و مين قال ان مصر تقدر تجيب جونين في الجزائر و ميخشش فينا حاجة ؟؟؟؟؟؟

[mynameh]

حابب اوضح حاجة لما كسبنا الجزاير 5 2 الظروف كانت غير الظروف خالص
في الماتش دة كنا في اول التصفيات يعني كان في فرصة للتعويض بعد كدة فمكنش علي اللعيبة اي ضغط
في ماتش البرازيل و ايطاليا الكل كان متوقع نتغلب من البرازيل 6 و من ايطاليا 5 يعني الضغط كان معدوم تقريبا
و حتي في غانا 2008 مكنش في ضغط فلعبنا حلو و أدينا

اما في حالة وجود ضغط علي اللاعب المصري يؤدي اسواء ما عندة
و خصوصا لما يكونوا مطالبين بأصعب من الفوز فقط
و هو احراز فرق 3 اهداف بدون دخول اي هدف

[Ghost2]

نيابة عن الكابتن حسن شحاتة .. ابشركم ان شاء الله بصعود مصر الي كأس العالم بعد الفوز على الجزائر 4/1 بعد ان يحرز عمر زكي هدف الفوز في الدقيقة 86 ان شاء الله .. معلش هنحرق دمكو شوية لحد اخر الماتش بس باذن الله هنكسب وهتبقى مجموعتنا في كأس العام فيها البرازيل و المانيا والتشيك .. عشان نطلع بدري بدري .. مش ناقصة حرق دم :)

[mynameh]

و في ماتشين رواندا و زامبيا فوزنا بشق الأنفس زي مابيقولوا
واحد دربكة في ال18 خبطت دخلت
و التاني شوطة لو اتعادت 100 مرة متجيش

اللي عايز اقولوا ان الماتشين اللي فاتو كان ربنا موفقنا
اما ماتش الجزائر مش شرط
دا انت ممكن تلعب احسن لعب و مش هتقدر تعمل اللي عايزة
و دة اللي انا متوقعو


دة حتي اللهجة بتاعة الناس محسساني اننا هنخلص ماتش الجزائر و نسبق علي جنوب افريقيا نعمل معسكر

و مش عايز افكركوا بالثقة دي في مباراة
""""": الأهلي و النجم الساحلي :"""""

واخدين بالكوا

[Ghost2]

عايز اقول لحضرتك ان اللعيب المصري اداؤه ممتاز تحت الضغط .. والدليل انه مكانش مضغوط يوم ماتش امريكا في كأس العالم للقارات لاننا لو كنا خسرنا 2/0 كنا صعدنا برده .. وخسرنا من الامريكان .. ماتش ايطاليا كان فيه ضغط كبير.. لاننا لو كنا خسرنا كنا هنخرج ولعبنا وعملنا ماتش حلو وبتوفيق ربنا كسبنا

[mynameh]

دا العكس تماما هو الصح البرازيل مكنش في ضغط خالص و ايطايا كنا متأثرين بأداء ماتش البرازيل فمكنش تهمنا النتيجة اد مكان يهمنا الأداء المشرف اما في امريكا كان كل الضغط لانك مطالب بالفوز و بكذا جون
عشان كنا فاكرين ان ايطاليا هتكسب البرازيل
فخسرنا بثلاثية نظيفة مجبناش و لا جون

و كمان لو حضرتك فاكر ماتش الأهلي و النجم الساحلي لما دخل فينا جون الأول
شوف كمية الضغط الرهيبة اللي وقعت علي اللعيبة
و في النهاية خسرنا و 3 واحد

كل اللي عايز أقولو بلاش نعتبر ان الماتش نزهة هنلعب و نحط جونين تلاتة عشان نروح كاس العالم
لا بالعكس
الجزائر هيا اللي فرصتها احسن جيا و معاها جونين
و من المستحيل تسيب فرصة دهبية ماسية لؤلؤية عشان توصل كاس العالم و تسيبها

[Ghost2]

يا سيدي الفاضل .. خليك متفائل .. الحسابات تقول 3/0 تصعد مصر للكأس .... 2/0 تدخل مصر ضمن الحسابات ... اي يمكن العمل بنظام القرعه .. او اقامة مباراة فاصله في البانيا .. و نتيجة 2/0 مش صعبة .. وفي النهاية الفوز لمن اجتهد ويستحق الفوز .. وانا غير راضي عن اداء المنتخب في الفتره الاخيره .. لكن انا فعلا احساسي بيقولي اننا هنلعب في الكأس وهنقابل البرازيل تاني

[mynameh]

لو انت جاي من الجزائر و معاك جونين
و لو فرط فيهم مش هتروح كاس العالم
هتفرط فيهم بسهولة ؟؟؟؟؟

ثم نتيجة 3 صفر في كرة القدم نتيجة كبيرة
و لما فرقة بتكسب 3 صفر بنقول اكتسحتها بثلاثية

[Ghost2]

يبقى بيني وبينك الماتش ولما نكسب ليا عندك اكلة سمك بوري مشوي ...اتفقنا .......... ؟؟؟؟

[mynameh]

و انا موافق
و العكس صحيح

مع ان امنية حياتي ان الأكله تبقي عليا
لكن بالعقل هتبقي عليك
هههههه

[Ghost2]

لالا انا اوعدك انها هتبقى عليك يا صديقي بس ايه .. هتبقى اكلة سمك معتبرة .. لانها هتكون احتفالا بتأهل مصر للكأس الغالية

[ابو ندي]

لسه الاماني ممكنه

[mynameh]

لالا انا اوعدك انها هتبقى عليك يا صديقي بس ايه .. هتبقى اكلة سمك معتبرة .. لانها هتكون احتفالا بتأهل مصر للكأس الغالية

و الله نفسي بس هما يجيبوا 3 اجوان و ميخشش فيهم حاجة " مفتكرش "

[mynameh]

لسه الاماني ممكنه

بس لو بالأماني كان زماني دلوقتي حاصل علي جائزة نوبل في العلوم

[mostafabakry]

انا معاك في ان لاعيبة المنتخب مش في حالتهم
بالذات ابو تريكة و بركات
بس عاوز افكركم كمان بحاجة مهما
لو فاكرين بطولة افريقيا 2006 حد فينا كان يتخيل ام مصر تاخدها و تغلب الكاميرون و كوت ديفوار و الناس التقيلة دي ؟؟؟؟؟
طيب نيجي لبطولة افريقيا 2008 كان اكتر المتفائلين بيقول اننا ممكن نتغلب من غير فضايح و مع ذلك اخدنا البطولة وسط ذهول من كل المتابعين و قتها
و ماكناش مصدقين ان لاعيبة منتخب مصر هما نفسهم اللي احنا عارفينهم
نيجي كمان لكاس القارات حد فينا كان يتخيل اداء منتخب مصر امام البرازيل و ايطاليا و ازاي كنا ند شرس احرج البرازيل وازاي فلتو من منتخبنا و عملنا ايه في كارتوزو و اخوانه فاكرين و لا لحقتوا تنسوا يا شباب

و الأهم من دا كله
حد فينا كان مصدق خيالة بان مصر ممكن تكسب كل ماتشاتها بعد هزيمة الجزائر و اننا ممكن نوصل للمرحلة اللي احان فيها حاليا لو فزنا 3 نصعد بدون اي كلااااام تاني

يا جماعة ما فيش مستحيل
بس بشرط واحد الا و هو " الإخــــــــــــــلاص و التــــــفــــــأني "
الغاء اي مصالح شخصية و الإلتفاف سواء علي مستوي الأندية او المنتخب او الإعلام و......الخ

احنا قهرنا من هم اقوي و اعتي من الجزائر مع احترامنا ليهم كأشقاء و اخوة و لكن احنا غلبنا صامويتل ايتو و دروجبا و كارتوزو و احرجنا كاكا والعالم كله يشهد بكدا

الموضوع عزيمة و ثقة بالنفس

احنا اتغلبنا من الجزائر 3 اجوال في 7 دقائق وجيبنا جول في اخر دقيقتين لو لعبنا 7 دقايق تانية كان ممكن نتعادل
لكن قدر الله وما شاء فعل
و يمكن في خير ربنا مقدره لينا

انتوا بس قولوا يا رب و كله بإذنه

يا جماعة احنا 80 مليون بندعي و بنقول يا رب و ان شاء الله ربنا هيراضينا و هيفرحنا لأنه هو وحده عالم بحالنا و عارف ان الفرحة الوحيدة اللي بتعيشها الناس في مصر و تنسيها الغلب اللي هيا فيه من ظلم و فساد و نصب هي كرة القدم بس في البلد دي

يلا بأه كد يا شاب عاوزين حماس و ثقة
ودا لينك لأغنية انا بحب اسمعها و بستمتع و انا بسمعها
4shared.com - online file sharing and storage - download ط´ط§ط¯ظٹط© ظٹط§ ط.ط¨ظٹط¨طھظ‰ ظٹط§ ظ…طµط±.MP3

YouTube - ‫ظ„ظˆ ط³ط§ظ„طھظƒ ط§ظ†طھ ظ…طµط±ظ‰‬‎

YouTube - ‫ظٹط§ ط.ط¨ظٹط¨طھظ‰ ظٹط§ ظ…طµط±‬‎

بإذن الله بإذن الله هنشوف و نعيش اللحظة دي من تاني في استاد القاهرة


و ان شاء الله لو المنتخب صعد كأس العالم كلكم معزومين عندي في قنا علي عزومة من اللي يحبها قلبكم و انتوا عارفين الصعايدة لما بيفتروا بيعملوا ايه علي رأي محمد هنيدي هحكرتكوا ههههههههههههههههههههههههههههههههههههههههههههه
:10D5C8~1107:
عاوزين الدعاااااااااااااااااااااااااااااااء يا رجاله بالله عليكم

[mostafabakry]

يا جماعة احسن خيالكوا يسرح بيكم و لا حاجة و تفتكروا حاجة كدا و لا كدا لا قدر الله
العزومة فول و طعية و فلافلو بصل اخضر و جرجير احسن حد يفتكر حاجة من اياهم منكر يعني زي كباب و لا كفته ولاضاني مشوي لا الكلام اللي يودي في داهية دا
فول و طعمية و شوية شاي في الخمسينة و فضناها

ايووووووووه احسن حد يفتكر حاجة من دي ههههههههههههه