العودة الى المعمعة

[Karim_Monir]

الاجازة عندي مشاوير وفسح للعيال واداء واجبات
النهادرة من الساعة 3 العصر لحد 9:30 بالليل عامل 94 كم بالعربية جوة البلد
ايام العمل بالنسباللي افضل حتى لو قاعد على مكتب وجاللي تيبس من كتر التركيز

[Nile_Storm]

الثلاثاء مالوش لازمة

التعليق ده جامد جداااااا بجد ضحكني جدا

[ahmedateya]

انا علي طول في اجازة
و حتي لما بشتغل ببقي مستمتع موووووووووووت
(((علي فكرة انا بدرس و بشتغل في صنع التماثيل و النحت و الرسم)))

يا عم بلاش الشغلانة دي ليهدروا دمك بصفتك صانع اصنام :D:D
احسن اخوانا هنا اللي بدقن يحطوا عليك:D:D

---------------------
للأسف يا أستاذ أحمد مازلت مصر على نفس النهج
تلقيت تحذيرين من قبل والآن تستحق إنذار
سيتم إرسال رسالة إليك بتفاصيل أكثر
الإدارة4

[OsKaR]

يا عم بلاش الشغلانة دي ليهدروا دمك بصفتك صانع اصنام :D:D
احسن اخوانا هنا اللي بدقن يحطوا عليك:D:D

:D:D:D:D:p:p:p

[Noha.M]

انا اتخرجت و قاعدة في البيت و نفسي اشتغل جداااااااااااااااااااا

ادعولى اشتغل:(

بجد بحسد اخويا توأمى و هو نازل الصبح الساعة 6 و نص رايح شغله في انبى

ببأة نفسي انزل انا كمان و البس و اتشيك و اسوق انا كمان من المعادى لمدينة نصر و العب :(

[Sharky]

انا عن نفسى ليه رأى فى الموضوع دا
إنه لازم يوم الأحد يبقى مواعيد العمل فيه من الساعة 12 ظهرا و يوم الخميس مواعيد الخروج فيه من الساعة 12 ظهرا
علشان نعرف ننزل يوم الأحد الشغل لإنه بيبقى صعب قوى إن الواحد يصحى الصبح يوم الأحد علشان يروح الشغل

[Karim_Monir]

اديني جاي عالصبح مضروب بال ......
ومش قادر افتح عينيا
ولولا اني ممنوع من النسكافية والقهوة كنت زماني شربت برميل النسكافية بتاعي
اصلي عندي مج نص لتر شكلة عملاق كدة مديري مسمية برميل النسكافي
محدش معاه مخدة عشان اريح عالمكتب شوية
ااااااااااااااؤؤؤؤؤؤؤؤؤؤمممممممممممم
الانسة نهى عايز تشتغل وتنزل كل يوم الصبح وتسوق من المعادي لمدينة نصر
معلش مجربتش المشوار ده الصبح باين عليها
حد يرد احسن مش هاقدر ارد
ده انا ساعة ونص من مدينة نصر لمصر الجديدة يوم الخميس
امال من المعادي لانبي في قد ايه

[Islam_galal]

باجمد تفكيري تماما في مواضيع الشغل في البيت كل يوم و آخر الأسبوع

المشكلة في أول ساعة في الشغل دايما الواحد بيقي مش طبيعي

[electroman]

.......................................... و العيشة و اللى عايشنها !!!

[analyzer]

الشغل هو فى احسن من الشغل هو فى اجمل من الشغل ربنا يديمها عليا نعمة
الشغل فى حد ذاته جميل جدا جدا جدا المشكله فى الناس والمواصلات والزحمة والخنقه والنظام والسياسة اقصد سياسة الشغل وليس حاجه تانية ربنا يجعل كلامنا خفيف عليهم .

[emadkamel]

انا اتخرجت و قاعدة في البيت و نفسي اشتغل جداااااااااااااااااااا

ادعولى اشتغل:(

بجد بحسد اخويا توأمى و هو نازل الصبح الساعة 6 و نص رايح شغله في انبى

ببأة نفسي انزل انا كمان و البس و اتشيك و اسوق انا كمان من المعادى لمدينة نصر و العب :(

والنبى ماتتبطرى على النعمه اللى انت فيها ... وتبوسى ايدك شعر ودقن ... وتحمدى ربنا .. وان يعنى كنتى خلاص مش قادره اصحى الساعه 6 ونص واتشييكى وسوقى العربيه لانبى .... وارجعى تانى نامى وخللينا نحسدك ونحقد عليكى

[emadkamel]

اديني جاي عالصبح مضروب بال ......
ومش قادر افتح عينيا
ولولا اني ممنوع من النسكافية والقهوة كنت زماني شربت برميل النسكافية بتاعي
اصلي عندي مج نص لتر شكلة عملاق كدة مديري مسمية برميل النسكافي

انت زيى بالمللى ... وخصوصا جردل النسكافيه ده (عندى انا مسميينه جردل) ... وبرضه اتمنعت منه علشان التوتر .. انت علشان ايه؟

[sab3aawy]

انا بقى بيكون عندى احساس غريب جدا وانا نازل يوم الحد

بحس انى نازل 10 ساعات بدرى عن معادى ، وانى مخدتش حقى فى النوم وانى اجدع حاجة اعملها انى اركن العربية واطلع انام

الحاجة الاغرب من كدة انى برغم انى بكون انا اللى سايق العربية بس دايما يوم الحد بحس ان فيه حد رابطنى بحبل من إيديا وراكب حصان وبيجرى بيه وانا بجرى وراء ومش قادر اقف لأنى لو وقفت هاقع على الأرض واتسحل

عادة يستمر الشعور ده لحد نص اليوم، خلاص بتكون المفرمة دارت ولينت ودخلنا جوة الساندوتش ويبدأ الأسبوع يطحن فينا ونطحن فيه لحد ما يحدفنا من مخرج المفرمة زى الطلقة على الجمعة والسبت اللى جايين وقد تحولنا الى لحم بشرى مفروم

[electroman]

انا بقى بيكون عندى احساس غريب جدا وانا نازل يوم الحد

بحس انى نازل 10 ساعات بدرى عن معادى ، وانى مخدتش حقى فى النوم وانى اجدع حاجة اعملها انى اركن العربية واطلع انام

على فكرة ده شعور طبيعى و اصعب شئ هو اول يوم بعد الويك اند مش العكس .. و الدراسات بتقول ان اعلى معدل للنشاط هو فى نص الاسبوع مش فور العودة من الاجازة .

[ramyfawzy]

وليه تفكرونا بالموال اليومي الجميل
انا نزلت متأخر النهاردة من البيت (يعني على 7 وربع كده) ووصلت الشغل الساعة 10 صباحا والحمد لله (تقولوش مدير يا جماعة ولا برنس)
من كتر البرجمة والصحيان البدري بقيت بكره ايام الاجازة لأني برضه بصحى بدري

يا جماعة ماحدش يعرف يجيبلي هيليكوبتر استعمال الخارج بس تكون بحالة الزيرو (مارشتش مروحة)
زحمة يا دنيا زحمة - زحمة ومابقتش فرقة

رامى (ابو احمد)