معلومات مفيدة جدا لكل مالكى الصنى الأوتوماتيك-حكايتى مع الفتيس

[sasoha]

انا استلمت الصني الاوتومتك الجديدة و عندي سيارة قديمة فيها بطارية 55 امبير و جديدة من شهر 5 اللي فات بس اغيرة و لا لا ؟؟؟؟؟
انا سالت واحد قال لي اوعي تغير علشان البطارية الاصلية 44 امبير مظبوط عليها كل الاجهزة الكهربائية اللي في العربية يعني الدينامو و المارش و خلافة مظبوط علي البطارية الاصلية 44 امبير بصراحة خفت و مش عارف اعمل اية ؟؟

و بعدين ممكن اغيرها انا و لا لازم اروح التوكيل لحسن يحصل حاجة صدفة في العربية و التوكيل يتلكك و يقول انت اللي غيرت البطارية من نفسك ؟؟؟
لفيدوني افادكم الله و شكرا

[sab3aawy]

انا مش فاهم هل البطارية باظت رغم انها جديدة ام أن قوتها غير مناسبة للسيارة

البطارية مباظتش نهائيا لأننى لازلت استعملها بكفائه مع الريجاتا، لكن الواضح انها لم تعد تقبل الشحن بنفس قدرتهاالسابقة مما ادى الى انها ضعفت عن الأول بمعنى ان الفلوطية بتاعتها بتنخفض عن المعدل المطلوب مع الأحمال العالي’ ، كما انها مش جديدة أوى لأن عمرها سنة ونص استعمال بالاضافة الى ربنا يعلم اتركنت قد ايه

انا استلمت الصني الاوتومتك الجديدة و عندي سيارة قديمة فيها بطارية 55 امبير و جديدة من شهر 5 اللي فات بس اغيرة و لا لا ؟؟؟؟؟
انا سالت واحد قال لي اوعي تغير علشان البطارية الاصلية 44 امبير مظبوط عليها كل الاجهزة الكهربائية اللي في العربية يعني الدينامو و المارش و خلافة مظبوط علي البطارية الاصلية 44 امبير بصراحة خفت و مش عارف اعمل اية ؟؟

و بعدين ممكن اغيرها انا و لا لازم اروح التوكيل لحسن يحصل حاجة صدفة في العربية و التوكيل يتلكك و يقول انت اللي غيرت البطارية من نفسك ؟؟؟
لفيدوني افادكم الله و شكرا

انا مغيرتهاش ل 55 غير بعد ما احد الزملاء هنا فى لمنتدى سأل بالتليفون فى مودرن موتورز لأنه كان عايز يغير بطاريته الى واحدة اكبر

[sasoha]

معلش يا سبعاوي انا مفهمتش
يعني ممكن اغيرها بنفسي بدون مشاكل في العربية نفسها من تغييير قوة البطارية و كمان مشاكل مع التوكيل و ضمان العربية

[emadosman63]

ما معنى الفلوطية

[aif]

بسم الله ماشاء الله
انا باتمنى اني يكون عندي 10 % بس من صبرك ومثابرتك وطولت بالك يا سبعاوي ..... ده مش حسد .... ده قر بس
بجد والله برافو عليك انك تابعت المشكلة بكل المحاولات دي بدون يأس ..... انت فعلا مش بس حليت المشكلة و تغلبت عليها بالضربة القاضية الفنية ..... انت كمان اكتشفت حاجات كتير في العربية كان ممكن ما تقربش منها طول عمر العربية .... لازم فعلا نرفعلك القبعة .......

[sab3aawy]

ما معنى الفلوطية

انا اسف كان فيه خطأ فى الإملا ، الكلمة الصحيحة هى الفولطية وهى تعريب لكلمة VOLTAGE ومعناها قراءة الفولت الخارج من البطارية

[sab3aawy]

معلش يا سبعاوي انا مفهمتش
يعني ممكن اغيرها بنفسي بدون مشاكل في العربية نفسها من تغييير قوة البطارية و كمان مشاكل مع التوكيل و ضمان العربية

قياس الأمبير ساعة ليس قياس لقوه البطارية ولكن قياس لكمية الطاقة القصوى التى تحملها، يعنى كأنك مثلا بتتكلم على تنك بنزين سعته 44 لتر غيرته بواحد تانى 55 لتر، هذا ليس معناه ان البنزين اللى طالع من التنك اختلف فى خواصه او تأثيره على الموتر عن البنزين اللى طالع من التنك الاولانى، فقط معناها ان التنك الجديد ممكن يديلك بنزين لفرتة اطول، الاختلاف الوحيد بين البطارية والتنك ان البطارية ذات السعة الأعلى لا تنخفض فولطيتها بشدة عن تحمليها بالأحمال العالية، وهو ده اللى انا كنت محتاجه، وكما ان تنك البنزين الأكبر يحتاج لكمية اكبر من البنزين لكى يمتلئ فكذلك البطارية تحتاج لفترة اطول من الشحن لكى تشحن تماما، ولذلك انا مغيرتهاش غير بعد ما واحد من الزملاء على المنتدى تأكد من التوكيل انه يمكن استعمال بطارية 55 امبير بدون خطر على الدينامو ، اما عن تغيير البطارية فزى تغيير اى بطارية فىالدنيا، اهم حاجة انك تفك الموجب الأول وبعد تفك الأرضى، وساعة التركيب تعكس، تركب الأرضى الأول وبعدين الموجب، او بقول آخر ، لا يكون الموجب بتاع البطارية فى اى لحظة متوصل بدون ما يكون الأرضى متوصل

[Adham]

الله ينور يا أبو السباع

فعلا طول الصبر يبلغ الأمل

مجهود تشكر علية فعلا

الله ينور

[ماجد يوسف وهبه]

المشكله دى فعلا بدأت تظهر معايا لكن الفرق أن العربيه عمرها 6 شهور فقط. ليا سؤال لو سمحت المفروض أن أثناء دوران المحرك الدينامو بيشحن البطاريه وبفولطيه على حسب تعبيرك أعلى من جهد البطاريه وبما أن سعة البطاريه غير كبيرة يعنى مش جهد على الدينامو اطلاقا ليه بأه التيار اللى داخل المقاومة بيقل المفروض الدينامو بيعوض الفرق ده.

سؤال آخر معنى كلامك أن بعد دوران المحرك لأى سبب البطاريه أتفصلت العربيه كده ما تنقلش خالص ولا ايه؟ مجرد سؤال جال بخاطرى

تسمح لى أقول لك أن مكانك مش زينا فى أى شركه لأ, لازم تكون فى احدى مراكز الأبحاث فى احدى الشركات المرموقه للسيارات. أنا أحسد صبرك ليس فى حل المشكله بس ولكن فى كتابه هذه المقاله الطويله. أكيد عندك سكرتيره مش كده

بالمناسبه بأه مضايقنى جدا موضوع أن الزجاج الكهرباء بيفصل مع الكونتاكت ممكن تشوف لنا حل يخليه يستنى شويه بعد غلق الكونتاكت؟ أنا بدأت أشوف الدوائر بس لسه ما وصلتش لحاجه

[sab3aawy]

المشكله دى فعلا بدأت تظهر معايا لكن الفرق أن العربيه عمرها 6 شهور فقط. ليا سؤال لو سمحت المفروض أن أثناء دوران المحرك الدينامو بيشحن البطاريه وبفولطيه على حسب تعبيرك أعلى من جهد البطاريه وبما أن سعة البطاريه غير كبيرة يعنى مش جهد على الدينامو اطلاقا ليه بأه التيار اللى داخل المقاومة بيقل المفروض الدينامو بيعوض الفرق ده.

سؤال آخر معنى كلامك أن بعد دوران المحرك لأى سبب البطاريه أتفصلت العربيه كده ما تنقلش خالص ولا ايه؟ مجرد سؤال جال بخاطرى

تسمح لى أقول لك أن مكانك مش زينا فى أى شركه لأ, لازم تكون فى احدى مراكز الأبحاث فى احدى الشركات المرموقه للسيارات. أنا أحسد صبرك ليس فى حل المشكله بس ولكن فى كتابه هذه المقاله الطويله. أكيد عندك سكرتيره مش كده

بالمناسبه بأه مضايقنى جدا موضوع أن الزجاج الكهرباء بيفصل مع الكونتاكت ممكن تشوف لنا حل يخليه يستنى شويه بعد غلق الكونتاكت؟ أنا بدأت أشوف الدوائر بس لسه ما وصلتش لحاجه

نمسكهم واحدة واحدة

بالنسبة لحتة الدينامو والشحن فاللى انا استنتجته ان الفتيس محتاج ال 14 فولت(لا يوجد خطأ هنا لان وقت الشحن الفولطية تكون 14) كاملة حتى لا تحدث النتشه، ومن الواضح انه عند تحميل البطارية تنخفض الفولطية الى شئ ما بين 12 و 13 وهو ما لا يناسب اداء ناعم للفتيس

لو فصلت البطارية والعربية دايرة مش بس مهياش هتنقل ، لأ دا انت مجرد ما هتشيل رجلك من على الأكسراتير العربية ممكن تبطل، لأن العربية دى انجكش وعلى السلانسيه يحدث احيان كتيرة ان جهد الدينامو لا يناسب الاحمال المطلوبة من الرشاشات ودوائر التحكم ، حصلت معايا قبل كدة فى العديد من سيارات الانجكشن لما تكون البطارية متشالة ودورت العربية زق او بوصلة ، بمجرد ما تشيل رجلك من على الاكسراتير العربية بتبطل

اما باه حكاية السكرتيرة فيسمع من بقك ربنا، بس عموما ده مش اطول الموضوعات اللى انا كتبتها على المنتدى، كان فيه سلسلة بعنواان انواع وموديلات السائقين دى كانت اطول بكتيير، وفيه كثير من الموضوعات على الساحة التعليمية برضه اطول بكتير، عموما انا بحب الكتابة

يبقى موضوع الزجاج الكهرباء، حله سهل جدا بس محتاج فك وتركيب

علبة الفيوزات الموجودة ورا درج العملة اللى امام رجلك الشمال، لو فكيتها هتلاقى فيها فيوز الزجاج الكهرباء، وواخد من طرف جاى من المفتاح ign، كل اللى انت عليك تعمله انك تبدل الدخل بتاع الفيوز وتاخد له طرف من اى سلك جاى من البطاريةbat داخل لأى فيوز آخر وليكن السلك اللى داخل الى فيوز زرار فتح الشنطة او السنتر لوك مثلا، الأمر هيحتاج منك لفك علبة الفيوزات دى واعادة تركيبها

[HeMa1981]

طب انا عندي نفس المشكلة العربية بتنتش فى الغيار الاو والتاني

وفي رجة بسيطة فى النقلات بتاعت الفتيس بس بتكون جامدة شوية ويصحبها صوت خاصة من p الى R والعكس

والعربية عاملة 900 كيلو فقط لاغير !

[sab3aawy]

طب انا عندي نفس المشكلة العربية بتنتش فى الغيار الاو والتاني

وفي رجة بسيطة فى النقلات بتاعت الفتيس بس بتكون جامدة شوية ويصحبها صوت خاصة من p الى R والعكس

والعربية عاملة 900 كيلو فقط لاغير !

قبل ما تعمل اى حاجة فى العربية تأكد منسوب الزيت ، ولو نتشة الغيار من ألو للتانى بتحصل معاك والسيارة باردة فقط فهذا طبيعى

[HeMa1981]

هبص ان شاء الله على الزيت
انما النتشة دي والعربية سخنة مش باردة هى بتنتش فى كل الاحوال ممكن النتشة تخف فى المطالع الجامدة او ضغط بنزين جامد بس برضه بتنتش ولما اروح صيانة الالف نشوف ايه الموضوع

[tata12001]

Bashmohandes... :D

[zizo500]

موضوع هايل ومتابعه للمشكله ممتازه خلاني افكر بجد اشتري صني صناعه مصري