قريبا سنراه فى السيارات الجديدة- محرك بدون عمود الكامة

[Adham]

بصراحه يا جماعه كلكم مشكورين عالتوضيحات و الاقتراحات

و شكرا يا سبعاوي في الاساس تاني

بس المشكلة يا جماعه ان أنا فيا عيب خطير جدا و عارفة من زمان

اني مش باثق في الحلول الكهربائية اللي بتعتمد على سوفت وير و تحكم كهربائي اليكتروني

لية بقى

لأن الخطأ فيهم (و هو أمر وارد بالطبع) بيبقى فجائي و بدون سابق انذار و بدون سبب

يعني نقول مثلا
في موضوعنا دة كمثال

عمود الكامة علشان يتلف (ميكانيكيا) بمعنى ان تتآكل الركب بتاعتة و يسبب مشاكل الموضوع بياخد سنين و بيبقى لية علامات ظاهرة من صوت صفير و بوش و تآكل الركب بيسبب عدم ضبط التاكيهات و برجلة للسيارة و غيرها مثلا
يعني بتلاحظة على مدى فترة و بتشوف علامات بدايات تلفة و بالتالي بتغيرة
و نسبة التلف المفاجيء بتكون ضئيلة جدا يعني متهيألي عمر ما حد سمع عن عمود كامة اتكسر في سيارة مثلا بدون مقدمات و في كيلومترات تشغيل عادية
بخلاف سير الكاتينة اللي ممكن يقطعغ فجأة لو ماغيرتوش في الكيلومتر الموصي بة مثلا
و ان كان برضة ممكن يقطع قبل المدة المحددة بس نادراً و بيبقى اهمال مثلا في الكشف علية (حتى بالنظر) كل فترة

لكن الموضوع لو حصل فجأة خطا في السوفت وير او ان مقاومة مثلا او ترانزستور ضرب في كونترول يونيت (و دي واردة في اي وقت و بدون عمر افتراضي يعني ممكن بعد يوم او شهر او سنة) في ساعتها حايحصل مشكلة و حاتنعكس عالمحرك فورا و تسبب تلف ميكانيكي للأجزاء المتحركة بدون اي سابق انذار

انا للأسف من الناس اللي مش بيثق في انظمة التحكم الاكتروني في الفرامل ABSاو الثباتEBD و مقتنع تماما ان ممكن عطل الكتروني في دائرة التحكم (الكونترول يونيت) يسبلل مصيبة أو كارثة فورا
يعني تخيل مثلا حصل عطل في دائرة ال ABS وانت سيايق على سرعه 120 او حتى 70 و بتدوس فرامل علشان تهدي في ملف مثلاً و العطل دة سبب ان العجلتين اليمين مثلا مسكوا فرامل و العجلتين الشمال مامسكوش
البقية في حياتك تعيش انت يا حاج
و انت ماغلطش في السواقة و ربما لم تدرك اصلا اية سبب انقلاب السيارة بمجرد دوسة فرامل بدون اي مسبب خطر بالتالي مش حاتلحق تتصرف اساساً

او عطل في دائرة تحكم الكتروني في عفشة و ثبات السيارة او ميلها في المنعطفات خلى السيارة تميل للاتجاة المعاكس للملف بدل ماتميل للاتجاة الصحيح
نفس النتيجه
انت تعيش يا حاج

يمكن الكلام اللي انا باقولة مش مقنع او موسوس زيادة او مايحصلش

بس انا مش من الناس اللي يحط حياتة و حياة اولادة تحت رحمه دائرة كهربية ممكن تعلق او Error soft ware انا افضل اني اكون متحكم تماما في السيارة بدون دوائر الكترونية تتحكملي في الفرامل او العفشة او غيرة و أصبح انا "سيد قراري" المتحكم الوحيد في السيارة و المسئول عن أفعالي 100% في القيادة مش سوفت وير يهنج او بوردة تضرب توديني في ستين داهية

بالمناسبة من اسباب شرائي للفرونتيرا ان مافيهاش ABS ولا EBD ولا حتى Air Bags ممكن تفتح خطأ او من تصادم بسيط في الحساس و ادفع 20 الف جنية علشان تابلوة جديد و اير باجز جديدة
و فعلا فية اير باجز بتفتح من خبطة بوز السيارة في الارض من مطب جامد مثلا او من تصادم بسيط بس مباشر في الحساس بتاعها لا يستدعي اصلا فتح اير باج
و الاير باج لو الحزام مش مربوط (ومعظم الناس مش بتربطة) ممكن تخنق اللي في السيارة و ممكن كمان يموت من خضة فتح الاير باج في وشة , و لازم حد يفسيها فورا بآلة حادة او سيجارة مثلا علشان يعرف يتحرك منها

[Adham]

صحيح بالمناسبة في حد قاللي قبل كدة ان الاير باج مايفتح لو انت مش رابط الحزام اساساً

يعني فية حساس لفتح الاير باج ما يشتغلش الا لو دائرة الكهرباء بتقول ان الحزام مربوط
زي اللمبة اللي في التابلوة انك مش رابط الحزام كدة, لو اللمبة دي منورة يبقى الاير باج مايفتحش, مثلا يعني

بس ماعرفش مدى صحه المعلومة دي

[ehabthefirst]

استذنا ايهاب شكرا ليك علي المجهود معايا وده هو الحوار المثمر بجد
بالنسبه للبليه دي هاتدور علي فتحتها في السلندر زي ما انا فهمت
ايه اللي هايضمن ان فتحه السلندر دي ما تفوتش ده البستم ليه كذا شنبر ويتحطوا بطريقه معينه وبابعاد معينه علي شان لزوجه الزيت تقفل وتزيت مكانهم

خلينا في البليه نعمل ايه يبقي لازم نضغط علي البليه ضغط اعلي من الموجود في السلندر وكمان اصلا فيه ضعط الاحتراق نفسه ده ممكن يخلي البليه تتشحط في مكنها يبقي من وجهه نظري لازم تزيت
كمان الموتور ده لازم له وحده تحكم علي شان rectangular voltage pulses الي هتشغله يبقي رجعنا تاني للسوف وير
ولو هنخليه عن طريق الكرنك يبقي مافيش تقديم وتاخير للكامات
direct injection هو النظام الرسمي الديزل وبيتنقل للبنزين يا مسهل
ممكن ترجع لمداخلاتي السابقه و مداخله ا NoNaMe و واحده واحده نحاول نحل المشاكل دي ممكن نوصل لحاجه
ووالله اللي بنعمله ده يبشر بخير ده بحث المفروض يتنشر في( البيبر) بره

بالنسبه لفتحه السلندر مض هتفوت ده لان البليه بتعمل سد تام
و نظام البليه ده يعمل بكفاءه فى الغلايات عند 500 درجه مئويه و 20 بار
انما اللى انا شايفه انها ممكن فعلا تشحط لو هى حديد
عشان كده انا بقول انها مش لازم تبقى حديد
و خامتها اختراع لوحده
ممكن تكون سيراميك او باكلايت مثلا

[ENG\AHMED]

صباح الفل على احلى صاحب اوبل فالتاريخ
يا عم ابدا انتوا اللى مختفيين
و كل ما ادخل اوبل مالاقيش حد
يمكن عشان العربيه مابتبوظش و مالهاش مشاكل
ههههههههههههههههههههههههه
واضح ان انت فهمت النظريه بتاعتى تماما
و بتناقشنى فى عيوبها بالضبط
بس اعتقد ان البليه يجب ان لا تكون حديد
و بالنسبه لخنق مسار الخليط لن يحدث لانها للهواء فقط
و عمرها يعتمد على خامتها
فخامتها يجب ان تكون اختراع لوحديه
و بالنسبه للتكلفه فده يعتمد على سعر
step motor
و عايزين نشوف بعض عن قريب إن شاء الله
وحشتونى كلكوا

ياباشا الله يخليك , هو اة الناس كسلانة شوية والبوجية بتاع القسم ضعيف شوية;) "الظاهر واخد رطوبة :D " بس موجودين

اى fluid سواء غاز او سائل لو عملت خنق لمسارة هيعمل pressure loss و drag عالى ودة هيأثر على اداء المحرك

بالنسبة للبلية متنساش ان الصمام بيريح "حركتة ترددية يعنى بيوقف حتى لو زمن قليل" عكس البلية هتفضل تدور على طول , كمان فى شوط الضغط الصمام واقف ومريح على وش السلندر انما البلية بتدور باستمرار وتجاة القوة المؤثرة نتيجة ضغط المكبس عكس اتجاة دورانها فى حين الصمام فى نفس الاتجاة تقريبا ودى اكيد هيأثر بشكل كبير على عمر البلية نتيجة الاحتكاك المستمر والاحتكاك تحت ضغوط ودرجات حرارة عالية وبالذات كمان مع السرعات العالية لأن سرعة البلية لازم تبقى متناسبة مع سرعة المحرك

و ان كان برضة ممكن يقطع قبل المدة المحددة بس نادراً و بيبقى اهمال مثلا في الكشف علية (حتى بالنظر) كل فترة

اكيد اى منظومة ايان كانت لازم لها مواعيد صيانة محددة من قبل الصانع والاهمال موجود كل وقت وكل مكان وممكن يقضى على اى سيستم ايا كان بغض النظر عن نوعة , يبقى منقدرش نقيم سيستم على اساس الاهمال

لكن الموضوع لو حصل فجأة خطا في السوفت وير او ان مقاومة مثلا او ترانزستور ضرب في كونترول يونيت (و دي واردة في اي وقت و بدون عمر افتراضي يعني ممكن بعد يوم او شهر او سنة) في ساعتها حايحصل مشكلة و حاتنعكس عالمحرك فورا و تسبب تلف ميكانيكي للأجزاء المتحركة بدون اي سابق انذار

مش شرط لما سير الكاتينة يتقطع او عمود الكامة يتقطم البسات تخبط الصمامات , شوف اللينك اللى بعتة المشاركة اللى فاتت

انا للأسف من الناس اللي مش بيثق في انظمة التحكم الاكتروني في الفرامل ABSاو الثباتEBD و مقتنع تماما ان ممكن عطل الكتروني في دائرة التحكم (الكونترول يونيت) يسبلل مصيبة أو كارثة فورا
يعني تخيل مثلا حصل عطل في دائرة ال ABS وانت سيايق على سرعه 120 او حتى 70 و بتدوس فرامل علشان تهدي في ملف مثلاً و العطل دة سبب ان العجلتين اليمين مثلا مسكوا فرامل و العجلتين الشمال مامسكوش
البقية في حياتك تعيش انت يا حاج
و انت ماغلطش في السواقة و ربما لم تدرك اصلا اية سبب انقلاب السيارة بمجرد دوسة فرامل بدون اي مسبب خطر بالتالي مش حاتلحق تتصرف اساساً

او عطل في دائرة تحكم الكتروني في عفشة و ثبات السيارة او ميلها في المنعطفات خلى السيارة تميل للاتجاة المعاكس للملف بدل ماتميل للاتجاة الصحيح
نفس النتيجه
انت تعيش يا حاج

يمكن الكلام اللي انا باقولة مش مقنع او موسوس زيادة او مايحصلش

بس انا مش من الناس اللي يحط حياتة و حياة اولادة تحت رحمه دائرة كهربية ممكن تعلق او Error soft ware انا افضل اني اكون متحكم تماما في السيارة بدون دوائر الكترونية تتحكملي في الفرامل او العفشة او غيرة و أصبح انا "سيد قراري" المتحكم الوحيد في السيارة و المسئول عن أفعالي 100% في القيادة مش سوفت وير يهنج او بوردة تضرب توديني في ستين داهية

بالمناسبة من اسباب شرائي للفرونتيرا ان مافيهاش ABS ولا EBD ولا حتى Air Bags ممكن تفتح خطأ او من تصادم بسيط في الحساس و ادفع 20 الف جنية علشان تابلوة جديد و اير باجز جديدة
و فعلا فية اير باجز بتفتح من خبطة بوز السيارة في الارض من مطب جامد مثلا او من تصادم بسيط بس مباشر في الحساس بتاعها لا يستدعي اصلا فتح اير باج
و الاير باج لو الحزام مش مربوط (ومعظم الناس مش بتربطة) ممكن تخنق اللي في السيارة و ممكن كمان يموت من خضة فتح الاير باج في وشة , و لازم حد يفسيها فورا بآلة حادة او سيجارة مثلا علشان يعرف يتحرك منها

انت هنا اتكلمت عن العيوب متكلمتش عن المميزات , اى حاجة فى الدنيا زى مليها مميزات ليها عيوب حتى احنا نفسنا كدة , واحنا هنا لو قيسنا مميزات الانظمة دى بالنسبة لعيوبها هنلاقيها ميزة مش عيب
ملحوظة ال ABS لو عطل وانت ماشى ملوش اى تأثير على فرامل العربية قوة الفرامل زى ماهيا الفرق بس انها هتبقى فرامل عادية

[Adham]

ايوة انا شفت فعلا الللينك الصبح و فعلا انا شفت بساتم مواتير بتنزل فيها النقر دة علشان الصباب ما يلطش في البستم لو السير اتقطع, بس مش في كل العربيات
و على فكرة انا مرة اتقطع مني سير كاتينة الهوندا و ماجابتش صباب
و اعتقد مكانش في البستم الحفر الهلالي دة
ممكن حظ او ممكن تصميم غرفة الحريق فية مساحة بين اخر مشوار البستم و مشوار الصباب مايتصادموش
___________________________

انا عارف ان ال Abs لو عطل (مش شغال) الفرامل بتشتغل عادي

انا باتكلم عن الخطأ في السوفت وير يعني لو عجلتين مسكوا و عجلتين مامسكوش
اكيد فية نسبة للخطأ ان دة ممكن يحصل

ولو حتى واحد في المليون
ماهية المرة دي بموتة, مافيهاش هزار

[ENG\AHMED]

ايوة انا شفت فعلا الللينك الصبح و فعلا انا شفت بساتم مواتير بتنزل فيها النقر دة علشان الصباب ما يلطش في البستم لو السير اتقطع, بس مش في كل العربيات
و على فكرة انا مرة اتقطع مني سير كاتينة الهوندا و ماجابتش صباب
و اعتقد مكانش في البستم الحفر الهلالي دة
ممكن حظ او ممكن تصميم غرفة الحريق فية مساحة بين اخر مشوار البستم و مشوار الصباب مايتصادموش

لو نسبة الانضغاط قليلة البستم مش هيوصل للصمام حتى لو مفيش تجويف فى اليستم

انا عارف ان ال Abs لو عطل (مش شغال) الفرامل بتشتغل عادي
انا باتكلم عن الخطأ في السوفت وير يعني لو عجلتين مسكوا و عجلتين مامسكوش
اكيد فية نسبة للخطأ ان دة ممكن يحصل
ولو حتى واحد في المليون
ماهية المرة دي بموتة, مافيهاش هزار

وممكن الفردة تفرقع والعربية تتقلب ومكن خرطوم زيت الفرامل يتقطع (اهى حاجة ملهاش دعوة بالسوفت وير خالص :D )
خطأ السوفت وير نسبتة قليلة وكمان بيعتمد على المبرمج والشركة المصنعة واكيد معمول حساب الاحتمالات دى كلها
الطيارة كلها سوفت وير وكمبيوتر من جوة عمرنا سمعنا عن طيارة وقعت علشان السوفت وير هيس او حصل فية حاجة :D الناس دى مش بتهزر وعاملين حساب كل حاجة وطبعا القدر والنصيب هو اللى هيحصل فى الاخر

[Adham]

بص يا سيدي والله انا عارف كل الكلام دة وواحد صاحبي (الأنتيم) مهندس في شركة بترول كبيرة شغلة اساسا الكونتول يونيت بتاع المعدات اتكلمنا مليون مرة بيحاول اقناعي و مافيش فايدة, انا مقتنع ان الاعطال الميكانيكية ليها مؤشرات و بوادر و علامات انذار مبكر و الاعطال في السوفت وير و الدوائر الاكترونية الكهربية مفآجأة و مالهاش اي بوادر انذار مبكر
و الخطأ فيها قاتل

[pointer]

بالنسبة للبلية متنساش ان الصمام بيريح "حركتة ترددية يعنى بيوقف حتى لو زمن قليل" عكس البلية هتفضل تدور على طول , كمان فى شوط الضغط الصمام واقف ومريح على وش السلندر انما البلية بتدور باستمرار وتجاة القوة المؤثرة نتيجة ضغط المكبس عكس اتجاة دورانها فى حين الصمام فى نفس الاتجاة تقريبا ودى اكيد هيأثر بشكل كبير على عمر البلية نتيجة الاحتكاك المستمر والاحتكاك تحت ضغوط ودرجات حرارة عالية وبالذات كمان مع السرعات العالية لأن سرعة البلية لازم تبقى متناسبة مع سرعة المحرك

هو ده اللي اقصده

بالنسبه لفتحه السلندر مض هتفوت ده لان البليه بتعمل سد تام
و نظام البليه ده يعمل بكفاءه فى الغلايات عند 500 درجه مئويه و 20 بار
انما اللى انا شايفه انها ممكن فعلا تشحط لو هى حديد
عشان كده انا بقول انها مش لازم تبقى حديد
و خامتها اختراع لوحده
ممكن تكون سيراميك او باكلايت مثلا

انا معاك وكمان في الغسالات الاوتوماتك بس مع الفارق انها ما بتلفش طول ما المحرك او الموتور شغال
كمان سواء حديد او غيره ممكن تشحط من الضغط بس بنسب مختلفه
كمان المشكله بتاعه الاحتكاك والبري

لكن الموضوع لو حصل فجأة خطا في السوفت وير او ان مقاومة مثلا او ترانزستور ضرب في كونترول يونيت (و دي واردة في اي وقت و بدون عمر افتراضي يعني ممكن بعد يوم او شهر او سنة) في ساعتها حايحصل مشكلة و حاتنعكس عالمحرك فورا و تسبب تلف ميكانيكي للأجزاء المتحركة بدون اي سابق انذار

وعلي شان كده قلنا علي وحده الحمايه
بس نحسبها اداء عالي و توفير في البنزين ثمن منخفض بعد انتشرها والصيني يشتغل
الاشياء الالكترونيه اسهل في التصنيع -يعني بتتصنع - الاجزاء الميكانيكيه صعبه التصنيع خصوصا السبايك بتاعتها -معضله- سر من اسرار الوطن ولا النووي
ممكن تشتري ال Chip من اي محل سوبرماركت مستقبلا طبعا وتركبه و تكمل المشوار طبعا ده مستحيل لو الكاتينه هاتقعد تبوس ايد المكانيكي علي شان يعبرك مش يصلحها و 3 ساعات علي الافل ولا اقول لك شيل Chip استبن
بالمناسبه حاسس ان كل اللي اشتركوا هنا مهندسين صح

[amir]

يا جماعه المهندس خالد او سبعاوي ده انسان بجد يندر وجوده في حياتنا العاديه و بجد لو حد قابله هتحس انك قصاد ابوك او اخوك الكبير و في نفس الوقت مش بتعالي او كده
سبعاوي انت انسان رائع و ربنا يباركلك و دايما للامام انت تستاهل كل خير و نيابه عن كل اعضاء المنتدي احب اقولك كتر الف خيرك و ربنا يباركلك في دنيتك و اخرتك

[amir]

الطيارة كلها سوفت وير وكمبيوتر من جوة عمرنا سمعنا عن طيارة وقعت علشان السوفت وير هيس او حصل فية حاجة :D الناس دى مش بتهزر وعاملين حساب كل حاجة وطبعا القدر والنصيب هو اللى هيحصل فى الاخر

انا معاك قلبا و قالبا في النقطه دي و احب ازود حاجه بخصوص الموضوع ده:
الي كل الذين لم يسعفهم الحظ السعيد و لم يتعاملو بأي شيء الا الويندوز, في عالم اخر من السوفت وير سواء نظام التشغيل operating system الي ال firmware و نسب الاخطاء و المشاكل تزداد مع كل ارتقاء للنظام الي ان تصل للحدود العظمي مع الويندوز
في عالم اخر اسمه linux و عالم تاني اسمه machintoosh و الاب الشرعي ال unix ده غير اشياء اخري لا ادري عنها سوي الاسم , و كل الاسماء دي لا توجد بها المشاكل المعتاده بتاعت الويندوز من تهنيج و كراشداون و خلافه
النهايه فليحيا عالم ال 0 1
بالمناسبه كان في مثل انجليزي هاكتبو زي ما هو و اللي يعرف يقراه صح يقراه و اللي مش هيعرف يبقي مفهمهوش!!
there are 10 kinds of people those who understand binary and those who dont

[M.Mokhtar]

انا للأسف من الناس اللي مش بيثق في انظمة التحكم الاكتروني في الفرامل ABSاو الثباتEBD و مقتنع تماما ان ممكن عطل الكتروني في دائرة التحكم (الكونترول يونيت) يسبلل مصيبة أو كارثة فورا
يعني تخيل مثلا حصل عطل في دائرة ال ABS وانت سيايق على سرعه 120 او حتى 70 و بتدوس فرامل علشان تهدي في ملف مثلاً و العطل دة سبب ان العجلتين اليمين مثلا مسكوا فرامل و العجلتين الشمال مامسكوش
البقية في حياتك تعيش انت يا حاج

اولا لو حصل اى عطل فى وحدة ال ABS الكنترول بيفصلها خالص وبتمشى بفرامل العربيه العادية
يعنى صعب 2 يقفشوا و 2 لأ عشان الكنترول عنده حساس لكل فرده ,لو حساس واحد مش شغال كويس هتلاقى لمبة ال ABS منوره ال ABS مش هيشتغل خالص

صحيح بالمناسبة في حد قاللي قبل كدة ان الاير باج مايفتح لو انت مش رابط الحزام اساساً

يعني فية حساس لفتح الاير باج ما يشتغلش الا لو دائرة الكهرباء بتقول ان الحزام مربوط
زي اللمبة اللي في التابلوة انك مش رابط الحزام كدة, لو اللمبة دي منورة يبقى الاير باج مايفتحش, مثلا يعني

بس ماعرفش مدى صحه المعلومة دي

فعلا النظام ده موجود لمراعة عدم فتح ال Airbag من غير لازمه
يعنى مثلا لو انت راكب العربيه لوحدك ملهاش لازمه الairbag بتاع اللى قاعد جنبك يفتح
توفير يعنى عشان انت عارف تكلفة اعادة النظام ده عالية اوى

ايوة انا شفت فعلا الللينك الصبح و فعلا انا شفت بساتم مواتير بتنزل فيها النقر دة علشان الصباب ما يلطش في البستم لو السير اتقطع, بس مش في كل العربيات
و على فكرة انا مرة اتقطع مني سير كاتينة الهوندا و ماجابتش صباب
و اعتقد مكانش في البستم الحفر الهلالي دة
ممكن حظ او ممكن تصميم غرفة الحريق فية مساحة بين اخر مشوار البستم و مشوار الصباب مايتصادموش
___________________________

انا عارف ان ال Abs لو عطل (مش شغال) الفرامل بتشتغل عادي

انا باتكلم عن الخطأ في السوفت وير يعني لو عجلتين مسكوا و عجلتين مامسكوش
اكيد فية نسبة للخطأ ان دة ممكن يحصل

ولو حتى واحد في المليون
ماهية المرة دي بموتة, مافيهاش هزار

رديت على الحتى دى
بس على فكره
بعد الشر طبعا وربنا يسترها معانا كلنا
ممكن وانت ماشى يطلعلك كلب بيهزر مع قطة يخلوك تهزر انت مع الشجرة :)

there are 10 kinds of people those who understand binary and those who dont

اليونكس والسولارى من اقوى الانظمة اللى ممكن تعتمد عليها
بس المفروض توضح للناس معنى المثل عشان مش كلهم عارفين ال binary code :)

[amir]

اليونكس والسولارى من اقوى الانظمة اللى ممكن تعتمد عليها

بس المفروض توضح للناس معنى المثل عشان مش كلهم عارفين ال binary code :)

و انا مش احسن من باقي الناس يدوبك اعرف a و b و مش فاكر كمان المعادلات و بتلخبط فيها بس بحاول كهاوي فقط لأني بحب الكمبيوتر جدا

[pointer]

علي كدا انا 110 (Binary) نقّص منهم 5 رقم من الاتنين دول

[farahat]

مبدئيا أنا سعيد جداً بهذا الموضوع المفيد
أولاً اشكر سبعاوي باشا على هذه المعلومة المفيدة جداً
ثانياً أحب أرد على شوية ملاحظات و تعليقات
١- بالنسبة لموضوع المواتير ال-direct injection دي حاجة مش جديدة أوي و موجودة من فترة و موجودة كمان في مصر في كذا عربية ، يمكن أشهرهم في مصر عربيات VW ذات المحرك FSI ذي باسات و AUDI و غيرهم .

٢- موضوع الصبابات ذات التحكم الكهربي في شركات كتير شغالة فيها من فترة يمكن أكتر من ١٠ سنين ، و المفروض إن BMW عندها نظام إسمه valve-tronic ،و دة عبر عن تحكم إلكتروني في توقيت فتح الصبابات، كمان مرسيدس كنت أعلنت من فترة طويلة إن ال- c-class موديل ٢٠٠٨ هيكون فيها نظم مشابه للتحكم في الصبابات

٣- فورد هي أول من قدم نظام إلكتروني للتحكم في الصبابات و توقيت الفتح و دة كان في موديل فورد F-150 من كذا سنة و مازالت مصرة على عمل نظام إلكتروني بالكامل للسيارات الصغيرة بس مسمعتش عن حاجة طلعت للنور

٤- الناس إلي خايفة من السوفتوير أحب أقول ليهم إن الموضوع مش بسيط و الناس دي مش بتلعب ، أولاً فيه حاجة اسمها fail-safe في كل البرامج إلي بتتعمل في الأجهزة إلي بتعرض حياه الناس للخطر (إلي بيسموها safety-critical systems ) ،و ليها محاذير و مقاييس كتير و الهدف إن الأجهزة دي لم تتعطل بتتوقف في حالة امنة على المستخدم
ببساطة كدة عمرنا ما سمعنا عن عربية إتقلبت بسبب عطل في ال-ABS ليه ؟... عشان الجهاز دة عبارة عن محابس بتفتح و تقفل على زيت الفرامل لم السوق بيدوس فرامل عشان تعمل تقطيع في أداء الفرامل عشان العجل ميعملش block يقفش يعني ، السوفتوير بيتحكم في فتح و قفل المحبس دي حوالي ١٥ مرة في الثانية ،
طب إفرض السوفتوير عدى كل المحاذير و برضه توقف (و دة من المستحيلات يعني يحصل مرة في المليون )، في الحالة دي بيكون الطبيعي إن المحابس دي بتتوقف كلها بس في حالة فتح (يعني مش هتعمل تقطيع بس مش هتقفش) و بكده هايشغل الفرامل عادي من غير مشاكل ،
و دة إلي بيحصل في كل وحدات الكنترول الإلكترونية في السيارة أو الطيارة أو ما في حكمها

٥- رد كمان على الناس إلي خيفة من الالقرنيات في العربية ، أحب أقول إن ذي ما في عربيات مستويات يعني BMW و مرسيدس و هوندا و في صيني ، هتلاقي نفس الدرجات في المكونات (بمعنى أوضح في ترانزستور درجة أولى و تانية و تالتة و بنسميهم military grade و automotive grade و industrial grade و أخيراً commercial grade و دي أقل درجة و موجودة في كل الأجهزة إلي بنستعملها في بيتنا و في حياتنا اليومية ، أما إلي في العربيات automotive grade دي عمرها أطول كتيير و اعطالها أقل بكتيييير و تستحمل مواصفات العربية )، و ماينفعش أي حاجة إركب في عربية إلا إذا كان من automotive grade

6- بالنسبة للنظام دة تحديداً (camless) هو مفيد جداً في توفير الوقود و زيادة قوة المحرك و ديناميكية التحكم في مواصفات الموتور و اداؤه ، و لكن للأسف تكاليفه أعلى كتير من تكاليف النظام المكانيكي و عمره أقصر

و أخيراً اشكر المهندس sab3awy مرة أخرى و اتمنى أكون أضفت معلومة مفيدة

[Defender]

شكرا يا أستاذ سبعاوى على الموضوع الرائع

ثانيا نفسي افهم الكلام اللي بتقال

الف شكر