إعـــــــلان

Collapse

.

,
See more
See less

حوار من القلب للقلب - الجزء الأول

Collapse
This topic is closed.
X
X
 
  • Filter
  • الوقت
  • Show
Clear All
new posts

  • المشاركة الأصلية كتبت بواسطة Chicco مشاهدة المشاركة
    متابع بانسجام ;)
    منشكح لانسجامك :)

    Comment


    • المشاركة الأصلية كتبت بواسطة Hassan Khalil مشاهدة المشاركة
      ربنا يبارك فيكي يا اونا .. و شكرا علي الترحيب الحااااااار
      و لغاية ما اوصل للاسئلة بتاعتك ..
      عايزك تحضريللي كام سؤال جامدين كده .. الاسئلة اللي انتي حطاها دي تؤتؤ خالص
      اتوصي كده بكام سؤال جامدين .. بس الله يخليكي ما تتوصيش اوي

      ههههههههههه

      قدها يا حسن؟؟؟؟
      [SIZE="2"]i'll miss everyone[/SIZE]

      Comment


      • المشاركة الأصلية كتبت بواسطة Ayman_52 مشاهدة المشاركة
        ايه النور دا كله ....حــــسن بــــاشــــا خليل منور والله.....منتظرين رد حضرتك على الاسئله



        وهأبقى ارجعلك بشويه اسئله عسل زى حضرتك
        المكان منور باصحابه وضيوفه يا ايمن يا اخويا ..
        شكرا علي الترحيب
        و في انتظار ابداعاتك ...
        بس ما تبدعش اوي ...:)

        Comment


        • المشاركة الأصلية كتبت بواسطة Noha.M مشاهدة المشاركة
          ههههههههههه

          قدها يا حسن؟؟؟؟
          و قدرتي تقولي قدها يا حسن ...
          ده تحدي بأه
          ايه ده ..
          انتي نسيتي انا مين .. دا انا برج الاسد .. فين الاسد اللي عندكم ييجي يشوف اللي بيحصل لصاحبة الاسد ..

          طيب بصي بأه .. اعملي اللي انت.........

          و اللا اقولك ....
          امممممم
          اديني عينة من الاسئلة كده الاول ...
          و اللا لما اجاوب اللي انتي كاتباه الاول ابقي اشوف الباقي ...

          شوفتي خرجت من التحدي منتصر ازاي ... هع

          Comment


          • الحاج احمد
            اخويا الكبير .. و حبيبي من أيام الجيزة :)
            يا الف مليون مرحب بيك في المجزرة .... اتفضل
            المشاركة الأصلية كتبت بواسطة aif مشاهدة المشاركة
            اهلااااااااااااا ابو علي


            انت ما عرفتش نفسك بالكامل يا حسن ....
            -عند كام سنة ....
            -دراستك ايه
            -بتشتغل اية
            - مقاس رجلك كام ...؟؟
            - بتفطر فول ولا كرواسون
            - بتشرب شاي ولا نسكافية ولا لاتيه ( يعني عرقسوس يا نهى )
            ......
            كدة يبقى التعريف مظبوط

            خد عند الاتي
            حسن ابو علي .... .... خليل /30 سنة وحبة / خريج تجارة / اعمل بمجال التدريس الجامعي و التدريب / مقاس رجلي اليمين 43-44 وانت خمن الرجل التانية كام / بافطر اللي موجود ... الفول غالبا بيبقي مع اصحابي عندشبراوي الكوربة لو في سنكحة بعد الفجر .. او عند حمادة الانترناشيونال بتاع شيراتون ... تعرفه ده يا حاج احمد ؟؟؟؟؟؟؟ :) :)
            مش باشرب لا شاي و لا نسكافيه و لا لاتيس اللي انت بتقول عليه ده ...
            شغال في العصاير اكتر و الحاجات التانية اللي الناس المريضة بتشربها زي النعناع و الينسون .. و طبعا الشاي بالحليب مع اي حاجة ممكن نغمسها فيه ...حتي لو ورك فرخة ..

            -امتى بتفضل الكلام ...... وامتي بتؤثر الصمت
            الكتاب بيقول ان الصمت دايما افضل .. وكتر الكلام بكتر الغلط .. و ربنا خلق لينا فم واحد و اذنين اثنين ....
            عموما ..افضل الاستماع اكثر من الكلام .. الا لو كلامي حيوضح حقيقة .. او يرد غيبة .. او يرفع ظلم .


            فيه مثل عن الجواز بيقول .....
            خد المجنونة بنت العاقلة .... ولا تاخدش العاقلة بنت المجنونة ...
            -ايه رأيك في الكلام دة ؟؟؟
            المجنونة بنت العاقلة لما نتجوز حتجنني معاها .. و ساعتها حتي لو الام اعقل العاقلين .. حتعمل ايه مع اتنين ضاربهم السلك ..؟؟؟؟
            اما العاقلة بنت المجنونة .. فبعد الجواز بسنة حتبقي مجنونة .. و امها مجنونة .. و انا حتجنن .. و حتخلف عيال زمايلهم يقولولهم يا اولاد المجنونة .. كده حيبقي الوضع صعب حبتين ....
            بص يا حاج احمد ...:k20:
            خد التي ترتضي منها دينها - خلقها - جمالها - و تتقي الله فيك و تتقي الله فيها .. و ربنا حيكرمك اخر كرم ..
            حتي لو اجننتوا انتوا الاتنين :)


            - انت عقلاني ... ولا عاطفي .... بتحسبها ازاي .... عقل ولا مشاعر
            * الموضوع يخضع بنسبة كبيرة للمرحلة السنية ..لكن عموما.. انا مزيج من هذا و ذاك .. كل اللي بحاول اعمله اني مشغلش العاطفة في وقت اعمال العقل .. و العكس .
            - امتي ضحكت علي نفسك من كل قلبك وقولت .... انا ازاي اتصرفت كدة

            اممممم
            امتي . امتي ..امتي ...
            ده حيحتاج شوية تفكير علي كام فلاش باك يا حاج ...
            خليه شوية علي وعد بالاجابة ان شاء الله ... اذا افتكرت حاجة ...اوكيش؟؟؟
            ؟؟؟

            Comment


            • لو تسمحوا
              حاوصل مشوار لحد التلاجة اطمن عليها و اجي
              اصل صاحبة الموضوع جابت شوية الكنتالوب اللي طلعتهم في الاول و قفلت علي كده
              الليه يسامحك يا نور
              الله يسامحك يا نور

              Comment


              • بالهنا و الشفا يا باشا ....نحن في الانتظار :)
                [CENTER] [/CENTER]

                Comment


                • الحــــوار منــــور يا ا/حســــن..

                  شويه اسئله خفيفه ...
                  .
                  .
                  .
                  -كلمة تود سماعها كل يوم؟!؟

                  -القمر-الشمس-النجوم...........ايهم تفضل والسبب؟!؟



                  -كلمة تمنيت ان تستطيع سحبها؟!؟



                  -آخر شخص تتذكره قبل أن تنام؟!؟


                  -هل حضرتك مؤمن ...بالابراج...وعلم االفلك...و عارف مين الابرج المتوافقه مع برج الاسد؟!؟

                  -صفه فيك بتحب تظهرها للناس؟!؟

                  -صفه بتخاف حد يكتشفها؟!؟

                  -اخـــر حاجه بتعملها قبل ماتنام؟!؟


                  .
                  .
                  .
                  متــــابع .....

                  تحيـــــــــــــــــــــــاتـــــــــــــــــى
                  [CENTER][COLOR="Lime"][COLOR="Yellow"]--[/COLOR][COLOR="DarkOrchid"]--[/COLOR]--[COLOR="DarkOrchid"]--[/COLOR][COLOR="Yellow"]--[/COLOR]
                  -::[COLOR="Purple"][SIZE="3"][COLOR="Yellow"]....[/COLOR] [COLOR="DarkOrchid"]I[COLOR="Lime"]'[/COLOR]M PR[COLOR="Lime"]O[/COLOR]T[COLOR="Lime"]O[/COLOR]NY[/COLOR] [COLOR="Yellow"]....[/COLOR][/SIZE][/COLOR]::-
                  --[COLOR="Yellow"]-[COLOR="DarkOrchid"]-[/COLOR]-[/COLOR]--[/COLOR]

                  [aldl]http://img825.imageshack.us/img825/7055/3333333388333335555.gif[/aldl]

                  [URL="http://www.facebook.com/group.php?gid=67622393715"][aldl]http://farm5.static.flickr.com/4051/4341840452_c91620bc9b_o.jpg[/aldl][/URL]

                  [/CENTER]

                  Comment


                  • اايه ده !!!
                    انا عايز حلقه ليا انا كمان !!!
                    عايز اطلع على الهوا ..

                    Comment


                    • نهي يا نهي
                      العضو الاوسط في ثلاثي اضواء المنتيدي
                      هاتي ما عندك
                      يااااااااااا مسهل

                      المشاركة الأصلية كتبت بواسطة Noha.M مشاهدة المشاركة
                      حسسسن باااااااااشاااااااااااا

                      منور والله الحلقة و منسجمين ياستضافتك

                      :) متشكر جدا .. و سعيد بانسجام سيادتك

                      عندي كام سؤال رفيع كدة
                      رفيع او تخين . اسألي اسئلة بالحجم اللي يعجبك ..

                      حسن باشا يا ترى ما هي مواصفات بنت الحلال؟
                      ااااااااااه
                      مواصفات بنت الحلال اتقالت من زمان ... مش عارف ليه انا اللي كسلي اوي في الموضوع ده ..ده حتي عزاب المنطقة لازم يستشيروني في كل امورهم دلوقتي... علشان كده راحوا في داهية... ياللا ... ربنا يهديني ...
                      بصي يا ستي ...
                      انا عايز واحدة لما اشوفها ....اتفزع :k20:

                      لا لا ...بجد...
                      المواصفات مش شرط تتحقق بالكامل .. و لكنها لو موجودة كلها يبقي .. خير و بركة
                      طبعا بجانب كل النوايا و المقاصد الاساسية في الجواز .. انا عايز انسانة ابص في وشها .. استريح من ارف الدنيا .. وتفهمني من غير ما اتكلم
                      راضية ..قنوعة .. ذات دين ..أمينة ..متوافقة معي اجتماعيا / ماديا / و فكريا .. أمورة .. اهل طيبين.....هادئة خفيضة الصوت ... مرحة مش بتحب النكد .. ( لاني بكره النكد كره العمي )...من اسرة طيبة متماسكة

                      ما رايك فى الزواج و التعارف من الانترنت؟
                      مجربتوش
                      مشفتش حد ( جاد ) جربه
                      و مأظنش انه ناجح


                      ايه اكتر حاجة بتشدك لمتابعة نايل موتورز؟
                      اي مكان في الدنيا بيكبر و يتألق بالناس اللي فيه ...
                      بس خلاص :)


                      حسن لما بيزعل و يكتئب( ربنا ما يجيب كأأبة يا رب :) ) بيعمل ايه؟
                      بصي يا نهي ..الاصل ( و استعينوا بالصبر و الصلاة )
                      لكن انا كانسان .. مش مثالي .. و مش حاقولك اني كل ما باتضايق اقوم جاري متوضي و مصلي و اقرأ قران .. ممكن اكون في بعض الاحيان عملت كده .. و اتمني ان اكون كده علطول ..
                      انا باعمل ايه ؟؟؟
                      اولا ... ماحبش اختلط بحد و انا كده علشام منقلش النكد بتاعي ليه .. رغم ان فيه البعض بيقولوا العكس ..بس هي طباع ..
                      احيانا بحاول اتمتم بالاستغفار و انا قاعد
                      اذكار الصباح و المساء بتعمل معايا شغل جامد باحس فعلا بأثره
                      باخرج ...لو معايا عربية باشطح .. ممكن الاذكار علي النيل/ كورنيش المقطم / تمشية في حديقة مصر الحجاز مصر الجديدة /تمشية حول الميريلاند / و اذكر مرة فتحت علي الاسماعيلية و رجعن صد رد ..
                      و المهم .. دايما بادعوا ربنا ان الحالة دي متطولش .. لأنها بتاخدني لتحت .. و علي قدر الامكان باجتهد اني اطلع منها بسرعة .


                      و مين صديقك المقرب اللى طلعت بيه من المنتدى؟
                      سؤال خبيث ....
                      كل الناس

                      يا تري ايه السلبيات من وجهة نظرك و كيفية علاجها فى المنتدى؟
                      لا اري سلبيات قوية اوي جدا اوي في المنتدي ...
                      فقط نعاني بعض الاحيان في ازمة في سلوكيات الحوار .. و ده ممكن يرجع لان الاطراف اللي بتتكلم مش شايفه بعض .. فممكن الكلام لو لم يتم صياغته جيدا ... يتفهم غلط ..
                      محتاجين نجدد الشكل شوية
                      كان عندي اعتراض دائم علي طريقة الخطاب من صاحب القلم الاحمر الي الاعضاء . و اعتقد ان الموضوع ده اتحسن بشكل ملحوظ في الفترة الاخيرة.


                      مين اكتر حد بتحب تتابع مشاركاته فى المنتدى؟
                      فيه كتير ... و كل واحد ليه الجزء اللي بيعرف يدي فيه كويس ..
                      عموما .. احب اتابع
                      الحاج احمد
                      شيكوز
                      علا باشا
                      نور ( حديثا)
                      DNB ( حديثا )
                      توت عنخ امون
                      سبعاوي
                      موتورايزر
                      معاذ
                      محمد ممدوح
                      ميزا
                      نايل ستورم
                      نادر نبيل
                      احمد اسماعيل ( سو )
                      احمد انور
                      محمد ايبيزا
                      طارق زويل
                      فادي
                      و اكيد نسيت ناااااس كتير
                      و كتيييييييييييييييييييييييييييييييييييييييير جدا .. و حاذكر اسماؤهم كلهم في مواضع متفرقة في اجابات الاسئلة .. كل بما يخصه ...

                      اااه...ااااااااااه
                      و فيه واحدة جديدة بيقولوا عليها نهي


                      ان شاء الله لما تجوز هتقعد مراتك فى البيت ولا لو عايزة تشتغل معندكش مانع؟
                      انا مش قافش في الموضوع ده في اول الجواز ...
                      ممكن ييجي عليا وقت و اقعد كتير بره البيت .. لو مفيش حاجة تشغلها يبقي ( لو ارادت ) ممكن تشتغل
                      اللي انا باقفش فيه .. ايه هو مجال الشغل اللي حتشتغله .. اذا لم يكن مجال يحفظ لها كرامتها .. و تصان فيه ...يبقي قلته احسن .. و تقعد في البيت هي و عيلتها كلها .

                      ان شاء الله لما تجوز و تجيب بنوتة قمر. هل هتفرض عليها الحجاب؟ هل هتديها حريتها كاملة؟ هل انت مع المثل بتاع اكسر للبنت ضلع يطلعلها 24؟؟
                      84 .. مش 24
                      نهي باشا .. الحجاب فريضة فرضها الله عز وجل .. تفتكري اني ممكن يكون ليا رأي تاني
                      كل اللي حيكون في منطقتي هو السن اللي تلتزم فيه بلبس الحجاب ..
                      لكن
                      الدنيا مش عافية ..
                      لازم الدين يؤخذ عن حب .. و ده دوري انا و امها في البيت ان شاء الله .. و عموما.. انا متأكد ان شكلها بالحجاب حيكون اجمل بكتير ... :)

                      عموما .. موضوع الحرية من عدمه ..
                      منوط بالتربية .. تربية البيت .. و المسجد ان أمكن .. و كنت عايز اقول المدرسة ..بس الموضوع بقي صعب شوية .


                      ما هى الصعوبات و التحديات اللى بتواجهك في حياتك في هذه الفترة و ايه هو تعاملك معاها؟
                      سؤال واسع قوي .. حجاوب عليه اجابة ضيقة
                      الصعوبات مش بتخلص .. و اغلبها بيكون ما يتعلق بالشغل او الفلوس .. و اذا جت علي الاتنين دول .. يبقي بسيطة .. يهمني ميكونش في الاهل ..او الصحة .. او علاقتي بربنا سبحانه و تعالي
                      *اهم ما اود تحقيقه .. هو رضا اهلي عني .. فبرضاهم ..و دعاؤهم ... باحس ان ربنا بيسهل لي طريقي ..
                      و مفيش اجمل من ابتسامة رضا علي شفتي اب او ام .و هما بيدعولك و انتي نازلة الكلية او الشغل مثلا .. بتحسي فعلا أد ايه الدنيا حلوة .
                      * علي صعيد العمل.. بعض المشاكل الدراسية الخاصة بالبحث بتاعي .. و في طريقها للحل قريبا ان شاء الله .. دعواتكم



                      هل انت من الناس اللى بتحب تحط خطط للفترات القادمة من حياتها ولا سايبها بالبركة؟؟
                      انا في حياتي.. وضعت كمية خطط لا حصر لها ولا عد .. و كان مصيرهم الريسايكل بن ..
                      غالبا موضوع الخطط ده بيتحط ( و بينجح ) عندما يتعلق الموضوع بامور مادية ( مبلغ عايز اجمعه في وقت معين .. حاجة محتاج اجيبها - زي العربية -.. شقة عايزة تتوضب و محتاجة كذا . و هكذا ) و غالبا الخطط دي - و الحمد لل - بتنجح

                      هااا

                      كماااااااان؟؟

                      تعبتيني يااااااااااااانهي
                      انا قاعد مهنج دلوقتي ..
                      ياللا .. روحي ..الهي يا رب ............ يباركلك :)

                      Comment


                      • حسن باشا .. شخصية جميلة بجد انا سعيد إني إتعرفت عليه من نايل موتورز :)

                        أحب أسألك هل عمرك شفت فيلم كان فيه شخصية حسيت إن ده إنت ؟
                        و هل تفضل مشاهدة فيلم أم قراءة رواية ؟
                        [COLOR="gray"]
                        [CENTER]Leadership is based on inspiration, not domination[/CENTER][/COLOR]

                        Comment


                        • الكلام شكله حلو وفركه جميله بس ايه الموضوعات وايه الشروط للزبون يعني مش اي حد نفضل نتلكم معاه اسبوع كامل وهو معلوملته ناقصه ولا ايه يا شباب رايكو
                          خالد

                          Comment


                          • متابعة بانسجام أكتر من الانسجام اللي بدأت بيه قراية الموضوع :)

                            صباحكوا ورد يا جميع رواد حوار من القلب للقلب

                            Comment


                            • اخي و حبيبي دكتور هشام
                              الاول ..صباح الفل
                              اعتذر للتأخير ..
                              مبارح سهرت مع الموضوع .. و النهاردة رايح الشغل بجري و باتكعبل في بعضي .. و ربنا يسهل و احاول مرجعش متأخر علشان اعرف اكمل بقية الحوااااار الرااااااااااائع مع الاعضاء اللظيظة :k44::k44:
                              المشاركة الأصلية كتبت بواسطة Chicco مشاهدة المشاركة
                              حسن يا أبو علي ..... أحلى حسن في الشرق الاوسط

                              ما تخافش من أخوك شيكو .... ده غلبان قوي في موضوع الاسئلة ديه :o

                              بص يا سيدي نفس السؤالين اللي حيلتي ..

                              - رأيك إيه في كندا ..... يعني تسمع عنها إيه كبلد و ناس و سياسة خارجية .. إلخ
                              - السؤال التاني في دوريات الكرة الأوروبي ....ليك فيها ..... فيه فريق معين بتحبه ...

                              ادعيلي بقى ربنا يفتح علي و أعرف اسئل زي غلاة المحترفين اللي هنا :)
                              بص يا سيدي و بحلق عينيك و طرطق ودانك
                              * كندا .. مروحتهاش قبل كده .. و من الاماكن اللي اتمني اروحها لو جاتلي فرصة سفر حتي لو للفسحة .. تخيلي عنها انها بلد هادئة .. ايقاع الحياة فيها هادئ .. منظم .. تابعة سياسيا و اقتصاديا بالدرجة الاولي لامريكا ... و ده بيظهر بوضوح في الافلام او المسلسلات الامريكية ..خصوصا لما بيتكلموا علي كندا او الدولارات الكندية ..او ..او ...
                              و ياريت تصحح لي اذا كنت غلطان ..او تضيف ليا ..
                              بمعني اخر .. لو حبيت ادور عن حاجة مش كويسة تخليني ماحبش اروح هناك او لو عشت هناك مستحملش القعدة ... لن اجد
                              طبعا حضرتك من الناس اللي ساهمت في ترسيخ صورتي الايجابية عن كندا بالصور الممتعة اللي بتجيبها في الموضوع بتاع الصور ... بالاضافة لاخ عزيز سافر هناك من 8 اعوام .. و يعمل ايضا في المجال الجامعي .. و اعتقد كمان انه ماسك مركز لتعليم اللغة العربية هناك دلوقتي ... لما نزل في رمضان اللي فات . كان بيحكيلنا حكايات ظريفة عن طريقة المعيشة و احوال الناس هناك ... و كان واضح انه راضي جدا ..و سعيد بوجوده هناك .. ربنا يديم السعادة عليه و عليك و علينا جميعا .
                              * الدوري الاوروبي ... للاسف .. معرفش فيه كويس ..
                              ********************************

                              في انتظار اسئلتك يا دكتور . و الموضوع مش محتاج مهارة عالية و لا حاجة ...
                              اعمل زي ما نور او نهي قالولك ...
                              او استلف منهم شوية ( غل ) .. و المواضيع حتبقي زي الفل ..
                              احلي استمورنينج ... ( علي رأي العضو الاوسط في ال DNB )

                              Comment


                              • المشاركة الأصلية كتبت بواسطة Hassan Khalil مشاهدة المشاركة
                                في انتظار اسئلتك يا دكتور . و الموضوع مش محتاج مهارة عالية و لا حاجة ...
                                اعمل زي ما نور او نهي قالولك ...
                                او استلف منهم شوية ( غل ) .. و المواضيع حتبقي زي الفل ..
                                احلي استمورنينج ... ( علي رأي العضو الاوسط في ال DNB )
                                ههههههههههههههههه الله يسامحك انا غلاوية !!! ده انا طيبببببببببه

                                حقيقي ياحسن باشا مستمتعه جدا بالحلقة
                                يارب كل حلقة تطلع احسن من اللي قبلها كدة
                                بس وحياة كل الغاليين الهي يا رب اشوفك عريس قريب تكبر الفونت شويه
                                باخد كوبي من كلامك على تكست علشان اعرف اقرأ... على رأي علا اتعميييييينا
                                اتفضل افطر معايا كرواسون وشاب بلبن



                                Comment

                                Working...
                                X