يوميات شوماخرتين علي الطريق الدائري

[A.Saad]

http://www.nilemotors.net/Nile/92538-a.html

اقرى وافهمى انتى وصاحبتك
بس اوعوا تتوهوا وانتوا بتقروا

[icehearted girl]

لا انا حفظاه صم من اول المريوطية لحد مدينة نصر


انما بعد المطار انسوووووووووووو

[m000dy]

ياشيخه كنتى طولتى سنه صغيره وجيتى السويس
كنت هاستناكى عند كمين الكيلو 109 وفى عيل ظابط هناك رخم
كنت هاقوله دى جايه تعمل ماركتينج لنوع بانجو بناتى جديد ودول اول اتنين من افراد العصابه واديله عنوان المنتدى واقوله اى مؤنث فى المنتدى ده تبع افراد العصابه
وبعدين هو انتى كده تهتى
انا بلا فخر اكتر واحد تاه فى مصر كلها
انا واحد كنت ماشى على الدائرى قاصد نزلة السويس اللى انتى بتقولى عليها سهله
فضلت ماشى ساعه الا برع ولقيت نفسى فى القليوبيه باين وماخدتش بالى لان الدنيا كانت ضلمه وفضلت ماشى لحد الدائرى ماخلص ولقيت نفسى دخلت فى حت تراب وضلمه والاسفلت خلص

[نور القمر]

ده ذنبي يا اندااااااااااااااااااااال عشان قلت لكم اجلوها للجمعة او السبت
الحمد لله ربنا نجاني منكم ويا سلام في عز منتو تايهين انا كنت نايمة ومرتاحة وبحلم احلااااااام سعيدة

[icehearted girl]

بقي كدا يانور ..طب انا هحرمك من صورك ولاهتشوفيها خلاص


مودي دا فعلا حصل معانا امين شرطة ساب امة لا اله الا الله وجي يتسلنا علينا احنا


اصله كان واق فنص الطريق والدنيا زحمة ورنا عمالة تكلكسله الذكية..بصلنا وكان عاوز يقلنا انتو وقعتوا ولا الهوا راماكو


كان ناقص يفتش شنطتنا

[rov]

بقي كدا يانور ..طب انا هحرمك من صورك ولاهتشوفيها خلاص


مودي دا فعلا حصل معانا امين شرطة ساب امة لا اله الا الله وجي يتسلنا علينا احنا


اصله كان واق فنص الطريق والدنيا زحمة ورنا عمالة تكلكسله الذكية..بصلنا وكان عاوز يقلنا انتو وقعتوا ولا الهوا راماكو


كان ناقص يفتش شنطتنا

اهم حاجه
مقولتلناش دريم بارك ايه اخبارها
انا اخر مره رحتها من 3 سنين
لسه زحمه ولا لذيذه

[icehearted girl]

زحمة جدا جدا جدا وهو دا الملل


بنقف ساعه علي اللعبة واضطررنا في النهاية لعبور الاسوار الحديدية قفزا


اه والله قفزاااااااااااااااااااا

بس مركبتش ديسكفري اهئ اهئ

[SHNORY]

بس مركبتش ديسكفري اهئ اهئ

اديكي ركبتي الدائري وعملتيله ديسكفر
علشان متبقيش اتحرمتي من حاجه

[icehearted girl]

انت بتقول فيها

احنا قعدنا علدائري اكتر متمرجحنا


انا محتاجة اخرج تاني اريح اعصابي ماليوم الغريب دا

[نور القمر]

انا لو كنت روحت معاكم مكنتش هركب غير العربيات
اانا بترعب مجرد ما بفوت جنب الالعاب المجنونة دي
ومجربتش غير الشلال وحسيت ان قلبي هايقف

[R A N A]

اولاً: احب اقدملكم نفسي
انا رنا اللي عمالين تجيبوا في سيرتها بقالكوا يومين واللي الاخت ايس ربنا يوريني فيها يوم (تلف فيه الدائري متعرفش تجيب اخره وتكمل عمرة مقبولة زي اللي عملناها بسببها دي) شردتها في المنتدي كله ، حسبي الله ونعم الوكيييييييييييل فيكي يا ايس
اشوف فيكي يوم لا شهر لا لا سنتين ونص مش كفاية فيكي اصلاً ، عارفة مشكلتك انك عاملة فيها فلحوسة وضيعتينا بفلحستك دي

على الاقل انا لما توهت في الاول كانت يدوب نزلة غلط بسبب اني كنت بكلمك برده (يعني شوفي انتي السبب حتى في التوهة الاولانية ) والحمد لله قدرت الحق الموقف وسألت واحد كان واقف في المنزل اللي نزلته غلط قبل ماطلع طلعة تانية غلط برده وبعدها بشوية سألت واحد تاني عشان اتأكد (مش عيب يعني مانا اول مرة اجي الطريق ده) وماخاب من استشار.
لكن انتي طول الطريق واحنا راجعين اقولك انتي متأكدة انك عارفة الطريق كويس ؟ عارفة هاننزل انهي نزلة وكدة ؟ ماتيجي نسأل احسن ، تقوليلي لا نسأل مين يابنتي دا الدائري ده صاحبي الانتيم حافظاه زي دولابي بالظبط (سبحان الله من جوايا كنت شاكة فيكي من البداية وقلت بلاش ابينلك لحسن اطلع ظالماكي) مع اني متأكدة ان احساسي عمره ماخيب ابدا وفعلا صدق توقعي ووكستينا والحمد لله .
بس يالا قدر الله وماشاء فعل .
ادي اخرة اللي يسمع كلام ايس هانم دي المفروض اصلا ميتخرجش معاها ابدا خصوصا في الحر عشان دماغها بتسيح
الظريف في الموضوع بقي اني فعلا حسيت اني لفيت الدائري كله في اليوم ده بس مكنتش تعبانة من السواقة ولا من الطريق (هو اينعم كان مقفول شوية عند بعض النزلات لكن قشطة يعني ) بس كان كل اللي قالقني بس خوفي لحسن اتأخر واتهزأ في البيت من تحت راس ايس هانم .
كان لازم يعني اطلع شهمة معاها واصمم اني اوصلها وبعدين ارجع تاني دانا كنت خلاص قدامي اقل من ربع ساعة واوصل بيتنا لكن نقول ايه ايايكشي يتمر بس .
اللي يضحك بقي في الموضوع اننا تقريبا عدينا على ترعة الاسماعيلية بتقولي هو ايه اللي جاب النيل هنا تاني إحنا مش لسة معديين عليه اقولها يابنتي ده مش نيل دي ترعة تقولي لا نيل قلتلها طيب ربنا يستر (مش عارفة النيل من الترعة " شكلك فاهم يانُصة ") .
بس الحمد لله كنت مفولة العربية لآخرها ومؤشر البنزين متحركش خالص وفضل لحد الاخر حتى بعد ماخدنا القوس الكبير مبتداش ينقص بقي غير في نص الطريق احنا راجعين وطبعا على ماوصلتها ورجعت تاني كان نص التنك خلص اصلي قلت اوجب معاها واشغلها التكييف بدل مايبقي توهة + حر + اصوات مزعجة (صوت الهوا مع العربيات كان عامل احلى شغل ).
بس رغم كل البلاوي دي ورغم الصداع اللي جالي من كتر السواقة وصوت العربيات ومنظر الدائري اللي مش عايز يخلص ده لدرجة اني لما وصلت البيت وقاعدة بستريح شوية كنت حاسة اني لسة سايقة واني لسة فوق الدائري )
بس فعلا ده كان مشوار هايل فعلا جربت فيه العربية كويس خصوصاً ان ده اول مشوار طويل ليها بعد صيانة الالف وبعد خروجها من حادثتها الاخيرة (لإني كنت لسة مستلماها قبلها بيومين بس) بس كدة العربية خلصت تليين بالتلاتة.
والحمد لله العربية كانت كويسة وجربت بيها سرعات مختلفة بس اقصي سرعة جبتها كانت 145 او 150 مرضيتش ازود عن كدة عشان بس الرادار لإني مكنتش عارفة الاماكن بتاعته فين بالظبط فلميت الدور ونزلت للسرعة القانونية تاني واساسا اساسا لما كنت بزود عن 100 واقولها احنا هانوصل لـ 120 كانت ايس بتزلق في الكرسي :POINTI~2[2]: وتقولي هدي السرعة يارنا ، لأ وفوجئت بالهانم مكنتش رابطة الحزام لحد نص الطريق وانا مكنتش واخدة بالي اول ماخدت بالي قلتلها هاتربطي الحزام ولا انزلك هنا إفتكرتني خايفة من المخالفة قلتلها لأ معلش ياماما انا خايفة عليكي (اينعم لو كنت خدت مخالفة كنت هادفعهالك ) بس الله اعلم القدر مخبيلنا ايه مش عايزة ابقي شايلة ذنبك البسي الحزام ومتلقعيهوش الا لما تنزلي .

انا لما وصلت البيت مبقتش مصدقة نفسي وبجد تجربة لا تنسي، ومنك لله يا ايس على الفضيحة اللي بجلاجل دي .
وبعدين شوماخرتين ايه دانا اللي كنت سايقة من اول الطريق لأخره رايح جاي يبقي فين الشوماخرة التانية بقي .
ماعلينا الحمد لله اننا وصلنا بيوتنا بالسلامة ودي كانت نهاية صداقة ايس ورنا ، ياريت مشوفكيش على اي حتة في الدائري بعد كدة يا ايس .

[icehearted girl]

ههههههههههههههههههههههههههههههههههههههههههههههههه

يخرب عقلك يارنا...مش قلتلك اقسم معاكي البنزين عملتي فيها شجيع السيما

اشربي بقي

انا داخلة بس اقلك ان علاقتنا انتهت... الدائري هو اللي وضع النهاية دي

وبعدين احمدي ربنا اني كنت راكنة فلمنيب بدل مكنت البسك مشواري لحد البيت ونتي عارفة بقي...

[R A N A]

مانا قلت بقي انك لسة طالبة ياحرام ولسة بتاخدي مصروفك فحرام ادفعك في البنزين
وبعدين عيب عليكي ياأيس يعني انا لسة دافعة 6 الاف جنيه تصليح العربية هاجي اتكلم على 30 او 40 جنيه حق نص التفويلة يالا مش خسارة فيكي حبة البنزين دول اهو ربنا عوضني خير وملحقتيش تركبينا لعبة الديسكفري .
كفاية قطر الموت واللي حصل فيه
وبعدين بيت ايه اللي كنت عايزاني اوصلك لحد عنده انتي لو كنتي طلبتي اوصلك القمر ياحبيبتي كنت وصلتك لهناك ورميتك من فوق إنتي تؤمري بس وانا عليا التنفيذ .
بس بجد بجد وبغض النظر عن النهاية السودة اللي كتبتها ايس بإيديها
انا مبسوطة اوي اني قضيت يوم ظريف معاها في دريم بارك وكان بقالي سنتين تقريبا مروحتهاش وكمان انها طلعت جدعة ونفذت وعدها وجت رغم ان كل صحابها اللي كانت متفقة معاهم باعوها ومجوش.
عموما الرحلة الجاية بعربيتك بقي يا أيس بس ربنا يسهل ونوصل في نفس اليوم بس منوصلش بعدها بإسبوعين مثلا

[icehearted girl]

لامتقلقيش هنوصل شوفي انتي عاوزة تروحي امتي...وحنا نطلع قبلها بيومين

[Ahmed Sharaf]

بجد مش قادر امسك نفسى من كتر الضحك على الموقف وطريقة آيس و رنا فى الكتابة والردود الظريفة جداً , وعلى فكرة انتو فكرتونى بموقف مشابه حصللى احكيلكم علية .. يلا اربطوا الاحزمة ...
كنت فى الساحل الشمالى وانا متعود انى وانا هناك آخد مراتى والاولاد وننزل اسكندرية بالليل نروح زنقة الستات وبعدين نلف شوية ونرجع تانى .. كنت الاوب آخد الطريف من الشاحل مرورا بالعجمى البيطاش والهانوفيل وطوااالى لغاية ما اوصل المنشية.
جيت قلتلهم المرة دى فية طريق مختصر واحد شرحهولى هانوصل بسرعة ( كريق الساحل - محور التعمير - شمال لغاية ما اوصل الفتحة على الكورنيس قبل مكتبة الاسكندرية )

اللى حصل الآتى
مشيت فى طريق الساحل لغاية مالقيت فتحة برج العرب مشيت فيها على طول وما اخدتش بالى ان فية يو تيرن وفضلت ماشى على طول لغايو ما وصلت ميدان دخات يمين فى طريق ضلمة وعديت شريط قطر لغاية ما لقيت نفسى عند منطقة البنوك فى وسط برج العرب وبعد سؤال وشرح من الناس ويمينات وشمالات لقيت نفسى على طريف الساحل الشمالى.
قلت لمراتى ما تقلقيش ها نوصل وهانلحق نروح الزنقة.
مشيت تانى ودخلت برج العرب وعملت يو ترن ومشيت فى محور التعمير وفجأة لقيت نفسى عند العجمى وبعد السوأل مرات ومرات طلعت على محور التعمير تانى وفضلت ماشى لغاااااية ما لقيت جنبى المطار وبعد كدة لفيت يافطة طريق اسكندرية مصر الزراعى.
وبعد العديد من الاسألة وشيت فى طريق لما وصلت لآخرة لقيت نفسى عند برج العرب.
وطيعا طول الطريق مراتى تقوللى ما كنا مشينا من الطريق اللى عارفة بدل الطريق المختصر دة
ورجعنا تانى على الساحل من غير ما نروح اسكندرية
عارفين اللفة دى اخدت وقت ومسافة اد اية
من الساعة 7 مساء الى الوااااحدة صباحا ( 300 كم )