و مين قال ان مصر تقدر تجيب جونين في الجزائر و ميخشش فينا حاجة ؟؟؟؟؟؟

[mynameh]

بدون تشاءم و لا اي شيء

لكن بالعقل
هنقسم المسألة لجزأين
الأول هنعرف نجيب جونين ؟؟؟؟
الإجابة غالبا لا
السبب اولا معظم الاعبين مش في حالتهم و اهمهم المهاجمين
عمرو ذكي بيقاتل بس مبيجيبش اجوان دلوقتي
عماد متعب بيرجع من الأصابة
ميدو .....
زيدان بيتألق في انديتة في المنتخب بغزالة

تريكة مش فرمة و احمد حسن مجهود كويس
دا بالنسبة للهجوم نيجي للدفاع

هل مصر ممكن ميدخلش فيها جون ؟؟؟؟؟؟
الأجابة ممكن يخش اكثر من كدة و بكتير
دفاعنا مش شوارع لا ميادين و كمان لما بنلاعب فرق عشوائية
و الجزائر مش عشوائية
هاني سعيد بطيء لو اتضربنا تسلل = جون
وائل جمعة مش هيلعب ايقاف
اوكا ..... انتو شايفين و لو هيلعب بدالو عبد الفضيل فورمة قليلة
الشمال سيد معوض بغزالة
احمد فتحي و حش جدا الفترة دي مش عارف لية
محمد شوقي لو لعب ممكن يطرد و هنلم الكور من ورا جون الجزائر
حسني عبد ربة بردو بغزالة
الحضري بردو بغزالة



يا جماعة الموضوع مش سهل زي ما انتوا متخيليين الموضوع شبة مستحيل
و مازلت عند رأي فرصة و صولنا 0.0000 %

و ابقوا افتكروا اني قلت كدة

[josephedward]

أهم حاجة في كل كلامك دة:

ميدو .....

علشان ده رأيي من زمان و ماحدش مصدقني !!!

لو جبنا جونين وده مش أكيد... صعب جدا نحافظ على مرمانا نظيف !!!

[sarah5]

لازم تكون متفائل شويه وبعدين كل حاجة ممكنة احنا بنتمني نفوز ونجيب كمان اكتر من جونين وربنا يستر ان شاء الله وبعدين المنتخب مش وحش اوي كده ومشكلته الاصابات الكتيرة اوي ودي حاجة بتاعة ربنا وان شاء الله خير المهم ندعي من قلبنا ونشجعهم

[Nile_Storm]

يا اخي الفاضل
بشروا ولا تنفروا
و تفائل خير
و ان شاء الله هنوصل

[mido777]

مهما كان حالة اللاعبين الماتش ده له حسابات مختلفة واللعيبة ان شاء الله مش حتفوت فرصة زى دية

ان شاء الله حنصعد حتى لو بدعاء الجماهير زى ما حصل فى الماتش اللى فات

[mr_sameh]

بصراحة لو شوفنا مستوي الجزائر النهاردة ومستوانا امبارح هما افضل بكتير استحواذ عالي هجمات من كل مكان الخطوط متقاربة ومتماسكة وعندهم كابتن الفريق لا عب ممتاز بصراحة فرقة عملت الشوط الاول مع رواندا ممتاز وكمان متحسبش ليهم جول يعني المفروض كانو غالبين 4 مش 3 اما بالنسبة لينا كنا سيئين جدا زامبيا ماسكة الماتش بصراحة كانو بيلاعبو الحضري بس والجول جه من عند ربنا بالمقارنة الجزائر افضل بكتييييييير لا كن انا حاسس ان احنا محظوظين شوية وواثق ان الحظ هيلعب معانا وننتظر ونشوف الايام لاكن يارب نكسب الجزائر ونصعد

[M.Mosaad]

ومين قال انك متسجلشي في الجزائر هدفين
دفاع الجزائر النهاردة كان اي كلام برضة
الكورة ملهاش كبير ادينا بنعمل اللي علينا و بندعي ربنا
احنا بنقول ان نتيجه النهاردة هي افضل نتيجه الواحد كان مستنيها
يعني احسن ماكانت الجزائر تكسب خمسة او سته
كانوا هيجوا يتفسحوا في مصر
اهم حاجة ان الماتش بقي ليه اهميه لان لو مصر كانت اتعادلت كانت هتبقي مسخرة
ادينا بنحارب للنفس الاخير
و بصراحه اللعيبه بتعمل اللي عليها
ربنا يسهلها ان شاء الله

[Dr Zezo]

أولا لا أحب التشاؤم و حضرتك لا تقل ان كلامك نقاش بل هو تشاؤم بدليل قولك ان فرصتنا صفر ..

ثانيا فريقنا ده بحالات يعني متحسبش حاجة

اتفرج علي الماتش بلا توقع مسبق حتي لا تتفاجئ

ممكن نكسب و ممكن نخسر وهما و مزاجهم

و طبعا دا شغل ناس هواة وغير محترفيين بس هو ده نظام فريقنا و احنا و حظنا بقي

[medo_2060]

بص يا باشا دى الحال دلوقتى دا الى قدامنا مش هينفع نرجع بالزمن ننسحب يعنى؟ لا لازن نتفائل شويه

[Ghost2]

هو احنا ليه دايما بنفتكر للمنتخب الوحش بس .. ما الناس دي غلبت ايطاليا ..وعملو ماتش رائع مع البرازيل .. انا شايف ان الماتش مهم .. مصر والجزائر هيقدموا مباراة رائعة جدا . . وهيكون في استماتة من اجل الوصول للنهائيات .. اما عن اداء اللاعبين انا شايف انه هيكون كويس لان في حافز للفريقين بس احنا معانا عامل الجمهور وكويس ان ماتش الجزائر هيتلعب هنا .. وبعدين يا سيدي لو لا قدر الله هنخسر .. يبقى سيبنا نحلم الكام يوم اللي قبل الماتش :(

[الغزالى]

يعنى انت عايز تقنع الناس دى كلها ان المنتخب المصرى من دلوقتى لحد شهر من التخهيز والتدريب مش ها يكون جهز دة غير ان كل الاصابات ها تكون خفت ان شاء اله وعماد متعب هايكون جة و احتمال كيبر يلغى الدورى الشهردة عشان الاصابات بتاعة اللعيبة يا راجل حرلم عليك دة انت قاتلت عشان توصل للفرصة دلوقتى بئى كاس العالم فى ارجلين االلعبية هما ددلوقتى اى ها يطلعونا كاس العالم ياءما ها يطلعونا على العباسية

[mynameh]

طبعا يا جماعة اي حد نفسو مصر توصل كاس عالم

بس الغريب ان بعد ماتش الجزائر لقيت كل الناس فرحانة
و كأننا وصلنا كاس عالم بالرغم من ان فرصتنا بالحسابات
ضعيفة مقارنة بالجزائر

و كمان لسة شطة بيقول ان جونين مينفعوش مصر عشان توصل

و هسألكم سؤال الجونين الي جيبناهم في رواندا و زامبيا
بذمتكم دول اجوان بفكر و تكتيك و تدريب و لا جونين من عند ربنا ؟؟
من عند ربنا طبعا
جون رواندا دربكة خبطت في احمد حسن دخلت جون
و بتاع زامبيا تصويبة من حسني بفكرة و لو اتعادت 10 مرات متجيش

و دفاع ميدان الرماية و رمسيس و التحرير دة عمل اية و هو بيلاعب فرق هواة و من افريقيا

عيبنا ان احنا بنفائل قوي فبنتخبط بالواقع
زي ما حصل بعد القرعة هنغلب زامبيا و رواندا و الجزائر رايح جاي
و المتشائم يقولك ممكن نتعادل مع الجزائر هناك
و ادي النتيجة

دة يا جماعة مش تشائم دي الحقيقة و انا كمصري امنية حياتي اشوف مصر في كاس العالم
لكن الحقيقة دة مش هيحصل

[ashraf229]

لا أحد يجزم ايه اللي ربنا كاتبه يحصل

يمكن اللاعيبة تموت نفسها بجد من أجل صناعة تاريخ و من أجل الوصول لقمة المجد و اديها اعلانات فودافون و بيبسي و كله انشالله جبنة طعمة أو هيونداي ما يضرش و دي سبوبة تستاهل منهم يموتوا نفسهم لمدة ساعة و نص

غير كده المصريين اللي هيكونوا في الاستاد و كل البلد اللي مفيش واحد هيفوت الماتش و ده كله ضغط و حافز لللاعيبة انهم يبذلوا اكتر ما عندهم لأنه لو خسروا خلاص مفيش فرص تانية خصوصا مع أعمارهم الكبيرة دي و هتبدأ الأضواء تتشال من عليهم

و قبل كل شيء قدر الله و قدره هوه اللي هيكون

و الكرة غالب و غالبا مغلوب عادي يعني.........و لو حتى كسبنا و تأهلنا تفتكر ساعتها كيلو اللحمة أو السكر أو رغيف العيش هيرخص شوية؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

عندنا مشاكل أهم من اننا نتأهل لأننا لو اتأهلنا هنعمل ايه هناك يعني...........صفر

[M.Mosaad]

انا شايف ان فرصة مصر 25% و الجزائر 75% لان الجزائر داخله و معاها جونين
لو ربنا كرمنا يارب و وصلنا يبقي الحمد لله و الف شكر لربنا علي كدة
و لو موصلناش ادينا عملنا اللي علينا اتدلعنا في الاول بس شدينا حيلنا في الاخر و مخلناش الجزائر يجوا يتفسحوا لا جايين يلعبوا
بس يارب الجماهير متبوظشي الماتش نفسي نبقي زي اوروبا كدة لو لا قدر الله موصلناش نصقف للعيبه و نحيي الجزائر و نباركلهم و كمان اللعيبه محدش يتنرفز و يطرد ربنا يستر لانهم هيشتغلوا تضييع وقت من اول الماتش
و اعتقد ان حارس المرمي هيصاب في كل كورة تتشاط عليه
يعني نعمل حسابنا كدة علي 80 دقيقه تضييع وقت و 10 دقايق لعب نلحق نجيب فيهم اي حاجة

[M.Mosaad]

انا شايف ان فرصة مصر 25% و الجزائر 75% لان الجزائر داخله و معاها جونين
لو ربنا كرمنا يارب و وصلنا يبقي الحمد لله و الف شكر لربنا علي كدة
و لو موصلناش ادينا عملنا اللي علينا اتدلعنا في الاول بس شدينا حيلنا في الاخر و مخلناش الجزائر يجوا يتفسحوا لا جايين يلعبوا
بس يارب الجماهير متبوظشي الماتش نفسي نبقي زي اوروبا كدة لو لا قدر الله موصلناش نصقف للعيبه و نحيي الجزائر و نباركلهم و كمان اللعيبه محدش يتنرفز و يطرد ربنا يستر لانهم هيشتغلوا تضييع وقت من اول الماتش
و اعتقد ان حارس المرمي هيصاب في كل كورة تتشاط عليه
يعني نعمل حسابنا كدة علي 80 دقيقه تضييع وقت و 10 دقايق لعب نلحق نجيب فيهم اي حاجة