تجربة غير تقليدية من قناه OTV

[mtema99]

+ 1000000000000000000000000

يعني بدل ما نعلم ولادنا لغة القرآن نعلمهم لغة الشارع ، وده طبعا مش فكرهم ده فكر الناس اللي عايزانا ننسلخ من لغتنا ونبدأ نتكلم باللغة الدارجة وواحده واحدة ننسنى اللغة اللي بنقرأ بيها قرآنا الكريم

لاحول ولا قوة إلا بالله .

معاك
بس يا رجاله
الرسول قال علينا عجم
و سيدنا المسيح عليهم السلام
حديث الرسول فيما معناه مش فاكر النص عجم مصر خير العجم
و سيدنا المسيح بورك عجم مصر

ليه منرجعش للغه القراان هي الاولى و اللغه القبطيه القديمه (الهيروغليفيه) لغه ثانيه زي اليابانيين و اليونانيين و صينيين

يبقى كده اخدنا احسن ما فالعجم من اجدادنا و احسن ما فالعرب اللغه و القراان و الاسلام

[Abu Aly]

وأنا مستني برضه

أنا مستنى تعقيبك يا أخ أبو على

يا جماعه الصبر و براحه علينا شويه ..فيه فيلم روعه فى القناة التانيه ( الحمدلله مش otv لحسن بعض الناس عندهم ارتيكاريا من القناه ديه ) .. فيلم Gone with the Wind .. قصة و تمثيل و اخراج روعه .. بكره لو ربنا ادانا عمر نحاول نناقش افكار الاخ Meza .. و تصبحوا على خير جميعا

[wawoo]

نحاول نكتب القرآن بالعامية علشان يعرفوا يقرأوه ؟؟

هو ده رأي حضراتكوا ولا أنا فهمتكوا غلط ؟؟؟

والله فكرة اننا نعمل ترجمة للقران بالغة العامية اذا كان دة حيخلى ناس اكتر تفهمة , اية المشكلة ما فى ترجمة للقران بالفرنسية و الالمانية , مافيش اى مشكلة .
انت نسيت الهدف الاساسى من اللغة , الهدف هو التواصل و التفاهم , يعنى انا لما اقول حاجة توصلك و تفهما زى ما انا عاوز اعبر عنها , انت كذلك لما تقول حاجة افهمها , توقلها بقى بالعامية بالفصحى بالهندى , قولها بالغلة اللى تعجبك المهم انى افهمك .
بالنسبة للقران لغة القران دى حاجة خاصة جدا و احنا مش بنتعلم العربية عشان نقراء القران , بدليل انهم فى تركية بيقرو القران برضو و هما ما بيعرفوش عربى اساسا و خد عندك ناس كتير كدة , القران دة كلام ربنا و ربنا مش بيتكلم عربى , هو القران نزل بالعربى عشان قريش تفهمة و مش كدة و بس دة كمان عشان يكون كلام معجزة بالنسبة ليهم , تخيل بقى هما فى قمة فصاحتهم و بلاغتهم مقدروش يكتبو كلمة زى القران و ربنا تحداهم فى انهم يكتبو اية منهة و مقروش بالرغم فصاحتهم .
فا القران لة ناسة اللى يقدرو يفهموة لينا ويقدرو يقولونلنا نقرائة ازى و دة مش محتاج انك تتعلم العربية الفصح .

و مافيش حاجة اسمها اللغة بتتطور للاحسن او للاسؤء فى حاجة اسمها مستوى الحوار يعنى انا ممكن جدا انى اتكلم معاك بمنتهى الادب و بالعامية , وممكن جدا اتكلم بمنتهى قلة الادب بالفصحى , مستوى الحوار و مستوى اللغة لا علاقة لة باللغة نفسها , دى حاجة ترجع لثقافة و اخلاق اللى بيتكلم , و شوف دلوقتى كمية الكلمات الانجليزية اللى اصبحت عربية , بيعنى مثلا محدش بيقول انا حافتح جهاز الحاسب الالى من جديد بيقول انا حعمل ريستارت للكوبيوتر , شوفت بقى انت فهمتنى ازى بالرغم ان كلمة ريستارت و كلمة كومبيوتر كلمتاين انجليزى ,
و حتلاقى فى للغة الانجليزية نفسها كلمات عربى و حتلاقى قى اللغة العربية كلمات تركى و هيلوفريفى كمان , هو دة اللى انا اقصدة بتطور اللغة , يعنى مافيش مانع يكون فى كلمات انجليزى و كلامات هندى حتى المهم انها تتفهم , هو المشكلة بس فى مستوى اللغة عامل ازى لما تكون انسان راقى و متحضر و مثقف اكيد مستوى الحوار بتاعك حيكون افضل و الناس حتفهم دة من كلامك سوءا كان عامية او انجليزى او يابانى حتى .
هو دة المهم فعلا اننا نرتقى بمستوى الحوار و دة بيجى بالثقافة و التعليم و القرائة و غيرة كتير.
واللغة فى الاخر هى انعكاس للمستوى الحضارى , يعنى احنا لو كنا صممنا و اخترعنا الكومبيوتر و سمناة كوكو كنت حتلاقى معظم الناس فى العالم بتقول علية كوكو برضو و سعتها حتلاقى الغة العربية باقيت دخلة فى كل اللغات , و كذلك الفنون , يعنى حتلاقى معطم الدول العربية ممكن يفهمو اللغة الاعمية بتاعتنا و يتكلمو بيها كمان و دة بسبب السينما و الافلام بتاعتنا انام العكس صعب بالنسبة لينا و هكذا .
يعنى فى النهاية اقصد ان مش اللغة بتاعتك هى البتفرض نفسها , اللى بيفرض نفسة هو منتجك و اللى حاجة اللى بتعملها و تاثر بيها فى الاخرين , وه دة اللى لازم نهتم بية و هو دة اللى حيحافظ على هويتنا فعلا , مش نشرة اخبار بالفصحى

[Abu Aly]

[/quote]

الهدف الاساسى من اللغة , الهدف هو التواصل و التفاهم
[/quote]

بديهيه نسيها الناس !! و هى لا تختلف عن البديهيات الرياضيه !! للاسف بقينا فى العالم العربى عايشين عصر نسيان
البديهيات اللى اصبحت مستقره فى العالم المتمدن ..

هو دة المهم فعلا اننا نرتقى بمستوى الحوار و دة بيجى بالثقافة و التعليم و القرائة و غيرة كتير.
واللغة فى الاخر هى انعكاس للمستوى الحضارى , يعنى احنا لو كنا صممنا و اخترعنا الكومبيوتر و سمناة كوكو كنت حتلاقى معظم الناس فى العالم بتقول علية كوكو برضو

و نتعلم و نتثقف و نخترع ليه ؟؟ .. كفايه الغرب يتعب و و يتعلم و يشتغل بهمه و احنا نأخد مخترعاته كلها : كمبيوتر -
تليفزيون - سياره - طياره - اجهزه طبية : اشعة - تحاليل - تكنولوجيا فى كل المجالات و عشرات الالوف من
المخترعات .... و بعد ده كله نقعد نشتم فى الغرب و سنين الغرب ... مره قريت لواحد من مفتيين الايام ده بتوع
الف فتوى و فتوى ان الله سخر لنا الغرب الكافر فى خدمتنا :D :D :D :D :D

يعنى فى النهاية اقصد ان مش اللغة بتاعتك هى البتفرض نفسها , اللى بيفرض نفسة هو منتجك و اللى حاجة اللى بتعملها و تاثر بيها فى الاخرين

عندنا منتج شغال ليل نهار .. الصوت العالى و الزعيق و السب و اللطم واتهام الاخرين بالتعصب و التأمر :D :D

[ahmed ismail]

يا جماعة مش عارف ليه بدات اتشائم من الموضوع ده يا ريت يتحذف فعلا عشان متحصلش مشاكل

[ahmed ismail]

عللى فكرة طلبى اللى قلته مش عشان الموضوع وحش او حاجه بس بصراحه الموضوع بدا ياخد اتجاهات تانية اخاف منها و نت عواقبها حفاظا على المنتدى

[Ahmed Samy]

الموضوع أساسا كان بسيط وخفيف
بس لما الناس (حشرت) فيه الدين و القرآن بدوم أي مناسبة قلب باللي احنا بنقراه من أسبوع ده
في كلام كتير اتقال صح وجاب مالآخر
كفاية بقى

[ahmed ismail]

الموضوع أساسا كان بسيط وخفيف
بس لما الناس (حشرت) فيه الدين و القرآن بدوم أي مناسبة قلب باللي احنا بنقراه من أسبوع ده
في كلام كتير اتقال صح وجاب مالآخر
كفاية بقى

على فكرة الدين محشور فكل حاجه فى حياتنا لسبب بسيط
{قُلْ إِنَّ صَلاَتِي وَنُسُكِي وَمَحْيَايَ وَمَمَاتِي لِلّهِ رَبِّ الْعَالَمِينَ} (162) سورة الأنعام

[Ahmed Samy]

مش قصدي المعنى ده

[Ahmed Samy]

الموضوع بيناقش تجربة جديدة بالعامية
فجأه قورنت بالفصحى
وفجأة البسنا الفصحى درع القرآن الكريم (وده مش سليم هنا لأن الموضوع لم يتطرق لتهديد القرآن ولم ولن يرقى لذلك)
و ايضا بدون مناسبة دخلت الطائفية بعنف في الحوار و دخلت من ناحية ضعيفة جدا مما يعتبر حشرا فعلا
والموضوع وصل للتنصل من العرب والعربية
ثم جلد الذات اننا مش نافعين

لييه دا كله
احنا -وأنا منكم- كبرنا الموضوع
وده قصدي

[CryptonX]

اي موضوع خاص بالتقسيط , بالتامين , باليجلار , بلغة او عمر افندي .. بيتحول الي حرام و حلال والدين في الحياة .. .

طبعا كل واحد حر في رأيه .. ولكن يا ريت رأي يفضل مناسب للموضوع الأصلي و هو اللغة العامية في قناة ... مش كل واحد عنده حاجة يقولها يقولها و خلاص .. دينا كانت او سياسة ..