إعـــــــلان

Collapse

.

,
See more
See less

حوار من القلب للقلب - الجزء الأول

Collapse
This topic is closed.
X
X
 
  • Filter
  • الوقت
  • Show
Clear All
new posts

  • اهلا بيك سبعاوي باشا اهلا بيكي علا هانم
    انا متأخرتش ولا حاجة على فكرة انا معادي عادة على الضهر تقريبا مع اني بصحى الساعه 6 ونص الصبح
    شوفتي نشاط اكتر من كدة
    سيادتكم اللي جايين بدري
    وكويس اوي علا داخلة جاهزة بالاسئلة وبدأت الحلقة
    انتظرونا بعد قليل مع حلقة انتظرها الجميع على احر من الجمر:wacko::wacko:

    Comment


    • المشاركة الأصلية كتبت بواسطة نور القمر مشاهدة المشاركة
      اهلا بيك سبعاوي باشا اهلا بيكي علا هانم
      انا متأخرتش ولا حاجة على فكرة انا معادي عادة على الضهر تقريبا مع اني بصحى الساعه 6 ونص الصبح
      شوفتي نشاط اكتر من كدة
      سيادتكم اللي جايين بدري
      وكويس اوي علا داخلة جاهزة بالاسئلة وبدأت الحلقة
      انتظرونا بعد قليل مع حلقة انتظرها الجميع على احر من الجمر:wacko::wacko:
      استعننا على الشقا بالله ، يا معين

      اولا انا موستاشاككير جدا جدا جدا يعنى انكم موصطاضيفننى فى البرنامج الجامد ده، واحب استنهز الفورصة دى واحييى كل شعب السنبلاوين والبوسنة والهرسك وكل الأمم العظيمة فى عصر العولمة

      ياللا انا جاهز 3.....2..................1(وابتسامة عريضة زى المذيع بتاع برنامج حيلهم بينهم)
      [SIZE=5][COLOR=navy]سبعاوى[/COLOR][/SIZE]
      _______________________________________________

      Comment


      • المشاركة الأصلية كتبت بواسطة Hassan Khalil مشاهدة المشاركة
        بداية اتشرف بحضور حضرتك في مذبحتي المتواضعة
        خللت اهلا .. و سألت سهلا :)
        ----------
        بالنسبة لموضوع البيبي سيتر ده ...رايي فيه بسيط .. و حاسم
        محدش حيربي ابن غيره
        ... ...
        و من ناحية اخري .. ايه في الدنيا اهم من ابني او بنتي .. و اذا كنت حاسيبهم لغيري .. جبتهم ليه من الاسااااااس ؟؟؟
        ------------
        اجابتي مختصرة .. لكن هي دي قناعتي في الموضوع ده .. ان البيبي سيتر ..او الخادمة .. ممكن تكون مسااعد .. و ليس الاساس .
        هو الى انا عرفهم خدوا موقف حضرتك بس حصلت مشاكل كتير كتيررررررررررررر
        شكرا لرد حضرتك:k18::k18:
        [SIGPIC][/SIGPIC][SIZE=3][COLOR=#68d122]من اهم انجازات مبارك :
        توحيد المصرين على كلمة حسبى الله و نعم الوكيل
        [/COLOR][/SIZE]


        محمد العصار

        Comment


        • المشاركة الأصلية كتبت بواسطة OlaOsman مشاهدة المشاركة
          انا كنت هاستنى نور لما تدخل دخلتها المعتادة في الموضوع بترحيبها و أسئلتها.. انما الظاهر كده انها لسه نايمة :)

          كنت كمان عايزة أستنى لحد ما الحوار يسخن شوية عشان أسئلتي دسمة شويتين، انما قلت لأ بأه ما بدهاش.. ندخل في الأسئلة على طووووووول

          - سبعاوي.. هل فعلا اسم سبعاوي هو راجع لسبعاوي طه بتاع فيلم عائلة زيزي؟ لو ده صح، احكيلنا ملابسات الموقف و مين سماك سبعاوي؟

          - واضح من مشاركاتك انك بتتبني الفكر التحرري إلى حد ما في نظرتك للأمور.. من أين اكتسبت هذا الفكر، يعني ايه اللي شكل وجدانك بهذه الطريقة؟ و ازاي بتقدر تتعامل بهذا الفكر مع ناس كتير في مجتمعنا فكرهم يغلب عليه الكثير من الجمود؟

          - إمتى حصل لك موقف مع حد حسيت فيه انك عايز تقوم تضريه؟ و امتى حصل فعلا ان حد وصلك لإنك تضربه؟

          - من فضلك ضع تعريف لما يلي:
          السياسة
          الحجاب
          الحب
          الزواج
          الحياة في مصر

          كفاية كده عليك :)
          بداية طيبة جدا، علا بنفسها ، وبصراحة جايبة شوية اسئلة ، كل واحد منهم تلغراف بس يترد عليه بكتاب، ......جبااااااااااارة

          نبتدى:

          سبعاوي.. هل فعلا اسم سبعاوي هو راجع لسبعاوي طه بتاع فيلم عائلة زيزي؟ لو ده صح، احكيلنا ملابسات الموقف و مين سماك سبعاوي؟

          بالفعل الاسم متاخد من سبعاوى بتاع عائلة زيزى، واحدة من احلى الشخصيات التى اداها فؤاد المهندس الله يرحمه، اما سبب التسمية فيعود لسنوات عديدة مضت لما كنت فى الجامعة وكنت معروف فى الوسط العائلى انى بحب اصلح اى جهاز بايظ، ومافيش زيارة عائلية كانت بتمر دون ان يقوم صاحب الدار باعطائى احد الأجهزة الكهربائية لاصلاحها، وفى مرة كنت فى احدى تلك الزيارات واحضرت لى ربة البيت تليفون قاطع النفس علشان ادلى بدلوى فيه، وكان ابنها الأكبر (اكبر منى بحوالى 6 سنوات) قاعد فقال: ياللا سبعاوى هيشتغل، عجبتنى الحكاية وضحكت عليها، ولزقت فى دماغى، ومع اول ايميل عملته لنفسى اخترت اسم سبعاوى ، وبعد كدة استعملته فى كل نشاطاتى على الشبكة العنكبوتية.

          واضح من مشاركاتك انك بتتبني الفكر التحرري إلى حد ما في نظرتك للأمور.. من أين اكتسبت هذا الفكر، يعني ايه اللي شكل وجدانك بهذه الطريقة؟ و ازاي بتقدر تتعامل بهذا الفكر مع ناس كتير في مجتمعنا فكرهم يغلب عليه الكثير من الجمود؟

          افضل انى اطلق على تفكيرى اسم تفكير(معتدل)، لكن الفكرة ان على مدى السنوات الماضية الموشر العام للفكرانحرف بعنف فى اتجاهات معينة ، مما جعل ما كان "معتدلا" منذ 20 عام مضت ، يراه الناس"متحررا" ديلوقتى، ما اقصده ان انا تفكيرى متغيرش عن فكر ابى وعمى وجدى و ومن عاش وقتهم، المجتمع هو اللى اتغير وانا متغيرتش معاه-نفس فكرة الضابط اللى طلب متطوع لعملية انتحارية من بين جنوده، وطلب ممن يتطوع انه يتقدم خطوة للامام، بص بعد لحظة لقى عسكرى واحد متقدم خطوة، فهنأه على شجاعته وساله عن سبب تقدمه لهذة المهمة فأجاب العسكرى ببساطة: انالم اجرؤ ان اتقدم خطوة للامام، الصف كله هو الذى عاد خطوة للخلف بعد ان علموا بطبيعة المهمة، ما اقصده ان اسلوب تفكيرى الذى ربما يراه البعض مختلفا، ربما هو ليس شجاعة منى فى الاختلاف عن المجتمع بقدر ما هو جبن منى عن مسايرة المجتمع بما يخالف ما تربيت عليه، ويمكن سبب اكتساب(او الأفضل اقول ثبات) الأسلوب ده عندى اننى اتيحت لى فرصة ان ابدا حياتى العملية فى بلد آخر، فبينما كانت ملامح الفكر الاجتماعى السائد حاليا تتشكل فى بلدنا، كنت انا فى مكان آخر ، فيه الصالح وفيه الفاسد بالطبع، لكنى تعلمت من هذا المكان بعض المفردات التى احاول جاهدا-برغم فشلى احيانا-ان احافظ عليها،مثل نبذ العنصرية بكافة اشكالها، وفكرة التعددية وتقبل الآخر،واحترام الآدمية وتقديس المعرفة والعمل، ربما ان ما ساعد تماما على ترسخ تلك الأفكار فى ذهنى هو انه فى ذلك المكان كنت انا الطرف الغريب المعرض للعنصرية والمعرض لتعصب الآخرين والمعرض لاهانة ادميته،وبرغم ذلك لم اشاهد تلك الاساءات سوى من قلة تعد على الأصابع من الجهلة فى ذلك المجتمع ولذلك احسست بقيمة تلك المبادئ تماما

          اما مسألة التعامل مع المجتمع فللأسف انا اعانى الأزمة التى يعانيها معظمنا، من صعوبة التعامل مع كثير من طبقات المجتمع، صحيح ان كل مجتمع فى العالم ينقسم الى عدة طبقات يحتفظ كل منها بسلوكياته وتقاليده، لكن فى حدود عدم تعارض ذلك مع سلوكيات وتقاليد الآخرين، لكن احدى مشاكل مجتمعنا ان اهل كل فئة من فئات المجتمع لا يقبلون فكر سوى فكرهم ، سواء فى النواحى المادية او السياسية او الاجتماعية او العقائدية، وليس لديهم اسهل من تسفيه فكر من لا يرى رأيهم، لذا فأحيانا كثيرة جدا اكتفى بالانعزال وتضييق حدود التعاملات وعدم الخوض فى مناقشة سوى مع يمكن ان يقبل رأييى فيها حتى ولو لم يوافق عليه

          إمتى حصل لك موقف مع حد حسيت فيه انك عايز تقوم تضريه؟ و امتى حصل فعلا ان حد وصلك لإنك تضربه؟

          كتير جدا حصلت لى مواقف مع حد كنت عايز اقوم اضربه انا بطبيعتى عصبى ، ولما كنت اصغر فى السن كان مبيعديش يوم من غير ما اشد مع حد(بالكلام)، بس مع السن وكتر المرمطة بقيت امسك نفسى لأنى اكتشفت ان مواقف انفلات الأعصاب، حتى لو خرجت من الموقف كسبان فأنا بخسر فيها، لكن فيه موقف انا فاكره كويس، من حوالى 4 سنوات كدة وكان احد عملاء الشركة عمال بيستهبل عايز ياكل علينا فلوس، وهو كان واخد حقه بالكامل، وكان بيكلمنى بالتليفون وعمال يلففنى الكرة الأرضية بحكايات مالهاش لازمة، انا مفقدتش اعصابى لكنى ابتديت اعلى صوتى عليه واهزؤه بجمل تحمل معنى انه نصاب من غير ما اقولها صراحة ، تون صوتى عمال يعلا وانا مش منتبه ان الشركة كلها عمالة تتفرج عليا، الناس فى الشركة افتكرت ان فيه موظفين بيتخانقوا مع بعض وكله نزل يتفرج، محدش بقى مصدق ان خالد الغلبان الهادى اللى فى حاله مجنون كدة، لدرجة السياس فى الشارع بقو واقفين يبصوا علينا من البلكونات، من ساعتها ولفترة بعديها كل الناس بقت تقلق منى وتقول ان باطنى غير ظاهرى، بس شوية ونسيوا ورجعوا يعاملونى باعتبارى غلبان تانى، لكن اخر مرة ضربت واحد كان ايام الكلية، انا كن تبتكلم مع واحد صاحبه وهو دخل فى النص وفهم الموقف غلط وتخيل انى بهزاء صاحبه وراح شايط فيا، وعلى طريقة(استنانى فى المرواح) تم ترتيب مكان وموعد المنازلة، وكانت معركة ما يعلم بها الا ربنا، خرج كل منا منها بالعديد من الجروح والكدمات اللى اضطريت ادعى معاها ان سيارة صدمتنى لما روحت البيت، لأن والدى لو كان عرف انى اتخانقت فى الشارع كان ممكن يتبرأ منى رسميا امام المحكمة

          ندخل بأة للتعريفات التلغرافية:

          ا- السياسة:ابنة القوة وزوجة الاقتصاد،تستمد قوتها منهم وذكائها من داخلها، بهما تكون قوة ضاربة وبدونهما تصبح برميلا اجوفا، تستقيم لتحقق الرفاهية لمن انتخبوا القائمين عليها او تنحرف لتحقق مصالح شخصية للقائمين عليها

          2- الحجاب: اسلوب حياه تتخذه مجموعة كبيرة من اخواتنا من الفتيات والسيدات، حينما يكون نابعا من اقتناعها الشخصى بدينها فانا ارفع له القبعة احتراما، لكن حينما يكون مسايرة للمجتمع او طلبا للزواج او خوفا من زوج باطش او اب متسلط فلا قيمة له فى نظرى، هو قرار صاحبته، سواء اصابت فيه او اخطأت فهى مسئولة عن تصرفاتها لأنها ليست ملكا لأحد ليطرح عليها الحجاب او يخلعه عنها

          3-الحب: ربما كان هو الشئ الوحيد الذى يدفع الانسان للكفاح من اجل البقاء مهما تعقدت الظروف

          4- الزواج: اجمل مصيبة فى الدنيا،

          5- الحياه فى مصر: عاملة زى اكل الشارع، كلها بلاوى بس طعمها حلو
          [SIZE=5][COLOR=navy]سبعاوى[/COLOR][/SIZE]
          _______________________________________________

          Comment


          • eh da ya sab3awy ....... how come start the program without el moze3a Noor? ........ enty feen ya Noor ...... e7na 3ala el hawa ya Noor ..... ya Noor.... ya Noor

            enty nemty walla eh

            Comment


            • سيداتي انساتي سادتي النهاردة معانا ضيف جديد بالرغم من وجودي بينكم من فترة قليله لكن لاحظت انه من اكتر الاعضاء شعبية في المنتدى والكثير ولاحظت سعادة الكثير من الاعضاء باستضافته

              رحبوا معي بالضيف المميز
              سبعاوي


              اسمح لي في البداية اقدم لك بوكيه ورد باسمي واسم جميع الاعضاء المنتظرين حلقتة سيادتك على احر من الجمر


              في البداية ممكن حضرتك تعرفنا بنفسك اكتر يعني اسمك سنك شهادتك وظيفتك الحالة الاجتماعية .........الخ
              سبعاوي باشا ايه مفهومك للسعاده .. وهل تشعر بانك سعيد؟؟
              كلمة ديما ترددها على لسانك؟؟
              لكل انسان ذكريات معينة يتمنى نسيانها .. ياترى سيادتك تتمنى تنسى ايه؟؟

              ايه كتر حاجة بتحس انك مخنوق منها؟؟

              ياترى سيادتك ممكن تطلع اسرارك الشخصية جدا لحد ولا بتحب تحتفظ بيها لنفسك .. ولو بتحب تطلعها لحد مين هو ؟؟؟

              جات عليك اوقات كنت تبكي وتضحك في نفس الوقت؟؟

              اختار 3صفات من الصفات التالية تنطبق عليك اكثر من غيرها
              غيور خجول متسرع عاطفي كسول عصبي حساس غير مبالي دبلوماسي

              هل بتحب تلبس وتستخدم ماركات مشهورة ولا الموضوع مش فارق معاك؟؟

              لو معاك 3 اوسمة هاتوزعهم عى 3 اعضاء بالمنتدى
              وسام خفة الدم - وسام لباقة في النقاش- وسام مواضيع هادفه
              هاتديهم لمين

              بتتعامل ازاي مع المدعو سيد حبارة؟؟

              لو في خناقة ممكن تستخدم الصاعق ؟؟

              باقة ورد لمن تهديها؟؟

              حضرتك قاهري اصلا ولا من بحري ولا صعيدي؟

              طيب ايه رأيك في الصعايدة ؟؟؟


              حاسة اني تعبك بكتر الاسئلة بصراحة نفسي اسئل اكتر بس حرام كفاية لحد كدة في الجزئية دي
              واتفضل شوية عصاير قبل الفاصل علشان داخلين على جزئية مهمه





              اهلا بيك سبعاوي باشا من جديد
              خلي بالك انا متأكدة ان كل الاعداء قصدي الاعضاء مستنيين الاسئلة اللي جاية على نار

              مِنَ الماضي أَتَتْني تَقولُ أَنْتَ....
              فََقُلْتُ أَنا فَرَدَّتْ أَنْتَ كُنْتَ
              فَقالِتْ لي تُحادِثُني بِجَهْلٍ...
              فَطِبْ في جَهْلِكَ مِنْ حَيْثُ جِئتَ
              أَنا الماضي أَساسُ ما سَيأتي...
              فَضِعْتُ أَنا بِلا أَسَفٍ وَضِعْتَ
              أَنا العِشْقُ تَنامى في التَّجَلِّي...
              وَأَنْتَ في سَحِيقِ القَلْبِ صِرْتَ
              فَلا عَهْدي حَفَظْتَ بِكُلِّ صِدْقٍ ...
              وَلا المَكْلومُ في صَدْري حَفَظْتَ
              فَهذا ما جَنَتْهُ يَداك فاعْلَمْ...
              بِأَنَّ الْمَوْتُ صارَ مِنْكَ مَوْتا
              فَلا الْقَلْبُ غَدا قَلْباً يَدّقُّ...
              وَلا الرُّوحُ تَهيمُ حَيْثُ أَنْتَ
              تَرَى الصَّوْتُ بِكَ في تِيهِ ظِلٍّ...
              يُنادِيِهِ الصَّدى فَيَصيرُ صَوْتا
              أَنا العُمْرُ وَأَنْتَ مَنّي رُوحي...
              فَدَعْ عَنْكَ المَلامَةَ
              قَدْ أَتَيْتَ...
              ايه رأيك في الشعر السابق؟
              ياترى لو اتعرضت لنفس الموقف هيكون ايه شعورك؟
              طيب ممكن تتوسل لها ترجع لك؟
              يا ترى اول حب حقيقي في حياتك مش حب مراهقه كان امته؟
              طيب هي لسه بتيجي على بالك؟
              تتمنى الايام دي ترجع تاني؟
              لو شوفها صدفة في الشارع ردة فعلك ايه؟
              ياترى دموعك نزلت قبل كدة بسبب الحب؟

              المرأة الجميلة تأسرك ,..... والمرأة الذكية تستأثرك ......
              ما رايك في تلك المقولة ؟؟؟؟
              انت ممكن تعاكس واحدة حلوة ؟

              اوصف الحب بايجاز
              اوصف الفراق

              اووووووووووووووه انا نفسي تعبت ... الله يكون في عونك

              ا س ت را ح ة ق ص ي رة (معلش بنهج من كتر الاسئلة)

              اتفضل جاتوه يديك طاقة وسعرات حرارية علشان تقدر تصمد معانا اليومين دول والغدا اخر الحلقة ان شاء الله




              مش هتقل عليك اوي بااسئلة في الفقرة دي ضميري بدأ يوخزني بشدة هههههههههههههه وما ادراك ما وخز الضمير

              السؤال اللي محدش راضي يجاوبه....ترشح مين بعد حسني مبارك؟
              ايه شعورك تجاه الازمة المالية العالمية؟؟
              تتوقع انهيار امريكا قريب؟؟
              تفضل اي دولة تصبح قوى عظمى بعد سقوط امريكا ( قول يارب)
              ايه رأيك في الوسطة؟ يعني الكوسة مش الوسطى بتاع بني سويف
              ايه رأيك في استخدام الامن المركزي لفض المظاهرات؟
              تتمنى تعيش في بلد غير مصر؟؟
              ايه اسوأ حاجة في مصر من وجهة نظر سيادتك؟
              طيب ايه احسن حاجة؟؟
              لو عينوك رئيس الوزراء تقترح وزارات معينه لالغائها ووزارات جديدة لانشائها؟

              التحدي الحضاري ..... والغزو الفكري ..
              برأيك كيف نتغلب عليه ؟؟؟


              Comment


              • المشاركة الأصلية كتبت بواسطة MedaSam مشاهدة المشاركة
                eh da ya sab3awy ....... how come start the program without el moze3a Noor? ........ enty feen ya Noor ...... e7na 3ala el hawa ya Noor ..... ya Noor.... ya Noor

                enty nemty walla eh
                معلش ميداسام الظاهر علا هانم مستعجلة شوية مقدرتش تستنى المذيعه لما تفتتح الحلقة
                عادي بأه انا وعلا واحد
                وسبعاوي باشا زهق من الانتظار قال اسلي نفسسي على ما الحلقة تبدأ

                Comment


                • المشاركة الأصلية كتبت بواسطة نور القمر مشاهدة المشاركة
                  سيداتي انساتي سادتي النهاردة معانا ضيف جديد بالرغم من وجودي بينكم من فترة قليله لكن لاحظت انه من اكتر الاعضاء شعبية في المنتدى والكثير ولاحظت سعادة الكثير من الاعضاء باستضافته


                  رحبوا معي بالضيف المميز
                  سبعاوي


                  اسمح لي في البداية اقدم لك بوكيه ورد باسمي واسم جميع الاعضاء المنتظرين حلقتة سيادتك على احر من الجمر


                  في البداية ممكن حضرتك تعرفنا بنفسك اكتر يعني اسمك سنك شهادتك وظيفتك الحالة الاجتماعية .........الخ
                  سبعاوي باشا ايه مفهومك للسعاده .. وهل تشعر بانك سعيد؟؟
                  كلمة ديما ترددها على لسانك؟؟
                  لكل انسان ذكريات معينة يتمنى نسيانها .. ياترى سيادتك تتمنى تنسى ايه؟؟

                  ايه كتر حاجة بتحس انك مخنوق منها؟؟

                  ياترى سيادتك ممكن تطلع اسرارك الشخصية جدا لحد ولا بتحب تحتفظ بيها لنفسك .. ولو بتحب تطلعها لحد مين هو ؟؟؟

                  جات عليك اوقات كنت تبكي وتضحك في نفس الوقت؟؟

                  اختار 3صفات من الصفات التالية تنطبق عليك اكثر من غيرها
                  غيور خجول متسرع عاطفي كسول عصبي حساس غير مبالي دبلوماسي

                  هل بتحب تلبس وتستخدم ماركات مشهورة ولا الموضوع مش فارق معاك؟؟

                  لو معاك 3 اوسمة هاتوزعهم عى 3 اعضاء بالمنتدى
                  وسام خفة الدم - وسام لباقة في النقاش- وسام مواضيع هادفه
                  هاتديهم لمين

                  بتتعامل ازاي مع المدعو سيد حبارة؟؟

                  لو في خناقة ممكن تستخدم الصاعق ؟؟

                  باقة ورد لمن تهديها؟؟

                  حضرتك قاهري اصلا ولا من بحري ولا صعيدي؟

                  طيب ايه رأيك في الصعايدة ؟؟؟


                  انا سعيد جدا جدا بالحفاوة دى كلها، وربنا يكرمكم كدة كلكم ، بس بالراحة على اخوكم الصغنن حلاوة ،

                  الأسم: خالد عمر، وطبعا معرف هنا وعلى بعض محافل الانترنت باسم سبعاوى
                  السن: 36 سنة
                  المؤهل: بكالوريوس الهندسة، قسم الميكانيكا، شعبة قوى، 1994 جامعة عين شمس
                  الوظيفة الحالية:قائد فريق دعم فنى بشركة الجيزة للأنظمة
                  الحالة الاجتماعية: بعد 6 ايام اكون قضيت 4 سنوات من المدة بتاعتى فى قفص الزوجية وقريبا ان شاء الله سأعول (دعواتكم)

                  سبعاوي باشا ايه مفهومك للسعاده .. وهل تشعر بانك سعيد؟؟
                  السعادة بالنسبة لى هى فى الشعور بالاستقرار وعدم وجود مشاكل، يعنى الصحة والستر زى ما كانوا اهلنا بيقولوها زمان، والحمد لله فى معظم الوقت بكون سعيد

                  كلمة ديما ترددها على لسانك؟؟
                  لو كان فيه خير، ما كان رماه الطير
                  لكل انسان ذكريات معينة يتمنى نسيانها .. ياترى سيادتك تتمنى تنسى ايه؟؟
                  اتمنى انسى اللحظة اللى جالى فيها تليفون يخبرنى بوفاه والدى، اكثر من عشرة سنوات وذكرى اللحظة دى بتمزقنى

                  ايه كتر حاجة بتحس انك مخنوق منها؟؟
                  لما بشوف او بتعامل مع حد عنده اقتناع لا ادرى سببه انه احسن من بقيه مخاليق ربنا، وخصوصا لما ميكونش فيه اى سبب يدعم الشعور العجيب ده وخصوصا كمان ان دول بقوا كتير أوى

                  ياترى سيادتك ممكن تطلع اسرارك الشخصية جدا لحد ولا بتحب تحتفظ بيها لنفسك .. ولو بتحب تطلعها لحد مين هو ؟؟؟
                  فيه اسرار لا يعرفها احد، وفيه حاجات بقدر اطلعها لزوجتى ، وفيه حاجات تانية بطلعها لصديق او اتنين، لكن دايما حسبتى فى اخراج سر ما بتكون اولا الثقة فيمن اخرج له السر، ثانيا تقبله او عدم تقبله للمعلومة اللى هيعرفها عنى

                  جات عليك اوقات كنت تبكي وتضحك في نفس الوقت؟؟
                  مرة واحدة، لما انقلبت بيا العربية الفيات 127، 14-10-1997اصلى مكنتش طايقها، لكن فى نفس الوقت كانت هى ايدى ورجلى

                  اختار 3صفات من الصفات التالية تنطبق عليك اكثر من غيرها
                  غيور خجول متسرع عاطفي كسول عصبي حساس غير مبالي دبلوماسي
                  حساس-خجول-عصبى

                  هل بتحب تلبس وتستخدم ماركات مشهورة ولا الموضوع مش فارق معاك؟؟
                  بحب البس واستخدم الحاجات اللى اقدر احكم انها جيدة سواء بتجارب الآخرين او تقديرى الشخصى، يعنى ممكن ادفع مبلغ اكبر علشان آخد منتج من ماركة معروف ان منتجها يساوى ثمنه، لكن لا ادفع نقود من اجل الماركة نفسها

                  لو معاك 3 اوسمة هاتوزعهم عى 3 اعضاء بالمنتدى
                  وسام خفة الدم - وسام لباقة في النقاش- وسام مواضيع هادفه
                  هاتديهم لمين
                  وسام خفة الدم هديه لأحمد ابراهيم
                  وسام المواضيع الهادفة هديه لعلا عثمان
                  وسام اللباقة فى النقاش هديه لأحمد سمير

                  بتتعامل ازاي مع المدعو سيد حبارة؟؟
                  باحاول اجتنبه بقدر الاستطاعة، فيه موضوع انا كنت كاتبه زمان على المنتدى اسمة فن الهبوط بالباراشوت، صحيح هو مش بيعبر عن كل من هو سيد حبارة لكن عن فئة بس انا عبرت فيه عن ثقافة الاجتناب اللى انا عايشها

                  ده الرابط بتاعه


                  لو في خناقة ممكن تستخدم الصاعق ؟؟
                  هو انا ممكن اتهور واشيل واحد فى العربية بس انا على ما ادور علية واطلع الكتالوج بتاعه واشوف بيشتغل الزاى هيكون اللى بتخانق معاه كلنى علقة مياكلهاش واحد ماشى شايل فى ايده راس بقرة مدبوحة فى شوارع نيودلهى

                  باقة ورد لمن تهديها؟؟
                  اهديها لزوجتى(بعد اذنكم طبعا)

                  حضرتك قاهري اصلا ولا من بحري ولا صعيدي؟
                  انا متعدد الجنسيات زى شركة شل كدة، جدى لأبى صعيدى لكن والدى من مواليد القاهرة ولنا بلد فى الصعيد(دير مواس-المنيا) رحتها مرة واحدة، ووالدتى من محافظة القليوبية واخوالى وابنائهم كلهم مقيمين هناك، لكن انا من مواليد القاهرة

                  طيب ايه رأيك في الصعايدة ؟؟؟
                  زى كل حاجة فى مصر، فيهم عبق الصعايدة بتاع زمان بسع عليه شوية تراب عايزين يتشالوا
                  هشرب العصير واكمل اجابات
                  [SIZE=5][COLOR=navy]سبعاوى[/COLOR][/SIZE]
                  _______________________________________________

                  Comment


                  • المشاركة الأصلية كتبت بواسطة sab3aawy مشاهدة المشاركة
                    حضرتك قاهري اصلا ولا من بحري ولا صعيدي؟
                    ولنا بلد فى الصعيد(دير مواس-المنيا) رحتها مرة واحدة،
                    تصدق كان قلبي حاسس انك منياوي علشان كدة سألت السؤال ده بالذات
                    قلب المؤمن دليله او حاسه سادسه معرفش


                    ربنا يجيب البيبي بالسلامة يارب ويحفظه من كل شر
                    بالهنا والشفا العصير

                    Comment


                    • waiting........
                      (الزواج ھو أن تأخذ البقال على أول شارعكم لبیتك حیث يعیش معك ، وتنفق علیه للأبد ھو وأطفاله
                      لمجرد أنك تحب الجبن الرومي !)

                      Comment


                      • المشاركة الأصلية كتبت بواسطة نور القمر مشاهدة المشاركة





                        اهلا بيك سبعاوي باشا من جديد
                        خلي بالك انا متأكدة ان كل الاعداء قصدي الاعضاء مستنيين الاسئلة اللي جاية على نار

                        مِنَ الماضي أَتَتْني تَقولُ أَنْتَ....
                        فََقُلْتُ أَنا فَرَدَّتْ أَنْتَ كُنْتَ
                        فَقالِتْ لي تُحادِثُني بِجَهْلٍ...
                        فَطِبْ في جَهْلِكَ مِنْ حَيْثُ جِئتَ
                        أَنا الماضي أَساسُ ما سَيأتي...
                        فَضِعْتُ أَنا بِلا أَسَفٍ وَضِعْتَ
                        أَنا العِشْقُ تَنامى في التَّجَلِّي...
                        وَأَنْتَ في سَحِيقِ القَلْبِ صِرْتَ
                        فَلا عَهْدي حَفَظْتَ بِكُلِّ صِدْقٍ ...
                        وَلا المَكْلومُ في صَدْري حَفَظْتَ
                        فَهذا ما جَنَتْهُ يَداك فاعْلَمْ...
                        بِأَنَّ الْمَوْتُ صارَ مِنْكَ مَوْتا
                        فَلا الْقَلْبُ غَدا قَلْباً يَدّقُّ...
                        وَلا الرُّوحُ تَهيمُ حَيْثُ أَنْتَ
                        تَرَى الصَّوْتُ بِكَ في تِيهِ ظِلٍّ...
                        يُنادِيِهِ الصَّدى فَيَصيرُ صَوْتا
                        أَنا العُمْرُ وَأَنْتَ مَنّي رُوحي...
                        فَدَعْ عَنْكَ المَلامَةَ
                        قَدْ أَتَيْتَ...
                        ايه رأيك في الشعر السابق؟
                        ياترى لو اتعرضت لنفس الموقف هيكون ايه شعورك؟
                        طيب ممكن تتوسل لها ترجع لك؟
                        يا ترى اول حب حقيقي في حياتك مش حب مراهقه كان امته؟
                        طيب هي لسه بتيجي على بالك؟
                        تتمنى الايام دي ترجع تاني؟
                        لو شوفها صدفة في الشارع ردة فعلك ايه؟
                        ياترى دموعك نزلت قبل كدة بسبب الحب؟

                        المرأة الجميلة تأسرك ,..... والمرأة الذكية تستأثرك ......
                        ما رايك في تلك المقولة ؟؟؟؟
                        انت ممكن تعاكس واحدة حلوة ؟

                        اوصف الحب بايجاز
                        اوصف الفراق

                        اووووووووووووووه انا نفسي تعبت ... الله يكون في عونك

                        ا س ت را ح ة ق ص ي رة (معلش بنهج من كتر الاسئلة)

                        اتفضل جاتوه يديك طاقة وسعرات حرارية علشان تقدر تصمد معانا اليومين دول والغدا اخر الحلقة ان شاء الله



                        فََقُلْتُ أَنا فَرَدَّتْ أَنْتَ كُنْتَ
                        فَقالِتْ لي تُحادِثُني بِجَهْلٍ...
                        فَطِبْ في جَهْلِكَ مِنْ حَيْثُ جِئتَ
                        أَنا الماضي أَساسُ ما سَيأتي...
                        فَضِعْتُ أَنا بِلا أَسَفٍ وَضِعْتَ
                        أَنا العِشْقُ تَنامى في التَّجَلِّي...
                        وَأَنْتَ في سَحِيقِ القَلْبِ صِرْتَ
                        فَلا عَهْدي حَفَظْتَ بِكُلِّ صِدْقٍ ...
                        وَلا المَكْلومُ في صَدْري حَفَظْتَ
                        فَهذا ما جَنَتْهُ يَداك فاعْلَمْ...
                        بِأَنَّ الْمَوْتُ صارَ مِنْكَ مَوْتا
                        فَلا الْقَلْبُ غَدا قَلْباً يَدّقُّ...
                        وَلا الرُّوحُ تَهيمُ حَيْثُ أَنْتَ
                        تَرَى الصَّوْتُ بِكَ في تِيهِ ظِلٍّ...
                        يُنادِيِهِ الصَّدى فَيَصيرُ صَوْتا
                        أَنا العُمْرُ وَأَنْتَ مَنّي رُوحي...
                        فَدَعْ عَنْكَ المَلامَةَ
                        قَدْ أَتَيْتَ...
                        ايه رأيك في الشعر السابق؟

                        عايزة الحق وللا ابن عمه؟ نبتدى بابن عمه: شعر رصين جدا وبيعبر عن حالة وجدانية مؤثرة للغاية
                        اما عن الحق: بحاول افهم الشاعر عايز ايه بس لحد ديلوقتى مش فاهم حاجة، اصل انا ومن ايام المدرسة عندى حالة حساسية مزمنة من كل ما هو كلام موزون مقفى
                        ياترى لو اتعرضت لنفس الموقف هيكون ايه شعورك؟
                        طبعا بمجرد انى اقدر اعرف ايه هو الموقف هقوللك انا شعورى هيكون ايه وقتها مش هتكسف، ونا هخبى ليه يعنى
                        طيب ممكن تتوسل لها ترجع لك؟
                        هو شكلها بالشبه كدة ومن سؤالك ده ان الكلام على حالة من اللقاء بعد الفراق، وبالتالى لو انا فهمت صح فانا اعتقد ان كل وقت وله ادان، يعنى لو حاجة اهيل عليها التراب من زمان بيكون صعب جدا بعثها من موات،حتى لو حاولنا نعيش الحالة ونبعثها من مرقدها فبعد شوية وفى لحظة صدق مع النفس بنكتشف اننا معيشين نفسنا فى الحالة مش اكتر لكن اللى مات مبيصحاش تانى
                        يا ترى اول حب حقيقي في حياتك مش حب مراهقه كان امته؟
                        كان من سبعة سنوات وكان حب من اغرب ما يكون ،لأن الشخصية اللى حبيتها وتعلقت بيها جدا طلعت شخصية وهمية، بمعنى ان الانسانة المكونة من لحم ودم اللى كانت موجودة قدامى لم يكن لها اى علاقة بالبيانات اللى هى ادتهالى عن نفسها،
                        طيب هي لسه بتيجي على بالك؟
                        ساعات بس مش كتير ، كمجرد ذكريات باسمة
                        تتمنى الايام دي ترجع تاني؟
                        حلاوتها فى كونها ذكريات، متهيالى لو رجعت مش هحس بنفس السعادة
                        لو شوفها صدفة في الشارع ردة فعلك ايه؟
                        مش اكتر من ان الذكريات هتتحرك جوايا
                        ياترى دموعك نزلت قبل كدة بسبب الحب؟
                        كتير

                        المرأة الجميلة تأسرك ,..... والمرأة الذكية تستأثرك ......
                        ما رايك في تلك المقولة ؟؟؟؟
                        اقولهالك بتعبراتى انا: المرأة الجميلة تشبه جالون كيروسين يمكن ان يشعل احساسك بقوة للحظات،اما المرأة الذكية فهى مصباح كيروسين يمكنه ان يدفئ حياتك لسنوات وسنوات
                        انت ممكن تعاكس واحدة حلوة ؟
                        اخر مرة عملتها كان من 20 سنة ، ايام الثانوى، كنا لسة عيال بأه

                        اوصف الحب بايجاز
                        الحب هو المادة اللاصقة التى تحول الأفراد المتفردين الى مجتمع بنفس الطريقة التى يحول بها الأسمنت قطع الطوب المتفردة الى بناء متكامل، لو كان كل منا مجردا من حبه لابوية ثم فتاته ثم زوجته ثم ابناءه ومعهم اصدقائة ومعارفه لصرنا ذئابا تعوى منفردة فى صحراء الحياه ولما صار هناك معنى لكلمة مجتمع
                        اوصف الفراق
                        اسوأ ألم فى الحياه، اذا كان عن اختلاف ربما نسيناه، لك ما كان منه بسبب رحيل الأحبة عن الحياه فانه يترك جروحا لا تندمل

                        اضرب الجاتوه بقى واكمل
                        [SIZE=5][COLOR=navy]سبعاوى[/COLOR][/SIZE]
                        _______________________________________________

                        Comment


                        • المشاركة الأصلية كتبت بواسطة نور القمر مشاهدة المشاركة

                          السؤال اللي محدش راضي يجاوبه....ترشح مين بعد حسني مبارك؟
                          ايه شعورك تجاه الازمة المالية العالمية؟؟
                          تتوقع انهيار امريكا قريب؟؟
                          تفضل اي دولة تصبح قوى عظمى بعد سقوط امريكا ( قول يارب)
                          ايه رأيك في الوسطة؟ يعني الكوسة مش الوسطى بتاع بني سويف
                          ايه رأيك في استخدام الامن المركزي لفض المظاهرات؟
                          تتمنى تعيش في بلد غير مصر؟؟
                          ايه اسوأ حاجة في مصر من وجهة نظر سيادتك؟
                          طيب ايه احسن حاجة؟؟
                          لو عينوك رئيس الوزراء تقترح وزارات معينه لالغائها ووزارات جديدة لانشائها؟

                          التحدي الحضاري ..... والغزو الفكري ..
                          برأيك كيف نتغلب عليه ؟؟؟



                          السؤال اللي محدش راضي يجاوبه....ترشح مين بعد حسني مبارك؟
                          ربنا يديله طوله العمر، مش يمكن اموت قبله؟ بس عموما مصر ولادة، يمكن بسبب التوجهات الحالية مفيش مواهب ظاهرة تخلى حد يشاور عليها ويقول هو ده اللى مافيش غيره، لكن ادى البلد دى فرصة 10 سنوات ديمقراطية حقيقة وهتشوفى 1000 واحد على الساحة ينفعوا يحكموا بكفائة
                          ايه شعورك تجاه الازمة المالية العالمية؟؟
                          هزة عنيفة هتغير مفاهيم كتير جدا، يعنى اثره مش بس هيتوقف عند حالة الكساد التى قد تستمر لسنوات، لكن فيه فلسفات اقتصادية هتتغير، ويكفى اننا نشوف لأول مرة تدخلات حكومية لانقاذ شركات كبرى فى الدول العتيدة فى النظام الرأس مالى، وهو ما يعد تصرف اشتراكى الى ابعد الحدود، فبالتالى ممكن نشوف ظهور فلسفات اقتصادية جديدة بعد انهيار الشيوعية منذ 15 سنة وهذة الهزة الحالية التى تقلقل الأرض من تحت البناء الرأسمالى
                          تتوقع انهيار امريكا قريب؟؟
                          لو كان ماكين كسب برغم كل المؤشرات التى تشير الى ان اوباما هو الأصلح لأمريكا فى الحقبة القادمة، كنت ممكن اتوقع ان امريكا التى كانت ستثبت للعالم كله انذاك انها موغلة فى العنصرية هتتعرض لهزات قوامها الضغوط الاقتصادية الداخلية والرفض العالمى لسياساتها، قد تسفر فى حالتها القصوى عن ظهور موجات انفصالية فى الولايات الغنية حيث ستفكر شعوب هذة الولايات بأنه لا داعى لانفاق ثرواتها على احلام واشنطن المجنونة، لكن المواطن الأمريكى الذى انتخب اوباما استطاع ان يثبت لحلفاء امريكا ان الشعب الأمريكى شعب متعقل وانه لا يقل تحضرا عن مثيله الأروبى(انا هنا بتكلم من وجهة نظر الأمريكان والأوروبيين لأن احنا لا ناقة لنا ولا جمل فى هذة المسائل العملاقة سى الفرجة وعلى اقصى قدر قليل من التحليل) وبالتالى ، فلسفة المواطن الأمريكى فى وضع اوباما على الكرسى هتدى لأمريكا شرعية عالمية مرة اخرى ستدوم لحقب طويلة، وبالتالى انهيار امريكا ليس ضمن الحسابات حاليا ولا قريبا

                          تفضل اي دولة تصبح قوى عظمى بعد سقوط امريكا ( قول يارب)
                          لو سألتى قلبى هقوللك مصر، بس طبعا فى المشمش
                          لو سألتى عقى هقول لك فرنسا،لأن دول اكتر ناس نقدر نخلق معاهم قنوات اتصال متوازنة، الصين لو صارت دولة عظمى هتبيد كل الشعوب اللى حواليها، ، الروس لو بقوا دولة عظمى هيستعبدوا العالم كله ، الاتحاد الاوروبى لو بقت لألمانيا الكلمة العليا فيه وبقى هو الدولة العظمى هيطلع لنا هتلر جديد بنسخة جديدة من كتاب (هكذا قال زرادشت) بتاع نيتشة ويستغله علشان يولع فى العالم كله تانى، طبعا العرب ايدك منهم والأرض وايران نسخة اسلامية من الاتحاد السوفييتى السابق، لذلك انا شايف ان فرنسا هى الأقرب للحل الآدمى، برغم انها، بمعزل عن الحل الاوروبى الكامل تعتبر بعيدة عن ان تكون الدولى العظمى فى العالم
                          ايه رأيك في الوسطة؟ يعني الكوسة مش الوسطى بتاع بني سويف
                          موجودة فى الدنيا كلها بحدود، لكن موجودة عندنا وعند كل الدول اللى حوالينا بدون حدود، مش بنادى بمنعها لأن ده مستحيل ، لكن لو وصلت للحدود اللى زى الموجودة فى اوروبا يبقى غاية المراد من رب العباد لأنها جزء من التكوين الاجتماعى لا يمكن القضاء عليه فى اى مجتمع
                          ايه رأيك في استخدام الامن المركزي لفض المظاهرات؟
                          قلة ادب
                          تتمنى تعيش في بلد غير مصر؟؟
                          جربت وماانبسطتش
                          ايه اسوأ حاجة في مصر من وجهة نظر سيادتك؟
                          عدم تطبيق العدالة وعدم احترام القانون
                          طيب ايه احسن حاجة؟؟
                          اكتر بلد فيه دفئ ومرح وحياه بين كل الدول اللى شفتها او سمعت عنها
                          لو عينوك رئيس الوزراء تقترح وزارات معينه لالغائها ووزارات جديدة لانشائها؟
                          هاعمل وزراة جديدة تاخد جزء من تخصصات بعض الوزرات لكن يكون كل هدفها هو التعليم الفنى للمصريين طبقا للاشترطات والشهادات العالمية لتصدير القوى العاملة للخارج، يعنى زى ما نادى مش عارف ايه الاجنبى ديلوقتى بيفتح مدرسة كورة فى مصر علشان يطلع لعيبة محترفة ياخدهم اوروبا بعد كدة، انا هعمل نظام تعليم متخصص يطلع فنيين فى كل التخصصات ودكاترة ومهندسين وممرضين وكل التخصصات حتى الحلاقين والمكوجية طبقا للمواصفات القياسية بتاعة الاتحاد الاوروبى، واعلمهم فرنساوى والمانى وايطالى واسبانى ويونانى وتركى، وبالتعاون مع وزرات العمل هنا نجيب لهم تصاريح عمل مقننه والناس دى تسافر تشتغل برة، والناس تكسب والبلد تكسب من التحويلات وشكل العمالة المحترمة الشبعانة برة يحسن صورتنا فى الخارج

                          التحدي الحضاري ..... والغزو الفكري ..
                          برأيك كيف نتغلب عليه ؟؟؟
                          الغزو الفكرى وكما هو واضح من اسمه "فكرى" علشان نتغلب عليه لازم يكون عندنت فكر، وعلشان يكون عندنا فكر لازم ميبقاش فيه رقابة على الفكر، يعنى الرقابة المزدوجة على الفكر اللى فى بلدنا، رقابة السلطة على ما لا يناسبها من فكر ورقابة الدهماء على كل فكر يأتى من يقنعهم انه ضد المقدسات حتى ولو لم يكن له علاقة بها، لما ده يكون فى حدوده الطبيعية هيبقى عندنا فكر وبالتالى عندنا اصالة نقدر نقاوم بيها المنتج الأجنبى، لكن ما الفكر عندنا تحت القمع فليس امامنا سوى استيراد قيم الآخرين ، سواء كان الآخرين دول ساكنين شمال المتوسط او غرب الأطلنطى او شرق البحر الاحمر-ويا ويلنا من ثقافة شرق البحر الأحمر
                          [SIZE=5][COLOR=navy]سبعاوى[/COLOR][/SIZE]
                          _______________________________________________

                          Comment


                          • حلقــــه جميله جدا جــدا...وإجابات استاذ/ سبعاوى عاجبنى جدا....والصراجه كلامه بيملأ النفوخ


                            سؤال عالسريع لأستاذ سبعاوى

                            حضرتك برج ايــه؟؟؟وهل بتعرف صفات الابرج ومقتبع بيها؟؟؟؟

                            ولى عوده ان شاء الله ...


                            ومتـــابــع بأستمتـــــــــــاع
                            [CENTER][COLOR="Lime"][COLOR="Yellow"]--[/COLOR][COLOR="DarkOrchid"]--[/COLOR]--[COLOR="DarkOrchid"]--[/COLOR][COLOR="Yellow"]--[/COLOR]
                            -::[COLOR="Purple"][SIZE="3"][COLOR="Yellow"]....[/COLOR] [COLOR="DarkOrchid"]I[COLOR="Lime"]'[/COLOR]M PR[COLOR="Lime"]O[/COLOR]T[COLOR="Lime"]O[/COLOR]NY[/COLOR] [COLOR="Yellow"]....[/COLOR][/SIZE][/COLOR]::-
                            --[COLOR="Yellow"]-[COLOR="DarkOrchid"]-[/COLOR]-[/COLOR]--[/COLOR]

                            [aldl]http://img825.imageshack.us/img825/7055/3333333388333335555.gif[/aldl]

                            [URL="http://www.facebook.com/group.php?gid=67622393715"][aldl]http://farm5.static.flickr.com/4051/4341840452_c91620bc9b_o.jpg[/aldl][/URL]

                            [/CENTER]

                            Comment



                            • يادي النور يا دي النور :D

                              ندخل في المفيد

                              *سبعاوي باشا .. لو قلت لحضرتك إيه أكتر سبع حاجات بتحبها في صفات البني آدم تقولي إيه ؟؟

                              *مين كان مثلك الأعلى .. ومين مثلك الأعلى حالياً ؟؟ وحضرتك مثل مين الأعلى ؟؟

                              *شايف مصر رايحه فين يا سبعاوي باشا ؟؟

                              *لو حلمنا سوا وبقيت رئيس إدارة المرور بالقاهره الكبرى .. تفتكر هتعرف تغير حاجه ؟؟ وضح ..


                              *أخبار الطبيخ والأكل معاك إيه ؟؟ بتعرف تطبخ ؟؟ بتحب تعمل أكله معينة عشان تظهر فيها المواهب الجامدة؟

                              *إيه الي بيخلي خالد باشا يئن بداخله ولا يستطيع ان ينزل دمعة واحده ؟؟

                              *ابتسامتك قريبة ؟؟ دمعتك إيه أخبارها ؟؟

                              *لو شاب زيي سألك وقالك أسافر يا أستاذ خالد ولا أفضل في مصر أخبط تقوله إيه وتنصحه بإيه ؟؟

                              *نايل موتورز لخالد أبو السباع يمثل إيه ؟؟

                              *عرف كل من الكلمات الآتية :


                              الحب :

                              الأخوة :

                              الشرف :

                              السعادة :

                              القناعة :

                              حب التملك :

                              الحنان :

                              الشدة :

                              كفاية كده عشان انا مقدر الظروف الي هتحصل لحضرتك النهارده هتلاقي شلالات من الأسئلة .. انا اتوقع زيادة عدد الاعضاء الجدد بالمنتدى النهارده



                              سنعود بعد الفاصل ..
                              [SIZE=3][CENTER][rmade]http://www6.0zz0.com/2009/07/09/11/723881507.jpg[/rmade]
                              [FONT=Arial Black][SIZE=3][B][COLOR=DarkSlateBlue]
                              [/COLOR][/B][/SIZE][/FONT][justify]...
                              [/justify]
                              [/CENTER]
                              [/SIZE]

                              Comment


                              • المشاركة الأصلية كتبت بواسطة Ayman_52 مشاهدة المشاركة
                                حلقــــه جميله جدا جــدا...وإجابات استاذ/ سبعاوى عاجبنى جدا....والصراجه كلامه بيملأ النفوخ



                                سؤال عالسريع لأستاذ سبعاوى

                                حضرتك برج ايــه؟؟؟وهل بتعرف صفات الابرج ومقتبع بيها؟؟؟؟

                                ولى عوده ان شاء الله ...



                                ومتـــابــع بأستمتـــــــــــاع
                                انا من برج السرطان، وبصراحة اقف من موقف صفات الأبراج موقف الحائر، عقلى يقول لى ان ما يحكم شخصية الانسان هو جيناته ومجتمعه وتربيته وليس الى اى مجموعة نجميه كان وجه الأرض يوم مولده، لكن ملاحظاتى للصفات المشتركة بين مواليد البرج الواحد بتخلينى احتار، فالصراحة مش قادر اقطع برأى نهائى
                                [SIZE=5][COLOR=navy]سبعاوى[/COLOR][/SIZE]
                                _______________________________________________

                                Comment

                                Working...
                                X