استطلاع رأى...بيه فى مصر وللا ارزقى برة

[Karim_Monir]

كلامك صح 100%
علي فكرة يا كريم - خارج الموضوع - ابنك دة زي العسل ربنا يبارك لك فيه هو واخته
نظرته في منتهى البراءة .. مالوش دعوة بالدنيا وقرفها ومشاكلها
ربنا يجعل ايامهم احسن من ايامنا

الله يكرمك يا احمد باشا
هو فعلا لسه مايعرفش من الدنيا غير الاكل وانوم
والواحد فعلا خايف عليهم من ايامنا الجميلة
--------
شكرا يا سعداوي على مجاملتك
-------
محمد علاء واحد من الطواحين اللي بتلف في شركتنا
ويا عالم هانخرج منها عايشين ولا على عيشة الاخرة
--------
اكسبرت انا شغال مقاول انفار
ما تيجي نسرحلنا بكام راس يطلعولنا سبوبة
نيييهههههه

[Sharky]

بيه فى بلدى وو سط عائلتى و أصحابى أحسن مليون مرة من إى حتة بره

[Karim_Monir]

الحقيقة انا مش عارف بعض الناس واخدة الموضوع بحساسية ليه مع إن الإستفتاء (حسب ما فهمت) هو هل ترضى ان تتنازل عن وضعك الإجتماعي اللي عملته في بلدك و تسافر لمجرد الهروب من حالة البلد المتدنية حتى ولو لم يكن هناك مكسب مادي كبير و لأة
اعتفد هو ده السؤال لكن اللي اتغربوا أو ناويين يتغربوا لتحسين وضعهم المادي او العلمي أو الإجتماعي ده شيء اخر (مظبوط كده يا استاذ خالد)
على العموم انا رأيي ان السفر لتحسين الوضع ولتلقي العلم مطلوب بل و فرض على اللي يقدر لكن الهروب من ظروف البلد ده شيء مرفوض (طبعا يستثنى من كده اللي حاسس انه عشان يعيش في البلد هيتنازل عن مبادئه و اخلاقه أو يكون مضطهد ودول على ما اعتقد نسبة قليلة جدا في مصر)

دكتور امجد صباح الفل
كلامك مظبوط فعلا
لان في فرق من تغرب بكامل احترامه
ومن تغرب وتنازل عن بعض او كل حقوقة

[sab3aawy]

الحقيقة انا مش عارف بعض الناس واخدة الموضوع بحساسية ليه مع إن الإستفتاء (حسب ما فهمت) هو هل ترضى ان تتنازل عن وضعك الإجتماعي اللي عملته في بلدك و تسافر لمجرد الهروب من حالة البلد المتدنية حتى ولو لم يكن هناك مكسب مادي كبير و لأة
اعتفد هو ده السؤال لكن اللي اتغربوا أو ناويين يتغربوا لتحسين وضعهم المادي او العلمي أو الإجتماعي ده شيء اخر (مظبوط كده يا استاذ خالد)
على العموم انا رأيي ان السفر لتحسين الوضع ولتلقي العلم مطلوب بل و فرض على اللي يقدر لكن الهروب من ظروف البلد ده شيء مرفوض (طبعا يستثنى من كده اللي حاسس انه عشان يعيش في البلد هيتنازل عن مبادئه و اخلاقه أو يكون مضطهد ودول على ما اعتقد نسبة قليلة جدا في مصر)

بالضبط هو ده اللى انا عايز اسأل علية ، زى ما انت قلت بالضبط "هل ترضى ان تتنازل عن وضعك الإجتماعي اللي عملته في بلدك و تسافر لمجرد الهروب من حالة البلد المتدنية حتى ولو لم يكن هناك مكسب مادي كبير" هو ده السؤال ، ولا جه فى بالى اى من تلك الأفكار اللى طرحها الزميل العزيز ردا على كلام انا مقلتوش

[amgad29]

كريم باشا
صباح الجمال و ربنا يباركلك في اولادك و يحفظهم
"بسم الله ما شاء الله"

[GoldenManEye]

واحد صاحبى هاجر أستراليا من حوالى سنة ولما رجع حكى كتير عن الجمال والنظافة والنظام وإحترام القانون.
وقالى انه لما خد مخالفة مرور "عاشان خرج بالعربية ومعاه رخصة تدريب اللى بتقول انه لازم يسوق وفيه حد جنبه بيعلمه" بالرغم من إنه معاه رخصة دولية وكان بيسوق فى مصر.

ولما ظابط المرور وقفه عشان يسجله مخالفة بيقولى إنه كان مستغرب جداً إن الظابط كان بيعامله بإحترام شديد جداً بالرغم من ان ملامح صحبى مصرية عربية أفريقية :)
أى نعم دفع 800 دولار غرامة. بس إتعامل بإحترام وده فرق معاه جداً...

المدام عندى عايزانا نسافر استراليا.

بس انا اللى مش عايز أسافر لسببين.

1) إحنا مستوانا هنا كويس والحد لله عندنا شقة فى القاهرة الجديدة و عربية وانا مهندس شغال فى مكان كبير و محترم والمدام بتشتغل فى مكان محترم وكبير والحمد لله كله تمام..
اسيب كل ده واتغرب لأ.... زى ما الاخت علا قالت ده تمن مش هقدر أدفعه.

2) تربية الاولاد مش هقبل إن بنتى يبقى عندها BoyFriend بالرغم إنى مخلفتش بنات!! بس المدام حامل دلوقتى ومستنيين أدهم إن شاء الله :)
المدام بتقولى لو الأولاد تم تربيتهم كويس هنعرف نحافظ عليهم بره .. بس انا مش مقتنع!

[DODY]

( انا عايز اعرف رأى اهل المنتدى فيها باعتبارهم شريحة عريضة من المجتمع لمجرد ) اختلف هنا مع الاستاذ سبعاوى لان اهل المنتدى يمثلون -حسب اعتقادى -شريحة ضيقة من المجتمع المصرى اما الغالبية العظمى من شعبنا هم الغلابة الواقفين فى طوابير العيش وطوابير تسجيل الاحفاد فى بطاقات التموين .. الغالبية العظمى ياسيدى ليسوا مثلى ومثلك من مالكى السيارات بل هم المحشورون فى المترو وعلب السردين المسماة بوسائل النقل العام ..الشريحة العريضة -بل العريضة جدا- تعيش فى العشوائيات ولن اقول المقابر 80 %من شعبنا يعيش تحت خط الفقر علشان كده الشباب منهم من هاجر الى اسرائىل ومنهم من ركب المراكب علشان نفسه يغرق فى البحر المتوسط بالذات علشان المياه فيه اقل ملوحة واسماك القرش فيه قليلة وشبعانة من اوروبا ..وتحياتى للاخ سبعاوى

[sab3aawy]

( انا عايز اعرف رأى اهل المنتدى فيها باعتبارهم شريحة عريضة من المجتمع لمجرد ) اختلف هنا مع الاستاذ سبعاوى لان اهل المنتدى يمثلون -حسب اعتقادى -شريحة ضيقة من المجتمع المصرى اما الغالبية العظمى من شعبنا هم الغلابة الواقفين فى طوابير العيش وطوابير تسجيل الاحفاد فى بطاقات التموين .. الغالبية العظمى ياسيدى ليسوا مثلى ومثلك من مالكى السيارات بل هم المحشورون فى المترو وعلب السردين المسماة بوسائل النقل العام ..الشريحة العريضة -بل العريضة جدا- تعيش فى العشوائيات ولن اقول المقابر 80 %من شعبنا يعيش تحت خط الفقر علشان كده الشباب منهم من هاجر الى اسرائىل ومنهم من ركب المراكب علشان نفسه يغرق فى البحر المتوسط بالذات علشان المياه فيه اقل ملوحة واسماك القرش فيه قليلة وشبعانة من اوروبا ..وتحياتى للاخ سبعاوى

اتفق معك تماما، بس يبدو انى لم انجح فى شرح مقصدى، فأنا قلت "شريحة عريضة" ولم اقل "شريحة عشوائية" ، اعرف ان شريحة اعضاء المنتدى من مالكى السيارات ومن لديهم قدرة الدخول على الشبكة لا يمثلون كل المجتمع ، وبالتالى فهى ليست شريحة عشوائية تشمل المجتمع ككل، لكن المنتدى هنا يمثل الطبقة المتوسطة خير تمثيل، وهو ما قصدتة بكلمة شريحة عريضة ، ليست عشوائية تغطى المجتمع كله لكنها منتقاه تغطى الطبقة التى يستهدفها الإستطلاع ، فالإستطلاع يهدف من حقق شيئا فى مصر قد يخسره لو سافر، اما من ليس لديه ما يخسره وبالتالى اختياراته شبه محسومة مسبقا فهو ليس من يهمنى معرفة رايه فى هذا الأستطلاع

[ams]

لا ده ولا ده ولا ده

اعيش بيه من كبار البهوات في مصر!!

وليه من صغار البهوات يعني :)

صح الكلام بس تحقيقه صعب لكن مش مستحيل

[DODY]

(اتفق معك تماما، بس يبدو انى لم انجح فى شرح مقصدى، فأنا قلت "شريحة عريضة" ولم اقل "شريحة عشوائية" ، اعرف ان شريحة اعضاء المنتدى من مالكى السيارات ومن لديهم قدرة الدخول على الشبكة لا يمثلون كل المجتمع ، وبالتالى فهى ليست شريحة عشوائية تشمل المجتمع ككل، لكن المنتدى هنا يمثل الطبقة المتوسطة خير تمثيل، وهو ما قصدتة بكلمة شريحة عريضة ، ليست عشوائية تغطى المجتمع كله لكنها منتقاه تغطى الطبقة التى يستهدفها الإستطلاع ، فالإستطلاع يهدف من حقق شيئا فى مصر قد يخسره لو سافر، اما من ليس لديه ما يخسره وبالتالى اختياراته شبه محسومة مسبقا فهو ليس من يهمنى معرفة رايه فى هذا الأستطلاع)
اتفقنا يا سبعاوى باشا - بيه دى قليلة عليك- لان صدرك واسع للنقد واسلوبك يدل على دماثة اخلاقك ..مع تحياتى

[Meedo]

أى حته بره البلد دى هاتبقى أحسنز أفضل الخليج لتقارب العادات والثقافه

[وائل عطية]

مع إني الحمد لله أعمل في مركز مرموق ومستواي المعيشي لا بأس به ..كما أنني لا أحب فكرة السفر
ولكن يُراودني دائماً هاجس الإقامة الدائمة في جهتين : الأولى أوروبا وتحديداً سويسرا طلباً للعيش الآدمي وللجو النظيف وبحثاً عن ماهية الإنسانية والحياة الكريمة والثانية السعودية طلباً للروحانيات والعلم الشرعي...

ملحوظة هامة: فكرة التعلق بمكان واحد هى فكرة مُستحدثة، كرسها الاحتلال، فرسول (ص) وصحابته الأطهار (رضوان الله عليهم) قد هاجروا وغالبية التابعين والعلماء قد تنقلوا بين بلاد الله لإيمانهم أن الأرض جميعاً لله !!

[aif]

.. البلد مليانة فلوس بس اللي يعرف ازاي يجيبها.. و ده على فكرة من منطلق خبرة في مجال عملي Recruitment Consultant في شركة Recruitment و شايفة ما شاء الله في ناس شغالين في شركات عالمية مرتباتهم عالية ازاي بتوصل في احيان ((كثيرة)) ل50 و 60 ألف جنيه في الشهر غير الميزات الأخرى

طب شوفيلي وظيفة من اللي بتقولي عليهم دول ومش عاوز أم 60 الف انا مش طماع كفاية 30 الف انا ح اتنازل واوافق .. وح ادعيلك من كل قلبي .... لأ ح اسافر مكة مخصوص ادعيلك هناك :D:D

[PRO-DRIVE]

مع إني الحمد لله أعمل في مركز مرموق ومستواي المعيشي لا بأس به ..كما أنني لا أحب فكرة السفر
ولكن يُراودني دائماً هاجس الإقامة الدائمة في جهتين : الأولى أوروبا وتحديداً سويسرا طلباً للعيش الآدمي وللجو النظيف وبحثاً عن ماهية الإنسانية والحياة الكريمة والثانية السعودية طلباً للروحانيات والعلم الشرعي...

ملحوظة هامة: فكرة التعلق بمكان واحد هى فكرة مُستحدثة، كرسها الاحتلال، فرسول (ص) وصحابته الأطهار (رضوان الله عليهم) قد هاجروا وغالبية التابعين والعلماء قد تنقلوا بين بلاد الله لإيمانهم أن الأرض جميعاً لله !!

متفق معاك يا استاذ وائل 100%

ربنا لما خلق الارض محطش عليها حدود سياسيه :) احنا اللي حددناها لنفسنا :)

شخصيا مش فارقه معايا اعيش في اي مكان بيكون فيه اهتماماتي

و اكره شيئ عندي اني افضل قاعد في مكان واحد فتره طويله :(

حتي لو كانت بلد

اكتر شيئ بيعجبني في الخليج انك عندك 6 دول تقدر تقعد و تعيش فيهم مش دوله واحده
و محدش يقدر يكلمك

في اوروبا نفس الموضوع

في امريكا العالم كله بتاعك :D

[fiatmomo]

قال تعالى : ( إِنَّ الَّذِينَ تَوَفَّاهُمُ الْمَلائِكَةُ ظَالِمِي أَنْفُسِهِمْ قَالُوا فِيمَ كُنْتُمْ قَالُوا كُنَّا مُسْتَضْعَفِينَ فِي الْأَرْضِ قَالُوا أَلَمْ تَكُنْ أَرْضُ اللَّهِ وَاسِعَةً فَتُهَاجِرُوا فِيهَا فَأُولَئِكَ مَأْوَاهُمْ جَهَنَّمُ وَسَاءَتْ مَصِيراً ) النساء/97 . صدق الله العظيم
هل الغربه قدر ام اختيار؟ الواضح من الايه السابقه انها اختيار سنحاسب عليه
هل الغربه للمال فقط ام للعلم ام لشئ اخر؟

اولا يا اخوان الغربه ابتلاء تماما كالمال والمرض و اللي ايده في الميه مش زي اللي ايده في النار
انا ولله الحمد مدرس في كلية طب في مصر واعيش في امريكا منذ 8 سنوات (لم ولن احصل علي الجنسيه) , يعني كنت مرتاح في مصر, انا سافرت الاول للعلم ثم بعد ذلك ادمنت الراحه وادمنت الاحساس بالادميه وادمنت الحياه السهله بدون قرف
السؤال هو:
هل انا سعيد الجواب طبعا لا
مع الوقت يصبح كل ما يربطك بالوطن رساله او صوره, تفقد الاصحاب تفقد الصله بالاهل حتى وان كنت تتصل بهم يوميا مع الوقت تكتشف انك غريب. فانت لم تحضر فرح القريب و لم تقف في عزاء الحبيب. هذه هي مرارة الغربه
هل انا مرتاح الجواب نعم
بيت و سيارتين و كل الرفاهيات اللازمه والغير لازمه موجوده وارخص من مصر بكتير

السؤال الاهم هل انا مطمئن على تربية اولادي تربيه اسلاميه صحيحه للاسف الجواب اشك
وايضا الجواب سيكون اشك ان عاشوا في مصر.
هل ممكن ان اعود غدا الى مصر؟ نعم ولكني ساكون حزين
الخلاصه ان هناك اخطاء وخطوات في حياة كل منا لو اتيحت له الفرصه ليعيش حياته مره اخري لوقع فيها من جديد والغربه وان كانت اختيار فهي بلاء وابتلاء

اعانني الله واياكم على الخروج من دار البلاء بلا بلاء
وان نترك لاولادنا الله ورسوله بدلا من القناطير المقنطره من الذهب والفضه
وان نعود الى اهلينا سالمين غانمين باذن الله

انا قريت مشاركه حضرتك مرتين .. مش عارف بس بجد والله حسيت بيك جدااااااا جداااااااااا جداااااااااااا

لان كل كلام حضرتك دة انا فكرت فيه ( من غير ماسافر ولا حاجة ) بس قولت انا لو عيشت بره .. اة ححس بأدميتى ... اى حتبقى في حاجات انا محروم منها فى بلدى متيسرة جدا برة ... وكفاية جدا احساس ( الرُقى ) بس قولت هل حكون سعيد فعلا اكيد لا لانى حكون لوحدى وبدون اسرتى , بس فعلا قولت انى حرتاح ... حرتاح لما اشعر ان ليا قيمة . وحقوق .وكفاية انى احس بأدميتى .