وها قد اصبحت ماروتاوى-تقييم الماروتى بعد اول يوم

[ibrahimsaad]

لسة عاملها امبارح، من مدينة نصر الى اكتوبر وبالعكس

العربية زى الفل الحمد لله ومتحسش منها بأى قصور فى الأداء على الطريق سواء فيما يتعلق بقوه المحرك او الثبات او الراحة(بس كل كلامى فى حدود100 كيلومتر فى الساعة لأنى بمشى اقل من 100 حاليا ومغظم الوقت مش اكتر من 80 لظروف التليين)، بس عموما من خبرة الناس اللى اعرفهم مافيش مشكلة منها نهائى فى الطوالى وعلى المدى الطويل لسنوات، احدى المعارف كانت بتروح بيها اسكندرية مرتين فى الأسبوع لسنوات علما بأن رجلها تقيلة جدا فى السواقة والعربية قعدت 12 سنة قبل ما تفوت منها، انا لما قلت وسط البلد كان قصدى انها اكثر عملية فى الزحام ، فيما لا يخل بقدرتها على السفر، لكن مبنصحش بالقرص، يعنى 100 كم/س حلو اوى ومتزودش عليهم الا لو هتتخطى حد، ومتعزقهاش فى التسارع لحد ما الموتور يرقع بالصوت، لو اتبعت الأسلوب ده هتعيش معاك لفترة طويلة حتى لو كل مشاويرك طوالى، بالاضافة الى انها فعلا بتشم البنزين، فهتكون مناسبة جدا للمشاوير الطويلة بدون كتر مصاريف

ماشاء الله لاقوه الا بالله

الف مبروك ياباشمهندس وربنا يبارك لك فيها ويديك خيرها ان شاء الله

والله انا كمان بفكر ابيع ال 128 واجيبها زيرو من كلامك وكلام الناس عنها لكن هى فى نظرى مشكلتها فقط فى الشنطه وانها صغيره سنه وكمان 800 سى سى فيما عدا ذلك هى ممتازه بكل المقاييس

[neverl00kback]

ربنا يديك خيرها ويبعد عنك شرها
وبصراحه كلامك عنها حببنى فيها اكتر
انا حاسه انى عايزه اشترى واحده كمان

بالنسبه لكلام الاستاذ noon_eg بخصوص المصريه التعامل معاهم فعلاً بشع وانا منصحش حد بيهم ابداً .انا متعاملتش معاهم غير عشان كان اللون اللى انا عايزاه عندهم ومش فى التوكيل وكمان كان السعر اقل من التوكيل ب 1500

[tamercc84]

الأخ ibrahimsaad
فعلا زى ما انت العربيه ممتازه بس الشنطه ضيقه لكن احب اطمنك ان ال800 سى سى مش وحش عليها عشان العربيه صغيره و مش هتحس انها 800 لا من ناحيه سحب و لا عزم بالعكس سحبها اكثر من رائع و هكذا العزم علما ان انا كنت راكب 128 قبل كده موديل 84 و كمان ريتمو و قبلهم بيجو 504 فلما ركبت الماروتى لقيتها عربيه محترمه فعلا
الاخ سبعاوى
الف مبروك على الماروتى انك جبتها و ان شاء الله تفضل تمام معاك على طول