معلومات مفيدة جدا لكل مالكى الصنى الأوتوماتيك-حكايتى مع الفتيس

[د.أحمد السعيد]

موضوع رائع فوق الوصف
و الله يزيدك من فضله يا بشمهندس خالد و جزاك الله خيرا

و الله لسه شايف لينك الموضوع جوه تجميعة استاذ أحمد مصطفى(جزاه الله خير) لموضوعات سبعاوى وهو موضوع هام جدا ويمكن يكون سبب لبيع سيارات كتير علشان موضوع النتشه و تلاقى ناس تشتم فى العربيه و تقوللك اصل الاوتوماتيك كله مشاكل ....

[ahadidy]

بجدا مشاء اللة عليك ..كدة نقدر نقول ان لسة فية امل
تسلم دماغك يا ريس

[medododo]

كلامك مظبوط 100 100 وعن تجربة شخصية كانت مشكلتي دبل مفيش سحب والجير تعبان غيرت زيت الجير مفيش فايدة فلاتر وخلافه مفيش فايدة بوجيهات مفيش فايدة روحت مكبر دماغي وعشت كده 6 شهور دخل الشتاء البطارية باظت جبت واحدة جديدة جافة وأدور العربية وأبدأ أتحرك كأني غيرت الموتور بموتور أكبر السحب أختلف والجير أتظبت وحكيت لكل الناس ساعتها محدش كان مصدق الا لما جرب

[م.محمد علاء]

أول مره آخد بالي من الموضوع ده ..
بس بصراحه جامد..
بس سؤال للبشمهندس..
علمونا الصنايعيه زمان..
إن البطاريه عشان تدول المارش..
وبعد كده خلاص..شيلها لو عايز..و كهربة العربيه بتبقى من الدينامو؟؟؟؟
صح؟؟
يعني لو البطاريه ضعفت..مش حتعاكسني غير في الدواره فقط لا غير..
؟

[د.أحمد السعيد]

أول مره آخد بالي من الموضوع ده ..
بس بصراحه جامد..
بس سؤال للبشمهندس..
علمونا الصنايعيه زمان..
إن البطاريه عشان تدول المارش..
وبعد كده خلاص..شيلها لو عايز..و كهربة العربيه بتبقى من الدينامو؟؟؟؟
صح؟؟
يعني لو البطاريه ضعفت..مش حتعاكسني غير في الدواره فقط لا غير..
؟

111111111111111111111
الشعب يريد ان يفهم يا سبعاوى

[mohamedbook]

جزاك الله خيرا
انا قريت الموضوع عشان حضرتك الي كاتبة رغم اني مش معايا اوتوماتك وارجع اقول مرة تانية جزاك الله كل خير

[sab3aawy]

أول مره آخد بالي من الموضوع ده ..
بس بصراحه جامد..
بس سؤال للبشمهندس..
علمونا الصنايعيه زمان..
إن البطاريه عشان تدول المارش..
وبعد كده خلاص..شيلها لو عايز..و كهربة العربيه بتبقى من الدينامو؟؟؟؟
صح؟؟
يعني لو البطاريه ضعفت..مش حتعاكسني غير في الدواره فقط لا غير..
؟

كان هذا حقيقة واقعة ايام لما الصنايعية قالولنا عليه، يعنى زمان قبل عهد الانجكشن والتحكم الالكترونى

لو دورت عربية قديمة ذات كاربراتير وبعدين رحت شايل البطارية وهى دايرة هتلاقيها تفضل دايرة ومافيش اى مشكلة ،لكن لو عملت التجربة دى مع عربية ذات حقن الكترونى هتلاقيها تبطل وقتى اول ما تشيل البطارية

العربيات الحديثة معتمدة عملى مجموعة حساسات تناظرية analogue (بمعنى انها بتطلع اشارة كهربية بتتغير فى قميتها طبقا لتغير المعلومة اللى هى بتقيسها، يعنى مثلا حساس الإير ماس بيطلع تيار كهربى الفولت بتاعه بيعلى ويوطى حسب كمية الهواء المار فى خرطوم التغذية، وبناء على هذة القيمة الفولطية كومبيوتر السيارة بيقرر تغذية الرشاشات بمكية بنزين تناسب كمية الهواء المارة، وهكذا) وهذة الحساسات التناظرية تعتمد على وجود تغذية فولط ثابت من البطارية وده بيتطلب ان البطارية تكون حالتها جيدة ومناسبة للأحمال الواقعة عليها، لأن لو الفولت اللى داخل من البطارية للحساس قل عن حد معين الفولت الللى خارج منه هيتأثر ولن يعبر عن الكمية اللىالحساس بيقيسها بشكل دقيق مما يربك عمل التحكم وبالتالى المحرك ، وبالتالى عدم وجود البطارية اثناء دوران المحرك بسرعة السلانسية بيربك اداء المحرك كله ويخليه يبطل، كما ان ضعف البطارية بيؤثر بالسلب على قراءات الحساسات، صحيح ان الدينامو موجود لكن الدينامو فى سرعة السلانسية ميقدرش يشيل احمال العربية وده الدور اللى بتقوم به البطارية، كأنها خزان ضخم بنملاه من الدينامو ونقدر نفضى منه بمعدل ثابت ، او علشان نشبهها تشبيه تانى لو فرضنا ان فيه تاجر عنده حساب فى البنك فيه مبلغ كبير، هو بيصرف على بيته مبلغ ثابت كل شهر بيسحبه من الحساب ده، وبيكسب بمعدل غير ثابت ، شهر يكسب مبلغ كبير، وشهر ميكسبش، وشهر يخسر شوية علشان يغطى موقفه المالى، المبلغ الكبير اللى فىالحساب ده هو اللى بيؤمن له ان احتياجاته متتأثرش، ولما يكسب كتير يعوض الحساب ولما يكسب قليل يستفيد بالفلوس اللى فىالحساب، هو ده دور البطارية ، الدور ده له كلمة انجليزى هى buffer ،جوجل مترجمها العزل بس انا مش مقتنع بالترجمة اوى لكن هى قريبة، فى رأييى الشخصى ان الترجمة الأقرب هى "فك الارتباط" لكن فى العربيات الحديثة البطارية بتقوم بدور ال buffer او فك الارتباط بين انتاج الكهرباءفى الدينامو واستهلاكها فى اجزاء السيارة، وكل ما كانت البطارية قوية كل ما كانت وظيفة فك الارتباط دى اقوى بمعنى ان اداء اجزاء السيارة الكهربية لا يتوقف على قدرة الكهرباء المنتجة من الدينامو فى تلك اللحظة والمرتبطة بدورها بسرعة دوران الدينامو المرتبطة بدورها بسرعة دوران المحرك حيث تقوم البطارية بسد العجز لحين ارتفاع سرعة المحرك وتعويض البطارية عما فقدته

[م.محمد علاء]

كان هذا حقيقة واقعة ايام لما الصنايعية قالولنا عليه، يعنى زمان قبل عهد الانجكشن والتحكم الالكترونى

لو دورت عربية قديمة ذات كاربراتير وبعدين رحت شايل البطارية وهى دايرة هتلاقيها تفضل دايرة ومافيش اى مشكلة ،لكن لو عملت التجربة دى مع عربية ذات حقن الكترونى هتلاقيها تبطل وقتى اول ما تشيل البطارية

العربيات الحديثة معتمدة عملى مجموعة حساسات تناظرية analogue (بمعنى انها بتطلع اشارة كهربية بتتغير فى قميتها طبقا لتغير المعلومة اللى هى بتقيسها، يعنى مثلا حساس الإير ماس بيطلع تيار كهربى الفولت بتاعه بيعلى ويوطى حسب كمية الهواء المار فى خرطوم التغذية، وبناء على هذة القيمة الفولطية كومبيوتر السيارة بيقرر تغذية الرشاشات بمكية بنزين تناسب كمية الهواء المارة، وهكذا) وهذة الحساسات التناظرية تعتمد على وجود تغذية فولط ثابت من البطارية وده بيتطلب ان البطارية تكون حالتها جيدة ومناسبة للأحمال الواقعة عليها، لأن لو الفولت اللى داخل من البطارية للحساس قل عن حد معين الفولت الللى خارج منه هيتأثر ولن يعبر عن الكمية اللىالحساس بيقيسها بشكل دقيق مما يربك عمل التحكم وبالتالى المحرك ، وبالتالى عدم وجود البطارية اثناء دوران المحرك بسرعة السلانسية بيربك اداء المحرك كله ويخليه يبطل، كما ان ضعف البطارية بيؤثر بالسلب على قراءات الحساسات، صحيح ان الدينامو موجود لكن الدينامو فى سرعة السلانسية ميقدرش يشيل احمال العربية وده الدور اللى بتقوم به البطارية، كأنها خزان ضخم بنملاه من الدينامو ونقدر نفضى منه بمعدل ثابت ، او علشان نشبهها تشبيه تانى لو فرضنا ان فيه تاجر عنده حساب فى البنك فيه مبلغ كبير، هو بيصرف على بيته مبلغ ثابت كل شهر بيسحبه من الحساب ده، وبيكسب بمعدل غير ثابت ، شهر يكسب مبلغ كبير، وشهر ميكسبش، وشهر يخسر شوية علشان يغطى موقفه المالى، المبلغ الكبير اللى فىالحساب ده هو اللى بيؤمن له ان احتياجاته متتأثرش، ولما يكسب كتير يعوض الحساب ولما يكسب قليل يستفيد بالفلوس اللى فىالحساب، هو ده دور البطارية ، الدور ده له كلمة انجليزى هى buffer ،جوجل مترجمها العزل بس انا مش مقتنع بالترجمة اوى لكن هى قريبة، فى رأييى الشخصى ان الترجمة الأقرب هى "فك الارتباط" لكن فى العربيات الحديثة البطارية بتقوم بدور ال buffer او فك الارتباط بين انتاج الكهرباءفى الدينامو واستهلاكها فى اجزاء السيارة، وكل ما كانت البطارية قوية كل ما كانت وظيفة فك الارتباط دى اقوى بمعنى ان اداء اجزاء السيارة الكهربية لا يتوقف على قدرة الكهرباء المنتجة من الدينامو فى تلك اللحظة والمرتبطة بدورها بسرعة دوران الدينامو المرتبطة بدورها بسرعة دوران المحرك حيث تقوم البطارية بسد العجز لحين ارتفاع سرعة المحرك وتعويض البطارية عما فقدته

متشكرين على المعلومه الجميله دي قوي يا بشمهندس...
كلام حضرتك عامل زي ميكون مرجع علمي والله....
انا قريته بتركيز و فهمته...
و أعتقد بالأمثله الجميله ..أصبح الموضوع سهل جدا على أي حد إنه يستوعبه...

[تامر.محمد]

انا كمان ما عنديش صني و عربيتي مانوال بس استمتعت بالقراءة جدا
:)

[medociv]

جميل جدا واسلوب علمي منظم جدا ومجهود رائع وفائدة عظيمة
جزاك الله خيرا

[mmffor]

موضوع مهم و متميز و حصل معايا في اللانسر برضه اوتو

[zeznia]

ربنا يديك الصحه
شكرا لاشركنا في هذه التجربه الرائعه

[BassamHafez]

الله عليك

تحيه كبيرة

[mohali1666]

الله ينور ياهندسة والله انت جامد وفعلا انت مكسب لينا اووى ودايما للامام

[Kareem.ElAraby]

ما شاء الله عليك و ما تعلمني يا هندسه بتجيب طوله البال ده كلها منين
ربنا يباركلك في عربيتك و فعلا بأحب اقرا مواضيعك و بأفرح لما بأعرف اك مهندي بأفرح بفسي أصل انا دفعه 2010 مع احترام فرق السن و الخبره ليييييييييك طبعااا :]