تعالوا نحكي أظرف مواقف حصلتلك مع العربيات

[Ahmed Anwer]

زي المذيعين كده لما بيسألوا ضيوفهم عايزين نحكي لبعض أظرف مواقف حصلتلكم مع العربيات

هابتدي أنا

كان عندي عربية 128 و ما ردتش تدور ،، المهم رحت جبت ميكانيكي عشان العربية كانت في اخر الدنيا قعد ساعة يعمل كل المحاولات ، و مش عارفين فيه أيه .

لحد ما اكتشفت إن في زرار فصل الكهربا اللي الناس بتعمله تحت الدواسة كان مقفول ،، بصراحة اكسفت اقول للميكانيكي كده ، قمت مشغله من غير ما ياخد باله ،، العربية دارت
الراجل هيص و قعد يقوللي أصل مش عارف كان فيه أيه و انا عملت أيه و انا مش عارف امسك نفسي من الضحك و اديته أجرته إحراجا منه ،،،

مرة تانية مع عربية 127 ،، كانت أول مرة اركبها ،، العجلة نامت ،، طلعت الكريك البكرة ،، اجيي أحطه في المشأبيه بتاعته تحت العربية و أرفع الاقي الجزء العلوي من الكريك عمال يحك في باب العربية و الدراع مش راضي يخش للاخر ،، قعدت نص ساعة أجرب لحد ما زهقت و قلت ايه المتخلفين اللي عاملين العربية دي Red_Colorz_PDT_10 Red_Colorz_PDT_10

لحد ما لفت نظر فكهاني كانت العربية واقفة جنبه ،، و شرحتله المشكلة ،، بصللي كأني كائن فضائي ،، و قاللي يا بيه افتح الباب و بعدين حط الكريك

Red_Colorz_PDT_04 Red_Colorz_PDT_03

كنت في نص هدومي لما اكتشفت إن الموضوع بسيط أوي كده

بإنتظار مشاركتكم

[abo3bdolrahman]

أنا بقى حصلى موقف طريف مع عربيتى الأولى الفرنا مع إنى كنت مفقوع ساعتها بس كل ما افتكر أضحك:
كانت أجازتى خلصت و مسافر بأسرتى من القاهرة لبورسعيد الصبح يعنى أوصلهم و أروح الشغل علشان كسلت أسافر اليوم اللى قبلها بالليل.
المهم نزلنا بعد الفجر و جيت أتحرك بالعربية لقيت فردة كاوتش نايمة و لقيت خشبة فيها مسمارين كبار غرزة فى الكاوتش.
خلعت الخشبة و غيرت الكاوتش و ما خدتش بالى إنى سبت الخشبة فى مكانها تحت العربية و أول ما اتحركت بالفردة الجيدة تش :shock:
بس و فى اليوم ده ما سافرناش و خدت اليوم عارضة بس لغاية دلوقتى مش عارف أنا إزاى سيبت الخشبة بالشكل ده تحت العربية.
حاجة غريبة

و فى موقف تانى بس يا ريت كلنا ناخد بالنا من الموضوع ده.
كنت خرجت و معايا إبنى عبدالرحمن ( 4 سنوات ) و من كتر اللف معيا تعب و نام على الكنبة الخلفية المهم نزلت أشترى حاجة و قفلت العربية و نسيت إنه معايا و قعدت ألف يجى ساعة و بعدين موبايلى رن لقيت أم عبدالرحمن بتكلمنى و فى وسط الكلام سألتى هوا عامل معايا إيه فافتكرت إن كان معايا بس مش ماسك إيدى زى ما بنمشى أنا و هوا دايما و قعدت ألف و أدور عليه فى المول و أنا فاكر إنى سيبته فى أى محل لحد ما رجعت العربية لقيته لسه نايم على الكنبة حمدت ربنا إنه ما اتخنقش جوه العربية و هى مقفلة بس لما لقيته قعدت اضحك لأنى كنت فاكر إنه كان ماشى معايا ونسيته فى محل من المحلات. :D

[sokasoon]

:D :D :D :D :D :D :D :D

[sokasoon]

:D :D :D :D :D :D :D :D

[hazem_khidr]

نحكي يا احمد باشا ما نحكليش ليه .
لعلمك انا كنت عامل موضوع زي دا و بيقول ايه اصعب موقف قابلته و انت سايق بس من زمان و عموما هنا نحاول نشوف مواقف ظريفه.
موقف مشابه للي حصل معاك بتاع الزرار دا و كنت نازل من فرح و ناسي خالص الزرار و قعدت ادور العربيهما دراتش و كنت ب 132 و الناس تزق فيا و يزوقو لحد ما اتقطع نفسهم في الاخر افتكرت روحت نازل من العربيه و قولتلهمخلاص حركنها هنا زوقو معايا بس احضنها :-) و بعدين بعد ما الناس مشيت روحت فاتح الزرار و شغلتها و مشيت :mrgreen: .


من احلي المواقف بقي
كنت في الامارات و مأجر عربيه هوندا المهم لما اخدتها لقيت لمبه البنزين منوره و مش عاوزه تطفي خالص فروحت حطيط بنزين و سافرت و لفيت و نورت تاني المهم يعني عرفت استهلاك العربيه عامل ازاي و ما ردتش احط بنزين كتير و قعدت احسبها علشان اوصل العربيه للمكتب مافيهاش بنزين برضه و تاني يوم روحت اسلمها الصبح و كل ما بقف في اشاره ببطلها علشان البنزين ما يخلص و هوب.............. قبل مكتب الايجار ب 200 متر و الله او اقل العربيه بطلت!!!!!!!!
اتاري البنزين خلص :mrgreen: روحت نزلت و اخدت جركن من مكتب كنت واقف قصاده بالصدفه و روحت جبت جالون بنزين و دورتها و وديتها المكتب و انا بموت من الضحك
.................................................. .......
مره تانيه كنت مستلم عربيتي من الشركه هناك وكانت نيسان صاني و معايا واحد صاحبي و كان ليه واحد قريبه جاي زياره عندنا من مدينه جنبنا و الوقت اتاخر بالليل و قولنا نروح نوصله و هو قاعد ورا علي اليمين و صاحبي جنبي و ماشي عمال اجري 150....160.....170 و الاخ اللي ورا عمال يقول براحه يا حازم براحه يا حازم و انا اقوله ما تقلقش و فجأه
الفرده اللي ورا يمين ضربت طاااااااااااااااااااخ
و اللي ورا دا قاعد يلطم و يقولي قولتلك براحه و انت برضه مش بتهدي لاء و لما الفرده تضرب تبقي اللي انا قاعد فوقيها مكنتش ضربت اللي انت قااعد فوقيها ليه!!!!!!! :D قولتله احمد ربنا لان لو اللي قدام هيا اللي ضربت كان زمنا في الصحرا دلوقتي.

[yahyanaabil]

مره نزلت مع اصحابى فى عربيه 127 وكان صاحبى ده اول مره ياخدها(رسمى) كان على طول ياخدها من ورا ابوه المهم قالنا لازم افسحكم شويه وامشيكو على البحر وبعد ما طلعنا على طريق البحر هووووووووب عجله نامت قولنا مش مشكله غيرنا الفرده لاقينا العربيه بترج جامد وهيه ماشيه اتاريه اخد مطب جامد بالعربيه والجنط اتعوج برضه مش مشكله شويه وكابل الدبرياج فصل والعربيه بقت مش بتنقل صاحبى قالى مادام نوينا نتفسح يبقى حنتفسح فضل ماشى على التانى وفجأه العربيه بطلع دخان وبطلت منه المهم يجى يدور(طبعا العربيه كانت بتنط عشان حوار الكابل) مش راضيه تدور المهم قعدنا بتاع ساعه نزق فيها والكلام ده كان فى الصيف والدنيا وللللللللعه وقلعنا القمصان وكان عندنا استعداد نقلع كل هدومنا
واحنا قاعدين نزق شافنا ميكانيكى صعبنا عليه قالنا ايه المشكله فقولناله قام جاب قزازه ميه ورشها على رداخ البنزين قامت العربيه دارت وكل واحد روح على بيته كانه فى حاله حرب وحرمنا بعد كده نزل فى العربه ديه وكانت نزوله مهببه

[ابوحميد]

abo3bdolrahman كتب

أنا بقى حصلى موقف طريف مع عربيتى الأولى الفرنا مع إنى كنت مفقوع ساعتها بس كل ما افتكر أضحك:
كانت أجازتى خلصت و مسافر بأسرتى من القاهرة لبورسعيد الصبح يعنى أوصلهم و أروح الشغل علشان كسلت أسافر اليوم اللى قبلها بالليل.
المهم نزلنا بعد الفجر و جيت أتحرك بالعربية لقيت فردة كاوتش نايمة و لقيت خشبة فيها مسمارين كبار غرزة فى الكاوتش.
خلعت الخشبة و غيرت الكاوتش و ما خدتش بالى إنى سبت الخشبة فى مكانها تحت العربية و أول ما اتحركت بالفردة الجيدة تش
بس و فى اليوم ده ما سافرناش و خدت اليوم عارضة بس لغاية دلوقتى مش عارف أنا إزاى سيبت الخشبة بالشكل ده تحت العربية.
حاجة غريبة

:D :D :D :D :D :D :D :D :D :D :D :D :D :D :D :D :D :D :D :D :D

[ahmed_gamal]

Red_Colorz_PDT_04 Red_Colorz_PDT_04 Red_Colorz_PDT_04

[Dr Ahmed]

الموقف اللى فاكره دلوقت لما كنت لسه جديد قوى فى السواقة والعربية وقفت منى على شريط القطر ومش راضية تطلع..
وعمال أدّور و آجى أطلع تقف كذا مرة .. ولما اللى ورايا واللى قدامى زهقوا منى واحد جه بص لقانى بطلع وأنا على التالت وأنا كنت فاكر ان ده الأول!!
الحمد لله ان دا مكنش ميعاد القطر الفرنساوى كان زمان القطر إتقطّع

[hazem_khidr]

الحمد لله ان دا مكنش ميعاد القطر الفرنساوى كان زمان القطر إتقطّع

:mrgreen: :mrgreen: :mrgreen: :mrgreen: :mrgreen:

[tamohsen]

اجيي أحطه في المشأبيه بتاعته تحت العربية و أرفع الاقي الجزء العلوي من الكريك عمال يحك في باب العربية و الدراع مش راضي يخش للاخر ،،

حصلت معايا برده وكحت الباب :D

[MMamdouh]

انا مرة بغير زيت فى البيتلز و بعد ما حطيت الزيت الجديد لقيت الطبة جنب غطاء الجركن

MMamdouh

[modux]

انا مرة بغير زيت فى البيتلز و بعد ما حطيت الزيت الجديد لقيت الطبة جنب غطاء الجركن

MMamdouh

:D :D :D :D :D :D :D :D

جامدة اويييييييييييييييييييييي :shock: :shock: :shock: :shock:

[hazem_khidr]

اجيي أحطه في المشأبيه بتاعته تحت العربية و أرفع الاقي الجزء العلوي من الكريك عمال يحك في باب العربية و الدراع مش راضي يخش للاخر ،،



حصلت معايا برده وكحت الباب

كوريك الفيات لازم لما يتركب يتركب بميل مش بزاويه قايمه علشان لما ترفع يبقي مستقيم

[zozza]

كان معايا هيونداي اكسيل و كنت رايح اجيب خطيبتي من 6 اكتوبر عشان نفطر بره (كنا في رمضان)
و كالعاده كنت رايحلها متاخر جدا لدرجه اني قابلتها عند بيتها قبل الفطار ب ربع ساعه و احنا كنا معزومين عند ناس في مصر الجديده.

طبعا انو متخيلين انا كنت بعمل ايه عالمحور بعد ماجبت خطيبتي و متجهيم علي مصر الجديده و فجأه في وسط الجري و القرص علي العربيه لاغلبانه خرطوم مياه قطع رحت نزلت لضمته كده اي كلام و مستنتش و كملت جري.
العربيه طبعا بدأت تسخن و انا قلت اقرص كمان شويه الحق اوصل ميدان لبنان حتي و سيبها و ركب تاكسي و كانت النتيجه ان الموتور قفش في نص المحور و فطرت انا و هي علي ازازه مياه كانت بقالها شهر في العربيه (بعد ماكانت هتفطر فطوره ملوكي عند الناس).

قطرت العربيه لميدان لبنان و سيبتها و روحت الفطار بتاكسي لكن طبعا انا وصلت علي صلاة العشاء و الحمدلله.

لازم اذكر ان الكلام ده كان من 6 سنين و ساعتها كان المحور هوّ ماكنتش لاقي حد يقطرني انما تخيل دلوقتي لو عطلت بيك علي المحر اليومين دول سشاعة فطار في رمضان ... كده كده هتلاقي امة لا لاه الا الله اصلا واقفه بتفطر معاك :D