تعالوا نحكي أظرف مواقف حصلتلك مع العربيات

[zozza]

كده كده هتلاقي امة لا لاه الا الله اصلا

لا اله الا الله

ربنا لا تؤاخذنا ان نسينا او اخطأنا

[MoToRiZeR]

كنت لسة بتعلم السواقة و العربية وقفت مني فوق مطب في شارع كله ميكروباصات

في خلال ثانيتين بالزبط كان الشارع كله شايف ان انا سبب مشاكل الكرة الارضية كلها :|

[MoToRiZeR]

اه و افتكرت واحد تاني :mrgreen:

في مرة كنت بشتري حاجات من كارفور انا و واحد صاحبي و زانق علي عربية راجل تاني في الركتة .. فا فتحت الشنطة و بحط الحاجة فا الراجل جه بيقولي ارجع ورة شوية عشان اطلع .. فا رحت راكب و كسلت اقفل الشنطة و مش شايف في ايه ورا .. فا و انا برجع قمت شايل صاحبي و كان مش واخد باله عشان بيتكلم في الموبايل :neutral: بس محصلوش حاجة الحمد لله

[fahd_628]

:mrgreen: :mrgreen: :mrgreen: :mrgreen: :mrgreen: :mrgreen: :mrgreen: :mrgreen: :mrgreen:

[yahyanaabil]

انا مره شوفت سيده حبت تعمل ناصحه وتزود العربيه(اوبل فيكترا) مياه فعملت كارثه مكنتش لاقيه فتحه الردياتير(اصلا مفيش فتحه) قامت حطت المياه من فتحت الزيت فلاقيت حاجه عامله زى الطحينه بتطلع من الموتور والدنيا باظت خالص

[OsKaR]

كنت خرجت و معايا إبنى عبدالرحمن ( 4 سنوات ) و من كتر اللف معيا تعب و نام على الكنبة الخلفية المهم نزلت أشترى حاجة و قفلت العربية و نسيت إنه معايا و قعدت ألف يجى ساعة و بعدين موبايلى رن لقيت أم عبدالرحمن بتكلمنى و فى وسط الكلام سألتى هوا عامل معايا إيه فافتكرت إن كان معايا بس مش ماسك إيدى زى ما بنمشى أنا و هوا دايما و قعدت ألف و أدور عليه فى المول و أنا فاكر إنى سيبته فى أى محل لحد ما رجعت العربية لقيته لسه نايم على الكنبة حمدت ربنا إنه ما اتخنقش جوه العربية و هى مقفلة بس لما لقيته قعدت اضحك لأنى كنت فاكر إنه كان ماشى معايا ونسيته فى محل من المحلات.

صباح الدماغ :D :D

كان عندي عربية 128 و ما ردتش تدور ،، المهم رحت جبت ميكانيكي عشان العربية كانت في اخر الدنيا قعد ساعة يعمل كل المحاولات ، و مش عارفين فيه أيه .

لحد ما اكتشفت إن في زرار فصل الكهربا اللي الناس بتعمله تحت الدواسة كان مقفول ،، بصراحة اكسفت اقول للميكانيكي كده ، قمت مشغله من غير ما ياخد باله ،، العربية دارت
الراجل هيص و قعد يقوللي أصل مش عارف كان فيه أيه و انا عملت أيه و انا مش عارف امسك نفسي من الضحك و اديته أجرته إحراجا منه ،،،

غلطان انك اديته فلوس لأنه حرامي و كداب

[Ahmed Anwer]

غلطان انك اديته فلوس لأنه حرامي و كداب

مأنا كمان مسطول ،، اه حق عطلته :mrgreen: :mrgreen:

[oshy]

أحلى موقف حصل من حوالى سنه بعربيتى القديمه فيات 132 المهم كنت ماشى فى أمانة الله و معدى من فوق شريط القطار فى حته اسمها مزلقان المطار المهم كنت ماشى بالراحه عشان العفشه و الكلام ده متبوظش من المطبات الصغيره اللى بين القضبان و مره واحده العربيه وقفت أجى أشغلها مش عايزه و كان فى قطار جاى بالراحه أوى عشان هيقف فى المحطه دى أول ما الناس شافتنى واقف و القطار جاى لقيت أمة لا إله الا الله بتزق العربيه و الحمد لله عدت على خير و لولا الناس كان زمانى بتحاسب مع أبو لهب :-? :-? :-?