بتستخدم لينكس؟

[MTAK]

بالنسبة لل DVD أصبر لغاية ما 9.04 تنزل.
أنا ممكن انزل ال DVD عشانك (وبالمرة عشاني) ونتقابل واديها لحضرتك.

بالنسبة للخطوط، حضرتك أكيد كنت بتستخدم فيستا. الخطوط في فيستا blurred شوية. بالنسبي لي، الخطوط الحادة شكلها احلى بكتير واريح لعيني. ممكن حضرتك ترفع لنا screenshot عشان نشوف بنفسنا برضو. الحروف المنفصلة في الفلاش دي ملهاش حل تماماً.

بالنسبة للغات البرمجة، انا مليش فيها. بس فعلا الناس كلها بتشكر في البايثون.

ال bash مع شوية awk أو sed ممكن تعمل بيهم شغل جامد في معالجة النصوص.

ال python مع MySql عشان قواعد البيانات.

بالمناسبة، ايه أخبار الكودكس؟ نزلته؟ مش لازم تستخدم mplayer، أول ما تنزل win32codecs حتلاقي مشغل Totem بيشغل ال rm.

اولا اشكرك على DVD و تبقى فرصه الواحد يقابلك
-----
انا استعمل xp "قديم انا شويه"
بس الظاهر ما احس به مرتبط بالفاير فوكس اكثر منه ارتباطا باللينوكس
لانى قولت انزله على الويندوز و اجرب
طلعلى نفس نتيجة الاوبنتو
هى الصفحه باينه احسن بس حاسس انها حاده اكتر بحيث ترهق العين بعد النظر فيها شوية
و الصورة للمقارنه

---
اول ما انزل الكوديك هاقولك على النتيجه

[itsonlyme]

بس مستمتع باللينوكس
فى انى اتعلم حاجه جديده
بس بصراحه ما يضايقنى جدا الان
هو ان الويندوز كان كله next----next---->finish
و قولنا هانتعلم فى اللينوكس
بس بصراحه ما يقلقنى ان كل شويه
اكتب
sudo apt
get مش عارف ايه
يعنى كوبى و بايست
مفرقتش كتير اوى لسه

بالعكس، ميزة اللينكس انك مش مضطر تدوس Next عشر مرات عشان تصطب برنامج.

ممكن تستخدم Synaptic وده واجهة لبرنامج apt-get.
System > Adminstration > Synaptic Package Manager.

سهل جدا في الاستخدام.

[itsonlyme]

اولا اشكرك على DVD و تبقى فرصه الواحد يقابلك
-----
انا استعمل xp "قديم انا شويه"
بس الظاهر ما احس به مرتبط بالفاير فوكس اكثر منه ارتباطا باللينوكس
لانى قولت انزله على الويندوز و اجرب
طلعلى نفس نتيجة الاوبنتو
هى الصفحه باينه احسن بس حاسس انها حاده اكتر بحيث ترهق العين بعد النظر فيها شوية
و الصورة للمقارنه

---
اول ما انزل الكوديك هاقولك على النتيجه

دي "خاصية" في Internet Explorer 7 بتخلي الخطوط "انعم". قبل كده كانت الخطوط زي ما بتظهر في اللينكس. شوية وحتتعود على الخطوط بشكلها القديم المعتاد.

[aratux]

نفس القصة معايا

بس مع مودم فودافون........و أتصلت بيهم قبل ما أعرف أشغله على أساس أنهم يساعدونى......و كان الجواب

" المودم حضرتك مش بيشتغل مع لينكس "
يعنى أصلاً مش عارفين أنه شغال على لينكس........دول لو دوروا على جوجل هيعرفوا أنه بيشتغل.

بس بالنسبة للأستهلاك.......فى حل من حلين
1- أنك لو عندك ويندوز تدخل من فترة للتانية تشوف الأستهلاك وصل لأيه و مع ذلك ممكن ميبانش حاجة لأنه ممكن يكون بيحفظ الأستهلاك على البرنامج مش على الشبكة....بس ميمنعش برضه أن الأستهلاك أكيد موجود على الشبكة ( يعنى عند أتصالات )
2- أنه يكون مش بيحسب الأستهلاك أصلاً و انت شغال من على لينوكس وده أحتمال 1 فى المليون بصراحة.

بص يا باشا
أولا, زى ما قالوا فوق, البرنامج بيحسب الإستهلاك على الجهاز نفسه, يعنى لو إستخدمته على أكتر من جهاز, هايحسب إستهلاك كل جهاز لوحده (و دى حاجة بايخة بصراحة)
ثانيا, الشبكة بتحسب الإستهلاك بعيد عن الجهاز نفسه, و بالتالى العداد شغال سواء لينكس أو ويندوز
ممكن لو إنت على اللينكس تستخدم برنامج إسمه MRTG ده هايساعدك ترسم الإستهلاك بتاعك بصورة بيانية
البرنامج بسيط جدا و فيه معاه برامج كتير بتدى رسوم بطريقة أوضح Cacti مثلا http://www.cacti.net/
بس برضه ده هايديلك إستهلاكك على الجهاز اللى انت شغال عليه
و أى سؤال تحت أمرك (الشبكات و لينكس دول ملعبى, مش عفشة العربيات )

[soha]

أنا بقالي حوالي 3 سنين بستعمل لينكس .. إبتديت بال red hat then Suse Then Ubunto ,و بصراحة ال Ubunto أجمدهم ...

تاريخي مع اللينكس ابتدى في سبتمبر 2006 في ال ITI في VLSI Dept و كان على "RedHat" و SUSE بعد كده بقى في Mentor Graphics في شغلي REDHAT برضه و بع كده في الماجيستير في فرنسا كان Ubunto و بعد كده رجعت لجامعة القاهرة مع ال windowsXP اللي بكره التعامل معاه في الشغل عامة .....

[PRO-DRIVE]

انا متشكر اوى ردك السريع ده
الظاهر ده سمة الناس بتوع اللينوكس
---
ما اتكلم عنه فى نقطه رقم ٣ هو ان العربى ظاهر و كل حاجه
بس عارف منظر الصفحه ككل حاد sharp
و فى الفلاش بتكتب بالشكل ده
" و ت ل ي بب ف ث"
حروف مفرده ليس لها معنى
و انا ضابط العربى على عربى مصر مش اردو يعنى
---
بصفتك لينكساوى خبير
انزل dvd اللى سيادتك قولت عليها و لا استنى التوزيعه اللى بعد كام يوم
---
كمان انا كنت بدأت اتعلم جافا
بس لقيت ناس بتشكر اوى فى البايثون و كمان مع اللينكس
"انا لا اريد ان ابقى مبرمج محترف
كل ما اريده هو تعلم لغه تنضف دماغى و تساعدنى فى عملى- يعنى برامج بسيطه مربوطه بداتا بيز--و لا اطيق سيرة vb-- اتخنقت منهم بعد ما قطعت شووت مش بطال معاهم"

اشكرك مرة اخرى

بالنسبه للفلاش جرب دا

http://www.gnu.org/software/gnash/

مدعم العربي كويس


بالنسبه للبرمجه انصحك بجافا :) ممتعه جداا و ببلاش و تقدر تشغلها علي اي جهاز بأي نظام تشغيل :)

[itsonlyme]

أنا بقالي حوالي 3 سنين بستعمل لينكس .. إبتديت بال red hat then Suse Then Ubunto ,و بصراحة ال Ubunto أجمدهم ...

تاريخي مع اللينكس ابتدى في سبتمبر 2006 في ال ITI في VLSI Dept و كان على "RedHat" و SUSE بعد كده بقى في Mentor Graphics في شغلي REDHAT برضه و بع كده في الماجيستير في فرنسا كان Ubunto و بعد كده رجعت لجامعة القاهرة مع ال windowsXP اللي بكره التعامل معاه في الشغل عامة .....

ال Ubuntu هو افضلهم للاستعمال الشخصي بس لو الاستعمال لل EDA tools فمعظمها بيبقى على RedHat أو Suse زي ما انت قلتي.

في فرنسا معامل ال VLSI فعلا كلها لينكس.
في معمل ال asim في lip6 مثلا كل الأجهزة تقريبا Scientific Linux.

غربية انه عندكم في جامعة القاهرة Windows XP، في جامعة عين شمس (معمل ال ICL) في شبكة لينكس محترمة.

[Forever.Leo]

اللينوكس ده حاجه تانيه خالص
شوف كده بقالك كام سنه بتستخدم ويندوز
و اسئل نفسك سؤال بسيط جدا جدا
هل انت بعد سنين من استخدام الويندوز تفقه شيء فعلا عن الكمبيوتر؟!
كل ما تعرفه او تظن انك تعرفه هو انستال نيكست نيكست فينش
اما في عالم اللينوكس فأنت فعلا تتعلم الاحتراف
وداعا للكراكات
وداعا للفيروسات
وداعا لريستارت بعد كل برنامج تصطبه ده لو حد عطس جنب الويندوز ممكن يعمل ريستارت مع نفسه
فعلا مع اللينوكس بتبقي بور يوزر شئت ام ابيت
مع اللينوكس انت في امان تام بعيدا عن التحديثات المزعومه و الفيروسات و بطء الجهاز و مش هتحتاج تشتري بروسيسور اكبر او رامات لأن اللينوكس متميز كمان في انه مناسب لكافه الاجهزه من دون الحاجه لصرف المال في تحديثات للجهاز انت في غني عنها

مع احترامي للينوكس و كل برامج open source ، انا باعتبرهم برامج لقيطة ما لهاش اب شرعي. بنتكلم على الفيروسات و على ثبات نظام التشغيل مقارنة بالويندوز ، طيب ما ده شيئ طبيعي لان الويندوز منتشر و مستهدف من الهاكر اكثر بكتير من اللينوكس ، كمان للينوكس بيجي بحزمة برامج معاه طبيعي انا تكون متوافقة معاه 100 % ، انا شايف ان الفايدة الحقيقية للينوكس و غيره من برامج open source هتكون لما تتبناهم شركات محلية مصرية او عربية تطورهم بما يتناسب مع المستخدم العربي عموما و المستخدم المصري خصوصا. لحد مايجي الوقت ده انا باعتبر الويندوز هو الاختيار الافضل للمستخدمين الجادين سواء في المنازل او في الشركات ، اللي هدفهم هو رفع انتاجيتهم و تطوير معارفهم او حتى في مجال الترفيه ، مش مجرد تسطيب نظام تشغيل لحب الاستطلاع.

[amir]

مع احترامي للينوكس و كل برامج open source ، انا باعتبرهم برامج لقيطة ما لهاش اب شرعي.

ال unix هو الاب الشرعي ليهم !!!!
و بعدين مش مسأله استهداف الويندوز اكتر من اللينوكس
الموضوع موضوع نظام الامان الموروث من الunix

[MTAK]

مع احترامي للينوكس و كل برامج open source ، انا باعتبرهم برامج لقيطة ما لهاش اب شرعي. بنتكلم على الفيروسات و على ثبات نظام التشغيل مقارنة بالويندوز ، طيب ما ده شيئ طبيعي لان الويندوز منتشر و مستهدف من الهاكر اكثر بكتير من اللينوكس ، كمان للينوكس بيجي بحزمة برامج معاه طبيعي انا تكون متوافقة معاه 100 % ، انا شايف ان الفايدة الحقيقية للينوكس و غيره من برامج open source هتكون لما تتبناهم شركات محلية مصرية او عربية تطورهم بما يتناسب مع المستخدم العربي عموما و المستخدم المصري خصوصا. لحد مايجي الوقت ده انا باعتبر الويندوز هو الاختيار الافضل للمستخدمين الجادين سواء في المنازل او في الشركات ، اللي هدفهم هو رفع انتاجيتهم و تطوير معارفهم او حتى في مجال الترفيه ، مش مجرد تسطيب نظام تشغيل لحب الاستطلاع.

وجهة نظر حضرتك تحترم
و للوهله الاولى اقتنعت بها
لكن بعد تفكير اود ان اقول
ما هو الاب الشرعى للويندوز؟؟؟؟؟
ثانيا هناك توزيعات عربيه و اسلاميه مثل اعجوبه
ثالثا
الموضوع مش حكاية حب استطلاع
الموضوع موضوع نظام تشغيل
هل يلبى متطلباتى
هل انا البى متطلباته
تلك هى المعادله
-------------
وجهة نظر

[Forever.Leo]

ال unix هو الاب الشرعي ليهم !!!!
و بعدين مش مسأله استهداف الويندوز اكتر من اللينوكس
الموضوع موضوع نظام الامان الموروث من الunix

عزيزي د.أمير انا ما قصدش بالاب الشرعي نظام التشغيل الاصلي اللي اشتقت منه انظمة التشغيل المفتوحة ، انا اقصد الشركات الراعية لانظمة التشغيل دي اللي المفترض انها تقوم بدعم العملاء عند وجود مشاكل و للي برضه مفترض انها تستقبل feedback بغرض تطوير منتجها في المستقبل.
بصراحة انا مندهش انا مايكروسوفت تتهاجم على نظام تشغيلها اللي كان من اهم انظمة تشغيل الكمبيوتر دعما للغة العربية هو و حزمة office اللي شجعوا ناس كتير على اقتناء كمبيوتر لتسهيل اعمالهم ، انا بس بحب اقول حاجة ان بالرغم من وجود ماكنتوش و غيره من انظمة التشغيل (المحطوطة في فتارين ازاز) قبل الويندوز الا ان الوندوز استطاع اثبات وجوده و لم يكتف بشغيله على pc و انما على اجهزة apple نفسها ، فمن الظلم نقول على انظمة تشغيل زي xp , Vista , server 2008 انها انظمة تشغيل غير مستقرة بتنهار لو واحد عطس جنبها !

[itsonlyme]

مع احترامي للينوكس و كل برامج open source ، انا باعتبرهم برامج لقيطة ما لهاش اب شرعي. بنتكلم على الفيروسات و على ثبات نظام التشغيل مقارنة بالويندوز ، طيب ما ده شيئ طبيعي لان الويندوز منتشر و مستهدف من الهاكر اكثر بكتير من اللينوكس ، كمان للينوكس بيجي بحزمة برامج معاه طبيعي انا تكون متوافقة معاه 100 % ، انا شايف ان الفايدة الحقيقية للينوكس و غيره من برامج open source هتكون لما تتبناهم شركات محلية مصرية او عربية تطورهم بما يتناسب مع المستخدم العربي عموما و المستخدم المصري خصوصا. لحد مايجي الوقت ده انا باعتبر الويندوز هو الاختيار الافضل للمستخدمين الجادين سواء في المنازل او في الشركات ، اللي هدفهم هو رفع انتاجيتهم و تطوير معارفهم او حتى في مجال الترفيه ، مش مجرد تسطيب نظام تشغيل لحب الاستطلاع.

اللينكس في شركات كبرى بترعاه. شركة IBM صرفت مليار دولار على اللينكس. اغلب مبرمجي النواة (kernel) على سبيل المثال محترفون يتقاضون مرتبات من شركات مثل IBM و Redhat.

اللينكس هو الأكثر انتشاراً في مجال الخادمات (servers) على الاطلاق. من أصل أكبر عشرة شركات لاستضافة المواقع، ثمانية منها تستخدم اللينكس. هذا الموقع (نايل موتورز) على سبيل المثال يعمل على اللينكس. شركة زي Google تقدم خدماتها عن طريق شبكة من آلاف الأجهزة التي تستخدم اللينكس. مزارع معالجة الأفلام الثلاثية الابعاد في هوليود (Rendering Farms) تستخدم اللينكس. تصميم الدوائر الالكترونية يتم على برامج تعمل في كثير من الأحيان على اللينكس فقط. باختصار، اللينكس هو نظام تشغيل يستخدم للانتاجية وليس للاستخدام المنزلي والاستطلاع فقط.

كما أن معظم الفنانين والمصمين يستخدمون ال Mac. مثال آخر على استخدام نظام تشغيل غير الويندوز للانتاج.

في مجال المحمول، نصيب اللينكس يزداد بسرعة شركة Google طرحت نظام تشغيل لأجهزة المحمول سهل جدا في الاستخدام اسمه Andriod وسوف تتبناه الكثير من شركات صناعة أجهزة المحمول في بضعة أعوام ومن المتوقع ان يكون نصيبه هو الأكبر في السنوات القادمة.

بالنسبة للفيروسات، قد يكون معك حق في ان نصيب الويندوز من السوق هو الذي يدفع المخترقين من برمجة فايروسات لاستهدافه. لكن ذلك لا يمنع أن اللينكس (واليونكس عموما) هو أكثر أمناً بالطبيعة. ممكن تقول ان اللينكس inherently secure على عكس الويندوز والذي بطبيعته غير آمن.

تصور أن اليونكس منذ السبعينات فيه خصائص مثل تعدد المستخدمين في آن واحد وسياسات أمنية مثل امتيازات المستخدمين (User Privileges) وملكية الملفات. كلها أشياء لم نكن نحلم بتواجدها في الويندوز قبل الألفينات. وبعضها لم يتم توافره في الويندوز حتى الآن.

اللينكس هو الحاضر في مجال الخادمات وهو المستقبل في مجال الأجهزة الشخصية مثل المحمول وخلافه. بالنسبة لسطح المكتب فنصيبه من السوق ضعيف جداً ولكن مزيد من المستخدمين يستخدمونه.

[itsonlyme]

عزيزي د.أمير انا ما قصدش بالاب الشرعي نظام التشغيل الاصلي اللي اشتقت منه انظمة التشغيل المفتوحة ، انا اقصد الشركات الراعية لانظمة التشغيل دي اللي المفترض انها تقوم بدعم العملاء عند وجود مشاكل و للي برضه مفترض انها تستقبل feedback بغرض تطوير منتجها في المستقبل.
بصراحة انا مندهش انا مايكروسوفت تتهاجم على نظام تشغيلها اللي كان من اهم انظمة تشغيل الكمبيوتر دعما للغة العربية هو و حزمة office اللي شجعوا ناس كتير على اقتناء كمبيوتر لتسهيل اعمالهم ، انا بس بحب اقول حاجة ان بالرغم من وجود ماكنتوش و غيره من انظمة التشغيل (المحطوطة في فتارين ازاز) قبل الويندوز الا ان الوندوز استطاع اثبات وجوده و لم يكتف بشغيله على pc و انما على اجهزة apple نفسها ، فمن الظلم نقول على انظمة تشغيل زي xp , Vista , server 2008 انها انظمة تشغيل غير مستقرة بتنهار لو واحد عطس جنبها !

مبرمجي اللينكس والبرمجيات المرتبطة به على اتصال شديد بالمستخدمين. أي برنامج للينكس سوف تجد له مجتمع من المستخدمين يقدمون الدعم الفني المجاني لبعضهم البعض عن طريق المنتديات وسوف تجد المبرمجين مطلعين على استفسارات واقتراحات المستخدمين عن كثب. هذا يكاد لا يحدث في الويندوز.

أنا مثلاًً طلبت من القائم على التوزيعة التي استخدمها خاصية ما في برنامج مهم في التوزيعة خاص به. تم الاستجابة لطلبي في خلال أيام.

الأمثلة على ذلك كثير. سوف تجد العشرات من المنتديات لبرمجيات اللينكس وسوف تجد المطورين يتفاعلون مع المستخدمين بكثرة.

[Forever.Leo]

اللينكس في شركات كبرى بترعاه. شركة IBM صرفت مليار دولار على اللينكس. اغلب مبرمجي النواة (kernel) على سبيل المثال محترفون يتقاضون مرتبات من شركات مثل IBM و Redhat.

اللينكس هو الأكثر انتشاراً في مجال الخادمات (servers) على الاطلاق. من أصل أكبر عشرة شركات لاستضافة المواقع، ثمانية منها تستخدم اللينكس. هذا الموقع (نايل موتورز) على سبيل المثال يعمل على اللينكس. شركة زي Google تقدم خدماتها عن طريق شبكة من آلاف الأجهزة التي تستخدم اللينكس. مزارع معالجة الأفلام الثلاثية الابعاد في هوليود (Rendering Farms) تستخدم اللينكس. تصميم الدوائر الالكترونية يتم على برامج تعمل في كثير من الأحيان على اللينكس فقط. باختصار، اللينكس هو نظام تشغيل يستخدم للانتاجية وليس للاستخدام المنزلي والاستطلاع فقط.

كما أن معظم الفنانين والمصمين يستخدمون ال Mac. مثال آخر على استخدام نظام تشغيل غير الويندوز للانتاج.

في مجال المحمول، نصيب اللينكس يزداد بسرعة شركة Google طرحت نظام تشغيل لأجهزة المحمول سهل جدا في الاستخدام اسمه Andriod وسوف تتبناه الكثير من شركات صناعة أجهزة المحمول في بضعة أعوام ومن المتوقع ان يكون نصيبه هو الأكبر في السنوات القادمة.

بالنسبة للفيروسات، قد يكون معك حق في ان نصيب الويندوز من السوق هو الذي يدفع المخترقين من برمجة فايروسات لاستهدافه. لكن ذلك لا يمنع أن اللينكس (واليونكس عموما) هو أكثر أمناً بالطبيعة. ممكن تقول ان اللينكس inherently secure على عكس الويندوز والذي بطبيعته غير آمن.

تصور أن اليونكس منذ السبعينات فيه خصائص مثل تعدد المستخدمين في آن واحد وسياسات أمنية مثل امتيازات المستخدمين (User Privileges) وملكية الملفات. كلها أشياء لم نكن نحلم بتواجدها في الويندوز قبل الألفينات. وبعضها لم يتم توافره في الويندوز حتى الآن.

اللينكس هو الحاضر في مجال الخادمات وهو المستقبل في مجال الأجهزة الشخصية مثل المحمول وخلافه. بالنسبة لسطح المكتب فنصيبه من السوق ضعيف جداً ولكن مزيد من المستخدمين يستخدمونه.

مبرمجي اللينكس والبرمجيات المرتبطة به على اتصال شديد بالمستخدمين. أي برنامج للينكس سوف تجد له مجتمع من المستخدمين يقدمون الدعم الفني المجاني لبعضهم البعض عن طريق المنتديات وسوف تجد المبرمجين مطلعين على استفسارات واقتراحات المستخدمين عن كثب. هذا يكاد لا يحدث في الويندوز.

أنا مثلاًً طلبت من القائم على التوزيعة التي استخدمها خاصية ما في برنامج مهم في التوزيعة خاص به. تم الاستجابة لطلبي في خلال أيام.

الأمثلة على ذلك كثير. سوف تجد العشرات من المنتديات لبرمجيات اللينكس وسوف تجد المطورين يتفاعلون مع المستخدمين بكثرة.

عزيزي itsonlyme ، احب اأكد ان مشاركتي في الموضوع ده نابعة اصلا من انصاف الويندوز مش الهجوم على اللينوكس ، ده اولا. الحاجة الثانية ان معظم اللي بيهاجموا الويندوز بيخدونا فلاش باك على زمن المين فريمات الكبرى اللي بتشغل اليونكس و النتوير وغيرها و بيقارنوها بنظام تشغيل بدأ مكتبي في الاساس.
حضرتك بتتكلم على ان اللينوكس موجود في ال servers لشركات كثير و بالرغم ان انا مش مختلف معاك على انتشار اللينوكس في منطقة الخادمات الا ان ده مش معناه تلقائيا افضلية للينوكس لان الاختيار احيانا بيكون لاسباب اقتصادية (نظام تشغيل مجاني) ، او بسبب طواعية اللينوكس للتشكيل (على اعتبار انه open source ) او لانه مفتوح المصدر (شفاف) فهيكون افضل لاي جهة حكومية حساسة ، او للتخلص من التبعية لشركة اخرى زي مايكروسوفت.
حضرتك بتتكلم على ان فيه technical support للينوكس ، انا مش عارف اذا كان المنتديات و المتطوعين مهما كان حماسهم يعتبروا دعم فني يقارن بالتزام شركات كبرى بدعم منتجاتها و عملاءها .
على اي حال انا شايف ان التنافس مفيد للمستخدم في كل الاحوال و ان انفراد مايكروسوفت بانظمة التشغيل مش في صالح المستخدمين و اولهم مستخدمي الويندوز انفسهم ، بس انا حبيت انصف الويندوز و اديله حقة اللي يستحقه، كنظام تشغيل ساهم في رفع شعبية الكمبيوتر في العالم كله و قاد شركات الهاردوير و السوفت وير الكبرى لنجاحات و ابدعات شاهدين عليها كل يوم.

[PRO-DRIVE]

عزيزي itsonlyme ، احب اأكد ان مشاركتي في الموضوع ده نابعة اصلا من انصاف الويندوز مش الهجوم على اللينوكس ، ده اولا. الحاجة الثانية ان معظم اللي بيهاجموا الويندوز بيخدونا فلاش باك على زمن المين فريمات الكبرى اللي بتشغل اليونكس و النتوير وغيرها و بيقارنوها بنظام تشغيل بدأ مكتبي في الاساس.
حضرتك بتتكلم على ان اللينوكس موجود في ال servers لشركات كثير و بالرغم ان انا مش مختلف معاك على انتشار اللينوكس في منطقة الخادمات الا ان ده مش معناه تلقائيا افضلية للينوكس لان الاختيار احيانا بيكون لاسباب اقتصادية (نظام تشغيل مجاني) ، او بسبب طواعية اللينوكس للتشكيل (على اعتبار انه open source ) او لانه مفتوح المصدر (شفاف) فهيكون افضل لاي جهة حكومية حساسة ، او للتخلص من التبعية لشركة اخرى زي مايكروسوفت.
حضرتك بتتكلم على ان فيه technical support للينوكس ، انا مش عارف اذا كان المنتديات و المتطوعين مهما كان حماسهم يعتبروا دعم فني يقارن بالتزام شركات كبرى بدعم منتجاتها و عملاءها .
على اي حال انا شايف ان التنافس مفيد للمستخدم في كل الاحوال و ان انفراد مايكروسوفت بانظمة التشغيل مش في صالح المستخدمين و اولهم مستخدمي الويندوز انفسهم ، بس انا حبيت انصف الويندوز و اديله حقة اللي يستحقه، كنظام تشغيل ساهم في رفع شعبية الكمبيوتر في العالم كله و قاد شركات الهاردوير و السوفت وير الكبرى لنجاحات و ابدعات شاهدين عليها كل يوم.

علي فكره انت ممكن تشتري الدعم الفني في اي توزيعه بمبالغ رمزيه جداا ريد هات مثلا بتاخد علي دعم السيرفر في السنه 12$ :) طبعا لا يقارن بسرقه مايكروسوفت علي الاطلاق !!

ويندوز انتشر لأنه في الاساس كان موجه ناحيه المستخدم العادي علي عكس ريدهات مثلا اللي كانت بتطور لينوكس كنظام قوي بغض النظر عن صعوبه الاستخدام من عدمه