مهازل تنظيم كأس العالم للشباب ... حسبى الله ونعم الوكيل

[Islam_galal]

يا جماعه مفيش حد عاقل يتواجد في أي مكان صحرا ان كان او بستان في وجود الريس
المهازل بتبقي أشنع من كده

موضوع الضرب بالحزام عادي جدا في المباريات الزحمة شوية
أما في وجود الريس مفيش ضرب ممكن اعتقال علي طول

في ناس اتحبست جوه الاستاد من الساعة 3 (الوقت الذي تم فيه غلق الاستاد) و حتي تقريبا 6 ، و لا عرفوا يدخلوا و لا عرفوا يروحوا عشان تأمين الريس

في ناس راحت من الساعة 9 الصبح

بصراحة أصحاب العقول في راحة و هما دول اللي ضمنوا مكان في الاستاد

تعليمات أمنية علي أثرها تم ملئ مدرجات في أماكن معينة بحرس جمهوري في ثياب مدنية علي حساب أصحاب التذاكر اللي قاعدين في الشارع

مفيش مفاجأة ، كل مكان فيه الريس بيحصل أفظع من كده

[Terrible_DaRsH]

مرة كان صاحبي بيجيب تذاكر مباراة الاهلى و المصرى و انا مستنيه على الناحية التانية , بعد لما اشترى التذاكر و جى يعدى راح عسكرى بعصاية راكب على حصان ضربه على دماغه و اتعور .

حد يقدر يقولى ذنبه ايه الغلبان ده ؟؟؟

اللى بيحب البلد دى بيضحك على نفسه و بيفهم نفسه ان كده الصح , اى بلد بيطغى عليها الفساد من كل ناحية لا تستحق الولاء و لا الانتماء .

[Ahmed Samy]

والله لو انا مكانك يا دكتوراحمد كنت هزأته ومسحت بيه الارض
يعني ايه في جامعتك ومعاك دعوات شخصيات هامة وفي الدعم الطبي ويقولك لا
هو اللى مكانه برة مش انت
معلش اعذرني حضرتك غلطان
لو بنوقفهم عند حدودهم مكانوش يتجاوزوا سلطاتهم
هو وجوده علشان ينفذ تعليمات منك انت واللى زيك مش هو اللى يديكم تعليمات ويمنعك كمان
على فكرة كلهم بيبقوا منفوخين لكن لو شطته بيعرف حدوده وبيلتزم بيها وليا تجارب معاهم قبل كدة
مرة واحد افندي منهم دخل المدرج بيوصي على طالبة بيقول انها قريبته طردته فورا من اللجنة بعد ما اتهزا راح يشتكيني للوكيل الوكيل اداهم له في جنابه وكمل عليه
صحيح لوى بوزه بس عرف حدوده كويس

أهزق مين

أنا لو طولت عن اللي قولته (وهو مش سامعني أساسا" كنت هاهين نفسي
في وجود كم من البلهاء الجهلة اللي ماسكين ايديهم في ايدين بعض و بيقولوا ممنوع ...ممنوع

طيب انت عبيط ...ممنوع

وقت الكلام ده كان في كمية عسكر غريبة و كان في تلاحم بالأيدي مع الناس بدون تفرقة بين اللي ليه حق و اللي مالوش

و الباشا اللواء واقف ولا في منطقة متنازع عليها دوليا و ممكن يعمل أي حاجة وده واضح من لهجته

انا اتعلمت "بمنتهى الأسف" ان في البلد دي ما تطولش مع رتبة في موقع الحدث لأنه ممكن يعمل أي حاجة مما لا يصلحها عقابه حتى

و الحقيقة استسلمت بهدووووووء و دمي محروق طبعا

لأني عارف اني في بلد لابسة كاكي

و انا بالبس أبيض

ربنا يخرجنا منها على خير

مرة كان صاحبي بيجيب تذاكر مباراة الاهلى و المصرى و انا مستنيه على الناحية التانية , بعد لما اشترى التذاكر و جى يعدى راح عسكرى بعصاية راكب على حصان ضربه على دماغه و اتعور .

حد يقدر يقولى ذنبه ايه الغلبان ده ؟؟؟

اللى بيحب البلد دى بيضحك على نفسه و بيفهم نفسه ان كده الصح , اى بلد بيطغى عليها الفساد من كل ناحية لا تستحق الولاء و لا الانتماء .

ولو اننا هانسمع كلام وحش احنا الاتنين

بس كلامك صحيح

أما عن ذنب صاحب حضرتك

انه تقريبا عنده دماغ ...و ده ما أثار غيرة العسكري

[MTAK]

الصفصاف يلين مع الريح و لا ينكسر
و لكن لما بتضرب بيه بيلسووووووووووووووووووووووع
---
المقدمه دى علشان ماحدش يقولى لما اؤيد ما فعله دكتور احمد ان كده تخاذل عن الحق و ......
بس للأسف
........................
"و ليسعك دارك"

[ahmed_esmail]

اولا انا بقولك انك وحشنى اوى من ساعه المقابله
ثانيا يا محمد بك الساعه 3 دا وقت متاخر علشان دا ميحصلش كان لازم تبقى من اول ما الباب يتفتح
انا جربت الكلام ده ف ماتشات كتير
لكن بجد المرادى تنظيم حدث العالمى كان المفروض يجيبوا عساكر مش مننا خالص يستوردوهم لان دول ...... وبيسيئوا لسمعتنا وكانهم من بلد تانيه
ثالثا متكرهش البلد مهما كانت
ويالا نشجع مصر
واتمنى اشوفك المقابله القادمه باذن الله تعالى ..

[Abo_Lina]

بس الناس اللي قاعدة في الاستاد كان باين عليهم الإنبساط و بيهتفوا و أخر انسجام...

أصل لو الأمن اتعامل مع الناس كده و الناس راضية و ما أبدوش اعتراض يبقى معلش مالهومش غير ضرب ال

[Ghamrawy]

تعبت و زهقت من كتر ما بشتم فى البلد
خلينا فيها كده زى ما هى لما نشوف مين نفسه اطول

[M.Osman]

على فكرة هي في الاخر ما ولدتش في امريكا

يا نهار ابيض..
بجد ؟
دا انا على كدا كنت حارق دمي عالفاضي.. و الله يسامح اللي طلع الإشاعة دي

[ams]

يعنى ما اروحش ماتش بكره ؟؟؟؟؟؟؟؟؟؟؟؟؟

[OlaOsman]

يعنى ما اروحش ماتش بكره ؟؟؟؟؟؟؟؟؟؟؟؟؟

هو الماتش الساعة كام؟

[أحمد كمال]

يا نهار ابيض..
بجد ؟
دا انا على كدا كنت حارق دمي عالفاضي.. و الله يسامح اللي طلع الإشاعة دي

مش إشاعة

كانت عايزة و في الاخر ما راحتش

[Haytham1212]

حبيبى

لاتبكى على حال مصر

فمصر ليس مصر

[Mustang69]

الواحد لازم يفكر الف مرة قبل ما ياخد عائلته و اطفاله للماتشات اللي زي كدة و خصوصا لو الريس رايح يحضرها دة كفاية التدافع بين الناس اللي يحسسك انك فعلا مش عايش مع بني ادمين دة غير طبعا رزالة الظباط و العساكر

[MoToRiZeR]

انا لي ذكري زبالة مع أمن الستاد .. كان زمااااااان و انا رايح ماتش الأهلي و روما (فاكرين؟!)

انا واقف بعييييييييييييييييييييييييد جوة الإستاد مستني صحابي .. و فجأة الأمن دور الضرب في الناس فا الناس طلعت تجري في الإتجاه اللي انا واقف فيه .. و لكثرتهم كان فيه منهم كتير أوي بيتدافع و يتشنكل و يقع عالأرض .. و انا كنت لابس تي شيرت من أبو سوستة لحد نصه كدة .. و اما وصلوا لحد عندي كل واحد كان بيقع قريب مني حب يلحق نفسه و قام قافش في حتة في التي شيرت بدل ما يتدهش تحت الرجلين .. و انا كل اللي سامعه كخخخخخخخخخخخ تششششششششششششششش دررررررر ... و إذ فجأة الناس بعدت و انا جريت معاهم من الأمن .. بس لما وصلنا لمكان أمن لقيت نفسي بالفانلة ! إذ أن التي شيرت بتاعي تفرق دمه بين القبائل .. اللي خدله كم و اللي خدله سوستة و اللي خد ياقة و كله ! و يومها إشتريت تي شيرت الأهلي من الإستاد روحت بيه .. لسة عندي التي شيرت ده و بلبسه كل ما أحب أحس إني بحب مصر .

[أحمد كمال]

يعني ايه الامن يدور الضرب في الناس؟؟؟؟

و ليه؟؟؟؟

و الناس تسكت ليه؟؟؟؟؟

ايه التـ ........ خلف ده؟