بتستخدم لينكس؟

[amir]

انا اقصد الشركات الراعية لانظمة التشغيل دي اللي المفترض انها تقوم بدعم العملاء عند وجود مشاكل و للي برضه مفترض انها تستقبل feedback بغرض تطوير منتجها في المستقبل.

مايكروسوفت معروفه و مشهوره بالثغرات العديده و التحديثات المزعومه
لو بتعمل نظام تشغيل قوي و تجاري يبقي ليه ميتقفلش و يتجرب الاول و بعد كده تنزله للسوق
و علي فكره كان من فتره تحت ايدي تحديث لثغره من الثغرات الامنيه في الويندوز و كان علي بورت مفتوحه بتتيح الدخول و بعد التحديث الامني ليها كانت برضو موجوده و بنفس الرقم

بصراحة انا مندهش انا مايكروسوفت تتهاجم على نظام تشغيلها اللي كان من اهم انظمة تشغيل الكمبيوتر دعما للغة العربية هو و حزمة office اللي شجعوا ناس كتير على اقتناء كمبيوتر لتسهيل اعمالهم

و علشان كده لازم تتهاجم
مش كفايه ماضي الدوس و قضيه السرقه المشهوره
و كل ده و بينزل مغلق المصدر و متقدرش تعمل حاجه فيه الا بعد ما تدفع في جيب الخواجه بيل جيتس
ده غير اسعار برامجه و تطبيقاته و يكفي اللينوكس فخرا في النقطه دي انه بينزل و معاه ال c من غير اي مبالغ بتدفعها
و الويندوز بيعلم ايه للمستخدمين بتوعه؟
بيعلمهم مهارات نكست نيكست فينيش؟
و في الاخر بيبقي اسير السهوله دي في مقابل ما يحصل عليه

فمن الظلم نقول على انظمة تشغيل زي xp , Vista , server 2008 انها انظمة تشغيل غير مستقرة بتنهار لو واحد عطس جنبها !

طبعا ده اقل واجب
شوف كده كام مره الويندوز انهار اثناء التشغيل و لأسباب يعلمها الله وحده و اضطريت انك تعمل ريستارت و تخسر اعمالك عليه
ولا كام مره اضطريت انك تفرمت الهارد و تصطبه من اول و جديد
ده غير ان مع الوقت الويندوز بيتقل و بيبقي غير مستقر
و كل برنامج تصطبه يحتاج ريستارت
و كل شويه هاردك شغال يقرا و يكتب و انت مش عارف ايه اللي بيحصل في جهازك اساسا
و كل اصدار جديد منه يجبرك علي شراء رامات و بروسيسور و غيره و غيره علشان يشتغل كويس
يعني بتدفع في سوفت وير متعب و هاردوير علشان يشغله و لا مكان للمرونه في استخدام جهازك القديم و ما اسرع انه يبقي قديم كل يوم مع الويندوز
و كفايه برضو الويندوز فيستا اللي بعد سنين طويله من تطويره و تغير اسمه و تعديله و نزوله السوق بغرض الاكتساح و ما لاقاه من رفض جموع المستخدمين ليه و تمسكهم بالاكس بي نظرا لعدم رغبتهم في شراء اجهزه جديده لتشغيله و تقله و استهلاكه لموارد الاجهزه الشنيع
و بالمناسبه و ما دام الشيء بالشيء يذكر فبعد الخطوه الذكيه الماكره لبيل جيتس و هي شراء novel suse توقع بيقين تام ان الويندوز 7 الجديد هيكون من اروع ما انتجه بيل جيتس من ويندوز علي الاطلاق و ده لسبب بسيط
انه هيتم اخذ العديد من محاسن اللينوكس و وضعها في ويندوز من ابو ماوس!!

[aratux]

عزيزي itsonlyme ، احب اأكد ان مشاركتي في الموضوع ده نابعة اصلا من انصاف الويندوز مش الهجوم على اللينوكس ، ده اولا. الحاجة الثانية ان معظم اللي بيهاجموا الويندوز بيخدونا فلاش باك على زمن المين فريمات الكبرى اللي بتشغل اليونكس و النتوير وغيرها و بيقارنوها بنظام تشغيل بدأ مكتبي في الاساس.
حضرتك بتتكلم على ان اللينوكس موجود في ال servers لشركات كثير و بالرغم ان انا مش مختلف معاك على انتشار اللينوكس في منطقة الخادمات الا ان ده مش معناه تلقائيا افضلية للينوكس لان الاختيار احيانا بيكون لاسباب اقتصادية (نظام تشغيل مجاني) ، او بسبب طواعية اللينوكس للتشكيل (على اعتبار انه open source ) او لانه مفتوح المصدر (شفاف) فهيكون افضل لاي جهة حكومية حساسة ، او للتخلص من التبعية لشركة اخرى زي مايكروسوفت.
حضرتك بتتكلم على ان فيه technical support للينوكس ، انا مش عارف اذا كان المنتديات و المتطوعين مهما كان حماسهم يعتبروا دعم فني يقارن بالتزام شركات كبرى بدعم منتجاتها و عملاءها .
على اي حال انا شايف ان التنافس مفيد للمستخدم في كل الاحوال و ان انفراد مايكروسوفت بانظمة التشغيل مش في صالح المستخدمين و اولهم مستخدمي الويندوز انفسهم ، بس انا حبيت انصف الويندوز و اديله حقة اللي يستحقه، كنظام تشغيل ساهم في رفع شعبية الكمبيوتر في العالم كله و قاد شركات الهاردوير و السوفت وير الكبرى لنجاحات و ابدعات شاهدين عليها كل يوم.

إسمحلى أرد على حضرتك هنا
فيه أى شركة بتقدر تديلك دعم 100% كمستخدم عادى؟؟
حضرتك لو عندك مشكلة فى جهازك ينفع تكلم مايكروسوفت تقولهم و الله عندى مشكلة عايزلها حل؟؟
طبعا أنا مش باقول إن اللينكس جاهز للديسكتوب, لسة شويةز لينكش محتاج ناس عندها إستعداد تتعلم لكن لو واحد عايز يفتح الكمبيوتر و يشغل البرامج بتاعته بتاعة الشغل مثلا (برامج حسابات أو غيرها) يفضل ويندوز

لكن على السيرفرز, بنختار لينكس بسبب قوة الأداء
أداء لينكس معروف إنه أعلى من الويندوز لأسباب كتير علشان كدة فى المشاريع اللى محتاجة أداء أعلى بنختار لينكس (و علشان كدة فى هوليوود بيستخدموه, بيستخدموا عدد معين من الأجهزة مع لينكس, و لو هايتخدموا ويندوز قد يكون ضعف العدد)

[Forever.Leo]

و الويندوز بيعلم ايه للمستخدمين بتوعه؟
بيعلمهم مهارات نكست نيكست فينيش؟

عزيزي د.امير ، اللي انا فاهمه ان اي نظام تشغيل هو وسيلة مش هدف في حد ذاته ، لان معنى ان نظام التغشيل سلس و بيستخدم wizards فدي ميزة مش عيب لانه بيخلي المستخدم يركز في تطبيقاته اللي هيستخدمها مش يستهلك وقته في تعديل و تظبيط نظام التشغيل ، و الا نرجع بقى ل dos يكون افضل و احسن!

شوف كده كام مره الويندوز انهار اثناء التشغيل و لأسباب يعلمها الله وحده و اضطريت انك تعمل ريستارت و تخسر اعمالك عليه
ولا كام مره اضطريت انك تفرمت الهارد و تصطبه من اول و جديد
ده غير ان مع الوقت الويندوز بيتقل و بيبقي غير مستقر

طبعا انا مش عارف عن اي ويندوز بتتكلم ، انا من تجربتي الكلام ده اختفى من زمان من ايام windows 2000 ، و اذا كان الويندوز مش مستقر ،ببساطة اسأل المستخدم عن الهاردوير الخردة اللي بيجيبوا سواء باور صبلاي لبردة لرمات ، و كمان اسأله عن نسخة الويندوز المجهولة النسب للي مصطبها على جهازه ، ده غير install و uninstall اللي بتبقا شغالة عمال على بطال لاي سوفت وير و لا utilities سواء معروفة او غير معروفة ، بعد كده نشتكي من نظام تشغيل بتعتمد عليه شركات cridet cards في ماكينات atm بتاعتها!

لو بتعمل نظام تشغيل قوي و تجاري يبقي ليه ميتقفلش و يتجرب الاول و بعد كده تنزله للسوق

خلاص ، نبقى نقول الكلام ده لشركات تصنيع السيارات والطائرات اللي بيظهر مشاكل خطيرة في منتجاتها و بتسسحبها و بتعدلها ، واللي هي بتتعامل مع ارواح ناس مش مجرد سوفت بيهنج و لا بينهار ، انا على يقين لو اللينوكس بقى بشعبية و انتشار الويندوز ، وبقى مستهدف بجد من الهاكرز ، هنسطب security patch مع كل طلعة شمس!

[Forever.Leo]

أداء لينكس معروف إنه أعلى من الويندوز لأسباب كتير علشان كدة فى المشاريع اللى محتاجة أداء أعلى بنختار لينكس (و علشان كدة فى هوليوود بيستخدموه, بيستخدموا عدد معين من الأجهزة مع لينكس, و لو هايتخدموا ويندوز قد يكون ضعف العدد)

ممكن حضرتك ببساطة تدينا دليل واحد على الكلام ده (دليل من موقع او مجلة ليها احترامها) ، و ياريت نعرف سبب من الاسباب الكتير اللي خلت اداء اللينوكس اعلى من الويندوز.

[aratux]

حضرتك ده مجالى اللى أنا شغال فيه
و عارف أنا باتكلم عن إيه.
Memory management is more advanced in Linux than Windows, in addition to the different schedulers that you can use (depending on the applications), so it eases the handling of multitasking and multithreading.
ده ببساطة

[Forever.Leo]

حضرتك ده مجالى اللى أنا شغال فيه
و عارف أنا باتكلم عن إيه.

و هو حضرتك عرفت انا مجالي ايه ، علشان تدي افضلية لكلامك.

Memory management is more advanced in Linux than Windows, in addition to the different schedulers that you can use (depending on the applications), so it eases the handling of multitasking and multithreading.

برضه ، مصادرك ايه؟

[aratux]

طيب يا ريت نتعرف؟
فرصة كويسة إن المنتدى هنا بيعرف الناس على بعضها
و انا فى إنتظار إنى أعرف من حضرتك نقاط تفوق الويندوز فى الأداء.

[Forever.Leo]

طيب يا ريت نتعرف؟
فرصة كويسة إن المنتدى هنا بيعرف الناس على بعضها
و انا فى إنتظار إنى أعرف من حضرتك نقاط تفوق الويندوز فى الأداء.

انا - واعوذ بالله من كلمة انا - مهندس معماري ، بقالي اكثر من 20 سنة computer user ، و كنت اخذت دورات برمجة في cobol, basic , visual basic زمان ايام ما كانت المواضيع دي هواية بالنسبة لي.
علي اية حال انا مش عاوز ادخل في فخ التعصب للويندوز و اكون على خصومة مع حد ، انا كنت مستني ان اي معلومة تكون بدليل مش انطباع شخصي ، عموما اللينك ده في مقارنة مفيدة بين الويندوز و اللينوكس :

http://en.wikipedia.org/wiki/Comparison_of_Windows_and_Linux

[Forever.Leo]

______________

[Ahmed Selim]

الويندوز لو منزل منه نسخة أصلية و مش بتنزل كل شوية برامج أى كلام غير معلوم مصدرها أو مصدرها مش شركة قوية هيعمل مشاكل أو بتنزل عليه برامج متكركة......لكن لو العكس يبقى نادراً ما هتلاقى مشاكل....يعنى أنا عندى جهاز البيت عليه ويندوز من حوالى 3 سنين متغيرتش مع العلم أنى شغلى عليه قليل و المدام هى اللى بتشتغل عليه أكتر.
الويندوز نظام تشغيل معمول عشان يسهل على المستخدم مش عشان يعلمه.......يبقى بالتالى نكست نكست فينيش ميزة مش عيب......و مش كل البرامج بتحتاج ريستارت على فكرة.

اللينوكس على عكس الويندوز فى حتة تعليم المستخدم.......بيعلم المستخدم صح.....
اللينوكس على مستوى السرفرز أكثر أستقراراً على الأقل بسبب عدم وجود فيروسات ليه زى الويندوز.......
لو على الأداء و مقارنة الأداء يبقى مش هتقدر تحكم غير لو قدامك مكنتين زى بعض بالظبط هاردوير و الأتنين سرفرز مش pc وتنزل نسخة ويندوز 2003 و نسخة ردهات مثلاً و تقارن....و بما أنى عندى الأتنين فى الشغل على نفس الهاردوير فأنا شايف الأتى
1- فى الستارت بتاع المكنة ويندوز أسرع شوية
2- مع وجود ضغط على المكنة بيبقى الردهات أسرع من ويندوز
3- للأسف ويندوز فيها شوية مشاكل ساعات بتحصل فى السيرفسس بتاعتها تخليك مضطر تريستارت السيرفس نفسها وساعات السيرفر كله......( ده بيحصل على كذا سيرفر بنستخدمهم فى حاجة شبيهة ب print server .....ال print spooler بيهنج من وقت للتانى.
لو أتكلمنا عن نظم التشغيل العادية مش السيرفرز فأنا برضه شايف أن مفيش فرق كبير من ناحية السرعة أو الأداء.....يميز ويندوز السهولة الشديدة و يميز لينكس عدم تعرضه للفيروسات . ( xp و ubuntu نازلين على نفس اللابتوب )

من الأخر......

الويندوز له ناسه و اللينكس له ناسه

كل واحد منهم ليه عيوب و مميزات و شوف أنت مين فيهم يناسبك أكتر.

معلش بالنسبة لموضوع ال ATM اللى بتستخدم ويندوز......حضرتك ناسى أن فيه مستخدمين عاديين بيستخدموا المكنة دى كل يوم اللى هما ال tellers ؟؟؟؟
يبقى لازم يكون نظام تشغيل سهل و متعارف عليه عند الغالبية العظمى من المستخدمين.......قد يكون هناك أسباب تانية طبعاً بس ده السبب الرئيسى فى رأيي.

[amir]

انا - واعوذ بالله من كلمة انا - مهندس معماري ، بقالي اكثر من 20 سنة computer user ، و كنت اخذت دورات برمجة في cobol, basic , visual basic زمان ايام ما كانت المواضيع دي هواية بالنسبة لي.
علي اية حال انا مش عاوز ادخل في فخ التعصب للويندوز و اكون على خصومة مع حد ، انا كنت مستني ان اي معلومة تكون بدليل مش انطباع شخصي ، عموما اللينك ده في مقارنة مفيدة بين الويندوز و اللينوكس :

http://en.wikipedia.org/wiki/Comparison_of_Windows_and_Linux

اهلا و سهلا بيك
مادام انت مطلع و خبير كده ما تدي نفسك فرصه و تجرب اللينوكس بنفسك
و الله هتحس انك مرحتش بعيد you will feel like home
جرب اللينوكس كده و قولنا رأيك ايه

[Forever.Leo]

اهلا و سهلا بيك
مادام انت مطلع و خبير كده ما تدي نفسك فرصه و تجرب اللينوكس بنفسك
و الله هتحس انك مرحتش بعيد you will feel like home
جرب اللينوكس كده و قولنا رأيك ايه

شكرا يا د.امير على الاطراء اللي ماستحقوش ، انا مطلع آه ، بس ما قلتش على نفسي خبير ، انا كنت برد لما لقيت حد بيحاول يصادر على رأيي من باب علمه بالمجال ده.
على فكرة الليونكس انا على احتكاك به لان سيرفر الشركة للي انا شغال فيها مشغل اللينوكس و اعرف عنه معرفة جيدة ، و هقول ثاني ان مشاركتي في الموضوع اساسا انصافا للويندوز مش هجوم على اللينوكس ، وان كنت متحفظ بعض الشيئ على برامج open source بشكلها الحالي ، وان كنت متوقع ليها مستقبل واعد اذا قامت مؤسسات كبيرة برعايتها.
على اية حال علشان محدش من محبي اللينوكس يزعل من كلامي ، هتكون دي اخر مشاركة ليا في الموضوع ده. وشكرا.

[MTAK]

هتكون دي اخر مشاركة ليا في الموضوع ده. وشكرا.

لأ لأ لأ
متقولش كده
هو صحيح الحوار كان بدأ يأخذ بعد مش ظريف
انما طالما رجعنا تانى ليه نبطل الحوار
و على فكرة الحوار ليس كلام بينك و بين شخص
انما مناقشه بينك و بين شخص يستفيد منها الف شخص
و انا منهم
لذا ارجو ان يستمر الحوار بطريقه هادفه وواضحه

[m7nsh]

الموضوع شيق جدا و مفيد

المناقشه المطروحه مفيش اى داعى انها تتقفل يا جماعه ,, الكل هنا مطلع و مثقف وعلى درايه كبيره باللى بيقوله ,, ده غير انه واعى جدا لأداب الحوار و المناقشه ,, وبالتالى مفشي اى خوف من اى مناقشه هتتفتح ,, لأن ببساطه الهدف منها هيكون تبادل خبرات للمتناقشين و مصدر مثمر للقارئين للمناقشه ( أمثالى )

عشان كده اتمنى انكو تكملو المناقشه خصوصا و ان الأطراف اللى فيها كلها اعضاء مشهود ليها بالأحترام و العلم

======

بعيدا عن المناقشه و الخلاف الدائر ,, احب اقول انى مهتم جدا بنظام لينوكس و فعلا عاوز اجربه ,, بس مش عارف ابدأ منين ,, هل ابقى انزل اسطوانه لايف ليه و احرقها و اتعامل ولا ادوس فى التستيب علطول ,, و كمان ابدأ بتوزيعه اوبنتو ولا فى حاجه تانيه افضل بالنسبه لواحد ا ب لينوكس

و جزاكم الله خيرا و زادكم من علمه

[Ahmed Selim]

نزل نسخة ubuntu و بعدين نزل البرنامج ده

http://www.ubuntu.com/getubuntu/downloadmirrors#wubi

بعد لما تنزله شغله من على الويندوز و شاورله على السورس بتاع ubuntu و هو هيقوم بالباقى

بعد لما تخلص هيكون عندك نظامين تشغيل مع بعض dual boot
تقدر تختار اى واحد فيهم براحتك و انت بتشغل الجهاز.....بالظبط زى ما تكون منزل نسختين ويندوز على نفس الجهاز.

فى نسخة جديدة من ubuntu نازلة كمان 3 أيام.....يستحسن تستناها و رقمها 9.0.4