عضو جديد فى منتدى تويوتا

[love_u_babe2008]

ببيع تويتا 2006

تم نقل مشاركتك كموضوع مستقل في البيع و الشراء

مشرف عام .4

[Dr_Smart]

الف مليون مبروك يا بشمهندس سبعاوي ... أحسنت الاختيار والله الكورولا عربية اكتر من ممتازه طول عمرها

ربنا يباركلك فيها ويديك خيرها ويكفيك شرها

[محمد عز]

الف مبروك ياباشمهندس سبعاوى

ياريت تحكى انطباعاتك عن التقفيل الجنوب افريقى

[HISHAM80]

Congratulations , waiting for an expert report

[sab3aawy]

استاذ سبعاوي بالنسبة للفتيس يه اخباره معاك لاني اعرف واحد كان يشتريها لكن جاب سيفيك
بالرغم من عشقه وعشق والده للكورولا بسبب مشاكل الفتيس وان سعر اعادة بيعها بقت قليلة بسسب الموضوع دا

الفتيس اللى كان عليه تعليقات من البعض هوالفتيس ال mmt ، وهو كان الخيار الوحيد المتاح فى موديلات 2008 و 2009 بالإضافة للفتيس اليدوى طبعا، لكن مع طرح موديلات 2010 تم طرح الفتيس الاوتوماتيك التقليدى كخيار ثالث، يعن انت لو بتشترى النهاردة لديك الخيار بين مانيوال واتوماتيك وmmt
وانا فضلت الاوتوماتيك العادى برغم انه اغلى الثلاثة ، لكن لأننى افضل البعد عن المغامرات قدر الاستطاعة فى مسألة شراء سياة

[Samir Elshahawy]

الفتيس اللى كان عليه تعليقات من البعض هوالفتيس ال mmt ، وهو كان الخيار الوحيد المتاح فى موديلات 2008 و 2009 بالإضافة للفتيس اليدوى طبعا، لكن مع طرح موديلات 2010 تم طرح الفتيس الاوتوماتيك التقليدى كخيار ثالث، يعن انت لو بتشترى النهاردة لديك الخيار بين مانيوال واتوماتيك وmmt
وانا فضلت الاوتوماتيك العادى برغم انه اغلى الثلاثة ، لكن لأننى افضل البعد عن المغامرات قدر الاستطاعة فى مسألة شراء سياة

باشمهندس / خالد

طيب أيه رأيك أو تقييمك للفتيس ال mmt و هل هو وحش فعلا زي ما الناس قالت و لا هما اللي مش متعودين عليه ؟

مع خالص تحياتي و عميق تقديري
م/ سمير الشهاوي

[Imhotep]

وانا فضلت الاوتوماتيك العادى برغم انه اغلى الثلاثة ، لكن لأننى افضل البعد عن المغامرات قدر الاستطاعة فى مسألة شراء سياة

ياه حتى الخبراء لهم مخاوفهم عند شراء السيارات..... الواحد كده يحس بالمشاركة الوجدانية :)

[Imhotep]

نقطة اخرى يا ابا السباع...... عرفنا اسبابك لتفضيل الكورولا على السيفيك..... لكن ما هى اسبابك لتفضيل الكورولا على الاوكتافيا؟

[Migo123]

منسيتهوش ولا حاجة ، لكن هو لو قارنت سعر السيارة بسعر مثيلاتها من الماركات المقابلة من نفس البلد (سعر التوكيل سواء للكورولا او لمثيلاتها)
هتلاقى ان الكورولا ب 145 ألف، اللانسر شارك اوتوماتيك بنفس فئة الكماليات ب 140 ألف، سيفيك نفس فئة الكماليات ب 150 ألف، سوبارو امبريزا نفس فئة الكماليات ب 144 ألف، وبالتالى فأن فكرة ان هناك نقودا تدفعها فط لحيازة شئ يحمل علامة تويوتا لكى تثبت انك ناجح فى الحياه غير قائم حاليا نظرا للمنافسة الشرسة التى تلقاها السيارة من هوندا سيفيك تحديدا، وعلى ذلك فمن الممتع ان تكون ناحجا فى الحياه دون ان تدفع 20 ألف جنيه ثمنا لذلك كما هو الحال حاليا، وللا ايه رأيك؟

بصراحه انا لسه عند رأيي في ان اسعار الياباني في مصر مبالغ فيها جدا
مش معنى ان المنافسين اسعارهم زادت ان الكورولا بقت بسعرها الحقيقي
طيب بغض النظر عن فكره الفتيس الاتوماتيك بص على فيات لينيا وشوف الكماليات والسعر دلوقتي هتلاقي كماليات أعلى بكتيير وبفرق سعر 35 الف جنيه (لينيا تربو جميع الكماليات) ... بص على الميجان اللي ب 145 وقارن الكماليات ... بص على الجيتا اول فئة ب 150 تقريبا وقارن .........
انا مش بشكك في اختيارك للكورولا :b4_388:..... بالعكس انا عندي رأي انها من اقوى واريح اللعربيات في فئتها ........ بس لو على سعرها ... لسه برضه مبالغ فيه

[bishoo33]

ألف ألف ألف مبروك
ربنا يكفيك شرها ويملهالك بركة وتكون فتحة خير عليك وعلى الأسرة
على فكرة يبدو وانك وقعت فى حب اليابانى واه منهذا الحب
أعرف والد صديق لى لم ولن يركب الا اليابانى لأقتناعه التام بأن اليابانى هوالجميل السهل الممتنع وليس الأوربى الجميل ولكن معقد تكاليفا وصيانه
والله العظيم فرحتلك كأنى انا اللى أشترتها
والف مبروك لمنتدى التويوتــــــــــــــــــــــــــــــــــا لأنضمام الking سبعاوى لكم

[CryptonX]

الف مبروك يا استاذ سبعاوي ,

انا توقعت كدة في موضوعك الاخر لما قلتلك ان الاوكتافيا و السيفيك في الاول بس الكورولا هي الوسط كاختيار عائلي و شايفها انسب ليك :) .

يارب يجعلها فتحة خير عليك و عقبال المنتدى كله :) .

--

حضرتك شفت ال 1400 سي سي بتاعة الكورولا ؟ و هل استبعدتها و شايفها مش مناسبة ؟

[Sharky]

الف مبروك يا خالد باشا

ربنا يبارك لك فيه

[Moh.Abdelbaset]

الف مبروك يا بشمهندس خالد
ربنا يبارك لك فيها ويفكيك شرها

[sab3aawy]

باشمهندس / خالد

طيب أيه رأيك أو تقييمك للفتيس ال mmt و هل هو وحش فعلا زي ما الناس قالت و لا هما اللي مش متعودين عليه ؟

مع خالص تحياتي و عميق تقديري
م/ سمير الشهاوي

هو الجير الى mmt اختلفت فيه الآراء، ما بين اقصى اليسار الذى يرى ان ال mmt هو سقطة تكنولوجية لتويوتا واقصى اليمين الذى يرى ان ان الmmt نجاح ساحق لتويوتا لكن احنا اللى مش فاهمينه، أما الأمر الذى يختلف عليه اقصى اليسار واقصى اليمين هو ان الmmt مفهوم مختلف للقيادة يختلف عن مفهوم الجير الأوتوماتيكى الكوكبى التقليدى، بمعنى ان قيادته اقرب لقيادة المانيوال من قيادة الأوتوماتيك، او بشكل اخر كانه مانيوال بدون دبرياج ويمكنك ان تحوله الى مود يقوم فيه بالنقل طبقا لضغطتك على البنزين، لكن فى كل الاحوال انت اللى بتتحكم فى النقلة بشكل كبير جدا، وبالتالى فان التعامل معاه ليس سهلا لمعتادى الفتيس الأوتوماتيك بطريقة دوس بنزين تمشى دوس فرامل تقف، لكن هو محتاج لمن يحب القيادة ارياضية ولديه حساسية عالية لمفهوم النقل والغيارات، وانا اتصور ان تويوتا طورت هذا الجير فى الأساس للأوروبيين، عاشقى المانيوال كارهى الأوتوماتيك ، واللعبة تعتمد بشكل كبير على قدرة السوفت وير الموضوع على محاكاه مطالب سائق السيارة، لكن يبدو ان السوفت وير الذى ظورته تويوتا ومعدات نقل الحركة احيانا ما لا تعطى الاستجابة التى يتوقعها السائق، على الأقل فى موديل 2008 الذى قمت انا بتجربته،ولذلك فهناك سائقين يتآلفون مع هذا الجير ويحفظون ردود افعاله ويسعدون به وهم بالأساس من محبى القيادة الرياضية، وهناك من لا يتآلفون معها وهؤلاء بالأساس من يبحثون عن مواصلة ناعمة هادئة مريحة سهلة القيادة تحملهم من البيت الى العمل وبالعكس

ده ملخص القصة من وجهة نظرى

[Eslam.Elrefaey]

ألف مبروك يا سبعاوى