العودة الى المعمعة

[sab3aawy]

وها قد مر يومى العطلة الأسبوعية بسحرهم وراحتهم ومتعة الإنعزال عن الزحام والباراشوتات وضغوط العمل والعملاء الذين يتعاملون معك ظانين انهم بنقودهم القليلة قد اشتروك انت وليس ما تبيع من بضاعة او خدمات

نعود غدا للساندويتش الزمنى المكون من صراع من اجل لقمة العيش نهارا، محشورا بين طبقتين من صراع الأسفلت صباحا ومساء

ارجو من كل منكم ان يكتب لى احساسه عن آخر ساعات فى فترة العطلة الأسبوعية

[Hassan Khalil]

نعود غدا للساندويتش الزمنى المكون من صراع من اجل لقمة العيش نهارا، محشورا بين طبقتين من صراع الأسفلت صباحا ومساء

هو بصراحة انا مواعيد شغلي مش ثابتة اوي .. و ده رغم انه شئ كويس لكن ساعات بيضيع منك احساس الاجازة لانك بتحس انك شغال طول الاسبوع حتي لو كان ربع ساعة يوميا .

لكن اللي عاجبني في الموضوع السطر اللي فوق ده .. ظريف اوي موضوع السندوتش الزمني و الطبقتين بتوعه .. و خصوصا اني جعاااااااااان جدا دلوقتي .. :)

[OlaOsman]

انا اللي مأثر فية اوي اني هاضطر أغير توقيعي هنا في المنتدى النهاردة قبل ما أنام :(

[دموع الثلج]

الحمــــد لله ششغلى مفيهوش لا عملاء ولا اااسفلت

لكن فيه ضغط نفسسسسسسسى وعصــبى رهيب بعد ما تخلص الششغل تحس انك كنت فى حرب وصراع ما بصدق يوم الجمعه والسبت دول
لكن بيخلصوا بسسسسرعه جدا الواحد مبيلحقش حتى يريح مخه وتلاقيى يوم الاحد كده لزق بئه فى وشك
ربنا يقوينا

[محمد عز]

الحقيقة مش بعرف انام كويس يوم السبت بليل

[Xpert]

فلتحيا الحريه ... و ربنا يخليلنا المعلم الكبير ... :d

[eng / AhmeD]

انا علي طول في اجازة
و حتي لما بشتغل ببقي مستمتع موووووووووووت
(((علي فكرة انا بدرس و بشتغل في صنع التماثيل و النحت و الرسم)))

[SEATLOVER]

يا راجل ..بتفكرنا لية بس ..دة كأنهم كانوا ساعتين

[Ghamrawy]

الحقيقة مش بعرف انام كويس يوم السبت بليل

فعلا كان الواحد رجع طفل تانى و تانى يوم راجع المدرسة بعد الاجازة

[Nile_Storm]

اه راجع بكره لمعمعه الدراسيه الطبيه :)

[memo_hefnawy]

أوففف يا خالد أنا أساسا مالحقتش أريح اليومين اليتم الإسبوع ده و الله مقضيهم طول اليوم من صباحية ربنا بره البييت و مشاوير و لما الواحد إتهرى خلاص و نفسى يوم كمان أريح فيه

ماينفعش يخلولونا يوم الثلاثاء كمان أجازة :)

تعرف أنا نفسى الإسبوع نختصره كده بقدرة قادر يبقى

1- سبت
2- حد
3- أربع
4- جمعه

شيلت الإثنين عشان بيبقى من أزحم الأيام - و الخميس شرحه و الثلاثاء مالوش لازمة


توب علينا يا رب

[Ayman_Abdullah]

أنا أساسا مالحقتش أريح اليومين اليتم الإسبوع ده و الله مقضيهم طول اليوم من صباحية ربنا بره البييت و مشاوير و لما الواحد إتهرى خلاص و نفسى يوم كمان أريح فيه
توب علينا يا رب

فعلا يامحمود انت زى ماتكون بتقول اللى جوايا أنا كمان نفسى أغير مكان الأجازة و مايكونش فى البيت حيث الطلبات و المشاوير اللى ما بتخلصش و الغير متوقعة
لدرجة أنى بقيت أحب اللشغل عن الأجازة

و غلى رأى اللى قال أنا بين نارين

[Ayman_Abdullah]

و بصراحة اللى مضايقنى أكتر انى مش هنام غير ال 6 ساعات التمام

و راحت أيام ال 10 و 9 ساعات

[محمد ابراهيم 1]

يا بختكوا عندكوا أجازه جمعه وسبت
أنا معنديش أجازات الا قليلا حتى الجمعه ساعات كتير بقضيه فى الشغل
وعامه احساس الساعات الاخيره من الاجازه رغم انى مبحسوش كتير لكن حقول لكم على احساسى ورغم انى متأكد من انه غريب شويتين لكن حقوله
أنا لما بيبقى عندى اجازه ببقى زعلان عليها من قبل ما تبدأ لأنى دايما ببقى متوقع الإحساس السيىء ولكن مشكلتى انى بحس بيه قبل الاجازه ما تبدأ أصلا
والحمد لله ان هذا الاحساس الصعب رغم الاحساس الدائم به لكنه مش بيأثر على الاستمتاع بالاجازه نفسها الا قليلا

[modux]

بصراحة مواعيد شغلي غير محددة نوعل ما فغالبا بتضر انزل جمعه ولا سبت !!!

يعني امبارح مروح من البيت 4ونص الفجر عشان مش انزل الشغل النهاردة

بس الحمد لله علي كل حال برود بيريحوني لما احتاج راحة