Tweet
رائع يا هندسه الله ينور و عاوزين حاجه لواحد (صعيدي) بشال حاجه كده يعني و شكرا علي الموضوع و تقبل تحياتي
-
[COLOR=RED] [CENTER][SIGPIC][/SIGPIC]
[/CENTER]
[/COLOR] -
انا لسة شايفة سلسلة المواضيع دي واتفجأت بيها فعلا دي قنبلة لايمكن بجد، اسلوب حضرتك حلو جدا وكوميدي وساخر بطريقة غريبة بيفكرني بيوسف معاطي بس انا شوفت 6 حلقات فقط هل دي كل الموديلات ولا لسة في موديلات تانية وحضرتك مكملتهاش.
ياريت تكملها عشان نشوف احنا من انهي موديل ربنا يستر بقي اصلي مطلعتش من الموديلات اللي حضرتك ذكرتها لسة الحمد لله ربنا يستر في اللي جاي :biggrinjester:
منتظرين المزيد من الموديلات يااستاذ سبعاوي
Comment
-
موضوع جامد مووووووووووووت مستغرب إزاي اول مره اشوفه دلوقتي
بجد المواضيع دي لازم يبقي ليها مكان مميز تتحفظ فيه
بقالي ساعتين ميت من الضحك
خصوصا علي شخصيه المشمئنط اللي ماليه نص البلد
مره اتكعبلت في واحد منهم
كان ماشي علي يميني في الحارتين الواسعتين اللي تحت كبري الفردوس
عربيته كانت سبقاني بمسافه نص عربيه
انا واخد الشمال وبدوس بنزين زياده بشويش
ولقيت ده ابتدي واحده واحده يحدف عليا
اديتله كالاكس مفيش فايده
كالاكس كمان مفيش فايده
بصيت عليه لقيته لافف وشه وبيتكلم مع مدام اعتماد في موضوع حيوي جدا يخص مصروف البيت أو عفرته العيال
ومش باصص قدامه اساسا
الكلاكس الأخير مني كان يصاحبه صوت تهشيم مرايتي ومرايته
نزل طبعا بيبصلي من فوق لتحت بطرف مناخيره
بقوله حضرتك مش تحاسب, عمال تكسر عليا وانا اديلك كالكس مش معبرني
بصلي شزرا وقالي : ولا كلمه
لسه بقوله مينفعش كده ا....
قالي: اسكت خالص!!
والله كان هاين عليا اهزقه قدام مدام اعتماد اللي كانت نازله تشمر عن ساعديها
بس مش عارف ليه سبته ومشيتComment
-
حضرتك برده فكرتني بموقف مع حد زي سيد اشمئناط ده :المشاركة الأصلية كتبت بواسطة tamohsen مشاهدة المشاركة
كنت ماشية في شارع زحمة هو حارتين بعدين فيه حتة بتوسع ل 3 حارات قرب ملف كده وبعدين ترجع تضيق تاني لحارتين عشان في حجارة وزبالة في الحارة اليمين فطبعا الاستاذ قعد يتحنجل لحد مادخل يمين وزنق نفسه جنبي وعايز ياخد شماله اللي هو مكاني انا عشان ميدوسش بعربيته علي الحجارة والزبالة يعمل ايه بقي مش يستني حتى لحد ماعديله واوسعله لا راح رامي بوز عربيته قدامي وزنق نفسه زنقة سودة ولا عداني ولا عرف يعدي والطريق كده كده توقف من الزحمة الي كانت قدامنا واثناء ماحنا واقفين ومستنيين الشارع يفتح لاقيته بيقولي اعدلي عجلك (لان عجلي كان معمول بطريقة شلت حركته وخلته مش عارف يكمل الطلوع بباقي عربيته بعد مارمي بوزها قدامي
) انا مكنتش عارفة اعدله انهي اتجاه يعني فجيت احرك العجل فحركته عكس ماهو عايز لاقيته بيشوح بإيده ويزعق جامد اعدلي عجلك الناحية التانية وشخط فيا جامد والغريب اني عدلت عجلي وانا مستسلمة تماما لكلامه وكل اللي نطقت بيه بصوت ماوصلوش طب حاضر بتزعق ليه كده 
وسبته يعدي عربيته قدامي.
بعدها انا تنحت كده علي ماستوعبت الموقف ولاقيتني بقول لاختي ايه ده هو الراجل ده بيزعق كده ليه ولاقيت سواق تاكسي جاي جنبي قالي هو اللي غلطان اصلا وزنق نفسه وكمان بيزعق ، سخني عليه زيادة بس طبعا معملتش حاجة يعني كان مشي خلاص بس قعدت مضايقة ومتكدرة وبكلم اختي واقولها انا ليه سمحتله انه يزعقلي كده هو مش من حقه يشخط فيا كده وكمان هو اللي غلطان واللي قاهرني ومستغرباه لحد دلوقتي في ده كله اني سكتله ومرديتش عليه ولا حتى لومته علي انه بيزعقلي 
Comment
-
انتو المنتدى ده زي العسل
انا مبسوط إني موجود معاكم :) :)Comment
-
الله ينور يا باشا[SIGPIC][/SIGPIC][SIZE=5][COLOR=blue][/COLOR][/SIZE] اشهد ان لا اله الا اللهComment
Comment