عن العلاقة بين عداد سرعة السيارة وبلد صنعها

[memo_hefnawy]

loooooooooooooooooooool

لو فينا من شقة و الله ممكن أراجع نفسى بس تكون شقة سكنية مش شقة فول :) ههههههه

يابنى أزمة العنوسة دى هاتفضل كده ليوم الدين على ما أفتكر يا كيمو إن من علامات الساعة الصغرى زيادة عدد النساء مقابل الرجال و دلوقت فى مصرتقريبا نصيب الشاب الحلو مننا كده بالصلاة على النبى 6 فتيات :)

فأكيد هانوصل خلال سنوات معدوده إن البنات يقدموا شقة و عربية و إحنا نقدم مهر 25 قرش :)

ده غير إن التعدد مع مرور الوقت هايرجع تانى بقوة

و بعدين ياعم أنا عليا من الهم ده إيه :) ما أنا عايش ملك أه ولا دوشة عيل ولا نكد زوجة ولا قلق الواد إتأخر بره الواد عيان الواد مش بيسمع الكلام الواد بيضرب أخوه الواد إتخانق وضرب زمايله فى المدرسة و باعتينلك جواب تحضر تشوف العك إللى إبنك عمله ......... :) أنا كده مبسوط فضل و نعمه :)


ليــــــــه أشــتـــــرى بقــــــــرة عشــــــــان أشرب كوب من الحلــــــيب !!
ليــــــــه أشتـــــــرى فونطـــاس بنـــــــزيـن عشـــان أفـــــول عربيتــى !!
محدش يفهم الكلام غلط :) بس ممكن أستغنى عن كوب الحليب لو ماعنديش مكان للبقرة و معنديش وقت أرعاها و آخد بالى منها و ماعنديش دماغ لمشاكلها :) ده مجرد مثال :)

[modux]

الحمد لله عربيتي الماني بس الماني اوي بردو بقطع غيارها

بس بجد موضوع زي العسل

و كريم منير منور

[Tamer-Ezzat]

طب والعدادات المصرى أيه دورها فى الموضوع ....

[NaderNabil]

العدادات المصري هتلاقيها بتنصب عليك...و يد الفساد داخلالها برده...فا أكيد أكيد هيكون فيه كروته في القراية

[oshy]

العدادات المصري هتلاقيها بتنصب عليك...و يد الفساد داخلالها برده...فا أكيد أكيد هيكون فيه كروته في القراية

الله عليك يا نادر هوه ده الرد المظبوط

[Hesham A.Megid]

طب والعدادات المصرى أيه دورها فى الموضوع ....

العداد المصري تديله 20 جنيه يبقي اخره 400KM/h :D

[Ahmed Hassan]

عندما تركب سيارة يابانية وتجد عداد السرعة يحمل رقم 200 كيلومتر فى الساعة فى خانة اقصى سرعة فهذا معناه ان هذة السيارة يمكنها تجاوز ال200 كيلومتر فى الساعة ولكن لا تحاول فعل ذلك لانها لن تتحمل اكثر من 200 كيلومتر فى الساعة ولا حتى 200 كيلومتر فى الساعة لفترة طويلة

عندما تركب سيارة المانية وتجد عداد السرعة يحمل رقم 200 كيلومتر فى الساعة فى خانة اقصى سرعة فهذا معناه ان هذة السيارة يمكنها ان تصل ل 200 كيلومتر فى الساعة ولن تتخطاها بكيلومتر واحد، لكنها لو بقيت طوال عمرها تسير على 200 كيلومتر فى الساعاة طوال الوقت فستظل بحالتها بدون مشاكل

عندما تركب سيارة كورية وتجد عداد السرعة يحمل رقم 200 كيلومتر فى الساعة فى خانة اقصى سرعة فهذا معناه ان هذة السيارة من المحتمل ان تصل ل200 كيلومتر فى الساعة ولكن المؤكد انها ستصل ل180 كيلومتر فى الساعة

عندما تركب سيارة امريكية وتجد عداد السرعة يحمل رقم 200 كيلومتر فى الساعة فى خانة اقصى سرعة فهذا معناه ان هذة السيارة يمكنها ان تصل ل 280 كيلومتر فى الساعة بدون مشاكل ولا اعطال، فقط عليك ان تسحب خلفك مقطورة بنزين


عندما تركب سيارة فرنسية فلا تهتم كثيرا بقيمة السرعة القصوى فى العداد، سبيك يا عم سرعة قصوى ايه وبتاع إيه ، المهم ايه رايك فى منظر التابلوه، حكاية مش كدة؟

عندما تركب سيارة ايطاليه فلا تهتم كثيرا بعداد السرعة، لكن ركز مع عداد الحرارة

عندما تركب سيارة روسية فلن تحتاج لعداد السرعة لانك يمكنك دائما ان تخمن سرعة السيارة من صوت المحرك

عندما تركب سيارة صينية فلا تغتر بكثرة العدادات الموجودة امامك وتأكد فى البداية ان مؤشرات هذة العدادات قابلة للحركة اساسا وليست صورا مرسومة على خلفية التابلوه مثل مؤشرات الساعات الصينية التى تباع فى العتبة


"ارجو من الزملاء الاعزاء عدم اشعال حرائق ردا على هذا الموضوع فهو موضوع فكاهى بالاساس وانا بنيته بشكل مقصود على تعميم غير دقيق، ولا يهدف لإثارة ايه مشاعر سلبية"

موضوع جامد يا ابو السباع... وحشانا الحاجات دي من زمان

[ahmed1981]

عندما تركب سيارة امريكية وتجد عداد السرعة يحمل رقم 200 كيلومتر فى الساعة فى خانة اقصى سرعة فهذا معناه ان هذة السيارة يمكنها ان تصل ل 280 كيلومتر فى الساعة بدون مشاكل ولا اعطال، فقط عليك ان تسحب خلفك مقطورة بنزين
"

الله يفتح عليك
الكلام ده سليم 100%
وأنا كان عندي شيفورليه كابرس موديل 1988 وكان آخر العداد المدرج المكتوب 140 كلم/ساعة ولكن ..
ولكن بعد تجاوز هذه السرعة تظل السيارة تزيد سرعتها والعداد يزيد في المنطقة الغير مدرجة حتى يصل إلى الصفر من الجهة الأخرى وقد يتجاوزه
الحقيقة أنا كتبت الكلام ده في إختبار القيادة الموجود في الرابط التالي http://www.nilemotors.net/Nile/showthread.php?t=4064

[eng_mkhalaf]

و الله انت عسل , كل واحد يتكلم في أي حاجة لازم يمسي عليك بكلمة كده :o
ربنا يصبرك , المهم العربية كويسة
---------------------------
لما تطلع على الطريق اوعى تلزق عداد مرسوم عليه اكتر من 120 لحن اللزق يفك من السرعات
اوعى تزعل مني دانا بناغشك :)

:):):):)
متقلقشى من موضوع اللزق كلة تمام

[Sharky]

شكرا يا أبو السباع على الموضوع اللذيذ

[eng_elnaggar]

موضوع جميل شكرا ابو السباع

[Karim_Monir]

الحمد لله عربيتي الماني بس الماني اوي بردو بقطع غيارها

بس بجد موضوع زي العسل

و كريم منير منور

معلش
الغالي تمنه فيه
وده نورك يا غالي

[اسلام المصرى]

شكرا جزيلا يا سبعاوى :) موضوع رائع فكاهى و دمه خفيف :)

[dr_3eshoo]

كلام مظبوط و حقيقي

[tutankhamoun]

موضوع زي العسل
و فيه الكثير من الصحة المعلوماتية
شكرا سبعاوي باشا