محروقة

[sab3aawy]

خبر وتعليق

الخبر: نزلت النهاردة من شغلى فى المهندسين فى تمام الخامسة آخر النهار علشان اروح بيتنا فى مدينة نصر ، وصلت ديلوقتى الساعة 8 بدون ان اتوقف فى الطريق لشراء اى شئ او عمل اى شئ

التعليق:

محروقة المهندسين على مدينة نصر على كوبرى اكتوبر على نفق الأزهر على صلاح سالم على المحور على الدايرى على القاهرة على الجيزة على مصر كلها، محروقة مصر على جامعة الدول العربية على اتفاقية الجات على اسرائيل على فلسطين على العراق على امريكا على استراليا، محروق بكالوريوس الهندسة على التعليم على اللى يتعلموه، محروق الشغل على ادارة المشروعات على التحكم الصناعى ، محروقة الشوارع على العربيات على المانيوال على الأوتوماتيك على الكورى على اليابانى على الألمانى ،محروقة البلد على اللى فيها غلى جنيهاتها على دولاراتها على زيتها على سمنتها على العيش والعيشة واللى عايشينها

دانا راكب عربية اوتوماتيك ورجلى الشمال تعبت من السواقة، فاضل ايه بعد كدة

بس خلاص

[إسلام شاهين]

أنا عاذرك والله أنا برضه امبارح من السيدة لشبرا كورنيش من 3.30 إلى 5 مساء

ومن شبرا لحلوان دائري واخد بالك دائري من 5.30 واصل بيتنا الساعه 8.45 !!!!!!!!!!!!!!!!!!!!!!!!!!!!!

[Ahmed Anwer]

الرد الفصيح في المشوار للمنيلة المهندسين ،،

و انتا رايح اوعي تطلع اكتوبر ،، ده اكبر مقلب تجري اول ثلاثة دقايق و بعدين تقف في المعجنة

اوصل العباسية و امشي ارضي و اطلع اكتوبر من مطلع غمرة تفضل تطلع كباري و تنزل كباري

و بعدين تطلع اكتوبر من طلعة رمسيس و منها للمهندسين

و انتا راجع ميدان لبنان و تمسك الدائري بتاع السلام و بلاد تشيلك و بلاد تحطك لحد متخش مدينة نصر

إما من الماظة (طريق السويس ) و إما من الحي العاشر عند الربوة

بس المشكلة لما الدائري بيقف عشان مقطورة مقلوبة ،، بتغني ظلموه

[tutankhamoun]

خبر وتعليق

الخبر: نزلت النهاردة من شغلى فى المهندسين فى تمام الخامسة آخر النهار علشان اروح بيتنا فى مدينة نصر ، وصلت ديلوقتى الساعة 8 بدون ان اتوقف فى الطريق لشراء اى شئ او عمل اى شئ

التعليق:

محروقة المهندسين على مدينة نصر على كوبرى اكتوبر على نفق الأزهر على صلاح سالم على المحور على الدايرى على القاهرة على الجيزة على مصر كلها، محروقة مصر على جامعة الدول العربية على اتفاقية الجات على اسرائيل على فلسطين على العراق على امريكا على استراليا، محروق بكالوريوس الهندسة على التعليم على اللى يتعلموه، محروق الشغل على ادارة المشروعات على التحكم الصناعى ، محروقة الشوارع على العربيات على المانيوال على الأوتوماتيك على الكورى على اليابانى على الألمانى ،محروقة البلد على اللى فيها غلى جنيهاتها على دولاراتها على زيتها على سمنتها على العيش والعيشة واللى عايشينها

دانا راكب عربية اوتوماتيك ورجلى الشمال تعبت من السواقة، فاضل ايه بعد كدة

بس خلاص

ده بسبب
تكدس سكاني رهيب في مكان واحد و الأدهي أنهم متخلفين يعيشون بدون اي نظام
حتى الحيوانات لديها نظامها الخاص
أنظر إلى البقر في الحقول
أنظر إلى النحل
أنظر إلى النمل
و لا تنظر على المصريين ....... لأن قلبك لن يسرك و ستشعر بالقرف

[PRO-DRIVE]

طيب انا كل يوم لازم اطلع كوبري اكتوبر :( عشان اوصل من المهندسين لشبرا :(

[دموع الثلج]

الله يكون فى عونكم والله

انا ريحت دماغى واشتريت الباقى من عمرى قبل ما اموت بالجلطه ولا ضغط

وقعدت فى بيتنا

ولا شغله ولا مشغله والسبب هتقولى ايه
هقولك سسسسسسسلم لى على الششششوارع اللى ماشيه اربع اتجاهات والزحمه وجمال وروعه المرررررررور ووحلاوه وسيوله الكبارى المروريه

ناهيك عن مهزله سواقين الميكروباص وبلطجه السواقين

يا سيدى انت قعدت 3 ساعات عشان تروح بيتكم بعربيتك

طب قو ل الحمد لله فيه ناس بتقضى نص اليوم فى الطريق للبيت

[ahmedezzat78]

انا بقيت ما بحبش انزل اجازات للقاهره بسبب القرف ده

حرق دم و اعصاب وافضل طول ما انا ماشى اقول فى سرى زى المهندس سبعاوى كده و اقعد اقول انا مش جاى القاهرة تانى........ز ايه اللعنه دى.......... بس مضطر اجى تانى اشوف اهلى......ز اعمل ايه بس....
هيه دى مصر

الحياه خلاص وقفت ولا الكبار و لا الانفاق و لا المحاور الجديده هتعمل حاجه ............ الحيا تقريبا وقفت

لازم العاصمة تتغير لاى بلد تانيه

[aif]

محروقة المهندسين على مدينة نصر على كوبرى اكتوبر على نفق الأزهر على صلاح سالم على المحور على الدايرى على القاهرة على الجيزة على مصر كلها، محروقة مصر على جامعة الدول العربية على اتفاقية الجات على اسرائيل على فلسطين على العراق على امريكا على استراليا، محروق بكالوريوس الهندسة على التعليم على اللى يتعلموه، محروق الشغل على ادارة المشروعات على التحكم الصناعى ، محروقة الشوارع على العربيات على المانيوال على الأوتوماتيك على الكورى على اليابانى على الألمانى ،محروقة البلد على اللى فيها غلى جنيهاتها على دولاراتها على زيتها على سمنتها على العيش والعيشة واللى عايشينها

والكل كليله

[sherif_84]

سبعاوى باشا معاك حق فى كل اللى قلته
وفعلا زى الأخ توت عنخ آمـون ماقال الوضع سمك لبن تمرهندى
وكل الاخوة الافاضل اللى ردوا كلامهم صحيح
كل شارع كل حتة كل حارة كل زقاق بقه زحمــــة جدا جدا جدا
وربنا يهدى الجميع والنظيف يبقى مش نظيف

[Dr Ahmed]

ههههههههههههههههههههههههه
أنا ساكن فى بنها
وأسود أيامى اللى أضطر فيها للسفر للقاهرة...
بجد عاذركم ..
ومش هقعد أقول حلول خيالية لأن الحالة هوبلس
يعنى خليك فى الماتريكس لحد ما الهليكوبتر يدخل الخدمة..

[SEATLOVER]

ياةةةةةةةةةة لسة فاكر دة دلوقتى يا سبعاوى باشا ..
ما احنا كل يوم فى الخلاط دة .

[Chicco]

مش عارف أقول إيه ..... الله يرحمك يا سعد باشا :(
سبعاوي باشا بجد مش بهزر.... فيه أي طريقة تروح و تيجي بوسيلة أخرى... مواصلات يعني أو حتى لو مع زميل و تبقى يوم و يوم

[ahmedsrs]

فعلا المفروض الهباب المصالح الحكومية تتنقل فى اى مكان ياخونا احنا عندنا اراضى بالهبل مش مستغلة فعلا حرام الى بيحصل ده

[Karim_Monir]

الحمد لله يوم ما قررت اشتري شقتي قررت اسكن جنب شغلي
وانا شغلي المقر الرئيسي في النزهة والمصنع في العاشر
سكنت في اخر جسر السويس مدخل الحرفيين
40 كم من العاشر لبيتنا باخدهم الصبح وانا رايح في 35 دقيقة
وانا راجع في ساعة وربع عشان موقف العاشر
لما اتنقلت النزهة من بيتي للشغل 5 كم باخدها الصبح في 20 دقيقة بالكمال
وانا راجع 30 او 35 دقيقة بعد الهروب من الشوارع الفرعية
وبالعن اليوم اللي اقضي في مصلحة بعد الشغل
وكل اللي اعرفهم وفكروا صح لما حياتهم ارتبطت بالمصنع اشتروا شقق في العاشر من رمضان
و 10 دقايق يبقي في بيتهم

[ASD peugeot]

انا من القليوبيه ولو مستعجل في مشوار القاهره الوقت بيكون ساعه ونصف ولو برحتي ساعتين واعرف ناس من القاهره عشان الزحمه عما بيوصلو بيتهم من الشغل بيكون نفس الوقت بتاعي بس علي فكره انا طريقي سريع