محتاج آراءكم فى مسألة الكاتينة

[sab3aawy]

والله ما انا عارف يا عم حازم ، لكن هو الملاحظ انهم كانوا قايلين فىالكتالوج ان سير الديانمو يتغير على 40 والكاتينة على 100، وانت لو لاحظت سير الديانمو كان طالع بعد 32 ألف حالته نصن نص، يعنى كان ممكن يمشى لحد 35 وللا حاجة بعدين نقلق، كما ان الكتالوج اللى انا بتكلم عليه هو الكتالوج اللى انا اخدته مع العربية ، ومعتقدش انه بيتكلم على عربية حقن الكترونى لانه بيتكلم عن تغيير الأبلاتين ، وبعدين هو كان بيتكلم على timing belt وليس timing chain يعنى سير وليس جنزير، فأنا اعتقد بناء على كل ما سبق انى ، وقياسا على البوجيهات اللى كملت مدتها كاملة والأبلاتين اللى قعد ضعف مدته وسير الدينامو اللى قعد اكتر من تلات تربع مدته وتجارب الناس هنا اعتقد انى هستعمل سير الكاتينة الى 50 ألف كيلومتر، يعنى هجدد له مدة الخدمة ل 12 ألف كيلومتر اخرى .

[ihabchina]

انتوا نسيتوا انى مغير سير كاتية ولا اية يا خونا هههههههه

بصوا بقى القول الفصل فى الحوار ده ان شاء الله مع انى اقل منكم علما زى البشمهندس سبعاوى ودكتور حازم

سير الكاتية بيتبص علية فى 40 الف بس لو فية شك بيتغير علطول

انا عندى اتبص علية فى صيانة 40 الف واتبص علية فى صيانة 45 الف واتغير فى 50 الف

اولا سير الكاتية الفبريكة اللى خارج تقدر تقول خارج على اخره خلاص وكتر الف خير والله العظيم هو على شكل طبعا زجزاج والتجويف الداخلى لية الملامس للكاتينة هو اللى فية تشقيق

السير خارج التوكيل تمنة 80 جنية وفية مخاطرة كبيرة لو لاقدر الله مش سليم او مضروب واعتقد بشمهندس سبعاوى ممكن يقول الضرر لو حصل ده لا قدر الله

او حتى فى التركيب لو السير خلف مع الكاتينة ولو سنتمتر واحد

السير فى التوكيل ب 200 جندى ضمان 40 الف من التوكيل لاقدر الله حصل اى حاجة العربية بتاعتهم من غير اى كلام
المصنعية مش بالتحديد لان فى الفاتورة عندى كان صيانة دورة التبريد بالكامل وفك وتنظيف الراتيتير + تغير السير كانوا 110 شامل

تركيب سير الكاتينة:

زى ما المهندس هناك شرحلى ان فى جهاز كده بينزل يسحب السير القديم مع تثبيت الكاتينة وبيركب السير الجديد

وكان فى موضوع مش فاكر قولت فية على السير لازم بجد يتغير على 40 عند الضرورة او 50 الف

[scientist9508]

بسم الله الرحمن الرحيم
السلام و الرحمه من الخالق عليكم أجمعين ثم أما بعد
أحب أن أشارك الجميع تجربتى الشخصيه مع الكاتينه فأنا عندى سياره ماروتى منذ عام و نصف
بالفعل الكتالوج يبين أنه يتم تغيير السير و البليه عند 100000 كم و لكن بالفعل السير و البليه لن يصمدوا أبدآ لهذه المسافه و يمكن تقسيم ما يجب عمله حيال هذا الأمر إلى مفضل ويجب
يفضل :
تغييرالسيرا والبليه فى أى وقت ممن 60000 كم إلى 70000 كم
يجب تغيير السيرا و البليه فى أى وقت من 70000 كم إلى 80000 كم
و يجب أن نلاحظ أن نغير البليه مع السير فى نفس الوقت حتى و إن كانت سليمه و ذلك لأفضل آداء
أنا شخصيآ غيرت الإثنين عن 41000 كم و السبب أننى أسافر بالسياره مسافات طويله جدآ جدآ فأحتاج لقمه الآداء منها و برحمه من الرحمن بدون أى إحتمالات لعطل فى منتصف الطريق الصحراوى و بالفعل لقد تحسن آداء و صوت المحرك جدآ بعد تغيير الإثنين
و أنا شخصيآ أنصح بالتغيير عند التوكيل و بالتحديد مركز الهايكستب و لأكون أكثر تحديد إسأل عن المهندس أسامه أمين فهو من قام بأداء هذه المهم فى سيارتى على أكمل وجه و أنا أؤكد أنك ستحصل على قطع غيار أصليه 100%
ولكن لا أحبذ أن تقوم بالتركيب عند أى ميكانيكى لأن ما سوف توفره من المصنعيه مبلغ تافه و فى المقابل التوكيل يعطيك ضمان للتركيب حتى و إن كنت خارج الضمان

وفقك الله لأرشد أمرك

و السلام عليكم و رحمة الله و بركاته