استطلاع رأى...بيه فى مصر وللا ارزقى برة

[aif]

طيب م انا عايش فيها و حاسس بالسخط و النقمه المستمره ............... يبقى احسن فاصل فى الخارج و نعود

يظهر ان حضرتك ما جربتش الغربة
من خرج من داره اتقل مقداره

زحمة وفوضي والمرور منيل والنظافة متدنية ... بس برضة بلدي وبحبها ومش عاوز اعيش غير فيها
لكن الحضري ح يقعد سنتين تلاتة ويقبض شوية ملايين وهو في نهاية مشوارة الكروي دة وضع مختلف
وعلي فكرة محدش سمع من الحضري وجهة نظرة ايه ولا ايه اللي قالوهوله في الاهلي وبسببة طفش احنا كل دة بنسمع طرف واحد والباقي استنتاجات

[aif]

انا مش عاوز انكد عليكم .. لكن انا من 14 سنة امي توفيت في مصر وانا كنت مسافر باشتغل برة وللأسف ماعرفتش انزل علشان الجواز مش معايا وشوية تحكمات ادارية غبية ومازلت مش مسامح نفسي لغاية دلوقت
اعتقد ان موقف واحد مثل هذا لا يقدر بمال

[Noha.M]

عن تجربة قدامي اوعى تتخدع

قدها و طول عمرك دحااااح و موووووووس هتوصل بس رايح تشتغل في ماكدونالدز انسي

[fiatmomo]

انا مش عارف اقول اية.. بس كل يوم الاحباط بيزييد والاكتئاب بيزيد .. ومفيش حاجة بتتحسن ... فعلاشان كدة ... لو الواحد جاتلة سفرية برة .... حتى لو مش حيستريح ... وحيتبهدل على الاقل يجرب العيشة ويحس بأدميتة ومحدش يقولى مصر ام الدنيا وابوها وانا اعيش هنا وسط اصحابى احسن من ما اعيش برة .............. انا حتكلم على الى انا شايفة .... انا هنا ( فى بلدى كالاتى )

1- مش لاقى شغل فى تخصصى .... , وشايف ناس شغالة فى تخصصى و هما اساسا دة مش تخصصهم ... وشغالين مكانى بالكوسة .. مع ان دة تخصصى انا !!!
2- مش حاسس ان فى قانون بيحمينى ويجيبلى حقى ...لما العربية بتتخبط يقولولى ربنا يعوض عليك , ولما الشقة تتسرق يقولو . الى يجى فى الريش بقشيش . ومافيش ادنى ادنى ادـــــــــــــنى مساواه ولا قانون
3- الاسعار الى بتغلىكل دقيقة مش حقول كل يوم ولا كل شهر .. انا عاوز ابقى اصورلكم الرغيف الفينو( بجد مسخرة حقيقيه ) ولا حتى البلدى بقى عامل ازاى .. وغلى اربع اضعاف ... بالمناسبة صحيح كيلو الفول وصل 10 جنية للناس الى بتقول تحيا مصر !!!!! يعنى حتى اكل الغلابة مبقاش رخيص .
4 - قله الادب والسفاله والانحطاط الى الواحد بيشوفها كل يوم .. والاخلاق الى بقت زى الزفت ... وماتفهمش مين كويس من مين وحش .. ومتعرفش تتعامل ازاى مع الناس !!!!!!!!!!!!!!!!

* وزيذ على كدة بقى كل حاجة .............ز التعليم الى زى الزفت ... الى طلعنا مش فاهمين حاجة وحيطلع اولادنا اغبى مننا ,
الصحة . والدى عمل حبه اشعات وتحاليا ... داخلين فى 600 جنية !!!!!!!!!!!!!!!!!

طبعا انا مش بتكلم كمان على اسعار البنزين الغالية والى من المتوقع انها تغلى ... ولا المواصلات الى ذادت الضعف ولا ولا ولا ولا ولا ولا ولا ..... ماتخلونيش اتكلم اكتر من كدةةةةةةةةةةةةةة

البلد دية الى يعيش فيها مستريح ......... الغنىىىىىىىىىىىىىى اوى اوى اوىى ... والى عندة علاقات قوية ... وبيعيش فوق القانون والناس ... لانة فى اى مشكلة حيستخدم نفوذة وسلطتة وفلوسة علاشان يعمل الى هو عاوزة ومش حيحس بأى نوع من القهر او الظلم !


فى الاخر اقول الحمد لله ...على كل شئ و ربنا يفرجها علينا جميعا .

[سمير يونس]

حكاية اخونا عصام الحضرى اللى ساب ناديه ذو السمعة القوية محليا واقليما الى نادى سمعته على قده فى البلد اللى راح لها دفعتنى للتفكير فى هذة القضية

لو حيدنا كل الجوانب المادية، يعنى هنفترض ان امامك فرصة العمل فى مصر ب5000 جنيه مثلا فى مجالك (مهندس ، محاسب، طبيب، الخ) وفرصة اخرى فى الخليج بما يقابل 7000 ريال سعودى بحسب عملة البلد( وقيمتهم فى بلدهم زى ال5000 آلاف جنيه فى مصر تقريبا) وهتشتغل فى تخصصك لكن بدون ألقاب ، يعىن بدلا ما انت شغال هنا فى مصر سنيور او مدير قسم هتشتغل فى الخليج جونيور تحت رئاسة مدير هندى ، والاختيار التالت انك هتشتغل فى اوروبا سائق تاكسى او بياع فى محل ساندويتشات او بيتزا ب1500 يورو ، وفى التلات حالات عندك مكان للإقامة وسيارة متوسطة ودخلك بيكفيك اكل وشرب ولبس

ياترى اختيارك هيكون إيه وليه

انا بصراحة مش عارف انتوالحد امتى هتفضلوا تخلطوا الاوراق ببعضها؟
و كل ما تحصل مشكلة من واحد مسافر للخارج الواحد منكم يعمل له إستطلاع رأي و يسب و يشتم في كل المسافرين للخارج
لو الحضري مضايقك يا أخي اعمل له إستطلاع خاص بحالته و مفيش داعي للتعميم
نفس الموضوع ده حصل بالظبط بين الأخ حازم خضر و الأخ جنيدي و ساعتها حازم عمل استطلاع رأي و وصف العاملين بالخارج بإنهم عبيد
أتمنى أن نراعي مشاعر بعض اكتر من كده
و شكراً

[Mohamed_Hegazy]

حتى لو اتيحت فرصة عمل محترم ودولة محترمة غالبا لازم هييجى وقت وتحس فية على الاقل ويمكن ما تئدرش تنفذة نظرا لظروف عائلتك - ان الحياة فى مصر ووسط اهلك بكل كنوز الدنيا

[PRO-DRIVE]

من تجربه عيش فتره في امريكا و في الخليج و في مصر :)

اعيش في الخليج و اجي مصر اجازه بس :)

[أبو عبدالله]

يا أخواني في الخليج لو انت واقف على الرصيف واعاوز تعدي العربيات بتقفلك من على بعد اكتر من 10 متر احتراما لك ولا فيها هندي ولا مصري ولا زبال ولا غيره كله واحد

وكل مكان فيه الحلو والوحش ولكن بصراحه في الخليج اجمل حاجه انهم بيحترموا الخصوصية جدا وبيحترموا النساء جدا وبيحترموا العائلات

وبعدين لا تنسوا ان احنا اللي علمنا كده فينفسنا لما العامل يبقى شغال عند كفيله وكفيله يجيب واحد تاني مصري
يروح الاولاني ضارب اسفين في بلدياته المصري ويقول للخليجي سيبهولي انا هعرف اتصرف معاه ويطلعه حرامي امام الخليجي علشان هو يبقى سيادة الظابط اللي بيقفش الحراميه ومن غيره ميعرفشي الخليجي يعيش
مش هيا دي الفهلوة بتاعت المصري
وعلى فكره هما في الخليج بيسحكروا المواضيع اللي زي دي
يعني من الأخر بتسقط من نظره
متنسوش انهم لم يعيشوا احتلا من قبل وثقافاتهم هيا هيا الرجوله بمعناه الشديد
والحركات الفهلوه دي بالنسبة لهم قمة قلة الرجولة وبالذات لما يعملها مع بلدياته


بالله عليكم انتم لو مكن الخليجي ولقيت الاتنين بيضربوا اسافين في بعض وهما من بلد وحده

وعلى العكس تماما الخليجي لما يثق فيك والله ثم والله عنده استعداد يأمنك على فلوسه كلها
ومتهيالي المفروض ان احنا لا ننسى كم عدد المصريين اللي عاشوا حياه مرفهه وجميله جدا من خير السعودية
ورجعوا وبنوا العمارات وزوجوا اولادهم وعاشوا حياه جيده هنا بسبب ما شافوه في الخليج ولحد الأن


وممكن يكون هناك حالات لأن دي سنة ربنا في الكون اي مكان فيه الحلو والوحش ولكن مش بالمنظر ده

الناس هناك بصراحه فيهم احترام للأدميه كبير جدا جدا

ده كفية اللي بيعملوه المصريين والله امام عيني في الأمن السعودي في المسجدين النبوي والحرام
والله ببقى صعبان عليا الأمن وبرضه بيتكلم بكل ذوق وادب


شوفوا لما بتوع العمره او الحج لما يتنصب عليهم من اهل بلدهم والسعوديين يأكلوهم ويقعدوهم وعاوزينهم لما واحد يحس انه بيستهبل يسيبه

ما هما شايفينا بننصب على اهلنا وبلدياتنا
فمش عاوزه يبقى حريص منك

انا بصراحه عشت فتره هناك ومش شايف اللي الناس دائما بتذكره هنا

ا أخواني والله كفايه وانت واقف على الرصيف وتلاقي العربيات بتقفلك مش علشان انت باشا لأ علشان انت بني ادم مش اكتر

واحنا اللي بنرخص نفسنا صدقوني
بدليل ان في مصريين ماسكين هناك دلوقتي مناصب عاليا جدا وبيحتموهم جدا هناك
وانا ليا اصدقاء في خلال سنه ونصف اصبحوا من المدراء هناك والله وواخدين وضعهم جدا وهما في سن مش كبار السن ومع ذلك اصبحوا مدراء وده ليه لأنه محترم نفسه وبيتعامل بأدب مش بفهلوة

الله يخربيت الفهلوة دي

من تجربه عيش فتره في امريكا و في الخليج و في مصر :)

اعيش في الخليج و اجي مصر اجازه بس :)

انا فعلا بقه عايش في مصر ومبسوط الحمد لله ولكن ارى فعلا انا هذا هو الأقرب للصح وعلى الأقل بالنسبة لي
انك تعيش ي الخليج وتيجي مصر اجازة

[brown-eyes]

بصراحة ياجماعة موضوع هايل انا كنت نفسي اعمل موضوع زي ده من زمان بس هيكون ايهما تفضل الحياة في مصر ام في الخارج وقصدي بالخارج اوروبا او اي دول مش عربية
بصراحة ياجماعة انا قعدت 100 مرة مع نفسي افكر انا حالتي المادية هنا معقولة عندي شقتي وعربيتي وشغل معقول بس انا من جوايا مخنوق حاسس اني مش طايق البلد مش سعيد اعصابي تعبت . وحسمت الموضوع ده باني اسافر عشان خلاص بدات احس ان الدنيا هنا بقت وحشة جدا والناس حتي خلاص مبقتش تحب بعض وكمان انا ظروفي مسعداني اني اسافر ودي شوية حاجات من الحاجات اللي تعباني ويايريت اسمع رايكو فيها
مستوي اخلاقي وثقافي متدني جدا
بنية تحتية سيئة جدا
تعليم سيء
مستشفيات ووهيئة صحية سيئة
حكومة فاسدة
عادات وتقاليد متخلفة
خلق ديني وتدين قربنا ننساه انا بتكلم عن نفسي وعن صحابي اللي في سني اللي معظمهم من الشباب منهم الكويس والوحش بس فعلا موضوع الدين ده اتنسي
يمكن الحاجة الوحيدة اللي الواحد ممكن يزعل عليها هي الاهل والفراق بس
لاكن بقي نظام هتمني يوم من ايامها واجي ابوس ترابها مافتكرش (وده راي شخصي مش اكتر )
وبعدين انا شايف كل واحد وليه ظروفه ممكن يكون واحد حظه كويس ويقابل ناس كويسة تساعده وممكن واحد يكون حظه وحش او مش بتاع شغل ويفشل والموضوع في الاول والاخر توفيق من عند ربنا
بس المكلة الحقيقية اللي انا حسيت بيها ان لو بقي عندي اولاد وخصوصا لو بنت هربيها ازاي بره وطبعا حضراتكو عارفين بره الحياه اباحية جدا . ياريت حد يساعدني يكون مسافر بره في الموضوع ده وازاي هو اتغلب عليها لاني فعلا قلقان من النقطة دي

[brown-eyes]

انا معاك 100%

انا مش عارف اقول اية.. بس كل يوم الاحباط بيزييد والاكتئاب بيزيد .. ومفيش حاجة بتتحسن ... فعلاشان كدة ... لو الواحد جاتلة سفرية برة .... حتى لو مش حيستريح ... وحيتبهدل على الاقل يجرب العيشة ويحس بأدميتة ومحدش يقولى مصر ام الدنيا وابوها وانا اعيش هنا وسط اصحابى احسن من ما اعيش برة .............. انا حتكلم على الى انا شايفة .... انا هنا ( فى بلدى كالاتى )

1- مش لاقى شغل فى تخصصى .... , وشايف ناس شغالة فى تخصصى و هما اساسا دة مش تخصصهم ... وشغالين مكانى بالكوسة .. مع ان دة تخصصى انا !!!
2- مش حاسس ان فى قانون بيحمينى ويجيبلى حقى ...لما العربية بتتخبط يقولولى ربنا يعوض عليك , ولما الشقة تتسرق يقولو . الى يجى فى الريش بقشيش . ومافيش ادنى ادنى ادـــــــــــــنى مساواه ولا قانون
3- الاسعار الى بتغلىكل دقيقة مش حقول كل يوم ولا كل شهر .. انا عاوز ابقى اصورلكم الرغيف الفينو( بجد مسخرة حقيقيه ) ولا حتى البلدى بقى عامل ازاى .. وغلى اربع اضعاف ... بالمناسبة صحيح كيلو الفول وصل 10 جنية للناس الى بتقول تحيا مصر !!!!! يعنى حتى اكل الغلابة مبقاش رخيص .
4 - قله الادب والسفاله والانحطاط الى الواحد بيشوفها كل يوم .. والاخلاق الى بقت زى الزفت ... وماتفهمش مين كويس من مين وحش .. ومتعرفش تتعامل ازاى مع الناس !!!!!!!!!!!!!!!!

* وزيذ على كدة بقى كل حاجة .............ز التعليم الى زى الزفت ... الى طلعنا مش فاهمين حاجة وحيطلع اولادنا اغبى مننا ,
الصحة . والدى عمل حبه اشعات وتحاليا ... داخلين فى 600 جنية !!!!!!!!!!!!!!!!!

طبعا انا مش بتكلم كمان على اسعار البنزين الغالية والى من المتوقع انها تغلى ... ولا المواصلات الى ذادت الضعف ولا ولا ولا ولا ولا ولا ولا ..... ماتخلونيش اتكلم اكتر من كدةةةةةةةةةةةةةة

البلد دية الى يعيش فيها مستريح ......... الغنىىىىىىىىىىىىىى اوى اوى اوىى ... والى عندة علاقات قوية ... وبيعيش فوق القانون والناس ... لانة فى اى مشكلة حيستخدم نفوذة وسلطتة وفلوسة علاشان يعمل الى هو عاوزة ومش حيحس بأى نوع من القهر او الظلم !


فى الاخر اقول الحمد لله ...على كل شئ و ربنا يفرجها علينا جميعا .

بجد هو ده اللي حاصل واللي انا شايفه بعيني

[brown-eyes]

احب اتكلم عن موضوع عصام الحضري وشايف بكل صراحة ان هو ماعملش حاجة غلط ده حياته ودي حرية شخصية وكل واحد قراره بايده مش بايد النادي بتاعه ولا بايد اي حد تاني والاحتراف مش عيب اكيد كل واحد منا عايز يكبر ويعلي في شغله وانا شايف انه هنا في مصر وصل لقمة مجده ودي حاجة كويسة انه موفقش في مكانه

[MTAK]

البلد دية الى يعيش فيها مستريح ......... الغنىىىىىىىىىىىىىى اوى اوى اوىى ... والى عندة علاقات قوية ... وبيعيش فوق القانون والناس ... لانة فى اى مشكلة حيستخدم نفوذة وسلطتة وفلوسة علاشان يعمل الى هو عاوزة ومش حيحس بأى نوع من القهر او الظلم !


فى الاخر اقول الحمد لله ...على كل شئ و ربنا يفرجها علينا جميعا .

للأسف ده اللى موجود
الموضوع مش موضوع مرتبك كويس و لا لأ
انا لو باقبض مثلا 25000 جنيه
هل بكده هاعيش كويس
لا و ألف لا
العيشه كويس مش انى اقدر اشترى اى حاجة و لا اشتكى الحاجة

انما اعيش احترم نفسى و اجد من يحترمنى
مش فارق بقة القبض و لا الشغل طحن و لا باهوى بمراوح
مثال صغير:
لاحظت ان فى منتدانا افراد يعملوا بشركات اجنبيه "او ادارة اجنبيه" مثلا زى كريم باشا
الشغل عندهم "و اتكلم من منطلق تدريبى فى شركات عالميه و عمل اصدقائى بها"
فحت و ردم بمعنى الكلمة بيطلع منك شغل انت نفسك ممكن تظن ان استحالة تعمله
يعنى بمنطق ناس تانيه "و لا اوافق عليه" بيستعبدك
بس امام هذا فى ايه
فيه ان الكفاءة بتعلى
بيستثمر فيك فلوسه "بيدربك و يعلمك الى اخر درجه" مش بيقول مانت بتعمل اللى عليك انا مش عايز منك اكتر من كده
بيحترمك

و طبعا كل ما يحتاجلك بيحترمك اكتر
و لما ما يحتجلكش .....و ده مش عيبه ده عيبك انت اللى بلطت فى الخط و لم تتطور و تساير الموجود -طبعا الا فى الظروف القهريه

و قصدت بضرب مثال الشركة لانها مجتمع مثل الدولة و الحياة

الواحد يعيش فى اى مكان يكون فيه عقل و عدل

[ahmedateya]

لا ده ولا ده ولا ده

اعيش بيه من كبار البهوات في مصر!!

وليه من صغار البهوات يعني :)

[fiatmomo]

للأسف ده اللى موجود
الموضوع مش موضوع مرتبك كويس و لا لأ
انا لو باقبض مثلا 25000 جنيه
هل بكده هاعيش كويس
لا و ألف لا
العيشه كويس مش انى اقدر اشترى اى حاجة و لا اشتكى الحاجة

انما اعيش احترم نفسى و اجد من يحترمنى
مش فارق بقة القبض و لا الشغل طحن و لا باهوى بمراوح
مثال صغير:
لاحظت ان فى منتدانا افراد يعملوا بشركات اجنبيه "او ادارة اجنبيه" مثلا زى كريم باشا
الشغل عندهم "و اتكلم من منطلق تدريبى فى شركات عالميه و عمل اصدقائى بها"
فحت و ردم بمعنى الكلمة بيطلع منك شغل انت نفسك ممكن تظن ان استحالة تعمله
يعنى بمنطق ناس تانيه "و لا اوافق عليه" بيستعبدك
بس امام هذا فى ايه
فيه ان الكفاءة بتعلى
بيستثمر فيك فلوسه "بيدربك و يعلمك الى اخر درجه" مش بيقول مانت بتعمل اللى عليك انا مش عايز منك اكتر من كده
بيحترمك

و طبعا كل ما يحتاجلك بيحترمك اكتر
و لما ما يحتجلكش .....و ده مش عيبه ده عيبك انت اللى بلطت فى الخط و لم تتطور و تساير الموجود -طبعا الا فى الظروف القهريه

و قصدت بضرب مثال الشركة لانها مجتمع مثل الدولة و الحياة

الواحد يعيش فى اى مكان يكون فيه عقل و عدل

صحححححححححححححححح والله صح ... انا نفسى احس ان ليا حقوق فى البلد دية واخدها من غير ما اكون بلطجى ولا عندى محسوبيات ولا واسطة

[OlaOsman]

طيب تعالوا يا جماعة نتفق ان كل حاجة و ليها تمن.. السفر للخليج له تمن زي ما برضه القعاد في مصر له تمن و انت عليك تختار انهي تمن تتحمل انك تدفعه و في حالة السفر فاللي حواليك برضه بيدفعوا التمن معاك، ده غير ان كل مسافر مسيره يرجع لبلده.. عشان هي بلده.. و اللي ليه بلد بيرجع لها.. فاللي شايف انه هايقضي طول عمره و عمر ولاده بره في الخليج مثلا و لما يضطر يرجع مصر هايعيش فيها ملك زمانه يبقى هو صح و يتفضل على بركة الله يسافر و ربنا يوفقه.. اما اللي شايف ان الخسائر اللي هايخسرها لو سافر لا يمكن انها تتعوض فيفضل في بلده و يحاول يعيش فيها حياة كريمة على أد المتاح.. انا طبعا عارفة ان ممكن يكون حتى المتاح ده مش متاح اصلا.. انما بلدي و قدري و نصيبي و اللي يسري على الناس هايسري علية

انا بس مش عايزة المغتربين اللي معانا في المنتدى يزعلوا من الكلام على الغربة.. مافيش كلام ان الغربة صعبة و الحياة فيها مش جنة طبعا.. عشان كده ممكن تلاقي كلامنا جامد شوية عن الغربة و لكن طبعا لا إساءة مقصودة على الإطلاق لأي مغترب و كان الله في عونكم و عوننا :)