إعـــــــلان

Collapse

.

,
See more
See less

حوار من القلب للقلب - الجزء الأول

Collapse
This topic is closed.
X
X
 
  • Filter
  • الوقت
  • Show
Clear All
new posts

  • المشاركة الأصلية كتبت بواسطة fiatto مشاهدة المشاركة
    كما اعتدناك دائما ياموتو انسان جميل
    ده من ذوقك يا فياتو يا جميل
    [COLOR="gray"]
    [CENTER]Leadership is based on inspiration, not domination[/CENTER][/COLOR]

    Comment


    • المشاركة الأصلية كتبت بواسطة Nile_Storm مشاهدة المشاركة
      ياخبر ابيض
      ايه ده كله
      لقيتك قاعد قلت اجي اسلم
      مش هسال انت مش ناقص ياعيني :)
      و للاسف حظي وحش اني فاتت مني حلقه مستر شيكو :(
      ده بهدلة يا محمد :(
      مسيرك تعيد حلقتك و تعرف
      شكراَ لمرورك يا صديقي
      [COLOR="gray"]
      [CENTER]Leadership is based on inspiration, not domination[/CENTER][/COLOR]

      Comment


      • اجابات هايلة يا موتو ... بس فتحت لي أبواب لاسئلة كتيرة نيهاهاهاهاهيي
        اللكشة التانيه من الأسئلة عن المزيكا ....

        - أمتي موتو بقى عنده شخصية موسيقيه مستقلة و طلب يسمع حاجة مختلفة عن الاهل
        - موسيقى رزع الحلل صعب تتسمع من غير ما ت pump up the volume ....كيف يتحايل موتو على الموضوع ده
        - إيه تاريخ موتو الموسيقي : يعني إيه المراحل اللي عديت بيها لحد دلوقتي
        - أمتي ابتدي يتعلم يلعب مزيكا و ازاي اكتشف إنه ليه صوت حلو ....
        - ازاي شايف مستقبل الباند بتاعه الحالي ...
        - إيه الألبوم اللي ما ينفعش تستغني عنه و الألبوم اللي ما ينفعش يتشال من العربية
        - Bohemian rhapsody الماستر بيس بتاعة كوين .... أمتي موتو بيحس نفس احساس الكلمات بتاعتها
        [CENTER] [/CENTER]

        Comment


        • شيكو باشا ايه التطور الخطير ده
          كل دي اسئلة عرفت تسألها هههههههههههههه امال فين السؤالين المعتادين؟؟!!!!
          لا يأس مع الحياة

          Comment


          • يا موتو حظك اني مشغول :@
            حخلص و راجعلك بشويه اسأله عنب ههههه
            [CENTER][SIZE=4][URL="http://www.youtube.com/watch?v=AbR3fgcJacE"][B]People of The Lie[/B][/URL][/SIZE]
            [/CENTER]
            [CENTER]<!--EndFragment-->[/CENTER]

            Comment


            • المشاركة الأصلية كتبت بواسطة نور القمر مشاهدة المشاركة
              شيكو باشا ايه التطور الخطير ده
              كل دي اسئلة عرفت تسألها هههههههههههههه امال فين السؤالين المعتادين؟؟!!!!
              لا يأس مع الحياة
              هو اللي اتعمل فيا شوية يا نور باشا .... خلاص المارد طلع من القمقم
              [CENTER] [/CENTER]

              Comment


              • المشاركة الأصلية كتبت بواسطة Chicco مشاهدة المشاركة
                هو اللي اتعمل فيا شوية يا نور باشا .... خلاص المارد طلع من القمقم
                ربنا يستر ههههههههههههههه ده انت يتخاف منك بعد كدة

                Comment


                • المشاركة الأصلية كتبت بواسطة Chicco مشاهدة المشاركة
                  اجابات هايلة يا موتو ... بس فتحت لي أبواب لاسئلة كتيرة نيهاهاهاهاهيي
                  اللكشة التانيه من الأسئلة عن المزيكا ....
                  الشر بتاع بانتيرا موجود في كل المعدنيين

                  - أمتي موتو بقى عنده شخصية موسيقيه مستقلة و طلب يسمع حاجة مختلفة عن الاهل

                  لأ هو انا أصلاَ متأثرتش بالأهل في موضوع الموسيقي خالص .. انا تأثرت بموسيقي الكارتون اللي كنت بتفرج عليه و انا صغير (و اللي إكتشفت فيما بعد إنه روك) .. يعني موسيقي الكابتن ماجد كلها إليكتريك جيتارز ! و الباور رينجرز كانت هارد روك صرف يعني .. انا كنت بحب صوت الإليكتريك جيتار عموماَ بس مكنتش عارف في الموسيقي أو بمعني أصح مش عارف أسمي الموسيقي اللي بتعجبني .. لحد ما إكتشفتها

                  بس انا مبقاليش شخصية موسيقية مستقلة غير اما إبتديت أشوف الباندات ال local .. إحنا في الأول كنا بنلعب covers و انا كنت بقلد بصراحة حتي في طريقة الغنا يعني كنت بقلد هيتفيلد في ال accent بتاعته دايما تلاقيه بيقول heeeyea .. are you happyyyeaaa عارف إنت طبعاَ فا انا كنت بقلد .. لحد ما شفت باند لوكال بتقلد برضه قلت إيه ده معقول انا ببقي أهبل كدة ؟ و دي كانت بداية let's go original

                  - موسيقى رزع الحلل صعب تتسمع من غير ما ت pump up the volume ....كيف يتحايل موتو على الموضوع ده

                  headphones .. بس ساعات البيت بيبقي فاضي بيحصل بلاوي .. علي سبيل المثال مرة عملت jamming كاملة عالسطوح بدرامز و amps و كله و كاد الموضوع أن ينتهي في القسم .

                  - إيه تاريخ موتو الموسيقي : يعني إيه المراحل اللي عديت بيها لحد دلوقتي

                  كنت بسمع العربي الموجود و بتأثر في اللاوعي بالروك اللي بسمعه بس معرفش إيه ده .. لحد ما و انا في إعدادي واحد إداني البوم للينكين بارك عجبوني .. بعد كدة سمعت متياليكا عجبوني جداَ فا جبت ألبوماتهم كلها .. و البوم البوم جراج بتاعهم كان نافذة موتو للمرور إلي العالم المعدن و الصخر لأن زي ما إنت عارف يا شيكو باشا كان كله covers .. فا انا إبتديت أتعرف عالباندات اللي عملت ال originals و وقعت في باندات من طراز sabbath و motorhead !! غير كدة انا كان كل باند بتعجبني كنت أخش عالنت و أدور مين ال influences بتاعتهم و أسمعهم لحد ما توغلت في القدم لحد ما وصلت لألفيس و buddy holly و وصلت للأربعينات .

                  - أمتي ابتدي يتعلم يلعب مزيكا و ازاي اكتشف إنه ليه صوت حلو
                  الحقيقة كنت عايز أتعلم جيتار من زمان بس كان مرفوض في البيت عشان الثانوية العامة .. أول ما خلصتها جبت جيتار .. إكتشفت إني مبحبش ألعب جيتار !! و إكتشفت إني بحب أسمعه بس و بستمتع بسماعه فقط .. و إكتشفت إني بحب لعب ال bass جداَ عن طريق واحد أعرفه كان بيلعبه و كنت بقعد أهبل عليه .. فا جبت bass .. و انا عملت الباند لأني كنت متأثر بكيرت كوبان و عايز أغني الأغاني بتاعته و خلاص بغض النظر بقي صوت حلو ولا مش حلو .. بس إنت عارف أصلاَ الروك مش محتاج صوت حلو هو يمكن محتاج attitude أكتر .. و أكبر دليل lemmy kilmister بتاع موتورهيد صوته يقطع الخميرة من البيت بس معدني أصلي .. رزع الحلل .. طبعاَ بالصدفة برضه انا و الجيتاريست و الدرامر بقينا صحاب و إستمرينا و عملنا أغاني بتاعتنا .. و مش عارف بصراحة انا كويس في ال vocals ولا لأ بس إحنا لعبنا في 3 حفلات و الناس متفتش علينا يعني و فيه حفلة خدنا فيها best performance و انا بلعب bass w vocals

                  - ازاي شايف مستقبل الباند بتاعه الحالي ...
                  الله أعلم بصراحة بس انا نفسي نسجل حاجة حتي لو علي سبيل حلاوة الروح

                  - إيه الألبوم اللي ما ينفعش تستغني عنه و الألبوم اللي ما ينفعش يتشال من العربية

                  ألبوم never mind بتاع نيرفانا :k52:
                  اللي ميتشالش من العربية cowboys from hell
                  و في كل الأحوال لازم حاجة لكوين

                  - Bohemian rhapsody الماستر بيس بتاعة كوين .... أمتي موتو بيحس نفس احساس الكلمات بتاعتها

                  كل الوقت .. أو دي مراحل إكتئابي لحد الخروج من الإكتئاب
                  أول حاجة الهلوسة .. و هو معقول الوضع كدة ؟ و الجو ده في جزء is this the real life

                  بعد كدة مرحلة الإكتئاب التام و الإنهيار بقي mama .. just killed a man

                  بعد كدة الصراع will not let you go - let me go

                  بعد كدة بقي إنتوا هتعملوهم عليا ولا إيه ولا عشان سكتنا يعني ؟ طخ So you think you can stone me and spit in my eye
                  just gotta get outta here !

                  و في الأخر أقول Any way the wind blows.... :)

                  بس الأغنية دي بجد بشوف فيها نفسي كتير و شخصيتي فيها و بحب أسمعها لو سايق في طريق سريع بالليل خالص .
                  [COLOR="gray"]
                  [CENTER]Leadership is based on inspiration, not domination[/CENTER][/COLOR]

                  Comment


                  • شيكو قرر يبقي مذيع علي حظي :k20:

                    المشاركة الأصلية كتبت بواسطة PRO-DRIVE مشاهدة المشاركة
                    يا موتو حظك اني مشغول :@
                    حخلص و راجعلك بشويه اسأله عنب ههههه
                    هههههههه هوا إحنا ليلتنا فل ولا حاجة ؟ :D
                    [COLOR="gray"]
                    [CENTER]Leadership is based on inspiration, not domination[/CENTER][/COLOR]

                    Comment


                    • المشاركة الأصلية كتبت بواسطة Chicco مشاهدة المشاركة
                      هو اللي اتعمل فيا شوية يا نور باشا .... خلاص المارد طلع من القمقم
                      مرحبا بالمارد الهمام :k49: ....انت كده يا باشا مش احتاج اسئلة من حد ...و مش هاوصيك عليه..ده حبيبك...اصل انا شكلى هاطلع عيل ..ومش هسأله زى ماكنت ناوى...خاصةً..بعد الاجابة الدبلوماسية فى حقى :k39:

                      Comment


                      • - Bohemian rhapsody الماستر بيس بتاعة كوين .... أمتي موتو بيحس نفس احساس الكلمات بتاعتها

                        كل الوقت .. أو دي مراحل إكتئابي لحد الخروج من الإكتئاب
                        أول حاجة الهلوسة .. و هو معقول الوضع كدة ؟ و الجو ده في جزء is this the real life

                        بعد كدة مرحلة الإكتئاب التام و الإنهيار بقي mama .. just killed a man

                        بعد كدة الصراع will not let you go - let me go

                        بعد كدة بقي إنتوا هتعملوهم عليا ولا إيه ولا عشان سكتنا يعني ؟ طخ So you think you can stone me and spit in my eye
                        just gotta get outta here !

                        و في الأخر أقول Any way the wind blows.... :)

                        بس الأغنية دي بجد بشوف فيها نفسي كتير و شخصيتي فيها و بحب أسمعها لو سايق في طريق سريع بالليل خالص .
                        هو اول سؤال عن اجابه

                        انا بحب الاغنيه دي بجد بس بعد ما فهمت عملوها ليه اتضايقت منها ههههه

                        بس السؤال بقي اني حاولت بشتي الطرق افهم يقصدوا ايه لما بيقوالوا "بسم الله" فيها !!

                        بجد قريت الليركس يمكن 50 مره عشان افهم
                        ملقتش ترجمه غير انهم كانو عاوزين يحطوا كلمه جديده و خلاص
                        [CENTER][SIZE=4][URL="http://www.youtube.com/watch?v=AbR3fgcJacE"][B]People of The Lie[/B][/URL][/SIZE]
                        [/CENTER]
                        [CENTER]<!--EndFragment-->[/CENTER]

                        Comment


                        • المشاركة الأصلية كتبت بواسطة SS مشاهدة المشاركة
                          مرحبا بالمارد الهمام :k49: ....انت كده يا باشا مش احتاج اسئلة من حد ...و مش هاوصيك عليه..ده حبيبك...اصل انا شكلى هاطلع عيل ..ومش هسأله زى ماكنت ناوى...خاصةً..بعد الاجابة الدبلوماسية فى حقى :k39:
                          خيانة ... فين التحالف الأستراتيجي يا قمر .... خلي بالك يوم ما حاتقع في أيد موتو ... قصدي إن شاء الله لما نور باشا تستضيفك ... مش حيبقى فيه رحمة

                          بس ساعات البيت بيبقي فاضي بيحصل بلاوي .. علي سبيل المثال مرة عملت jamming كاملة عالسطوح بدرامز و amps و كله و كاد الموضوع أن ينتهي في القسم .


                          حنسيب المزيكا دلوقتي يا موتو علشان الناس ما تزهقش بس حنرجع بعدين .... خلينا في الصحافة و التلفزيون دلوقتي ....خد لكش الأسئلة ديه :
                          - باعتبارك اشتغلت في دهاليز صاحبة الجلالة ... إيه تعريفك للصحفي الناجح
                          - إيه رأيك في الناس ديه :
                          ابراهيم عيسي
                          عادل حمودة
                          وائل الأبراشي
                          بلال فضل
                          خالد كساب
                          محمد حسنين هيكل
                          سلامة أحمد سلامة
                          مكرم محمد أحمد
                          سمير رجب

                          - كتير لما نشوف عمل فني فيه ناحية طبية نقعد نضحك على السذاجة بتاعة التناول و المعلومات المغلوطة اللي الممثلين بتقولها (هما طبعا معذورين ده النص اللي في أيديهم) .... إيه الحل ؟

                          - فيه عمل فني تناول دهاليز صاحبة الجلاله صح ؟

                          - إيه نوعية الكتب اللي موتو بيحبها و إيه آخر كتاب قريته ؟

                          - لو موتو اشتغل في التلفزيون يشتغل إيه ....مخرج ... معد .... سيناريست مسلسلات عربي .... موديل أعلانات .... مذيع و لا إيه ؟
                          [CENTER] [/CENTER]

                          Comment


                          • المشاركة الأصلية كتبت بواسطة PRO-DRIVE مشاهدة المشاركة
                            هو اول سؤال عن اجابه

                            انا بحب الاغنيه دي بجد بس بعد ما فهمت عملوها ليه اتضايقت منها ههههه

                            بس السؤال بقي اني حاولت بشتي الطرق افهم يقصدوا ايه لما بيقوالوا "بسم الله" فيها !!

                            بجد قريت الليركس يمكن 50 مره عشان افهم
                            ملقتش ترجمه غير انهم كانو عاوزين يحطوا كلمه جديده و خلاص
                            برو باشا .... الأغنية ديه بالذات واحدة من الأغاني اللي أتفسرت كتير قوي .... الفرقة نفسها عمرها ما قالت أي تفسير رسمي أو قصة حقيقية ورا الحكاية اللي بتتقال في الأغنية ... التصريح الرسمي "كل واحد يقدر يفسر الأغنية زاي ما هو عايز ":)

                            واحدة من التفسيرات لبسم الله اللي في الأغنية بتقول إن المجرم و هو في طريقه للاعدام تاب و آمن و عرف ربنا ... على فكرة التفسير ده منشور في كتاب عن كوين !!
                            [CENTER] [/CENTER]

                            Comment


                            • المشاركة الأصلية كتبت بواسطة Chicco مشاهدة المشاركة


                              حنسيب المزيكا دلوقتي يا موتو علشان الناس ما تزهقش بس حنرجع بعدين .... خلينا في الصحافة و التلفزيون دلوقتي ....خد لكش الأسئلة ديه :

                              - باعتبارك اشتغلت في دهاليز صاحبة الجلالة ... إيه تعريفك للصحفي الناجح

                              الصحفي الناجح هو اللي زمايله في نفس الجرنال بيكرهوه .

                              - إيه رأيك في الناس ديه :
                              ابراهيم عيسي : سوبر ستار المعارضين ! و شخصية "صايعة" و انا بحبه جداَ وهو كويس جداَ في الحقيقة بعيد عن الصحافة و البرامج و تعجبني تعليقاته و دخوله في المناطق الشائكة و المناطق اللي ردم عليها التاريخ و إعتبرها من المسلمات .
                              وائل الأبراشي : gentleman
                              بلال فضل : راجل مسخرة !! و الله ساخر من الدرجة الأولي .. بيفطسني من الضحك في كتاباته الصحفية بس مبضحكش خالص في أفلامه و شايف أحسن أفلامه اللي مكانتش كوميدية زي واحد من الناس .
                              خالد كساب : مكتبه عبارة عن صور لأحمد زكي و السادات و بوب مارلي و منير و جينيفر لوبيز .. طبعاَ مش عايش معانا و له عالمه الخاص و باين ده من كتاباته اللي بحبها بس لازم تكون متوافق نوعاَ ما مع العالم ده عشان تشتغل معاه :)
                              محمد حسنين هيكل : صعب يتكرر حد في حجمه بصراحة .
                              سمير رجب : الفساد الفساد .
                              سلامة أحمد سلامة
                              مكرم محمد أحمد
                              عادل حمودة

                              دول لا رأي بصراحة .

                              - كتير لما نشوف عمل فني فيه ناحية طبية نقعد نضحك على السذاجة بتاعة التناول و المعلومات المغلوطة اللي الممثلين بتقولها (هما طبعا معذورين ده النص اللي في أيديهم) .... إيه الحل ؟

                              لا حل ! عشان الكاتب و الممثل و المخرج و ناس كتير في العمل مكسلين ينزلوا يشوفوا العالم الحقيقي في المهن دي عامل إزاي ! كفاية مسلسل يسرا الأخير بيتقال فيه جملة قديمة بتتقال في الأعمال الدرامية بتستفزني أوي بصراحة "انا لازم أكتب المقال بسرعة عشان مستنيينه في المطبعة" !! بصراحة منتهي الجهل .. ده رئيس التحرير نفسه شغله مبيطلعش عالمطبعة مباشرة .. بيحسسوني إن كسلانين يبصوا الدنيا عاملة إزاي !!

                              - فيه عمل فني تناول دهاليز صاحبة الجلاله صح ؟
                              مطلقاَ .

                              - إيه نوعية الكتب اللي موتو بيحبها و إيه آخر كتاب قريته ؟
                              كتب علم النفس بس المتعلقة بالحياة مش اللي مجرد علم نظري .. و الكتب اللي عبارة عن مقالات مجمعة زي بتاعة أنيس منصور و يوسف معاطي بتضحكني .
                              و ساعات كتاب معين بيعجبني فا أقراه ..
                              أخر كتاب قريته بتاع كاتبة شابة مصرية إسمها مروة رخا عن المجتمع المصري إسمه the poison tree .

                              - لو موتو اشتغل في التلفزيون يشتغل إيه ....مخرج ... معد .... سيناريست مسلسلات عربي .... موديل أعلانات .... مذيع و لا إيه ؟

                              موديل إعلانات مرة واحدة غالباَ معد
                              انا نفسي أعمل برنامج زي بتاع أحمد العسيلي أكون المقدم بتاعه بس عالراديو
                              و بالنسبة لموضوع أغنية كوين فا زي ما قال شيكو باشا بالضبط .. و بعدين يا عم إنت سبت scaramouche scaramouche و galelio و جي تقولي بيقولوا بسم الله ليه :D الجزء ده من الأغنية كله حالة من الهلوسة الغير مفهومة و حاجات ملهاش علاقة ببعض فعلاَ لازم كل واحد يفهمها زي ماهو عايز .. و فريدي ميركيري كان قاصد حاجة و مات من غير ما يقولها و أحسن بصراحة المفروض العمل الفني كل واحد يشوفه من وجهة نظره لو كان قال كان ضيق سقف اللي بيسمع .
                              [COLOR="gray"]
                              [CENTER]Leadership is based on inspiration, not domination[/CENTER][/COLOR]

                              Comment


                              • موتو باشا .... المارد رجع .... إنت عملت إيه في الناس .... خلصت عليهم ازاي .... حتى شهاب باشا حيدته :D

                                لكشه الأسئلة الجاية عن الشبكة العنكبوتية :

                                - نايل موتورز ....ليه ؟
                                - إيه الحاجة اللي ندمان انك قلتها أو عملتها في نايل موتورز
                                - أوصف للناس أعضاء الأسرة السريونية في المنتدى
                                - إيه سر إسم dehumanizer و ليه غيرته ل-motorizer
                                - إيه هو موقعك( website) المفضل على الشبكة غير نايل موتورز طبعا ؟
                                - عمرك أتخانقت مع حد على النت ؟ لو لأ ... ممكن تعملها ؟

                                بكره إن شاء الله احتمال أتواجد متأخر و ما أعرفش ألحق أخر الحلقة ... بجد يا موتو أنا سعيد باني اتعرفت على شخصية زيك ... إنت بني آدم إبن حلال و محترم قوي و جواك حاجات حلوة كتير .... ده غير انك عالمي طبعا :)
                                ربنا يوفقك و ييسرك الأمور كلها .... ما تيجي كندا بقى :)
                                [CENTER] [/CENTER]

                                Comment

                                Working...
                                X