إعـــــــلان

Collapse

.

,
See more
See less

حوار من القلب للقلب - الجزء الأول

Collapse
This topic is closed.
X
X
 
  • Filter
  • الوقت
  • Show
Clear All
new posts

  • المشاركة الأصلية كتبت بواسطة نور القمر مشاهدة المشاركة
    موتو حمد لله على السلامة
    معلش على الامتحان تتعوض مرة تانية ان شاء الله
    ميرسي يا نور .. شكلها كدة فيه مرة تانية فعلاَ .
    بس الطريق خنقني أكتر من الإمتحان
    [COLOR="gray"]
    [CENTER]Leadership is based on inspiration, not domination[/CENTER][/COLOR]

    Comment


    • المشاركة الأصلية كتبت بواسطة MoToRiZeR مشاهدة المشاركة
      ميرسي يا نور .. شكلها كدة فيه مرة تانية فعلاَ .
      المشاركة الأصلية كتبت بواسطة MoToRiZeR مشاهدة المشاركة
      بس الطريق خنقني أكتر من الإمتحان

      لا بعد الشر ان شاء الله ناجح
      انا قصدي تتعوض مرة تانية في مادة تانية
      واذا كان على خنقة الطريق خلاص دي بأت حاجة عادية

      Comment


      • المشاركة الأصلية كتبت بواسطة نور القمر مشاهدة المشاركة
        لا بعد الشر ان شاء الله ناجح
        انا قصدي تتعوض مرة تانية في مادة تانية
        لا انا بقولك فيه مرة تانية
        و الطريق عادي إتعودت بس دنا لقيت إنهاردة عربية كارو عالدائري :k20: كان نفسي أصورها بصراحة .
        [COLOR="gray"]
        [CENTER]Leadership is based on inspiration, not domination[/CENTER][/COLOR]

        Comment


        • المشاركة الأصلية كتبت بواسطة MoToRiZeR مشاهدة المشاركة
          بس الطريق خنقني أكتر من الإمتحان
          و لا يهمك يا باشا ...الامتحانات بتروح و تيجى ...اهم حاجة انت...وبعدين دى ميد ترمات ديه و لا ايه اللى منزلاك و مهبدلاك كل يوم كده....بس تصدق بجد..انت كرهتنى فى المحور....لدرجة انى بفكر افجرهولك...بس المشكلة انك هاتضطر تروح الجامعة...مشى!! :k22:
          انا رأفةً بيك ...و عشان انا قلبى ضعيف....وخاصة و ان المحور و الامتحانات مبهدلينك ....وانت لسه فى ريعان شبابك و فى مقتبل العمر..(حلوة مقتبل العمر ديه ايه رأيك) ...فانا هاعفيك من الاسئلة السخيفة...و هاكتفى باشباع فضولى بس...!!
          - بما أن أنت بتفكر فى الرحيل من هذا البلد الظريف...فلو افترضنا انك عندك القدرة دلوقتى ع الحصول ع تأشيرة لبلد ما.. .. ..من الاخر قول اهى البلد ديه ؟؟؟ أو ايه البلاد اللى انت حاطيتها ضمن نطاق اختياراتك؟ و ليه اخترتها ؟و ايه اللى مش عاجبك فيها؟
          شوفت البساطة...مدلعك أهوه ...ولو ان دلعك ده هيخسرنى التحالف مع شيكو حبيبى :k10: ...و اوعى تفتكر ان ده عشان مش عارف أسأل و لا الكلام ده ...اطلاقأ :k35:
          على فكرة حاولت أراعى الهمزة على قد ما قدريت لو فيه حاجة مش عاجباك ..ممكن تاخد كلمة السر ...و تغيرها انت ..عشان مش فاضى :k20:..هما همزتين يتامى اللى هتلاقيهم

          Comment


          • المشاركة الأصلية كتبت بواسطة MoToRiZeR مشاهدة المشاركة
            لا انا بقولك فيه مرة تانية
            و الطريق عادي إتعودت بس دنا لقيت إنهاردة عربية كارو عالدائري :k20: كان نفسي أصورها بصراحة .
            تصورها !!!!....ليه هى حاجة غريبة أوى كده...ولا انت كنت مسافر بقالك فترة؟؟!! :k19:

            Comment


            • سلام عليكم

              معلش يا جماعة انا مختفيه اليومين دول و مش عارفه حاجة في اي حاجة

              هو مين اللي في الحوار اليومين دول؟:k41:

              محمود موتو و لا انا بيستهيالي؟:K15:

              حد يرد عليا عشان اجهز بالاسئلة:wacko:
              [COLOR="DarkOrchid"][SIZE="3"][I][CENTER]il n’est pire aveugle que celui qui ne veut pas voir[/CENTER][/I][/SIZE][/COLOR]

              Comment


              • المشاركة الأصلية كتبت بواسطة SS مشاهدة المشاركة
                و لا يهمك يا باشا ...الامتحانات بتروح و تيجى ...اهم حاجة انت...وبعدين دى ميد ترمات ديه و لا ايه اللى منزلاك و مهبدلاك كل يوم كده....بس تصدق بجد..انت كرهتنى فى المحور....لدرجة انى بفكر افجرهولك...بس المشكلة انك هاتضطر تروح الجامعة...مشى!! :k22:
                انا رأفةً بيك ...و عشان انا قلبى ضعيف....وخاصة و ان المحور و الامتحانات مبهدلينك ....وانت لسه فى ريعان شبابك و فى مقتبل العمر..(حلوة مقتبل العمر ديه ايه رأيك) ...فانا هاعفيك من الاسئلة السخيفة...و هاكتفى باشباع فضولى بس...!!
                - بما أن أنت بتفكر فى الرحيل من هذا البلد الظريف...فلو افترضنا انك عندك القدرة دلوقتى ع الحصول ع تأشيرة لبلد ما.. .. ..من الاخر قول اهى البلد ديه ؟؟؟ أو ايه البلاد اللى انت حاطيتها ضمن نطاق اختياراتك؟ و ليه اخترتها ؟و ايه اللى مش عاجبك فيها؟
                شوفت البساطة...مدلعك أهوه ...ولو ان دلعك ده هيخسرنى التحالف مع شيكو حبيبى :k10: ...و اوعى تفتكر ان ده عشان مش عارف أسأل و لا الكلام ده ...اطلاقأ :k35:
                على فكرة حاولت أراعى الهمزة على قد ما قدريت لو فيه حاجة مش عاجباك ..ممكن تاخد كلمة السر ...و تغيرها انت ..عشان مش فاضى :k20:..هما همزتين يتامى اللى هتلاقيهم
                نشطب بقي يا رجالة

                شهاب باشا .. انا حاطط في دماغي يا كندا يا دولة أوروبية بس ميكونش فيها عنصرية .. مدرستش الموضوع أوي لسة بس ممكن إنجلترا لأن لي قرايب هناك .. بس مش أمريكا لأن انا بحس الأمريكان مجانين and not in the good way .. بس مش هو إنت سألت السؤال ده قبل كدة ؟ ههههههههههه و الله ما فاكر انا خرفت من المحور

                همزاتك زي الفل يا باشا اللي مبهدلني ميد تيرم للأسف
                ربنااااا يتوووووب علييييينا من وقفة المحوووووور بقي
                [COLOR="gray"]
                [CENTER]Leadership is based on inspiration, not domination[/CENTER][/COLOR]

                Comment


                • المشاركة الأصلية كتبت بواسطة Bossy_Fadl مشاهدة المشاركة
                  سلام عليكم


                  معلش يا جماعة انا مختفيه اليومين دول و مش عارفه حاجة في اي حاجة

                  هو مين اللي في الحوار اليومين دول؟:k41:

                  محمود موتو و لا انا بيستهيالي؟:K15:


                  حد يرد عليا عشان اجهز بالاسئلة:wacko:
                  ال DNB كله مختفي يا بوسي إنتم فين ؟
                  انا عالكرسي في الحوار و هو بيلفظ أنفاسه الأخيرة .. يعني ممكن تيجي تكتبي تلاقيه خلص :k52:
                  [COLOR="gray"]
                  [CENTER]Leadership is based on inspiration, not domination[/CENTER][/COLOR]

                  Comment


                  • المشاركة الأصلية كتبت بواسطة meza مشاهدة المشاركة
                    تصدق يا شيكو باشا أول ما سألت موتو على ال Bohemian rhapsody ... رجعتلى الذكريات بطريقة غريبة من كل جهة ... أنا بقالى سنتين مسمعتش الأغنية تقريباً و لما سمعتها دلوقتى تانى ... إفتكرت حاجات كتير من كل نوع ... حاجات تخصنى .. حاجات تخص أصحابى.. حاجات تخص أحلامى ... مشاكل عدت عليا .... أحداث كبيرة حصلت فى العالم .... و نهاية Freddie mercury .... و حلمى بإن العالم يتخلص من مرض لعين و فكر مريض مشوش قضى على ناس غالية بطريقة رخيصة بإرادتهم .... حتى حرب العراق إفتكرتها و منظر البرجين ...

                    يااااااااااه ... أنا دخلت فى حالة غريبة دلوقتى بسبب البتاعة دى ...

                    متابع معاكم لآخر الخلقة ...

                    ربنا يعينك يا موتو يا صاحبى
                    مش باقولك masterpiece يا باشا ... شد حيلك بقى عايزينك على الكرسي


                    المشاركة الأصلية كتبت بواسطة MoToRiZeR مشاهدة المشاركة
                    ........
                    - إيه سر إسم dehumanizer و ليه غيرته ل-motorizer
                    dehumanizer ده إسم ألبوم لبلاك ساباث .. و موتورايز إسم ألبوم موتورهود الجديد 2008 (مش متابع ولا إيه يا شيكو باشا .. موتورهيد) .. انا كنت عامله الأول ديهيومانيزر لأن الشخصية دي منتشرة جداَ طبعاَ خاصة اما حد يمسك في إيده سلطة بيقوم بعملية مسح الإنسانية من دماغه .. موتورايزر بقي حسيته يليق أكتر عالمنتدي لأنه قريب من العربيات
                    .........
                    بكره إن شاء الله احتمال أتواجد متأخر و ما أعرفش ألحق أخر الحلقة ... بجد يا موتو أنا سعيد باني اتعرفت على شخصية زيك ... إنت بني آدم إبن حلال و محترم قوي و جواك حاجات حلوة كتير .... ده غير انك عالمي طبعا :)
                    ربنا يوفقك و ييسرك الأمور كلها .... ما تيجي كندا بقى :)

                    يا شيكو باشا و الله إنت اللي قمر و انا سعيد جداَ فوق ما تتصور إن عندي أخ زيك إن شاء الله ربنا يسهل و تلاقيني عندك و نروح gigs المعدن مع بعض بقي
                    الحقيقة يا موتو باشا المعلومات ديه كلها معروفة من زمان قوي ... أنا و واحد صاحبك موسوعي قعدنا نتكلم على الحكاية دي أول ما سعدتك غيرت اسمك ... بس بما اني متقمص شخصية المذيع المحترف قلت أسألك السؤال ده علشان المتفرجين يعرفوا خبايا شخصيتك هما كمان
                    ... كندا في انتظارك يا صديقي :)... و أنا كمان
                    [CENTER] [/CENTER]

                    Comment


                    • موتو حقيقي حلقة جميلة وممتعه
                      قدرنا من خلالها نتعرف على شخصيتك عن قرب
                      وزي ما قلت لك قبل كدة انك كنت مفاجأة بالنسبة
                      لاني من اسلوب حوارك الشيق مع الاعضاء كنت معتقدة انك اكبر من كدة
                      ربنا يباركلك ويوفقك في الدراسة وفي حياتك عموما
                      وسامحني على كمية الشوك اللي كانت في الحلقة ههههههههههههه
                      انت تستاهل احلى بوكيه ورد


                      انتظروا حلقة جديدة مع ضيف جديد بعد قليل

                      Comment


                      • سيداتي انساتي سادتي الان مع حلقة جديد من برنامجنا حوار من القلب للقلب مع ضيفنا
                        hazem66

                        Comment




                        • اسمح لي استاذ حازم ابدأ معاك الحلقة
                          ممكن تعرفنا بيك اكتر بنبذه مختصرة عن اهم بياناتك الشخصية
                          طبعا سيادتك عارف ان مفيش انسان خالي العيوب
                          ممكن تقولنا ايه عيوبك ؟؟ وهل بتحاول تصلحها؟؟ ولو شخص واجهك بعيوبك بتتقبل النقد ولا ردة فعلك بتكون ازاي؟؟
                          طيب ممكن كمان تقولنا اهم الصفات الجيدة في شخصيتك؟؟
                          تتمنى تعيش في محافظة تانية غير الفيوم ؟؟ وليه؟؟
                          حضرتك شايف ان في خل وفي تقدر تثق فيه ثقه عمياء؟؟
                          ممكن توجه كلمه لكل من
                          المدرس
                          الشباب
                          المرأة العاملة
                          امام مسجد
                          المراهقين
                          الاطباء


                          اتفضل حازم باشا عصير في الفاصل




                          اهلا بكم اعزائي المشاهدين بعد الفاصل



                          حيرت قلبى معاك وانا بدارى وخبى قلى اعمل ايه وياك والا اعمل ايه وايا قلبى بدى اشكيلك من نار حبى بدى احكيلك على الى فى قلبى وقللك عالى سهرنى واقللك عالى بكانى واصورلك ضنى روحى وعزة نفسى منعانى بص فى عنيه وشوف ايه اللى انكتب فيها

                          معظمنا مرت علينا اوقات كنا بنحب اغاني ام كلثوم جدا ... ياترى سيادتك كنت بتحب ام كلثوم؟؟ طيب دلوقت بتسمع لها؟
                          بيفكرك بحاجة مقطع الاغنية السابق؟؟
                          تفتكر اللي قلبه يحتار يداري ويخبي ولا يصارح؟؟
                          ليه بعض الرجال عزة نفسهم بتخليهم يداروا مشاعرهم ؟؟ حضرتك شايف ان التعبير عن المشاعر ممكن يقص من قدر الرجل وهيبته؟؟
                          طيب داريت مشاعرك قبل كدة وبعدها حسيت بالندم واتمنيت لو الايام ترجع لورا علشان تصرح بمشاعرك؟؟؟
                          مين المطربين القدام والجداد اللي تحب تسمع لهم؟؟

                          فاصل وسنعود



                          ايه رأيك في تعصب بعض الفئات في مصر تجاه اهالي محافظات معينه
                          يعني مثلا واحد يقولك انا بكره المنايفه لانهم بخلاء .. وواحد يقولك انا مجوزش بنتي لفلاح من بحري ... وواحد يقولك الصعايدة مجرمين

                          لو حضرتك تاجر وعندك بضاعه معينه قليله في السوق .. ممكن تحتكرها علشان تكسب اكتر

                          ايه رأيك في فضايح ظباط الشرطة الي ظهرت بكثرة على النت وبرامج التليفزيون في الفترة الاخيرة من ضرب وتعذيب للمشتبه بهم

                          نفسك توجه رساله معينه لمسئول معين في مصر؟؟ على الاعتبار ان المسئول ممكن ياخد بالنصيحة


                          تعتقد الشعب المصري فعلا ما ينفعش معاه غير سياسة الكورباج

                          Comment


                          • هذه فكرة ممتاذة .. ولك كل الشكر والاحترام والتقدير

                            Comment


                            • اولا انا باشكرك يانور على الاستضافة
                              واشكرك كمان على العصير
                              انا حبيت بس اقول انى موجود بس ادينى نص ساعة من دلوقت وابدأ الاجابات والرد

                              Comment


                              • المشاركة الأصلية كتبت بواسطة نور القمر مشاهدة المشاركة


                                ممكن تعرفنا بيك اكتر بنبذه مختصرة عن اهم بياناتك الشخصية
                                الاسم:حازم محمود عبدالعليم
                                المهنةالحكومية (الوظيفة): مدير عام الشئون المالية بالغرفة التجارية بالفيوم
                                العمل الخاص: صاحب ومدير الشركة العربية للتكييف
                                السن: 43 سنة
                                الحالة الاجتماعية: متزوج ولدى بنت فى اولى كلية الصيدلة وولد فى ثانية اعدادى
                                هواياتى: القراءة - السفر - الاستمتاع بالموسيقى والشعر
                                طبعا سيادتك عارف ان مفيش انسان خالي العيوب
                                ممكن تقولنا ايه عيوبك ؟؟ وهل بتحاول تصلحها؟؟ ولو شخص واجهك بعيوبك بتتقبل النقد ولا ردة فعلك بتكون ازاي؟؟
                                بالتأكيد مافيش حد خالى من العيوب ولكن اظن ان اقل الناس معرفة بعيوبهم هم اصحابها بمعنى انى آخر واحد ممكن يعرف عيوبه ولكنى هاحاول واعتقد ان من اهم عيوبى هو العصبية حينما اكون مشغول وهناك من يحاول ان يعطلنى عن عملى..
                                من عيوبى الجرأة فى مواجهة الاخرين احيانا اكون شخص غير دبلوماسى بالحد المطلوب.
                                مسالة انى باحاول اصلحها بالتاكيد بحاول بمعنى حينما اظبط نفسى متلبسا بالعصبية مثلا بحاول اراجع نفسى واهدى قليلا ومثلاحينما اكتشف انى صريح اكتر من الازم فى هذه الحالة بحاول التزم الصمت.
                                انا اولادى دايما بيواجهونى بمسألة العصبية وباقبل تماما بل وبحاول اعدل المسالة فورا اما مسالة الصراحة المفرطه فاصدقاء كثيرون لفتوا انتباهى لها وباعترف انى الى الان مش عارف ابطلها اما ردى فعلى عادة هو الابتسام
                                طيب ممكن كمان تقولنا اهم الصفات الجيدة في شخصيتك؟؟
                                اظن ان من اهم مايراه اولادى وزوجتى واصدقائى وكل فيما يرون هوا : هم يدعون انى امتلك حنانا مفرطا ورومانسية الى حد ما.
                                اما ما أراه فى نفسى رغم اختلاف البعض فيه انى لا اقبل انصاف الحلول واحب الالوان المحددة، لا احب ان اتخذ قرار - اى قرار- دون تفكير عميق وتحليل لكل ما يتعلق به
                                تتمنى تعيش في محافظة تانية غير الفيوم ؟؟ وليه؟؟
                                انا احب الفيوم جدا ليس فقط لانها بلدى انما لانى اظن انها من اجمل المدن - تسطيعين ان تعيشى بها - هناك دائما حالة من البهجة احياها فى الفيوم
                                اما اذا تمنيت ان اعيش فى محافظة تانية فاتمنى ان اعيش بالاسكندرية لانها اجمل ما رأت عينى من مدن - وانا لفيت كتير شوية- واعشق السفر
                                حضرتك شايف ان في خل وفي تقدر تثق فيه ثقه عمياء؟؟
                                بالتأكيد هناك خل وفى والا لما كانت للحياة معنى
                                الحياة لا تكتمل اساسا الا بالخل الوفى والحبيبة والحلم

                                ممكن توجه كلمه لكل من
                                المدرس
                                الشباب
                                المرأة العاملة
                                امام مسجد
                                المراهقين
                                الاطباء
                                المدرس: اعانه الله على وزارته وسوء التخطيط ، المدرسون هم اقل الناس شأنا -للاسف الشديد- فى بلد لايعنى للعلم
                                الشباب: هناك فى الحياة اشياء كثيرة مهمه وجميلة ، اشياء تستحق ان نراها ونمارسها اجميل واهم كثيرا من موبايل آخر موديل او نغمة جميلة او بنطلون ساقط ... واللستة طويلة
                                المرأة العاملة: حجر الزاويةفى كل بيت مصرى - عاملة ، وأم ، وزوجة وحبيبة .. حاجات كتير قوىواجمل مافيها انها لا تشتكى
                                امام مسجد: ارجوك ارجوك اقرأ شوية قبل الصعود الى المنبر
                                المراهقون:اولادى - بحبهم جدا واتمنى يمروا على هذه المرحلة دون خسائر
                                الاطباء: ليس الهدف الوحيد فى هذا العالم هو كنز الاموال، كنتم ملائكة الرحمة.
                                حيرت قلبى معاك وانا بدارى وخبى قلى اعمل ايه وياك والا اعمل ايه وايا قلبى بدى اشكيلك من نار حبى بدى احكيلك على الى فى قلبى وقللك عالى سهرنى واقللك عالى بكانى واصورلك ضنى روحى وعزة نفسى منعانى بص فى عنيه وشوف ايه اللى انكتب فيها

                                معظمنا مرت علينا اوقات كنا بنحب اغاني ام كلثوم جدا ... ياترى سيادتك كنت بتحب ام كلثوم؟؟ طيب دلوقت بتسمع لها؟
                                بيفكرك بحاجة مقطع الاغنية السابق؟؟
                                تفتكر اللي قلبه يحتار يداري ويخبي ولا يصارح؟؟
                                ليه بعض الرجال عزة نفسهم بتخليهم يداروا مشاعرهم ؟؟ حضرتك شايف ان التعبير عن المشاعر ممكن يقص من قدر الرجل وهيبته؟؟
                                طيب داريت مشاعرك قبل كدة وبعدها حسيت بالندم واتمنيت لو الايام ترجع لورا علشان تصرح بمشاعرك؟؟؟
                                مين المطربين القدام والجداد اللي تحب تسمع لهم؟؟
                                ام كلثوم هى الست ام كلثوم اكيد بحبها وسمعتها كل مراهقتى وصباى واحلام حبى المتكررولازلت اسمعها من حين لآخر وخصوصا فى السفر ليلا بالعربية
                                الاغنية دى بالتحديد انا مش عارف ليه انتى اختارتيها وكأنك سألتينى فجأة ايه احب اغانى ام كلثوم ليك كنت هاقولك حيرت قلبى معاك، اما بتفكرنى؟ طبعا بتفكرنى بأجمل فترة فى حياتى - انا كنت وانا طالب فى الجامعة - جامعة القاهرة احب اسافر من الفيوم للقاهرة ليلا وعلى مدار 5 سنوات لانى عدت سنة فى الكلية كنت مابسمعش غيرها فى العربية طول مانا مسافر- بتفكرنى بارق حب عيشته او نقدر نقول اول حب واللى انتهى كالعادة بجملة خلينا اصحاب احسن
                                انا مع الوضوح والمباشرة وخصوصا فى المشاعر
                                انا بحب - مثلا - يبقى باحب - الحب اجمل من ان نخجل منه او نداريه
                                فيه فعلا رجالة متصورين ان عزة نفسهم تخليهم يداروا حبهم وباالتأكيد انا اراهم هم الخاسرون ، الحب جميل واجمل مافيه ان نحياه.
                                الحب لاينقص من قدر اى شخص رجل او امرأة
                                الحب - ان كان حبا - يعطى صاحبه رونقا جميلا - الحب يعلى من شأن صاحبه
                                عمرى ماداريت مشاعرى حتى آخر لحظةوخصوصا مشاعر الحب
                                انا الى الان بعد زواج 18 سنة باقول لزوجتى يوميا انى سعيد وممتن لها لانى احببتها واولادى عارفين كده وعايشين معانا ده.
                                المطربين القدام - وانا مش فاهم يعنى ايه قدام- انما على اعتبار الزمن فقط اقدر اقول من عشاق فيروز - منير- الحجار بشكل عام وفى كل الاوقات
                                وام كلثوم وعبدالحليم حسب الحالة المزاجية
                                عبدالوهاب وفايزة ونجاة فى اوقات السلطنة
                                اما الجداد فاقدر اقول : فيروز ومنير والحجار وممكن ازودلهم اليسا - عمرو دياب - نانسى عجرم
                                وتامر حسنى علشان خاطر ريم وحسام (اولادى)



                                ايه رأيك في تعصب بعض الفئات في مصر تجاه اهالي محافظات معينه
                                يعني مثلا واحد يقولك انا بكره المنايفه لانهم بخلاء .. وواحد يقولك انا مجوزش بنتي لفلاح من بحري ... وواحد يقولك الصعايدة مجرمين
                                نوع من العنصرية وعدم فهم، كل محافظة - كل منطقة - كل متر فى الدنيا كلها مش بس فى مصر لها طابع وطعم وروح خاصة جدا

                                لو حضرتك تاجر وعندك بضاعه معينه قليله في السوق .. ممكن تحتكرها علشان تكسب اكتر
                                انا بالفعل تاجر واحيانا بيحصل اللى حضرتك بتقولى عليه ان صنف معين من التكيف مثلا ينقص فى السوق اثناء الموسم وهاكون كداب لو قلت انى هاعمل عليها اوكازيون انما كمان مش باحتكرها بمعنى انى مابنكرهاش وباقول انها عندى ولكن اكيد سعرها بيرفع شوية

                                ايه رأيك في فضايح ظباط الشرطة الي ظهرت بكثرة على النت وبرامج التليفزيون في الفترة الاخيرة من ضرب وتعذيب للمشتبه بهم
                                مش جديدة الفضايح - الجديد بس هو وسائل الانتشار زى النت والفضائيات انما طول عمرنا عسكر وشعب وطول عمر العسكر من ايام دولة المماليك اصحاب فضائح

                                نفسك توجه رساله معينه لمسئول معين في مصر؟؟ على الاعتبار ان المسئول ممكن ياخد بالنصيحة
                                زى ماتكونى بتسالينى نفسك يطلعلك خاتم سليمان على اعتبار ان العفريت هايطلعلك
                                انتى حضرتك بتتخيلى المستحيل
                                اى مسئول فى مصر ممكن ياخد بالنصيحة؟
                                ومع ذلك المشكلة ان قائمة النصائح الممكنة اطول من ان تكتب فى مجلدات
                                انا متصور ان اذا كان المسئول ممكن ياخد بالنصيحة فانا انصحة ان يستقيل من منصبه

                                تعتقد الشعب المصري فعلا ما ينفعش معاه غير سياسة الكورباج
                                الشعب المصرى هو الشعب الوحيد الى لايصلح معاه سياسة الكورباج
                                المشكلة اننا بطلنا نقرا تاريخ
                                التاريخ بيثبت ان الشعب المصرى دائما ما تأتى عليه لحظة ويخرج المارد من القمقم
                                الشعب المصرى كل مشكلته ان صبور اكتر من اللازم ولكن ما اذا نفذ صبره
                                وتفتحت بصيرته فعلى الحكام وعلى الظلم السلام

                                اشكرك جدا يانور ويارب اكون رديت بوضوح

                                Comment

                                Working...
                                X