وها قد اصبحت ماروتاوى-تقييم الماروتى بعد اول يوم

[nefart]

مبروك الماروتي يا باشمهندس وربنا يباركلكوا فيها وانا غالبا هاشتريها بعد المشاركات الي شفتها عن الماروتي لكن يا ريت تقولنا علي انطباعك عن العربية دائما و خصوصا اني اول مرة هاسوق وبصراحة مش عاوزة اتدبس

[sab3aawy]

السلام عليكم
انا كنت عايز اعرف هل السيارة 128 موديل 2009 اللى تمنها حوالى 40000 اغلى من الماروتي ب 2000 جنية بس اعتقد انها اكبر و 1300 و فيها شنطة و كدة ولا بردة الماروتى افضل منها ؟ انا عايز اشتري زيرو
و هل الماروتى سواقتها اسهل ؟ الدركسيون خفيف ؟
جزاكم الله خيرا

ال128 افضل للخدمة الشاقة، لكن الماروتى افضل للسيدات ولمن يفضلون القيادة السهلة، لأن قطر دوران الماروتى اقل وديريكسيونها اخف بشكل ملحوظ من ال128

يعنى لو شغلك فيه سفر كتير يبقى ال 128 افضل، لو بتحتاج شنطة كبيرة يبقى ال 128 افضل، لكن لو حركتك كلها فى وسط الميدنة وتهمك مسألة سهولة القيادة والمناورة تبقى الماروتى افضل

[noon_eg]

الف مبروك يا باشمهندس خالد على العربيه

الحقيقه انا بقى لى فتره محتار اشترى عربيه ايه لمراتى ( عندها حاليا 127 مو 84 بس زهقت منها ونفسها تركب عربيه احسن شويه - علما بانها لسه مش قوى فى السواقه وده مخوفنى اجيب لها حاجه قطع غيارها غاليه )

كنت باقارن بين 3 عربيات

1- ماروتى 800 سىسى فاضيه سعرها 38 الف
2- التو تكييف 800 سىسى سعرها 49 الف
3- اسبرانزا A113 سىسى1300 فل اوبشن سعرها 53 الف

النهارده نزلت معرض المصريه اللى فى كليه البنات علشان اسال على الاسعار واخدت المدام معايا علشان تجرب تقعد فى كل سياره وتشوف حجمها مناسب ليها من عدمه

مندوب المعرض قال لى الاتى

اولا الالتو مش موجود منها الا 1100 سىسى كامله فقط ( حسب معلوماتى موجود جميع الاختيارات منها )
ثانيا الاسبرانزا a113 مافيش واحده منها فى العرض !
ثالثا ممكن تشوف شيفورليه سبارك من بره فقط لانها متباعه !!
رابعا الماروتى موجوده ممكن تتفرج عليها

المهم حسيت انه مزود 3 او 4 الاف عن سعر اى عربيه
وحسيت انهم شويه حراميه وقمه فى قله الذوق والا مبالاه

قرفت سيبتهم ومشيت انا بافكر فعلا فى شراء من الوكيل مباشره كاش ولو تقدر تقول لى الرقم المختصر بتاعهم كام يبقى كتر خيرك

اخير هل لك ملاحظات على الالتو 800 سىسى تكييف ؟ ولا تنصحنى بايه ؟

[xylola]

ال128 افضل للخدمة الشاقة، لكن الماروتى افضل للسيدات ولمن يفضلون القيادة السهلة، لأن قطر دوران الماروتى اقل وديريكسيونها اخف بشكل ملحوظ من ال128

يعنى لو شغلك فيه سفر كتير يبقى ال 128 افضل، لو بتحتاج شنطة كبيرة يبقى ال 128 افضل، لكن لو حركتك كلها فى وسط الميدنة وتهمك مسألة سهولة القيادة والمناورة تبقى الماروتى افضل

مبببببببببببببببببببببببببرررررررررررررررروك الماروتي
أنا كمان معاية واحدة 2007 وي بحبها جداّ
وييييييي فعلان الدركسيون خفيف جداّ

بس مشكيلتي فيها التتتتتتتتتتتكيييييييييييف

فا بعد إذنك ناويييي تعمل ايه؟؟؟؟
هتركب تكيفففففففففففففففففف؟؟؟؟؟؟؟؟؟؟
ممكن تبقى تقولي

وكمان بنسبة لي قطع الغيار مش متوفرة اويييي في شارع دمششق!!!!!
فا اجيب من فين؟؟؟؟؟؟؟؟
التوكيل مش فيه كل جاجة
أنا عايزة مراية السواق علشان نزلت من الشغل لقيت واحد كسرها وميشيى
وتكون الأصلي يعني بتباعددد
أنا مركبة مرايا مكنها موقتاّ
فا لوسمحت ابقي اولي اعمل ايه

[sab3aawy]

الف مبروك يا باشمهندس خالد على العربيه

الحقيقه انا بقى لى فتره محتار اشترى عربيه ايه لمراتى ( عندها حاليا 127 مو 84 بس زهقت منها ونفسها تركب عربيه احسن شويه - علما بانها لسه مش قوى فى السواقه وده مخوفنى اجيب لها حاجه قطع غيارها غاليه )

كنت باقارن بين 3 عربيات

1- ماروتى 800 سىسى فاضيه سعرها 38 الف
2- التو تكييف 800 سىسى سعرها 49 الف
3- اسبرانزا A113 سىسى1300 فل اوبشن سعرها 53 الف؟

سيبك من المصرية-المصرية فى الكاش بحطوا ارقام غريبة وفى القسط بيسلموك لسيتى بنك اكبر جزار قروض فى العالم،ده غير ان ياما ناس استلمت منهم عربيات معيوبة

انا رأييى تجرب الوكيل الأول وتشوف لو عندهم العربية اللى انت عايزها بضاعة حاضرة زى ما انا عملت ، وهم عندهم انظمة تقسيط لو عايز قسط ولو هتدفع كاش ممكن يسلمك فى نفس اليوم لو تحب

مودرن موتورز الدقى تليفونهم المختصر 19055
أو الأرقام العادية :
37615231 - 37605366 - 37605365 - 37605364 - 37606347

واسأل هناك عن استاذ حسن سليم، هو اللى خلصلى الاجراءات وراجل محترم ومهذب جدا ، وممكن تقول له انك عرفته من نايل موتوز لأنه عارف نايل موتورز وعارفنى وعارف كريم منير ، وهو لو عندهم بضاعة حاضرة هيقول لك، ولو حجز هيقول لك هتيجى امتى

[mahamedaraby]

الف الف مبروك يا استاذ سبعاوى ربنا يبارلك فيها ويديك خيرها

[amirhamed]

سبحان الله العربية دي كله بيشكر فيها.
بس حكاية 3 سليندر دي مش قلق شويه ولا عادي وكمان ان مفيهاش اي كماليات.
سعرها الرسمي دلوقتي 38000 موديل 2009 زي مابيقولو.

[y_omran]

الف الف مبروك و ربنا يعطيك خيرها و يكفيك شرها

[Karim_Mohy]

mabrook ya sab3awy

[tarekkasaby]

الف مبروك ليك يا باشمهندس انت والمدام
ربنا يكفيك شرها يارب و يباركلك فيها

[freespoken]

هو بصراحة لو اى حد غيرك سأل السؤال ده كنت هقول انه بيضرب اسفين بينى وبين المدام

بس بما انى عارف علا كويس فانا متأكد من حسن النية

ولذلك هشرحلك الحيثيات

1- احنا عاوزين عربية قطع غيارها رخيصة لأن لسة عندنا مشكلة فى التمكن التام من السيارة
2-عايزين عربية صغيرة
3-عاوزين عربية قطع غيارها برة التوكيل ، مش كل ما المدام تطلع بيها فوق رصيف ولا تحرق اسطوانة دبرياج اروح احجز قطعة غيار من التوكيل يجيبوهالى بعد 49 سنة ، او احجز معاد صيانة الألفية اللى جاية، الحاجات دى تناسب خبراءالسواقة اللى مش متوقع منهم مشاكل كتير مع العربية
3-عاوزين عربية اثبتت نفسها فى السوق ومافيهاش مغامرات، يعنى كل العربيات الصينى كانت خارج حساباتنا
4- الفروق بين الماروتى والألتو كانت من وجهة نظرنا فى صالح الماروتى، لأن العشرة آلاف جنيه الفرق بين الماروتى، والألتو الفاضية اللى مافيهاش تكييف مقابل الشكل الخارجى الأحدث بدون اى تطوير فعلى فى السيارة سوى انها بقت انجكشن بدلا من كاربراتير، احنا لقينا اننا اولى بالعشرة آلاف دى، اما التكييف فبأذن الله هنركبه على دخلة الصيف القادم،(مع ملاظة ان الألتو ام تكييف تزيد فوق العشرتلاف تلات تلاف كمان) والحسبة ببساطة ان طالما ان الألتو ام محرك 800 سى سى بيركب لها تكييف يبقى الماروتى ام 800 سى سى يركب لها تكييف ، كما انها آمنة من جهة تركيب تكييف لأن لا حساسات ولا يحزنون ، اما ميزة الماروتى عن الألتو ان قطع غيار الماروتى عند البقالين
5-الفرق بين الماروتى وسيارات نفس الحجم من الشركات الاخرى ذات الأسماء التى يوثق فيها مثل الهيونداى والكيا فرق يشترى عربية تانية فبرضه لقينا اننا اولى بالفرق ده، خصوصا وان تمن الماروتى كان آخرنا فى الكاش وبعد كدة هنقسط، وانا بصراحة بتخنق من التقسيط واجراءاته ووجع قلبه، لأ انا افضل اجيب عربية كاش على قد فلوسى ووقت ما يجيلى تانى اعليها ،

تمام ياباشا انا جبت واحده من 10 ايام فقط
ونفس التقييم مظبوط ماعدا انك راكب مكنسه العربية ممتازه وإن شاء الله إن شاء الله ححافظ عليها لغاية ماسلمها لحد من عيالي زي مكان بيتعمل مع 127 و 128 بس حكاية التكييف انا رأي بلاش لأني لما دورت وسألت وشفت ردود الناس هنا كله مبينصحش بيه لأنه حيأثر علي الماتور سحب وعمر افتراضي
ومتنساش ان الألتو آه 800cc بس حصان أكبر حوالي 42 الي 46 حصان ده بيفرق وكمان الموتور انجكشن
ولكن.....
انا نسيييييت اقولك مبروك عليك وعلينا الماروتي
الأختيار الموفق العقلاني في الوقت الحاضر ولغاي ما.... اسلمها لحد من عيالي...

[fady]

سبعاوي :)

مبروووووووووووووووووووووووووووووووووووووك
و
مبروك ;)

[sab3aawy]

و
مبروك ;)

خليها فى سرك ديلوقت :)

[mohamed_kta]

السلام عليكم

مليون مبروك ليك و لزوجتك و ربنا يجعلها فى ميزان حسناتك لأنك بتفكر تريح زوجتك وده مهم لكل الناس المتزوجين .

أنا بس عايز أعرف منك تعقيباً على ما قولت أن الماروتى تصلح لمشاوير فى وسط البلد !!

طيب لو هروح بيها من أكتوبر لمدينة نصر يبقى كده مش تمام ؟؟؟؟؟؟

[sab3aawy]

السلام عليكم

مليون مبروك ليك و لزوجتك و ربنا يجعلها فى ميزان حسناتك لأنك بتفكر تريح زوجتك وده مهم لكل الناس المتزوجين .

أنا بس عايز أعرف منك تعقيباً على ما قولت أن الماروتى تصلح لمشاوير فى وسط البلد !!

طيب لو هروح بيها من أكتوبر لمدينة نصر يبقى كده مش تمام ؟؟؟؟؟؟

لسة عاملها امبارح، من مدينة نصر الى اكتوبر وبالعكس

العربية زى الفل الحمد لله ومتحسش منها بأى قصور فى الأداء على الطريق سواء فيما يتعلق بقوه المحرك او الثبات او الراحة(بس كل كلامى فى حدود100 كيلومتر فى الساعة لأنى بمشى اقل من 100 حاليا ومغظم الوقت مش اكتر من 80 لظروف التليين)، بس عموما من خبرة الناس اللى اعرفهم مافيش مشكلة منها نهائى فى الطوالى وعلى المدى الطويل لسنوات، احدى المعارف كانت بتروح بيها اسكندرية مرتين فى الأسبوع لسنوات علما بأن رجلها تقيلة جدا فى السواقة والعربية قعدت 12 سنة قبل ما تفوت منها، انا لما قلت وسط البلد كان قصدى انها اكثر عملية فى الزحام ، فيما لا يخل بقدرتها على السفر، لكن مبنصحش بالقرص، يعنى 100 كم/س حلو اوى ومتزودش عليهم الا لو هتتخطى حد، ومتعزقهاش فى التسارع لحد ما الموتور يرقع بالصوت، لو اتبعت الأسلوب ده هتعيش معاك لفترة طويلة حتى لو كل مشاويرك طوالى، بالاضافة الى انها فعلا بتشم البنزين، فهتكون مناسبة جدا للمشاوير الطويلة بدون كتر مصاريف