التفسير المنطقى للمكالمة الشهيرة

[bmya]

عارفين اول ما شفت البنت دى فى المحور بعد المكالمة , افتكرت على طول البنت اللى كانت فى فيلم ( جائنا البيان التالى ) .

بنتك طالعة اعـــــــــــارة يا حاجة .

هههههههههههههههههههههههههههههههههههههههههه جامده منك يا درش
فعلا

[Ghost2]

شفت الحوار اللي دار في المحور ومش مصدق البنت دي .. حاسس انها بتكدب ..وتسجيل شوبير فعلا صحيح .. وايامة قربت اوي .. بس ربنا يستر .. خسارة عليك يا شوبير

[itsonlyme]

بص يا سيدي كلامك زي الفل ولخبطني، بس إيه الحل؟ ليه يحصل تداخل بين السياسة والمبادئ؟ السياسة لعبة فاسدة لا وجود فيها للأبيض ولا الأسود كله درجات رمادي، المبادئ يابيض ياسود.. المفروض من وجهة نظري إننا لا نفسد المبادئ للتشفي سياسياً من شوية المتسلقين دول .. الحل إيه؟! الحل الحضاري سحب الثقة من شوبير كعضو مجلس شعب من خلال أبناء دايرته، وإنه لما يعمل برنامج في فضائية مايلاقيش ألف "هايف" يبعتوله sms والقناة تستنفع من وراه فترفده ويشوفله شغلانة مفيدة ياكل منها عيش بس مش على قفانا. السؤال برضه هل في ظل ما نعيش فيه من انعدام شفافية والفساد والمحسوبية ينفع نعمل كدة؟ ماظنش :( يعني هانرجع لنفس الدايرة المفرغة .. يبقى ممكن نمشيها كدة: "طالما شخصية عامة في مصر مش مهم المبدأ المهم إنه مذنب" بس أنا مش مرتاح برضه المبادئ لا تجتزأ :_alshmokh08[1]:
ماينفعش شرعاً وقانوناً والمفروض "عرفاً" إننا ندين أي حد بسبب مثل هذه التسجيلات.

المبدأ واحد سواء شخصية عامة أو خاصة كله واحد وكل التجسس حرام إنما ..
المفروض -في الدول المتحضرة- هناك آليات لمراقبة الشخصيات العامة، يعني ماينفعش واحد مالوش أي خبرة إدارية ولا سياسية ينجح في انتخابات مجلس الشعب واتحاد الكورة يعينه نائب وبعد كدة يتم فرضه كإعلامي في الفضائيات بالعافية خلال سنتين تلاتة .. طيب النابغة اتعين وتمام واكتشفنا إنه ماجبتوش ولادة ولازم يستمر في منصبه .. يبقى فيه جهات رقايبة مسئولة عنه كمجلس القيم والنيابة الإدارية وهكذا ماتبقاش سداح مداح وكل واحد معاه موبايل يعمل نفسه حامي الفضيلة و "القيم" على مخاليق ربنا.

بالنسبة للمثل بتاع تاجر المخدرات، طالما الإجراء غير قانوني يبقى -أولاً- مالوش لازمة وثانياً تعدي على مبدأ قانوني وشرعي حكيم جداً.. أنا كنت باستنكر الأول من موضوع "إذن النيابة" اللي معظم تجار المخدرات بياخدوا براءة بسببه بس لو فكرت في الموضوع هاتلاقي إن المبدأ القانوني أهم ، مش عشان نقبض على تاجر مخدرات أضع خصوصيات 80 مليون مواطن تحت خطر التجسس .. بمعنى إن لو الموضوع زي مابتقول -طالما سجلتله يبقى هو مذنب- كل واحد يرمي ودنه أو كاميرته أو "الذبابة الإلكترونية" على باب جاره ويقولك "أصلي شاكك إنه بيتاجر في الممنوعات" وزي ماتيجي معاه بقى قدر يسجل له صورة ماشي شتيمة شغال لو فيلم يبقى "إشطة" ويطبع له السي دي التمام وشكراً سمعة بني آدم بقت في الوحل. هو ده اللي يعنيني في الموضوع خصوصيات الناس في زمن الكاميرات فيه قد راس الدبوس، ومن كام يوم زميلنا العزيز "كريم منير" كشف عن خبر اكتشاف كاميرا وايرلس في حمام سيدات في "مكان راقي" يعني كلنا معرضين لهذا الاختراق للأسف.
بالنسبة لسيدنا عمر انت بتتكلم عن أمير المؤمنين يعني أعلى سلطة تشريعية ورقابية، يعني حقه يسأل ويشوف أحوال الرعية يعني ده مثل برة الموضوع .. بس ياريت نرجع لفترات الخلافة الرشيدة اللي كلها عدل ومساواة.

أنا معاك في كل ما قلته عن احترام الخصوصية وضرورة عدم تشريع التجسس. النظم الشمولية تتجسس على مواطنيها بحجة الأمن العام فيفقد الجميع احساسهم بالأمان. وزير الداخلية المصري طلع علينا في التلفزيون وبكل صراحة (كلمة صراحة هي عوضاً عن كلمة أخرى بنفس الوزن راودتني نفسي باستخدمها) قال "أيوة بنراقب التليفونات. واللي يخايف مايتكلمش".

لكن ما لا أفهمه هو منطقك أنه ليس من حقي الحكم على المدعو شوبير لأن المكالمة سجلت بغير علمه. أنا لا تعنيني مساءلته قانونياً بدعوى السب والقذف، فالقضاء قد لا يعتد بالمكالمة المسجلة خلسة. أنا يعنيني الحكم على أخلاقيات هذا الرجل. الرجل يجب أن يسقط في عيون الناس وتنطفىء هالة النور المصطنعة حوله. محاكمته أخلاقيا - حتى ولو استناداً على مكالمة تجسس - يجب أن تتم، ويجب أن يكون الحكم الشعبي بالاعدام المعنوي.

[demos70]

البنت من أول المكالمه بتتدلع في التليفون و تقول كلام زي "موجوده تحت الخدمه هي هئ" و "قشطه" يعني بتتباسط مع رئيسها (بتتباسط تعبير مش دقيق لكن هو المسموح به في هذا المنتدى المحترم).
البنت أول من نطقت باسم مرتضي منصور و شبير قالها "يخربيتك".
شوبير كان بيطلب منها حاجتين بخصوص الشغل هي سمعت الأولى و راحت مدخله بدون أي مناسبه قلبت المكالمه جنسيه بنقلها خبر الشاليه و العشرة ألاف جنيه و البنت و الليله (لاحظوا كمان انها بتسجله المكالمه يعني كميـــــن) فطبيعي أن شوبير يسخن و يشتم خاصة أنها عامله المخلصه الوفيه و المتباسطه مع رئيسها. و كل ما يشتم بتديله ضحكه مشجعه جدا تخلي أي راجل يرقع الشتيمه الأوسخ و هي مستمره بالتشجيع بالضحك.
ببساطه لو كانت بدل البنت دي صحفي و بيكلم رئيسه أو مثله الأعلى و بيتقل له إتهام طبيعي أن الرئيس تاخده الجلاله و يشتم و يتنطط. و شتايم شوبير عاديه جدا بنسمعها في كل مكان و ليس فيها أي تلميحات جنسيه للبنت ولا شكله سخنان عليها ده حتى كان بياكل طول المكالمه و كلنا كرجال عارفين ان لو الواحد سخنان و هو بيكلم واحده هيبطل الأكل على طول لأن النشاطين غير متوافقين مع بعض.

لما شوبير بطل يشتم , البنت سخنته تاني على الشتيمه قالتله "مرتضى بيقول انك بطلت تشتمه بعد ما هددك بالسي دي" قام سخن و شتم تاني و هي ترقع بالضحك تاني.

البنت في كل مكالمه بتقول لشبير "يا بابا" أشك انها بتسجل مكالمات أبوها أو حد فعلا بتعتبره زي أبوها. يعني متسلقه و سنكوحه و كمان منافقه.
عقلي و قلبي (من خلقتها و أسلوبها) بيقولي انها قابضه مبلغ محترم و مبيته النيه و هي اللي سربت الشريط. و عامله فيلم زميلها اللي أخد منها الموبايل ده كتمويه و بتدافع عن زميلها مؤكده انه مسربش التسجيل عشان ميروحش هو في داهيه لأنها عارفه كويس انها هي اللي عامله كده. وحتى لو ثبت عكس ذلك يجب أن تعاقب للتسجيل بدون علم الطرف الأخر بدون إذن من النيابه أو ما شابه ذلك.
أعتقد ان القصه دي كلها حصلت لحماية شاب مكافح من ان يتقدم لهذه البنت و يقعد أبوها حاطت رجل على رجل و يطلب في مهر و شبكه و مؤخر و شقه و قايمه... و يتنك و يقول "دانتا بتاخد صحفيه قد الدنيا" "بنتي انا مربيها"...و بعد الجواز تتخانق معاه و تشتكي انه عاوز يقعدها في البيت و هيعطل الكارير بتاعها. و بعلاقاتها الجامده تجيب محامي تاخد الشقه و تبيعه ملابسه الداخليه.
شبير كان حقه يكبر اي شـــــاب خريج صحافه كفء على الأقل لو نشرت المكالمه كان الجميع قال عادي جدا مالشعب كله بيتكلم كده. لكن زيه زي الأغلبيه يفضل صوت طري يكسكسله و الشباب قاعد في البيت. و غلطتة الثانيه انه بينكر الشتايم مع انها لا تعيبه في المواقف دي الإعتراف بالحق و إن جاء متأخر مفيد جدا و ليتعظ من بيل كلنتون مع مونيكا و هو اللي عمله أصلا لا دخل للجنس به يعني مل أخر "nothing to be ashmed of"
و على فكره انا مليش في الكره خالص و مش فاهم اصلا ليه شوبير و مرتضى متخانقين ولا عاوز أعرف.

[demos70]

عفوا تصحيح بسيط "ashamed" مش ashmed

[bmya]

بصراحه يا استاذ demos70 كلامك سليم وانا مقتنع به البنت دي والله اعلم مش مسكينه وغلبانه ولا هبله

[lonedoctor]

معلش مع احترامى الكامل لوجهة نظر سعادتك واعتقادى بانه واحد من الاحتمالات القوية بلا ادنى شك لاحظ انه شوبير هو اللى اتصل بيها وليس العكس وبالتالى موضوع انها تكون مخططة للموضوع بهذه الدقة لمكالمة جاءت على غفلة صعب شوية تحقيقه مع الاعتراف بانه قد تكون الخطة مسبقة ومنتظرة التنفيذ
وتقبل تحياتى

[lonedoctor]

عودة مرة اخرى للموضوع -قام المستشار مرتضى منصور بالاتصال ببرنامج 48 ساعة فى مداخلة خطيرة فى وجود الغندور ومحمود معروف وذكر انه غدا الاحد سيفجر قنبلة فى سراى النيابة لانه سيذكر السبب الذى من اجله سافر شوبير للجزائر وبالطبع لم يكن محاولة التقريب بين الشعب المصرى والجزائرى كما اشيع ولكن لمقابلة سرية مع النساء بطلات السيديهات وذكر اسمائهن لمحاولة الوصول الى حل للمشكلة التى اوقع نفسه فيها والغريب ان المستشار مرتضى منصور ذكر حقائق عجيبة منها ان هؤلاء النساء سافرن من مطار دمشق الدولى للقاءه فى الجزائر وذكر انه يعرف رقم الرحلة وارقام جوازات السفر واشياء لا يعلمها الا الاجهزة السرية للاستخبارات مثلا والمهم ذكر ايضا ان هبة لم تملك الشجاعة ان تقول كل شئ عن الكابتن ومنها انه كان يغلق باب الغرفة عليهما ويقول لها اشياء لا يمكن ذكرها ابدا وان المذيع والمذيعة لبرنامج 48 ساعة جاملوا شوبير جدا عندما ضغطوا على البنت بأن لا تذكر هذه الوقائع الخطيرة واظن انه بعد هذا التصريح تاكدت وجهة نظرى تماما فيما ذهبت اليه فى هذه المشاركة
وتقبلوا تحياتى

[human]

مرتضي عامل شغل كبير أوي

و غالبا فيه مساعدات من ناس كبيره في الدوله عايزه تخلص علي شوبير

المثير فعلا لما تتفرج علي شوبير يتكلم عن الفضيله والأخلاق بحس ان الدمعه هتفر من عينيا

[KSA2011]

مرتضي عامل شغل كبير أوي

و غالبا فيه مساعدات من ناس كبيره في الدوله عايزه تخلص علي شوبير

المثير فعلا لما تتفرج علي شوبير يتكلم عن الفضيله والأخلاق بحس ان الدمعه هتفر من عينيا

كده

[the-hero]

موضوع هايل ألف شكر

[Terrible_DaRsH]

الله يخرب بيت دى عقول زى الزفت :( حاجة تقرف ( كلامى لم اختص به اى حد من المنتدى ) .

بقينا واقفين نسقف للبلطجية و عايزين نشمت فى اى حد ..

قناة المحور اثبتت بالفعل انها قناة فاشلة فاشلة فاشل و اعلام على الرصيف من الاخر .

هو علشان شوبير مرداش يعمل معاهم لقاء رايحين يجيبوا محمود معروف و الفاشل ابن الفاشل خالد الغندور و يتصلوا بابراهيم حسن و مرتضي علشان يغيظوا شوبير !

بالذمة ده اسمه اعلام و لا زفت حتى !! دى اسمها كوسة .

مرتضي مرة يقول شوبير بيتاجر فى المخدرات و مرة يقول بتاع فتيات ليل و مرة يقول ارهابي و عميل و ناقص يقول انه قلب قطر الصعيد و برده الناس مستنية مرتضي يفوز لانهم مش بيحبوا شكل شوبير و لا لون البدلة مش عاجبهم ولا زملكاوية من الاخر .

انا و الله ما بدافع عن شوبير و مش انا اللى هحل له مشاكله يعنى , بس من الاخر لو شوبير بتاع فتيات ليل فمن ستر مؤمن فوق الارض ستره الارض تحت الارض او فى الاخره عموما ..

و لو فى زملكاوى منحاز لمرتضي كان يروح ينتخبه احسن بدل ما هو فشل ..

قال معايا نصف اعضاء نادى الزمالك و لو عملتوا انتخابات هكسب هكسب هكسب , و الدولة عملت له انتخابات و فشل برده راح يشكك فى الانتخابات و قال انها مزورة !!

قل ادبه و اتسجن و جه قال انا مظلوم , شتم كل واحد فى الدولة من اولها لاخرها و برده عمال يقاوح و اللى يغيظ ان فى ناس واقفة فى صفه !!

رجل تاريخه اسود و معروف و للاسف ما زال مستمر ليه ! لاننا فى مصر .

و من الاخر , لو شوبير عمل كل ده انا اقسمت قبل كدا انى هكرهه و مش هتابعه تانى و لكن لو طلع مظلوم يبقي نقول على البلد يا رحمن يا رحيم من البلطجية و انصارهم .

[lonedoctor]

الله يخرب بيت دى عقول زى الزفت :( حاجة تقرف ( كلامى لم اختص به اى حد من المنتدى ) .

بقينا واقفين نسقف للبلطجية و عايزين نشمت فى اى حد ..

قناة المحور اثبتت بالفعل انها قناة فاشلة فاشلة فاشل و اعلام على الرصيف من الاخر .

هو علشان شوبير مرداش يعمل معاهم لقاء رايحين يجيبوا محمود معروف و الفاشل ابن الفاشل خالد الغندور و يتصلوا بابراهيم حسن و مرتضي علشان يغيظوا شوبير !

بالذمة ده اسمه اعلام و لا زفت حتى !! دى اسمها كوسة .

مرتضي مرة يقول شوبير بيتاجر فى المخدرات و مرة يقول بتاع فتيات ليل و مرة يقول ارهابي و عميل و ناقص يقول انه قلب قطر الصعيد و برده الناس مستنية مرتضي يفوز لانهم مش بيحبوا شكل شوبير و لا لون البدلة مش عاجبهم ولا زملكاوية من الاخر .

انا و الله ما بدافع عن شوبير و مش انا اللى هحل له مشاكله يعنى , بس من الاخر لو شوبير بتاع فتيات ليل فمن ستر مؤمن فوق الارض ستره الارض تحت الارض او فى الاخره عموما ..

و لو فى زملكاوى منحاز لمرتضي كان يروح ينتخبه احسن بدل ما هو فشل ..

قال معايا نصف اعضاء نادى الزمالك و لو عملتوا انتخابات هكسب هكسب هكسب , و الدولة عملت له انتخابات و فشل برده راح يشكك فى الانتخابات و قال انها مزورة !!

قل ادبه و اتسجن و جه قال انا مظلوم , شتم كل واحد فى الدولة من اولها لاخرها و برده عمال يقاوح و اللى يغيظ ان فى ناس واقفة فى صفه !!

رجل تاريخه اسود و معروف و للاسف ما زال مستمر ليه ! لاننا فى مصر .

و من الاخر , لو شوبير عمل كل ده انا اقسمت قبل كدا انى هكرهه و مش هتابعه تانى و لكن لو طلع مظلوم يبقي نقول على البلد يا رحمن يا رحيم من البلطجية و انصارهم .

الاخ الفاضل درش صاحب المشاركة اتمنى منك عدم الانفعال واختيار الفاظك بحيث لا تؤذى مشاعر الاخوة الاعضاء المحترمين بالمنتدى ومن كان يؤمن بالله واليوم الاخر فليقل خيرا او ليصمت
ومن الواضح انك غير متابع للموضوع اساسا ومدرك لكافة ابعاده وبالرغم من انى اهلاوى الا ان الاخلاق والمبادئ اهم الف مرة من الانتماء والتشجيع والاخ خالد الغندور من الناس المحترمين جدا واصحاب الاخلاق العالية منذ ان كان لاعبا وبعد ما صار اعلاميا واذا كان عاجبك الكابتن فاسلوبه الجميل فى التهكم والسخرية معروف للجميع بالاضافة انه شخصية عامة وعضو فى مجلس الشعب يا سيدى الفاضل اى ممن يشاركون فى صنع القرارات والقوانين التى تتحكم فى وفيك هل انت مدرك لهذه الحقيقة؟
راجع الموضوع واسمع المكالمة الظريفة علشان تعرف الحقيقة المرة والمصيبة لم تاتى بعد لحبيبك المكالمة دى تعتبر لا شئ بجانب ما هو ات !!!!!!!!!!!!!!!

[Terrible_DaRsH]

( كلامى لم اختص به اى حد من المنتدى ) .

انا و الله ما بدافع عن شوبير

الاخ الفاضل درش صاحب المشاركة اتمنى منك عدم الانفعال واختيار الفاظك بحيث لا تؤذى مشاعر الاخوة الاعضاء المحترمين بالمنتدى

بص انا كاتب ايه و انت بتقول ايه ...

و على فكرة قبل ما تقول حاجة بس اسال الاول , انت بتقول انا مش متابع الموضوع من اوله و انت متعرفش حاجة عنى اساسا فمن فضلك قبل ما تتكلم اسال و اتاكد الاول .

هتقوم الاعضاء على بعضها علشان بتكره شوبير !!

و بتقول على شوبير حبيبي و بتقولى انا اختار الفاظك اتقى الله يا شيخ .

[human]

بص انا كاتب ايه و انت بتقول ايه ...

و على فكرة قبل ما تقول حاجة بس اسال الاول , انت بتقول انا مش متابع الموضوع من اوله و انت متعرفش حاجة عنى اساسا فمن فضلك قبل ما تتكلم اسال و اتاكد الاول .

هتقوم الاعضاء على بعضها علشان بتكره شوبير !!

و بتقول على شوبير حبيبي و بتقولى انا اختار الفاظك اتقى الله يا شيخ .

أنا اللى اعرفه ان تريبل درش داخل نايل موتورز بايعاذ من شوبير عشان يحسن صورته :)

طبعا بهذر :)

روقوا دول كلهم مضروبين من اول مونتى لحد شوشو