي مواقف و تمنيت لو عدلت رد فعلك

الأم هي المرأة الوحيدة التي لا تريد منك مادة ، فقط عاطفة و كذلك الأب

ما تحس به هو نتيجة لفقدان الأولويات في الحياه
الأم أولا
الأم أولا

(وَإِنْ جَاهَدَاكَ عَلى أَنْ تُشْرِكَ بِي مَا لَيْسَ لَكَ بِهِ عِلْمٌ فَلا تُطِعْهُمَا وَصَاحِبْهُمَا فِي الدُّنْيَا مَعْرُوفًا)

و هل بعد الشرك شئ ، تفكر في خطيبتك و لا تتخيل ابدا انكم ستظلون حالمين للأبد ، أنظر إلي أي زميل متزوج عن حب كما يقولون و قل لي أين ذهب هذا السراب

يجب أن تحدد أولوياتك في الحياه ، من ثم من
فإن كانت أولوياتك طبقا لفطرة الله في الكون فستستريح و لو بعد حين

و إن كانت أولوياتك مخالفة لفطرة الله في الكون فلن تذوق طعما للراحة

و لا تنسي أننا في اختبار
و (خلق الإنسان في كبد)
و (حفت الجنة بالمكاره و حفت النار بالشهوات)

ربنا يهديك إلي ما فيه الصواب


برجاء تحري الدقة في صحة الأحاديث

مشرف الاجتماعي

[SHNORY]

YouTube - ‫ظˆ ط¨ط§ظ„ظˆط§ظ„ط¯ظٹظ† ط£طط³ط§ظ†ط§‬‎

[أحمد كمال]

حين تموت الام. ينادي ملكٌ من قِبل الله عز وجل يقول { يابن آدم ماتت التى كنا نكرمك من أجلها فاعمل صالحاً نكرمك من أجله }

و من حديث الرسول
يامعشر المهاجرين والأنصار من فضَّل زوجتـه على أمُّه ... فقال : يا معشر المهاجرين والأنصار من فضل زوجته على أمه فعليه لعنة الله وملائكته والناس أجمعين

لا تتسرع و تعقل فالحياه مراحل ولا تظن أنك أحسست كل الاحاسيس و عرفت كل شئ يخصك ، فكلما مر وقت ندمت علي مواقف و تمنيت لو عدلت رد فعلك

الأم هي المرأة الوحيدة التي لا تريد منك مادة ، فقط عاطفة و كذلك الأب

ما تحس به هو نتيجة لفقدان الأولويات في الحياه
الأم أولا
الأم أولا

(وَإِنْ جَاهَدَاكَ عَلى أَنْ تُشْرِكَ بِي مَا لَيْسَ لَكَ بِهِ عِلْمٌ فَلا تُطِعْهُمَا وَصَاحِبْهُمَا فِي الدُّنْيَا مَعْرُوفًا)

و هل بعد الشرك شئ ، تفكر في خطيبتك و لا تتخيل ابدا انكم ستظلون حالمين للأبد ، أنظر إلي أي زميل متزوج عن حب كما يقولون و قل لي أين ذهب هذا السراب

يجب أن تحدد أولوياتك في الحياه ، من ثم من
فإن كانت أولوياتك طبقا لفطرة الله في الكون فستستريح و لو بعد حين

و إن كانت أولوياتك مخالفة لفطرة الله في الكون فلن تذوق طعما للراحة

و لا تنسي أننا في اختبار
و (خلق الإنسان في كبد)
و (حفت الجنة بالمكاره و حفت النار بالشهوات)

ربنا يهديك إلي ما فيه الصواب

راجع اللينك :

مدى صحة الحديث "من فضّل زوجته على أمّه فعليه لعنة الله" - موسوعة الفتاوى

لسؤال:
أريد التأكد من صحة الحديث: "من فضّل زوجته على أمّه فعليه لعنة الله".

المفتي: حامد بن عبد الله العلي
الإجابة:
لا يصح، ولكن حق الأم أعظم بلا ريب، وللزوجة حقها ولا تعارض بينهما، يؤتي كل ذي حق حقه، والله أعلم.


رجاااااااااااااااااااااااااااااء عااااااااام يا جماعة لكل الناس


بلاش نشر أحاديث قبل التأكد من صحتها

[evoo90]

شكرا لردك واهتمامك يا ايفو
بس انا مشكلتى مختلفة شوية انا مش مشكلتى الدخول او الخروج او السهر
انا الحمد اللة خلصت الكلية وشغال ومعتمد على نفسى وخاطب وانشاء اللة فرحى قريب
انا مشكلتى فى المعاملة والتفرقة فى المعاملة يعنى مش كلة فى كفة واحدة
انا مش بحب اظلم حد ولا حد يظلمنى ابدا
طبعا هية فرقت فى المعاملة بيينى وبين اخوانى ودة هو اللى مضايقنى ومش قادر اتغاضى عنة لانى مش بحب الظلم وطبعا التفرقة دية ليست فى امور مادية او الجهاز او الشبكة علشان محدش يروح فكرة للحجات دية ....
لا هية فى امور تانية خالصة امور خاصة بالمعاملة وطريقة التعامل مع الابناء ...
بس اسمحلى يا ايفو الاب لما يكون عصبى او حاد الطباع بالنسبة لى دى حاجة سهلة ويمكن التغلب عليها مع الوقت انا لى واحد صاحبى ابوة شديد علية جدااااا طبعا هو دة مش صح لكن طبعا فى حجات اسؤا من حدة الطباع بكتييير حجات بتاثر على النفسية وبيكون صعب نسيانها والتجاوز عنها ....
وزى مانت قولت ممكن تستحمل لحد متعتمد على نفسك بس دة بيتهياللك لانك طالما اى حد من الاهل موجود ستظل فى احتياج لة دى سنة الحياة ولو حتى احتياج معنوى

المشكله مش فى الشده يامحمد دى امرها بسيط
المشكله انه عنيد عنيد عنيد وبيعاند حتى نفسه وبيعمل مشاكل من لا شيئ وبيعاقبنى على حاجه ماعملتهاش وممكن تكون حاجه عملتها صح بس هو مش عاجباه ده مش كلامى لوحدى برضه ناس كتير من اللى عارفين اللى بيحصل وشايفينه هما اللى بيقولوا كده
بالنسبه لمشكلتك بقى
انت زى مانت بتقول كبرت وشغال والحمد لله ربنا يعينك وبتصرف على نفسك والحمد لله
كويس انت كده مش محتاج حاجه من حد ماديا
المشكله انك مش مرتاح ومضايق من اللى بيحصل حتى لما تتجوز ان شاء الله وهتبعد عنهم كلهم بس هتبقى مضايق ان حاجه زى كده بتحصل حتى لو مش يتأثر عليك فى حاجه ومش هتقدر تعمل حاجه للأسف
زى مابنشوف اللى بيحصل لفلسطين وكلنا مضايقين ومخنوقين برغم انه مش مأثر فينا لا مديا ولا جسديا ولا حاجه
بس ده طبعنا مسالمين وطيبين مانحبش نشوف الغلط حتى لو مش مأثر فينا بشئ
الحل الوحيد انك تحاول تنسى كل حياتك اللى فاتت بعد الزواج ان شاء الله ولو مش عايز تروح لوالدتك او لأخواتك اسأل عليهم ولو من بعيد او غير مباشره ولو احتاجوا حاجه برضه ممكن تساعدهم من بعيد
وربنا معاك وماتنساش تعزمنا على الفرح

[MohaMed_Refaat]

يا أستاذ محمد عايز أقولك كلمتين يا ريت تفكر فيهم
ماتعرفش الخير فين ويمكن اللى انت زعلان منه دلوقتى يكون هو الخير ليك بعدين سواء فى الدنيا أو فى الأخرة ، وربنا مابيضيعش عمل حد خلى بالك سواء بصبره أو إحتسابه أو رضاه أو إكرامه لأمه وربنا عالم باللى بيحصل واللى هيحصل وهو اللى مقدر ده إنه يحصل لحكمة هو بس اللى يعلمها
فياريت توقن إن ما يصيبك لم يكن ليخطأك وما أخطأك لم يكن ليصيبك ، وإن ربنا إختارك إنت تحديداً للقدر ده لحكمة عنده هو ، وإن ربنا مش ظالم أبداً بالعكس هو العدل ذاته ولا يمكن يظلم عباده بأقدار هو اللى كتبها ليهم ، عارف يعنى إيه كتبها لهم مش عليهم ؟
(قل لن يصيبنا إلا ما كتب الله لنا) لنا مش علينا ، يعنى اللى كتبه ربنا وقدره هو الخير ولصالحك مش عليك فتأكد إن الجزاء الخير فى إنتظارك إن شاء الله بس بشروط
أولها إنك تصبر و تحتسب ، يعنى تصبر وانت تبتغى بصبرك ده وجه الله وتطلب منه إنه يعوضك خير منه
ثانيها إياك تزعل أمك أو تعاملها بسوء مهما حصل وإلا تخسر خسارتين ، تخسر فى الإمتحان اللى ربنا بيبتليك بيه عشان يشوف هتصبر ولا هتفجر ، وهتخسر إنك ترتكب أكبر معصية ربنا حذر منها وأشار ليها بعد مسأله عبادته مباشرة لبيان أهميتها وعظم قدرها عنده سبحانه
فاصبر وتيقن إن اللى بيحصلك أياً كان فيه الخير ليك ، والخير ده مش هتناله غير بصبرك وإحتسابك وبرك بأمك ، ودايماً إختلق الأعذار للناس وسامحهم وخصوصاً لو أمك ، وخليك انت الأحسن وربنا عالم بكل اللى بيحصل ومش هيظلمك أبداً ولا هيضيع أجرك (إن الله لا يضيع أجر المحسنين)

اشكرك جدا يا استاذ سامح على كلامك الجميل والمريح للنفس وفعلا كلام مقنع وجميل الواحد فعلا لازم يلجا لاصدقاء واخوان فى كل ازمة لانة زى المقولة ما خاب من استشار .
بس هو المشكلة انى استقليت عن امى خالص واصبح لى عملى وقريبا حياتى ولكنى كنت اتمنى الا يحصل ما حصل علشان انا مش قادر اصفا من ناحيتها ....
ولكن مثل هذا الكلام اللى فى الرد يريح النفس كثيرا

[MohaMed_Refaat]

يا سبحان الله
انا تقريبا عندى نفس المشكله بقالها كذا سنه حوالى 7 سنين
و جوايه و مش عايز اصفى خالص بس انا بعامل فيهم ربنا

بزورهم و اسأل عليهم و اخرج ماما و اجيبلها اللى عايزاه و لو عايزانى سواق بعملها سواق

ساعات اعصابى بتفلت من دون مبرر بسبب تراكم الالم بس برجع اندم و اصالحها
ده عشان ربنا يا محمد

انا دايما حاسس انى فى غايه الاختلاف عن ابويا و امى والله ساعات بحس انى مش ابنهم اصلا

بس هتعمل ايه؟ ريح ضميرك حتى لو بتام دمك محروق

يا ريس ده انا لما باخد ولادى هناك ببقى حاسس انى بموت و نفسى امشى بس برضه باجى على نفسى

ربنا يكرمنا

مهو انا بعمل زيك كدة انا علاقتى بيها محدودة جدا فى اطار محدد جدا مليش دعوة بيها سيبها فى حالها الا اذا احتاجت حاجة وجت طلبتها منى بعملهللها وخلاص على كدة غير كدة انا مليش دعوة بيها

[MohaMed_Refaat]

والله جربت كل حاجه كل حاجه ولو انا وحش ومش بعرف اتعامل مع اللى قدامى كانت الناس كلها تقول كده عليا
والدى من النوع اللى مايحبش النقاش وعنيد جدا جدا جدا ممكن يعند معايا ويعمل حاجات مالهاش اى لازمه او مبرر واحنا الاتنين خسرانين فقط عشان يعاندنى ويعرفنى انى مابفهمش وحمار وهو اللى بيفهم وملاك
كل ما احاول اكلمه يهب فيا ويزعق على الفاضى
مره كنت شغال وكنت فى المعادى والدتى اتصلت بيا وبتقولى تعالا ابوك تعبان والله سيبت الشغل وروحت على طول دخلت عليه بسأله مالك فى ايه ؟ الاقيه طلع فيا وقعد يزعق عشان قاعد طول اليوم بره البيت طب مانا فى الشغل !!
دليل على انه عنيد وغضبه ده من غير مبرر انى لما بفضل طول اليوم بره البيت الاقيه يزعق ويقول ياصايع ويشتم فى اصحابى اللى هو مايعرفهمش اصلا ولا سمع عنهم ولا عايز يسمع عنهم طب بيحكم انى بصيع فى الشارع بحكم ايه بقى
انا الحمد لله معاهم ماقصرتش فى حاجه الحمد لله الحمد لله مش بشرب سجاير ولا اى دخان ولا منحرف بتاع مخدرات ولا بخرج كل يوم مع بنت شكل ولا بتخانق وبلطجى ومجرجرهم فى الاقسام ولا بجيبلهم مشاكل ولا اى حاجه خالص
طب مش هنزل الشارع من شغلى جبت جهاز كمبيوتر ليا لوحدى غير بتاع اخويا وجبت راوتر ووصلت انتر نت وبدفع كل شهر من مصروفى وقعدت فى البيت بصحى الصبح الساعه 12 او 1 وبقعد على الجهاز ارسم شويه اقلب فى النت شويه اقعد شويه على المنتدى ومش بقوم من على الكرسى لحد الساعه 2 3 وساعات لبعد الفجر
مابنزلش الشارع خالص اهه برضه مش عاجبه ومضايق انى قاعد على الجهاز طول اليوم !!!!!!
طب اعمل ايه
انا فى اجازه وسيبت الشغل وماعنديش دراسه ولا حاجه وانت بتضايق من نزولى الشارع وكمان مضايق من قعدتى على الجهاز !! هاتولى انتوا ياكبار ياللى اكبر منى ومنكم اتجوز وخلف وعرف مسؤليات الوالد
اقعد اطبخ مع امى ولا اقعد اروق الشقه ولا اقعد قدام التليفزيون اللى دلوقتى بقى اهيف مايمكن ( بقالى سنتين ماقعدتش قدام التليفزيون نص ساعه على بعضها ) وبشهاده ناس كتير والدى بيعاملنى معامله زفت زفت زفت حتى والدتى تقولى اسكت ماتتكلمش وساعات تحاول تهدى شويه لكن دايما والدى ساعتها كل مابيحس بضعفى وان حد هيحوشه عنى بيذيد فيها وياريتها بتيجى على الزعيق وبس فى بعض الاحيان بتصدر قرارات واوامر ظالمه جدا جدا ووالدتى بتتدخل وبتخففها شويه
عنيد متكبر دكتاتورى حقود اقوله عملت ايه انا ايه الغلط يقولى ماتسألش انا لما اتكلم ماتسألنيش وماتناقشنيش !!!!!!!!!!!!!!!!!!!!!!!
طب منين هعرف غلطى ان وجد ومنين هصلحه ومااعملهوش تانى
ربنا يهديه ويهدينا يارب ؟؟؟

لى واحد صاحبى والدة زى مبتحكى انت بالضبط وصاحبى بيشتكى منة مر الشكوى
بس زيادة كمان والد صاحبى دة عايزة يبقى اسير لة طول النهار يقف فى المحلات (عندهم محلات ادوات منزلية) يقفل وينام وينزل يقف تانى فى المحل واذا اتكلم وقالة اخرج مع اصحابى شتيمة وزعيق وكلام بذئ لدرجة انة جة مرة اتخانق مع بقية اصحابنا وبيتهمنا انن بنخرب ونصيع ابنة ونسهرة لوقت متاخر
هو جيش وهذا يثبت ان ااهل ليسوا دايما على حق ولا دايما كل الاهل كويسين لان ممكن ابن يتربى فى بيئة غير صالحة ويطلع عندة عقد بالتاكيد عقدة حتطلع على ابنائة ودة اكبر غلط يبقى فى اهل غير اسوياء فاية ذمب الابناء .

[MohaMed_Refaat]

الموقف باختصار يا محمد كان لشاب لسا يادوب مخلص الجامعه ولسا دي اول وظيفه هوا فيها

كان عينه علي بنت قريبته ومكنش ناوي يتقدم الا لما يحس انه قد الموضوع ده بحيس ميترفضش (لان كان يعتبر في فرق في المستوي الاجتماعي)

المهم الحمد لله ربنا وفقه وخطبها والكلام من ده بس كانت العقبه والدته وكل شويه مشاكل معاه

بس هوا كان رايه من دماغه ولحمد لله ربنا تممله علي خير واتجوز البنت دي

مش هقولك يا محمد انه عاش 15 سنه من اسوء سنين عمره كل يوم مشاكل وخناق وكل يوم نفس الموشح

بس زوجته دي اصراحه تستحق يتعمل ليها تمثال

استحملت والدته لكل الي كانت بتعمله معاها من شتيمه لتهزيق لكلام ميصحش يتقال علي زوجة ابنها

بلاوي يا محمد

ومكنتش حتي بتقول لجوزها علي الي حصل لما كان بيرجع من الشغل

وكانت تقوله روح زور مامتك لانها كانت مضايقه شويه

علي فكره يا محمد الولد ده وحيد علي 6 بنات

تخيل وصلت بالام دي بعد ما اتوفي جوزها (والد الشخص ده) انها وزعلت كل املاك جوزها علي البنات بس بدون اي اعتبار للولد ده مع انه ابنها الوحيد

بس هوا كان بيحتسب الاجر عند ربنا كان بيقول انا الحمد لله ربنا سترها عليا ومش محتاج اي شيء منها

بس كان بيقولها كلمه واحده بس

كان بيقولها مش هتلاقي غيري انا وولادي الي يشيلو الخشبه بتاعتك

واخد موقف من كل اخواته البنات

مر الوقت وحتي الشقه الي كانت فيها عطيتها لبنت من البنات وهيا راحت لشقه تانيه في دور عالي ومحدش كان مراعي ان العمر بيمشي لقدام مش بيرجع كله فرحان بالحاجات الوقتيه

كبرت وابتدت تعدي الـ 60 سنه

ومبقيتش تقدر تطلع للدور العالي وبنات امبارح الي كانو بيتمنولها الرضا ترضي

دلوقت كل واحده في شقه ومعاها جوزها مين طيب دلوقت الي هيستغني عن شقته؟؟؟

افتكرت دلوقت كل كلام ابنها دلوقت بس شافت عجزها وافتكرت ان القبر بيقرب

راحتله الشقه وعرضت عليها حسابها كله الي في البنك يكون تحت امره

علشان بس يرضي عنها ويسامحها

والله والمنظر ده شوفته قدام عيني والله العظيم وطت علي ايد مرات ابنها وكانت عايزه تبوسها وقالتلها انتي عملتي الي معملتهوش معايا بنت من البنات

كانت بتطلب بس انهم يسامحوها وانها فرقت في المعامله بس علشان العند ومعملتش حساب لاخرتها

بس ابنها رفض ياخد اي شيء وقالها الله اعلم مين هيموت قبل مين وسيبي كل شيء لوقته

البنات الي كانو امبارح فرحانين بالتوزيعه الي في نظرهم ده العدل

انهارده عرفو بقيمة اخوهم لما دي حصل معاها مشكله ومحدش عرف يخلصها غير اخوها

ولما دي كانت هتجوز بنتها ومفيش الي يشرفها غير اخوها ودي ودي ودي ودي

دلوقت بس عرفو بقيمته بس هوا متكلمش وكان بيراعي ربنا في العجوزه دي ولا كان بيلوم حد فيهم

واتوفت امه يا محمد بس اخر كلمه قالتها وكان هوا جمبها انه يارب يكون مسامحها

معلش يا محمد الموقف ممكن يكون طويل شويه

بس ده مش موقف ده عمر

بس بتمني تستفيد من الموقف ده وتراعي ربنا في والدتك وسيب الايام تثبتلها انتا مين

الزمن كفيل بأي شيء

ومتنساش ان دي والدتك

ده ملخص يا محمد وما خفي كان اعظم واعظم واعظم

a.yakout

شكرا على النصيحة يا احمد
ولكن زى مانت قولت بس ده مش موقف ده عمر
يعنى دة الزمن بيكون كفيل باثبات الصح واظهار الخطأ ولكن مين اللى يكون عندة قوة الصبر والاحتمال ولكن انا ححاول انشاء اللة استعين باللة واصبر لان دية نصيحة اخوان كتيييير قالوهاالى فى المنتدى وغيرة
يعنى حتى الرسول صلى اللة علية وسلم
لما صبر نال مبتغاة وفتح مكة وقال مقولتة الشهيرة صلى اللة علية وسلم (قل ظهر الحق وزهق الباطل ان الباطل كان زهوقا )

[mrghost]

السلام عليكم ورحمة الله وبركاته
انا متابع الموضوع من اوله وهقول ان ده شئ موجود فى معظم البيوت ياجماعه انا والدى كنت حاسس انه مبهدلنى ومطلع عينى وكنت عمال اقول بس اشتغل بعد ما اخلص كليه واستقل والكلام ده والحمد لله دلوقتى ربنا كرمنى واشتغلت ومش عاوز اقولكوا احساسى ايه ؟ والله العظيم بحمل همه وبخاف عليه اكتر من الاول وبيبقى نفسى اعمله اى حاجه ترضيه مع انى كنت متصور انى مش هبقى كده خالص وكذلك والدتى لما نويت اروح اخطب كانت متضايقه وخلتنى طول الطريق متضايق بسبب الحكايه دى لدرجه انى كنت عاوز ارجع وانا فى الطريق ومحصلش نصيب بس برضه مكنتش هتهون عليا بصراحه او حتى افضل شايل منها لانى عارف هما تعبوا علشانى قد ايه وهما برضه عاوزنى احسن منهم ومهما عملوا مش هقدر اقول حاجه على الاقل زى مافيما معناه انى اصاحبهم فى الدنيا بالمعروف وربنا يهدى الجميع يارب