إعـــــــلان

Collapse

.

,
See more
See less

حوار من القلب للقلب - الجزء الأول

Collapse
This topic is closed.
X
X
 
  • Filter
  • الوقت
  • Show
Clear All
new posts

  • المشاركة الأصلية كتبت بواسطة MoDyBeNz2008 مشاهدة المشاركة
    الاسئلة
    1- ايه اكتر حاجة بتكرهيها في المجتمع
    السلبية و ال"أنا".

    2- مفيش حد فينا مفيهوش عيوب علان كدة ايه اكتر عادة بتتضايقي منها في نفسك و هل بتحاولي تغيريها و لا لأة
    أكتر حاجة بتستفذني فية هي الاستسهال.. اختيار أسهل الطرق للوصول للي انا عايزاه.. بحاول في أحيان أقول لنفسي لأ في حاجات كتير من دي، و احيان تانية باحب اريح نفسي

    3- لو اتعاكستي في الشارع بيكون رد فعلك ايه
    راجع ردي على سؤال مماثل لنور :)

    4- لو مش هتعيشي في مصر تحبي تسافري فين (دول)
    برضه راجع ردي على سؤال مماثل لنور :)

    5- لو مش هتعيشي في القاهرة هتعيشي فين (محافظات)
    استنجرية طبعا.. باحبهاااااااااااااااااااا

    و لسة هفكر كمان
    فكر يا سيدي.. هي الأسئلة عليها فلوس؟

    Comment


    • المشاركة الأصلية كتبت بواسطة aif مشاهدة المشاركة
      كول دي كوبايت شيكوليطة ...... ياااااه
      ده مش قر لا سمح الله .:K13:... ده نق وحسد بس ....:k35:
      ح تشربيها لوحيد يا علا .......
      بالهنا والشفا
      ح الف لفة كدة واحضر تلاتين اربعين سؤال وارجع ( ابتسامة شريرة جدا )
      يا ساتر يا رب.. كل ده شر في البشر؟

      ربنا يسترررررررررررر

      Comment


      • المشاركة الأصلية كتبت بواسطة mohamed_kta مشاهدة المشاركة
        السلام عليكم

        عندى للأخت علا ثلاثة أسئلة :

        1 - ما هى أقرب لحظة لكى مع الله و ماذا تقولين ؟

        2 - شخصيتين عامتين مصرية و عالمية تحترميهم جداً ؟

        3 - أفضل نصيحة وجهت أليكى و تحبى أن تقوليها لنا ؟
        1- أقرب لحظة لما اتأمل بديع صنع الله في الطبيعة او في مخلوقاته، ساعتها مش بالاقي على لساني غير سبحان الله و الحمد لله انه اختارني عشان يوريني الجمال ده و يمتع عيني بيه :)

        2- شخصية عامة مصرية: الأستاذ عبد الوهاب مطاوع الله يرحمه.. قريت كل كتبه تقريبا.. أثرت فية كتاباته اوي، و بكتاباته طبعا مش باقصد بريد الجمعة و مشكلات الحياة، انا باقصد عبد مطاوع لما يكتب.. أتعلمت منه الكثير الصراحة و بادعو له بالرحمة و المغفرة و الجنة زي ما بادعو لوالدي بالظبط رحمه الله.
        شخصية عالمية احترمتها فعلا: كيفن كوستنر لما أنتج و مثل و أخرج فيلم الراقص مع الذئاب.. مواطن أمريكي بيعرف الأمريكان و العالم كله الناس دول أصلهم ايه و بيضحد كل اللي ملوا بيه دماغ العالم في أفلام الغرب الأمريكي من تمجيد الرجل الأبيض المتحضر و التحقير من شأن الهنود الحمر بوصفهم همج و ناس بدائية. بيفرق معايا اوي البني آدم لما ييجي يغير مفاهيم كانت بالأمس مقدسات و مسلمات.

        3 - أفضل نصيحة: لو عايز فعلا تتغير ما تفضلش تعمل نفس اللي بتعمله هو هو و تتوقع نتيجة مختلفة.. لازم تغير من نفسك الأول و هتلاقي الدنيا من حواليك بتتغير للي انت عايزه.

        Comment


        • المشاركة الأصلية كتبت بواسطة Chicco مشاهدة المشاركة
          متابع إن شاء الله ... بس مش في صمت ;)

          أنا عارف يا علا باشا إن علشان فشقة بيك يا رمضان ما سألتنيش ....أنا بقى ما أعرفش رمضان

          في انتظار ردودك حاحضر روح مارد اسئلة جديد من نفس الفصيلة اللي تعاملت مع موتو باشا
          طيب انت الناس استفردت بيك و هرتك أسئلة و جربت احساس اللمونة المعصورة.. عايني أجرب نفس الإحساس ده لييييييييييييه؟

          ماشي يا هشام.. في انتظار عودتك و الأمر لله.

          Comment


          • المشاركة الأصلية كتبت بواسطة 2hmed_7osam مشاهدة المشاركة
            * السؤال الأوّل: في العمل أنتي مسؤولة عن مجموعة من الموظفين تربطك ببعضهم علاقة صداقة، أمّا البعض الآخر فإنّ علاقتك بهم مجرّد علاقة رئيس بمرؤوسيه.
            في أحد الأيّام فوجئت بأحد الموظفين من النوع الثاني وقد قام بعمل يستحقّ عليه مكافأة كبيرة هل


            أ تهنّئه بالإنجاز الكبير الذي حقّقه وتساعده قدر الإمكان في الحصول على المكافأة التي يستحقّها.
            ب تظهر فخرك بهذا الإنجاز ولكن في الوقت نفسه لا تساعده على أن يأخذ حقّه الذي يستحّق.
            ج ترفض أن تساعده وتقول له بأنّ هذا واجبه ومن صميم عمله ولا يوجد ما يستحقّ عليه أيّ شيء.
            طبعا الإجابة رقم "أ".

            * السؤال الثاني: إذا سألك أيّ شخص في موضوع لا تعرفي عنه أيّة معلومة، هل تدّعي معرفتك بهذا الموضوع ام تفضّلي الصمت في الوقت الحالي؟
            أ نعم
            ب لا.
            ج أحياناً
            هو السؤال ده صعب يكون فيه اختيارات لإنه يحتوي في داخله على اختيارات، انما عموما الإجابة هي من قال لا أعلم فقد أفتى.

            * السؤال الثالث: هل تحرصي على أن تظهري في عمر أصغر بكثير من عمرك الحقيقيّ وإذا ظهرت أيّة شعيرات بيضاء تحاولين إخفاءها؟
            أ أحياناً
            ب لا
            ج نعم

            أولا: انا أبدو بالفعل أصغر من سني بعدة سنوات عشان انا شكلي كده، قصيرة القامة طفولية الملامح.
            ثانيا: ماحدش بيشوف شعري عشان محجبة و الحمد لله فلاحد هايشوف شعر اسود و لا أبيض.

            * السؤال الرابع: إذا قدم إليك ضيف غير مرغوب فيه وأنت لا تحبّ الجلوس معه ولا محادثته هل:
            أ تحاول بكلّ قوّتك أن تتخلّص منه أوّل لحظة
            ب ترحّب بالقدر الذي يشعره أنّه من الضروريّ أن يترك بيتك بعد وقت قصير من الجلسة.
            ج ترحّب به بشكل زائد وودود للغاية بحيث لا يشعر في أية لحظة أنّه غير مرغوبٍ فيه.

            بصراحة شديدة، الاختيار رقم "ب"
            * السؤال الخامس: هل تشعر بالحقد لأنّ واحداً من زملائك استطاع أن يكسب ودَّ رئيسك وسرق كلّ الأضواء رغم عدم كفاءته، وتعبّر عن استيائك هذا بشكلٍ علنيّ؟
            أ نعم
            ب لا.
            ج أحياناً
            الإجابة رقم "ب" مافيش بينا الحاجات دي في الشغل خالص و الحمد لله.


            * السؤال السادس: هل تحبّ المجاملة التي تصل أحياناً إلى حدّ النفاق للضرورة القصوى؟
            أ نعم
            ب لا
            ج أحياناً

            الإجابة رقم "ب"



            Comment


            • المشاركة الأصلية كتبت بواسطة MoToRiZeR مشاهدة المشاركة
              مادة " الإجتماعي "

              السؤال الأول (إجباري) : ماذا تفعل علا عثمان في الويك إند و إلي أين تحب أن تخرج بعيد عن الشغل و العمل الخيري ؟
              موتو باشا.. رفيق سيريونتي الحمرا.. يا هلا و غلا

              لو مافيش زدني او روح و مش هاقعد في البيت استرخي باخرج مع أصحابي و أصحابي اللي يتخرج معاهم حاليا عرفتهم برضه عن طريق العمل الخيري بس ممكن نخرج مع بعض نروح الأزهر بارك أو نقعد في نادي الصيد اللي أكتر من حد منهم أعضاء فيه. ممكن بأه زيارت عائلية و دي غالبا بتكون لأختي، انما أحب الخروجات لية هي أي مكان ع النيل أو التمشية في وسط البلد و دي باحب فيها أكون لوحدي عشان باعمل حاجات مجنونة صعب حد يستحملني فيها، بس باكون في أقصى لحظات استمتاعي بالحياة :)
              السؤال الثاني (إجباري برضه) : هل تذهب علا عثمان إلي الحفلات الموسيقية ؟ مع الإستشهاد بمثال مما حضرته .
              عمرها ما حصلت، مع انها مش مرفوضة بالنسبة لي كمبدأ، انما طبعا مش حفلات موسيقية صاخبة اللي فيها رقص و هرج و مرج، ممكن حفلات دار الأوبرا المصرية، بس برضه مش محمد منير عشان سمعت مساخر بتحصل في حفلاته ماحبش اكون متواجدة في اماكن زي دي.
              السؤال الثالث ( ده بقي .. إجباري ) : ماهي نوعية الأفلام التي تفضلها علا عثمان ؟ و هل متفرجة قوية ناقدة متفحصة متوغلة في السينما أم لا ؟ مع ذكر ثلاث أفلام مفضلة عربياَ ، و ثلاثة أخري عالمية .
              هو كله ضرب ضرب مافيش شتيمة؟
              مافيش سؤال مش إجباري؟

              شوف، هو مافيش نوعية معينة من الأفلام، كل حاجة بتبقى على حسب مودي، يعني من حوالي اسبوعين كان مودي اوي اني اشوف فيلم من كلاسيكيات الأدب الانجليزي، باقلب في القنوات لقيت فيلم Sense & Sensibility شغال على MBC2 ساعتها فرحت اوي و قعدت شفته للآخر و فضل سايب في نفسي أثر للبهجة ييجي لأسبوع بعدها.

              اما بالنسبة لمتفرجة ناقدة يمكن دراستي للأدب الانجليزي و المواد المتبحرة في الأدب و النقد اللي كنت باخدها خلقت عندي الحس ده. متفرجة ناقدة و مملة في النقد كمان و باتحمس جدا للعمل اللي فيه فكرة و متعوب فيه، و باقرف جدا من العمل الدرامي اللي بيستخفوا فيه بعقول الناس و بيستسهلوا.. دول مش بيقدموا فن و لا يستحقون عناء النقد من أساسه.

              أفلام عربية:
              1- يوم مر و يوم حلو
              2- الزوجة الثانية
              3- سلامة في خير (نجيب الريحاني)

              أفلام عالمية:
              1- فورست جامب
              2- جرين مايل
              3- إمبراطورية الشمس (ستيفن سبيلبرج)
              علل لما يأتي :
              - سيريون
              - نايل موتورز
              -فتيس أوتوماتك
              سيريون: لما بدأت أدور على عربية كنت بادور على حاجة هاتشباك ما تكونش صغيرة من جوه و تكون اوتوماتيك (هجاوب على دي في إجابة السؤال بتاعه) و كانت عجباني الهيونداي أتوس و بعدين صرفت نظر عنها عشان سوء معاملة التوكيل، و بعدين فكرت في البيكانتو، انما لما سألت على أوتوماتيك اجيب ايه نصحوني هنا بإني لو عايزة حاجة اوتوماتيك يبقى أفضل لي أبعد عن الكوري و أجيب يا اما ياباني او ألماني أو فرنساوي، و لما قريت مرة مقارنة بين السيريون و البيكانتو عجبتني السيريون اوي و دخلت قسم الدايهاتسو و قريت كل ما يخص السيريون و لقيت ان مافيش واحد مالك للعربية مش بيشكر فيها و واقع في غرامها كمان، فتحمست ليها جدا و كنت كل يوم تقريبا لمدة شهور أدخل النت ألم كل ما يمت للسيريون بصلة من صور و فيديوهات و لما أشوفها في الشارع قلبي يتخطف مني خطف كده لما تعدي.. يعني من الآخر وقعت في غرامها رسمي

              نايل موتورز: مكان محترم بأعضاءه و إدارته و فيه دفء الأسرة و ناس باحس انهم اخواتي بجد و انا مش عايزة مكان ع النت أقضي فيه الساعات الطوال يكون فيه من الصفات أكتر من كده :)

              فتيس أوتوماتيك: جربت المانيوال و ما ارتحتش فيه، طريقي من و إلى الشغل رخم و فيه توقفات كتير، مش طالبة علة في الدبرياج و النقل كل شوية، كفاية زحمة الطريق و قرفه و غتاتة البشر في الشوارع و استعجالهم المجنون عشان يوصولوا بيوتهم عشان يناموا.
              مادة "سيريون"
              أحلى مادة دي
              السؤال الأول (مش محتاج أقول إجباري) : إيه كان إحساسك أول مرة شفتي السيريون، و أول مرة ركبتي السيريون، و ساعة ما تعاقدتي عليها، و ساعة ما ركبتي السيريون الخاصة بيكي بتاعتك، و ساعة ما الإكصدام إتخبط ؟
              أول مرة شفت السيريون على الحقيقة، في الشارع يعني مش صورة ع النت كان في المهندسين، و انا مروحة شفتها راكنة في شارع كنت باعدي منه كل يوم، و كنت بافضل ملووحة عليها و انا ماشية لحد ما يبقى خلاص لو زودت عن كده هامشي بضهري
              أول مرة ركبتها كانت في المعرض و اتمنيت لو آخد بيها لفة
              ساعة ما اتعاقدت عليها ما كنتش مصدقة و لا مستوعبة.
              أول مرة ركبت عربيتي السيريون كنت خايفة.. خايفة منها و خايفة عليها.
              ساعة ما الإكصدام اتخبط كنت زعلانة عليها و فضلت كده لحد ما الناس هنا طمنوني انها بسيطة ان شاء الله و الحالة مش محتاجة عملية و لا حاجة
              السؤال الثاني : بماذا تشعر علا عثمان و هي تقود السيريون الحمراء في شوارع القاهرة؟
              بالتميز
              السؤال الثالث : بماذا تشعر علا عثمان عندما يقود أحد غيرها السيريون بتاعتها ؟
              باكتشف فيها إمكانيا معرفش انها فيها أصلا

              السؤال الرابع : أين كانت أول خروجة بالسيريون ؟
              للمرور عشان الترخيص
              السؤال الخامس : ماهو مدي إعجاب المقربين من علا عثمان بالسيريون ؟
              همه مالهمش اختيار أساسا، عجبتهم من كتر هوستي بيها

              موتو.. كفااااااااااااااية الخمسين سؤال اللي فوق دول خليك حلو

              Comment


              • بصراحة يا علا أنا مش بقالى كتير فى المنتدى بس احترمت كل كتاباتك فى المنتدى و بما انى خيبة فى الأسئلة فسأكتفى بالمتابعة بانسجااااااااااااااام
                [CENTER][B][SIZE=5][FONT=Comic Sans MS][COLOR=teal][FONT=Comic Sans MS][SIZE=5][COLOR=teal][B][bor=#f7ff00][FONT=Comic Sans MS][SIZE=5][COLOR=teal][B]سبحان الله و بحمده ...سبحان الله العظيم[/B][/COLOR][/SIZE][/FONT][/bor][/B][/COLOR][/SIZE][/FONT][/COLOR][/FONT][/SIZE][/B][/CENTER]

                Comment


                • المشاركة الأصلية كتبت بواسطة muslimah_dentist مشاهدة المشاركة
                  بصراحة يا علا أنا مش بقالى كتير فى المنتدى بس احترمت كل كتاباتك فى المنتدى و بما انى خيبة فى الأسئلة فسأكتفى بالمتابعة بانسجااااااااااااااام
                  مسلمة فكرتيني لما كنا في ابتدائي وبنكبر خطنا في موضوع التعبير علشان نملى الصفحة ههههههههههههههههه
                  فكري بس في اسئلة علشان تتعودي على ما يومك يجي يا جميل
                  وعلى فكرة مش علشان الحبر ببلاش هنا نبقه مبذرين كدة

                  Comment


                  • نياااااهععععععع نيههههههاااااااااااا
                    و حان وقت الانتقاااااااااااام



                    حافكر لك في حاجة يا علا .. و لحد ما افتكس حاجة .. كلمينا عن علاقتك بتفجيرات مومباي .. و ايه نحديدا دورك فيها .. و هل تقومين دائما بادارة مثل هذه الاعمال من مصر .. ام تستلزم وجودك في مسرح العملية .. و ما الميزانية المقدرة لعمليه بمثل هذا الحجم .. و ما اثرها علي قناة السويس .. و ما هي قناعاتك التي تدفعك للتخطيط لمثل هذه العمليات .. هل هي دينية .. ثقافية .. سياسية .. ام ماذا .. برجاء الايضاح بشئ من التفصيل

                    Comment


                    • ههههههههههههه حسن سنانك جميلة بجد
                      انت بتستخدم ايه مخليها ناصعه البياض بالشكل ده

                      استأذنك بس بلاش نفشي كل اسرار علا على الملأ
                      دلوقت اميتابتشان يجي يقبض عليها ومنكملش الحلقة

                      Comment



                      • علا .. دينامو الاجتماعي

                        وقعتي ومحدش سمى عليكي ..

                        كام سؤال خفيف كده ..


                        *زدني بيمثل إيه لعلا ؟؟؟؟

                        *زدني زود علا في ايه ؟؟

                        *سيارة أحلامك إيه ؟؟


                        تعليق على بعض الكلمات في المصطلح العلاوي

                        الحب

                        الغيره

                        الشجن

                        الاخوة

                        الغدر

                        الكبرياء


                        بيت أحلامك .. (متحطيش حدود) .. نفسك يكون فين ؟؟؟؟؟؟؟؟؟؟؟؟؟؟

                        لو علا خيرت ما بين منصب كبير وفلوس قليلة والعكس .. تختار إيه ؟ ؟وليه ؟؟

                        أحب الالوان لقلبك ؟؟ وأكره الالوان .. ؟

                        كفاية كده دلوقتي وبي رايت باااااااااك
                        [SIZE=3][CENTER][rmade]http://www6.0zz0.com/2009/07/09/11/723881507.jpg[/rmade]
                        [FONT=Arial Black][SIZE=3][B][COLOR=DarkSlateBlue]
                        [/COLOR][/B][/SIZE][/FONT][justify]...
                        [/justify]
                        [/CENTER]
                        [/SIZE]

                        Comment


                        • المشاركة الأصلية كتبت بواسطة نور القمر مشاهدة المشاركة
                          مسلمة فكرتيني لما كنا في ابتدائي وبنكبر خطنا في موضوع التعبير علشان نملى الصفحة ههههههههههههههههه

                          فكري بس في اسئلة علشان تتعودي على ما يومك يجي يا جميل

                          وعلى فكرة مش علشان الحبر ببلاش هنا نبقه مبذرين كدة
                          ماشى يا نور ......هو أنا ليا يوم و لا ايه ، احنا ماتفقناش على كدة

                          هأحاول أعصر دماغى بعد يوم مُرهق و متعب و أرجع لعلا بكام سؤال كدة

                          و ايه رأيك فى الخط دلوقتى ، أهو مفيش أصغر من كدة
                          [CENTER][B][SIZE=5][FONT=Comic Sans MS][COLOR=teal][FONT=Comic Sans MS][SIZE=5][COLOR=teal][B][bor=#f7ff00][FONT=Comic Sans MS][SIZE=5][COLOR=teal][B]سبحان الله و بحمده ...سبحان الله العظيم[/B][/COLOR][/SIZE][/FONT][/bor][/B][/COLOR][/SIZE][/FONT][/COLOR][/FONT][/SIZE][/B][/CENTER]

                          Comment


                          • علا رجعتلك بكام سؤال؟؟

                            بما انك بتعملى فى العمل الخيرى .أكيد قابلتك مواقف كتير استوقفتك كانسانة و ممكن تكون أثرت فيكى كمان ، يا ريت تحكيلنا على موقف منهم؟

                            شايفة بلدنا رايحة على فين؟
                            مش قادرة أعصر دماغى أكتر من كدة ....كفاية عليكى الأسئلة ديه
                            [CENTER][B][SIZE=5][FONT=Comic Sans MS][COLOR=teal][FONT=Comic Sans MS][SIZE=5][COLOR=teal][B][bor=#f7ff00][FONT=Comic Sans MS][SIZE=5][COLOR=teal][B]سبحان الله و بحمده ...سبحان الله العظيم[/B][/COLOR][/SIZE][/FONT][/bor][/B][/COLOR][/SIZE][/FONT][/COLOR][/FONT][/SIZE][/B][/CENTER]

                            Comment


                            • علا باشا غنية عن التعريف طبعا و ما شاء الله زعيمة الحركة النسائية في المنتدى و ملكة النوستالجيا بدون منازع .... ديه شوية اسئلة كده و لنا عودة إن شاء الله

                              - لماذا دائما الحنين إلي الماضي ؟
                              - كيف تصفين الحاضر ؟
                              - ما هو احساسك عن المستقبل ؟
                              - لو فرضنا امكانية رجوعك بالزمن أي الفترات تختاري للعيش في القرن العشرين ؟ و اذا رجعنا بالزمن أكثر أي الفترات تختارينها ؟
                              - كيف ترين وضع المرأه المصرية حاليا ؟
                              - ماذا تتمنين للمرأة المصرية في المستقبل ؟
                              - اذا اتيحت لعلا فرصة السفر خارج مصر ... أي البلاد تختارين ...يسمح باختيارات متعددة

                              بجد يا علا باشا أنا و مسز شيكو تشرفنا و سعدنا بمعرفة شخصية زيك ربنا يصلح لك أمرك كله و يوفقك إلي ما يحب و يرضى دائما
                              [CENTER] [/CENTER]

                              Comment


                              • المشاركة الأصلية كتبت بواسطة muslimah_dentist مشاهدة المشاركة
                                بصراحة يا علا أنا مش بقالى كتير فى المنتدى بس احترمت كل كتاباتك فى المنتدى و بما انى خيبة فى الأسئلة فسأكتفى بالمتابعة بانسجااااااااااااااام
                                و انا عن نفسي سعيدة بانسجامك يا مسلمة و يا رب أطلع في الآخر باقول كلام مفيد

                                Comment

                                Working...
                                X