إعـــــــلان

**MoToRiZeR** · 27-09-2009, 07:00 AM

المشاركة الأصلية كتبت بواسطة أحمد كمال مشاهدة المشاركة

يعني ايه الامن يدور الضرب في الناس؟؟؟؟

و ليه؟؟؟؟

و الناس تسكت ليه؟؟؟؟؟

ايه التـ ........ خلف ده؟

دي من طقوس الستاد .. العساكر اللي راكبين حصنة دول .. بيقفلوا الباب في وش الناس و يقولوا محدش داخل خلاص جبرنا و إستكفينا .. الناس تثور و واحد يتقمص دور سبارتاكوس و يتسلق السور محاولاَ دخول الستاد .. واحد راكب حصان يروح و ينزل فيه ضرب بالعصاية اللي معاه .. الناس تروح تضرب اللي عالحصان .. باقي الأمن ييجي للتدخل .. و دب دب دب طاخ و ضحايا و جرحي و مدهوسين و حاجة زي الفل .

الحقيقة ده قل بس ده كان الواقع لحد فترة قريبة جداَ .. بعد ما قل الموضوع بقي مجرد القبض علي اللي بيتسلق السور و يضربوه علي إنفراد .. أو ياخدوا منه رشوة و يسيبوه يخش .. أو ينزلوه و يمشوه و لو حد حاول يدخل يقولوله توجه لأقرب حيط و إخبط دماغك فيه عشان مش هندخل حد .

**bmya** · 27-09-2009, 07:00 AM

المشاركة الأصلية كتبت بواسطة MoToRiZeR مشاهدة المشاركة

انا لي ذكري زبالة مع أمن الستاد .. كان زمااااااان و انا رايح ماتش الأهلي و روما (فاكرين؟!)

انا واقف بعييييييييييييييييييييييييد جوة الإستاد مستني صحابي .. و فجأة الأمن دور الضرب في الناس فا الناس طلعت تجري في الإتجاه اللي انا واقف فيه .. و لكثرتهم كان فيه منهم كتير أوي بيتدافع و يتشنكل و يقع عالأرض .. و انا كنت لابس تي شيرت من أبو سوستة لحد نصه كدة .. و اما وصلوا لحد عندي كل واحد كان بيقع قريب مني حب يلحق نفسه و قام قافش في حتة في التي شيرت بدل ما يتدهش تحت الرجلين .. و انا كل اللي سامعه كخخخخخخخخخخخ تششششششششششششششش دررررررر ... و إذ فجأة الناس بعدت و انا جريت معاهم من الأمن .. بس لما وصلنا لمكان أمن لقيت نفسي بالفانلة ! إذ أن التي شيرت بتاعي تفرق دمه بين القبائل .. اللي خدله كم و اللي خدله سوستة و اللي خد ياقة و كله ! و يومها إشتريت تي شيرت الأهلي من الإستاد روحت بيه .. لسة عندي التي شيرت ده و بلبسه كل ما أحب أحس إني بحب مصر .

محمود باشا فطستني من الصحك والله انت راجل سكرررر وعوضك علي الله في التيشيرت معلش اهي جت في التشيرت احسن ماكانوا يقعوا علي الارض ويشدو من تحت وتبقي مشكله

**أحمد كمال** · 27-09-2009, 07:08 AM

المشاركة الأصلية كتبت بواسطة bmya مشاهدة المشاركة

محمود باشا فطستني من الصحك والله انت راجل سكرررر وعوضك علي الله في التيشيرت معلش اهي جت في التشيرت احسن ماكانوا يقعوا علي الارض ويشدو من تحت وتبقي مشكله :e_braces[1]:

هههههههههههههههه

و يا بخت من روح من غير تي شيرت و لا روحش من غير حاجة تانية اهم ههههههههههههههههههههه

**bmya** · 27-09-2009, 07:17 AM

ههههههههههههههههه بلدنا هنعمل ايه بس ربنا يسترها

**ashraf229** · 27-09-2009, 10:42 AM

المشاركة الأصلية كتبت بواسطة cairo2005 مشاهدة المشاركة

والله لو انا مكانك يا دكتوراحمد كنت هزأته ومسحت بيه الارض
يعني ايه في جامعتك ومعاك دعوات شخصيات هامة وفي الدعم الطبي ويقولك لا
هو اللى مكانه برة مش انت
معلش اعذرني حضرتك غلطان
لو بنوقفهم عند حدودهم مكانوش يتجاوزوا سلطاتهم
هو وجوده علشان ينفذ تعليمات منك انت واللى زيك مش هو اللى يديكم تعليمات ويمنعك كمان
على فكرة كلهم بيبقوا منفوخين لكن لو شطته بيعرف حدوده وبيلتزم بيها وليا تجارب معاهم قبل كدة

يا سلام......بيقولك لواء شرطة و الأمن في كل حته يشوط فيه ازاي و يمسح بيه أرض ايه!!!!!!!

و النبي الناس لما تقول كلام يبئى عالأقل معقول شوية!!!!!!

نوقفهم عند حدهم أزاي بئى سعادتك؟؟بلاش الكلام اللي مليان حماس و فنجرة بق ده اللي جايبنا ورا...
[overline]

(مع كل احترامي و تقديري لك و لكل أعضاء المنتدى و الخلاف في الرأي لا يفسد للود قضية)
[/overline]

**M.Mosaad** · 27-09-2009, 11:07 AM

طالما الراجل الكبير رايح اي مكان لازم نكون بعيد عن المكان مسافه لا تقل عن 100 كيلو علشان نحمي نفسنا من التهزيق و الضرب
نسبة كبيرة من الشعب المصري و خصوصا رجال ( الامن ) عندهم مرض السلطة و عقدتها مابيصدق يتحط في ايدة سلطة اي سلطة حتي لو قائد علي عسكري واحد يقعد يشتم و يضرب و يعيش حياته بيبقي مبسوط اوي زي الطفل الصغير لما تديله مصاصه
الاشكال دي التعامل معاها بيبقي ياما واسطة هيبقي زي الجزمه او هين قرشك و متهنشي نفسك
انا ليه واحد صديق ظابط بس ( محترم ) بحب اوي اخرج معاه علشان لما بتحصل مشكله بحب اشوف الانطباع علي وش الشخص اللي قدامنا لما بيتقلب من التكشيرة و يبقي يا بيه و يا باشا بيبقي شكلهم مسخرةةةةةةةةة -- لا و لما يقوله هات الرخص و يعرف انه ظابط الراجل بيبقي هيطب ساكت و يقعد يعتذر و يشرح و الله ببقي حزين اوي علي حال المصريين
بس نصيحه بعد كدة روح ماتشات كاس العالم اللي مفيهاش مصر هتنبسط اوي و تدحل براحتك و تقضي يوم حلو
انا برضة اتبهدلت كتير ايام كاس 97 كانت لسة حماسه الشباب واخداني و حب الوطن روحت ماتشين و توبت اتضربنا برة و جوة بقي في المدرجات تلاقي حشرات بتترمي عليك من فوق و بيبسي و اخر بهدله اصل كانت التذكرة موحدة ب 1 جنيه و قعدنا درجه تالته
روحت ماتش النهائي بتاع البرازيل و غانا و الله عيشةةة ماتش تحفه و قعدت درجه تانيه و فرجة ايه زي الفل

**dr-mohamed** · 27-09-2009, 05:10 PM

المشاركة الأصلية كتبت بواسطة motorizer مشاهدة المشاركة

بس لما وصلنا لمكان أمن لقيت نفسي بالفانلة ! إذ أن التي شيرت بتاعي تفرق دمه بين القبائل .. .

بس يا باشا الحل معروف لنأخذ من كل رجل قبيلة
ييييييييييييييييييييييه دول عساكر امن مركزي
خلاص
لنأخذ من كل عسكري كتيبة
رهن لغاية ما يجيبوا تمن التي شيرت

المشاركة الأصلية كتبت بواسطة أحمد كمال مشاهدة المشاركة

هههههههههههههههه

و يا بخت من روح من غير تي شيرت و لا روحش من غير حاجة تانية اهم ههههههههههههههههههههه

احمد بيه كدة خطر لو الواحد روح من غير حاجة تانية غير التي شيرت
ده التي شيرت والمدام هاتشك امال لو من غير الحاجة التانية هاتعمل في الواحد ايه

المشاركة الأصلية كتبت بواسطة ashraf229 مشاهدة المشاركة

يا سلام......بيقولك لواء شرطة و الأمن في كل حته يشوط فيه ازاي و يمسح بيه أرض ايه!!!!!!!

و النبي الناس لما تقول كلام يبئى عالأقل معقول شوية!!!!!!

نوقفهم عند حدهم أزاي بئى سعادتك؟؟بلاش الكلام اللي مليان حماس و فنجرة بق ده اللي جايبنا ورا...
[overline]

(مع كل احترامي و تقديري لك و لكل أعضاء المنتدى و الخلاف في الرأي لا يفسد للود قضية)
[/overline]

يا اشرف يا حبيبي وازعل منك ليه احنا اخوات هنا في المنتدي الجميل ده الرائع بكل اعضائه
بس فيه حاجة
اخونا دكتور في الجامعة وضمن العلاج الطبي ومعلق البادج وجوة الجامعة اما اللواء فمسئول عن التنظيم مش اكتر يعني الوضع الطبيعي ان اللواء هو اللى ياخد تعليماته من الدكتور واللى زيه
وعلى فكرة كلامي لا هو حماس ولا فنجرة بق وانما خلصة مواقف سابقة معاهم
دول ما انت في ملعبك تعمل اللى انت عايزه خرجت برة ملعبك تسكت وهما كانوا في ملعبه بس ادي كل الحكاية
وهقول لحضرتك موقف حصل معايا من كام سنة علشان تعرف ان كلامي صح
كنا في الامتحانات ولسوء حظي رموني في لجنة المعتقلين والدكتور عارفها كويس
المهم رحت اللجنة وانتظرت نص ساعة بعد ميعاد الامتحان ولسة محدش جه كلمت العميد قالى استني شوية علشان خاطر الولاد مش هانبقي احنا والزمن عليهم
انتظرت كمان ربع ساعة جت 3 عربيات امن مركزي محملني عساكر ونزل معاهم حوالى 14 او 15 واحد لابسين ابيض هما دول الطلبة دخلوا اللجنة وفوجئت ان المدرج اللى كنا فيه كله بقة امن مركزي وماسكين الي وشوية ظباط قاعدين ورا بسلاحهم طبعا ومنهم اللى لابس ميري واللى لابس مدني ودول طبعا حبايبنا اياهم
رفضت توزيع ورق الاسئلة والاجابة ولما جه الكبير بتاعم وكان بردو لواء بيقولي وزع الورق قلت له مش موزع ابدا الامتحان مش هبدا دي قاعة امتحانات مش عنبر سجن كل العساكر يطلعوا برة والظباط محدش يقعد بسلاحه
طبعا الموقف اتصعد وانا رفضت واصريت وفي النهاية كلامي اتنفذ وكل العساكر خرجت والظباط قعدوا في اخرالمدرج من غير سلاحهم ما عدا حبايبنا اياهم رفضوا وعلشان مبقاش بتلكك علشان اعمل ازمة عملت نفسي مش واخد بالي
علشان كدة قلت للدكتور مكانش سكت وكان اتصل برئيس الجامعة او بالعميد او المسئول عن تنظيم الاسبوع ماهي مش ناقصاهم كل واحد له عمله يلتزم بيه
يعني مش فنجرة بق ول حماس يا اخ اشرف

**dr-mohamed** · 27-09-2009, 05:13 PM

على فكرة المواقع اللى على النت فضحاهم واخدت حق الكل منهم هنا موقع اخبار الاهلى وبالصور جايب كل حاجة فضيحة بمعني الكلمة
موقع اخبار النادى الاهلى والمنتخبات والرياضة فى مصر

ومراسل موقع جول النسخة العربي عاملهم هنا فضيحة اشد
ظٹظˆظ…ظٹط§طھ "ط¬ظˆظ„.ظƒظˆظ…" ظپظٹ ظ…طµط± 2009 (1) ط¨ط±ط¬ ط§ظ„ط¹ط±ط¨ - Goal.com

يعني مش لوحدك يا باشا

**dr-mohamed** · 27-09-2009, 05:18 PM

اغيظك اكتر
المراسل بتاع جول بيقول ان كان فيه حوالي 35 الف من اليش والشرطة في المدرجات
والظريف ان مجموعة منهم كانت لابسة ترنجات بعمل ترينداد وتوباجو بتشجعها بالامر
هههههههههههههههههههههههههههههههههههههههههههههههههه
طب والله لو عملنا استفتاء هنا مش اقل من 90% وانا منهم ما هنعرف فين بالظبط ترنداد مش مشجعين ليها كمان

**bmya** · 27-09-2009, 06:09 PM

هي فين ترينجات وتوباكو دي اصلا ؟؟

Comment

Comment

Comment

Comment

Comment

إعـــــــلان

.

مهازل تنظيم كأس العالم للشباب ... حسبى الله ونعم الوكيل

Comment

Comment

Comment

Comment

Comment

Comment

Comment

Comment

Comment

Comment