إعـــــــلان

**islamnabil** · 20-10-2009, 02:05 PM

السحابة السوداء
بقيت زائر مقرر علينا كل سنة في نفس الموعد

**elassar2010** · 20-10-2009, 02:07 PM

انا زهقت من الريحة دى
اهم حاجة ان وزارة البيئة مش عارفة اية سبب التلوث ولسة بدور على سبب الريحة دى علشان تعرف الحل

**M.Osman** · 20-10-2009, 02:11 PM

انا قبل ماتش المنصورة و الأهلي (اللي كان في المنصورة) بنص ساعة كنت طالع على طنطا

بصوا يا جماعة... الطريق كله كان عباره عن شبورة من الدخان
اكلم بتوع وزارة الشؤون البيئية (sorry يعني... شوية قراطيس!!) و الله العظيم بيقولي دا اقصى حاجة عندنا يا فندم ان احنا نستقبل الشكاوى.. و بعت قبل كدا شكوى من عالسايت بتاعهم و بالصور .. وحددت المكان و الزمان ... ولا الهوا!

الناس بتموت من الدخانة الهباب دي و وزارة البيئة مشغلة شوية قراطيس بياخدوا مرتبات و خلاص... دا بالإضافة الي حوادث مميتة بالليل بسبب انعدام الرؤية
بصراحة وزير البيئة دا معندوش ريحة الدم ... المفروض يستقيل لو عنده ذرة كرامة و دم!!
انا عندي صور كنت مصورها.. هبقى ارفعها عشان اوريكوا المنصورة كانت عاملة ازاي

و قالك الشيشة ممنوع!!

**ashraf229** · 20-10-2009, 02:11 PM

شفتوا ماتش الأهلي و المنصورة في استاد المنصورة؟؟؟!!!

الواحد طول الماتش عمال يقول: الكورة فين؟؟الكورة فييييينننن؟؟

الأستاد كله دخان و ريحة الشياط شوية و هتطلع من التلفزيون

حرام عليهم و الله ده الدين المعاملة و المسلم من سلم المسلمون من لسانه و يده ولا ضرر ولا ضرار هنقول ايه ولا ايه ربنا يهديهم

**pro_samir** · 20-10-2009, 02:17 PM

اللي يغيظ بجد ان القش دة أكيد ممكن يستعمل في تصنيع حاجات كتير أبسطها الخشب التعبان اللي بيعملو منة المكاتب ، ومع ذلك عندنا بيعمل أزمة وبنحرقة علشان يعمل أزمة تانية

زي السيول كدة اللي في ناس بتتمني ينزل عليها سيول علشان يجمعو المية واحنا عندنا السيول دي مصيبة

وربنا يكون في عون الناس اللي بيجيلها أزمات صحية بسبب أيام الضباب دي

**M.Osman** · 20-10-2009, 02:20 PM

انا شايف يا جماعة ان في حلين للموضوع دا:

1-نبطل ناكل رز
2-نستورد الرز من الصين ( وبالمرة هما اولى بالقش.. لأنهم بيعرفوا يستخدموه)

قالك زراعة قال!!

**elassar2010** · 20-10-2009, 02:47 PM

المشاركة الأصلية كتبت بواسطة successcre8or مشاهدة المشاركة

انا شايف يا جماعة ان في حلين للموضوع دا:

1-نبطل ناكل رز
2-نستورد الرز من الصين ( وبالمرة هما اولى بالقش.. لأنهم بيعرفوا يستخدموه)

قالك زراعة قال!!

انا موافق على الحل التانى ماحنا بنستورد كل حاجة من الصين هتيجى على الرز

**هيثم** · 20-10-2009, 03:15 PM

المشكله ان الحكومه لما بتحب تعمل حاجه بتعملها ........... يعنى مثلا احنا اتعمل عندنا مدفن نفايات كبيرجدا مساحته ما اظنش انها تقل عن 100 فدان و اتعمل جنبه معسكر تابع لجهاز مشروعات الخدمه الوطنيه مليان جرارات وعربيات نقل كبيره وكل مهمتهم انهم ينقلو عفش الرز من القرى و الاراضى الزراعيه المجاوره للمدفن الصحى ده
وهناك بيتم معالجه النفايات عشان تستخدم كسماد و الملاحظ السنه ديه ان اعداد العربيات النقل اللى بتنقل زاد جدا و بقه فيه كمان عربيات مدنيه بالاضافه لعربيات الجيش ومع ذلك البلاد المجاوره للمدفن بتعانى من الدخان اللى مالى الجو اظن ان زياده عدد المنشات اللى من النوع ده ممكن يقلل المشكله شويه ...................... وكان الله فى عون مرضى الامراض الصدريه

**Karim_Monir** · 20-10-2009, 03:15 PM

فعلا هو اليومين اللي احنا فيهم يومين عاصفة ترابية
لكن العاصفة متوقع تخلص الاربع او الخميس بالكتير
وهايشوفو ان الدخنة بقت مش طبيعية
انا على مشارف القاهرة
الدخنة غير طبيعية وبقيت قافل الشبابيك وعايش على التكييف رغم اني سقعان
ومع ذلك ريحة الشياط بقت في كل حاجة من حرق القش السنوي

**Abo_Lina** · 20-10-2009, 03:24 PM

الفلاحين خابو
بدل ما كان الفلاح بيستخدم قش الرز في الأفران الفلاحي عشان يعمل عيش مثلا.. دلوقتي بيروح يشتري العيش جاهز في أكياس و خلاص ماعدش فيه فلاحين بيخبزوا

**bmw323** · 20-10-2009, 03:29 PM

المشاركة الأصلية كتبت بواسطة nadernabil مشاهدة المشاركة

أعمل عمرة للرئة و القصبة الهوائية هناك
أو أتنازل و أجيب إستيراد أو صيني من هنا و خلاص !!!

هههههههههههههههههههههه جامدة ياباشا وألف سلامة عليك

بس أنا عندى تعقيب تانى فى الوقت دا أصلا بيبقى فى تدريبات للجيش أسمها النجم الساطع وسمعت عنها فى التلفزيون وناس كتير قالت أنها من أهم الأسباب فى الدخان دا

Comment

Comment

Comment

إعـــــــلان

.

القش الليلة .. الليلة .. يوم حررررررقة

القش الليلة .. الليلة .. يوم حررررررقة

Comment

Comment

Comment

Comment

Comment

Comment

Comment

Comment

Comment

Comment

Comment