تركى وللا كورى

[فادى]

تركيا أفضل كثيرا من كوريا , و أنا هنا أعنى توفاش و سيارتها شاهين الأفضل من سائر السيارات الكورية.
تعالوا طب نعمل مقارنة بسيطة سنة 2006 لما جيت أشترى الشاهين :
الشاهين 1400 سعرها 58000 ج.م
الشاهين 1600 سعرها 68000 ج.م

بص بقى أسعار الكورى :
هيونداى فيرنا سعرها 63000 ج.م
دايو لانوس سعرها 55000 ج.م
هيونداى أكسنت صعرها 53000 ج.م
ديه أسعار 2006 الى انا متأكد منها لأنى كنت متابع عشان أشترى عربية. ممكن تكون اتغيرت.
يعنى الشاهين و رغم قلة الكماليات الا أنها أغلى من الفيرنا بحوالى 5000 ج.م و رغم كده الناس بتشتريها و ده برضه رغم انها سيارة تركى و تجميع مصرى.
و الشاهين 1400 كاسيت بس و أغلى من اللانوس و الأكسنت ب3 و 5 ألاف ج.م!!!
و رغم ذلك الناس بتجيب الشاهين. تفتكروا ليه؟؟
اعتمادية أعلى , دفع خلفى, أداء أفضل, تكنولوجيا موثوق فيها قادمة من شركة فيات.
فى المقابل الكورى : سيارات محطوط فيها شوية كماليات مصدرها غير معروف تباع بأسعار منخفضة من غير ما نعرف هى ليه بتتباع بالأسعار ديه؟
يعنى الشاهين رخيصة عشان : تكنولوجيا قديمة شوية, كماليات مش موجودة.
طب الكورى رخيص ليه؟؟؟ أكيد فيه ان!

[segsauer]

طبعا تركيـــا لأنها دولة أثبتت نفسها فى سوق السيارات بسرعة
صحيح هى مجمعة للسيارات مش مصنعة زى الكوريين لكن بصراحة سواء ميجان أو غيرها التقفيل التركى ممتاز ومافيهوش أى عيوب لأنهم ناس عندهم ذمة وضمير وعايزين بلادهم تبقى صورة مشرفة لأوروبا والعالم وأنا بقول ان الشاهين ( التركى ) مش المصرى لو كانت بتنزل مصر كانت هتقلب السوق المصرى كله لكن بلدنا هى اللى عايزه تجمعها أمرنا لله ( :
الخلاصة أضيف صوتى لتركيا وده برضو مايمنعش انى بكره الكورى اطلاقا ولكن أنا برتاح للصناعة التركـــى

+100000000000000

[karimalaa]

Turkey

el ta2feel el turkey a7san bktir mel korean w nafs el 7ekaya fel motor el motor el korean 5afif 3an el turkey

Turkey+1

[r0xer]

لماذا لا يتم وضع مصر بالمرة!!

يا جماعة بالعقل دا بلد بينتج و دا بلد بيجمع، و كفاية تبص تلاقي إن KIA و Hyundai هم من أكثر السيارات إنتشارا في الشرق الأوسط و خصوصا مصر بعد العملاقان اليابانيان تويوتا و ميتسوبيشي.

اللي بيتكلم عن عربية زي الشاهين و بيقارنها بالفيرنا فياريت يعرف إنه بيتكلم عن عربية واحدة!!!! و في نفس الوقت أنا شايف الفيرنا أفضل و بمراحل كبيرة "شكل-أداء-موتور-تحمّل-"

دور على كدا على أي ماركة سيارة تركية في أوروبا أو حتى في الشرق الأوسط و تكون منتشرة؟

حاجة أخيرة...لو التقفيل المصري كان كويس كنا هنعمل مقارنة ما بين كوريا و مصر في مجال السيارات !

[Chicco]

اخترت التركي..... بسبب رخص الايادي العاملة , بفلوس أقل بتركب أوروبي زي الرينو و الفيات و الأوروبي مشهور بالجودة و الاعتمادية
ده ميمنعش إن الكوري كويس برضه و أحسن من غيره كتير :)

[Ahmed Anwer]

كوريا الدولة الخامسة بعد اليابان و امريكا و الصين و المانيا ؟؟؟؟؟؟؟

مع الأخذ في الإعتبار حجمها الصغير بالنسبة للدول دي ،،

تركيا في المركز ال 17

وده طبعا مركز هايل بالنسبة لدولة مجمعة للسيارات و دليل إنها اصبحت مركز تصنيع و تجميع للشرق الأوسط و اوروبا للشركات الكبري و من بينها الشركات الكورية ( مع العلم إن هيونداي فتحت مصنعها الأوروبي الجديد في جمهورية التشيك )،،

لولا إني مش عايز اخش في مجالات اخري غير صناعة السيارات كنت جبت معلومات كتير اوي عن فرق التقدم الصناعي و التكنولوجي و الإقتصادي بين الدولتين ،، عشان الناس اللي بتقول تجميعها احسن

أنا بس عايز أفهم يعني أيه عربية تركي ؟؟

ما هيا يا رينو يا فيات يا هيونداي ؟؟؟؟

يعني اللي هيشتري كورولا الجديدة هيشتريها عشان هيا جنوب افريقي ؟؟؟

و لا هيشتريها عشان هيا ( تويوتا كورولا )

[Chicco]

أحمد باشا اسمحلي اشرح وجهة نظري..... التركي ما هو إلا تجميع لعربيات تانية بس بسعر أقل.... يعني إلي ميقدرش يدفع ١٢٥ ألف في رينو كليو فرنساوي يدفع ٧٥ و يجبها تركي
طبعا مش هي هي بس اسمك في الاخر راكب أوروبي و ده ليه رونقه
ما يمنعش إن الكوري كويس بس كل واحد و دماغه و إلا كنا كلنا ركبنا عربية واحدة..... أو توك توك حلو زاي إلي في توقيع حضرتك :d:d

[mohamed el hussien]

انا قولت تركي بس تجميع
مش تصنيع

يعني بصراحة التركي الfinish بتاعهم هايل هايل
نضيف اووي

[PRO-DRIVE]

بس اناا ممكن اركب لينيا او ميجان تركي عادي لانها مهما كان عليها رقابه ايطالي او فرنساوي.
انما مركه لسه جديده ف دا صعب جدا و افضل الكوري

معنديش عقده التقفيل فين :)

[BASHAR]

بعيدا عن الثلاث افتراضات اللى حضرتك افترضهم

- انا اخترت الكورى لعامل الخبرة اللى اُكتسبت فى المجال ده
- فى السنوات الأخيرة اقتربت المنتجات الكورية عموما - وخصوصا السيارات - من جودة مثيلتها من المنتجات اليابانية

+11111111111111111

[mido777]

يعني اللي هيشتري كورولا الجديدة هيشتريها عشان هيا جنوب افريقي ؟؟؟

و لا هيشتريها عشان هيا ( تويوتا كورولا )

معاك تماما فى النقطة دى

[Ahmed Anwer]

أحمد باشا اسمحلي اشرح وجهة نظري..... التركي ما هو إلا تجميع لعربيات تانية بس بسعر أقل.... يعني إلي ميقدرش يدفع ١٢٥ ألف في رينو كليو فرنساوي يدفع ٧٥ و يجبها تركي
طبعا مش هي هي بس اسمك في الاخر راكب أوروبي و ده ليه رونقه
ما يمنعش إن الكوري كويس بس كل واحد و دماغه و إلا كنا كلنا ركبنا عربية واحدة..... أو توك توك حلو زاي إلي في توقيع حضرتك :d:d

انا متفق معاك تماما يا باشا

بص قصدي تقول اوروبي تجميع خارجي و لا كوري

يعني اشمعنا مش ايران ،، و اهه وجيه اباظة هارينا أو مش البرازيل ( فولكس و فيات ) أو الصين ( فيات )


علي فكرة التوك التوك دد مصنع خصيصا ده دفع ثلاثي بالثلاث عجلات ،،،،

غير إنه كابورليه ،،

هههههههه

[Chicco]

اشمعنا مش ايران ،، و اهه وجيه اباظة هارينا أو مش البرازيل ( فولكس و فيات ) أو الصين ( فيات )

عشان تركيا يا باشا محسوبة على أوروبا . بلد جوه أوروبا و منتجاتها متطبعة بالنمط الأوروبي بغض النظر عن تأثير ده على جودة المنتج مقارنة بمثيله إللي بره

التوك توك الكابورليه ده ينفع يتركبله جنوط ١٤:D:D

[ابوحميد]

انا شاف ان المقارنة من الاصل غلط
لان تركيا وكوريا واخدين سياستين مختلفتين تماما
دى بتصنع وعندها ماركات مشهورة جدا جدا وترتيبها 5 عالميا
ودا بتجمع وبس ومالهاش غير مصنع واحد (او على الاقل هوا المشهور عنها)
يبقى مينفعش نقارن
لو كان ممكن نقارن يبقى نقارن بين مصر وتركيا(والنتيجة اعتقد محسومة)

[Mohamed_Hegazy]

انا اصوت للتركى مش علاشان ال3 نقاط المذكورين ومش لسبب واضح ايضا بس حاسس ان التركى متين زى الاربى او هو هو ومتجمع فى تركيا - كندا على ما اعتقد ملهمش سيارة خاصة بهم ومع ذلك فهما منتجين كبار فى السيارات زى الحالة التركية تقريبا
وزى ما اخويا توت قال لو هاشترى من الاثنين ها اشترى تركى حتى لو كانو تقنيا اقل شوية