صيدلية المنتدى ..كل مايخص الأدوية المصرية

[misoalex]

الدورميفال ..مضاد للأرق ومنـــــــــوم
الشريط بـ 2 جنيه ..لكن مش مُدرج ضمن أجوية الجدول
علشان كده
ناس كتير مش بيأثر معاها الدورميفال.

طب ايه اعراضه والخطوره من استعماله يا د احمد
انا نفسى فى حاجه كده تفصل تفكيرى

[AlmAhAtmA]

في البدايه احب احيي حضرتك علي الموضوع الجميل ده
من خلال بعض الفحوصات تبين اني عندي كلسترول و سكر
و بدات مرحله العلاج بالادويه التاليه

Liptor
Lipanthyl
Omega 3 plus
Neurobion
Mixtard

غيرت ال Neurobion المصري بالمستورد منه
يا تري عند حضرتك اي اقتراح بتغيير منتج مكان تاني لاسيما في الفيتامينات
و محتاج حاجه للعنايه بالقدمين زي كريم او اسبراي لان بحس ان رجلي مجهده

و جزاك الله كل الخير

[eng.octooo]

دكتور احمد خالوووووو

(اتصلت عليك اكتر من مرة بعد مقابلة اليكس بس ماردتش )

اممممممم طبعا انت عارف انى رفيوع اوىىىىىىى و هدومى واسعة جدااا عليا ههههه وانا دلوقتى ماشى فى رجيم بس مفيهوش الفيتامينات والمواد المهمة والدكتور كل مرة يقولى مش هاكتبلك على فيتامين غير لما تتعب (وانا مش هاستناة لانة مدينى ريجيم غبى واكييد هاتعب) ومانعنى من الشيكولاتة والقهوة وبقالى كام يوم هاموت وادوقهم بس هاستحمل علشان اخس ...قصدى اتخن هههههههه
فكنت عاوزك تقولى على دواء او مجموعة يكون فيهم كل الفيتامينات والمعادن المهمة للجسم بحيث ان اعتمادى الاساسى فى فترة الريجيم يكون عليها ؟

اية رأيك ...اة وعمرو عباس بيسلم عليك

[tahayt]

شكرا يا دكتور احمد على الموضوع المفيد جدا
لو سمحت انا عاوز اعرف هل الفيلوسيف velosef مناسب تاخدة الام فى فترة الرضاعة و كذلك الكاتافلام و جزاك الله كل خير

[A7MED_PHARMA]

طب ايه اعراضه والخطوره من استعماله يا د احمد
انا نفسى فى حاجه كده تفصل تفكيرى

حاجة تفصلك؟؟؟
الحاجات إلي بتفصل ..بتكون غالبا من أجوية الجدول ..المحظور بيعها بدون روشتة طبيب.
ودي مش هتعرف تشتريها من أي صيدلية ..إلا لو كان الصيدلي معرفة
زي
الزولام
والكالميبام
وال زاناكس(المدمنين بيسموه سبراكس)

.

في البدايه احب احيي حضرتك علي الموضوع الجميل ده
من خلال بعض الفحوصات تبين اني عندي كلسترول و سكر
و بدات مرحله العلاج بالادويه التاليه

liptor
lipanthyl
omega 3 plus
neurobion
mixtard

غيرت ال neurobion المصري بالمستورد منه
يا تري عند حضرتك اي اقتراح بتغيير منتج مكان تاني لاسيما في الفيتامينات
و محتاج حاجه للعنايه بالقدمين زي كريم او اسبراي لان بحس ان رجلي مجهده

و جزاك الله كل الخير

بالنسبة للعقاقير المحتوية على فيتامين b المركب
كلهم تقريبا نفس التكوين ..والتركيب ..والتغيير بينهم مش هيفرق كتير

..بالنسبة لموضوع إجهاد الرجل
ياريت تفاصيل أكتر ....

دكتور احمد خالوووووو

(اتصلت عليك اكتر من مرة بعد مقابلة اليكس بس ماردتش )

اممممممم طبعا انت عارف انى رفيوع اوىىىىىىى و هدومى واسعة جدااا عليا ههههه وانا دلوقتى ماشى فى رجيم بس مفيهوش الفيتامينات والمواد المهمة والدكتور كل مرة يقولى مش هاكتبلك على فيتامين غير لما تتعب (وانا مش هاستناة لانة مدينى ريجيم غبى واكييد هاتعب) ومانعنى من الشيكولاتة والقهوة وبقالى كام يوم هاموت وادوقهم بس هاستحمل علشان اخس ...قصدى اتخن هههههههه
فكنت عاوزك تقولى على دواء او مجموعة يكون فيهم كل الفيتامينات والمعادن المهمة للجسم بحيث ان اعتمادى الاساسى فى فترة الريجيم يكون عليها ؟

اية رأيك ...اة وعمرو عباس بيسلم عليك

شوف يابوحميد
في أنواع أدوية كتير ممتازة جدا ..زي الخميرة الطبية
ودي بتتكتب كتير في روشتات التخسيس ..علشان فيها كميات كبيرة من الفيتامينات والبروتينات..
بس الأفضل
العسل الطبيعي ...والفواكه ..والخضار

شكرا يا دكتور احمد على الموضوع المفيد جدا
لو سمحت انا عاوز اعرف هل الفيلوسيف velosef مناسب تاخدة الام فى فترة الرضاعة و كذلك الكاتافلام و جزاك الله كل خير

الفيلوسيف(سيفرادين) ..بينتمي لمجموعة السيفالوسبورين
لم يثبت ضرره على الجنين في فترة الحمل ..والإستعمال يكون للضرورة

الكتافلام(ديكلوفيناك بوتاسيوم)..مسكن قوي
لم يثبت ضرره على الجنين أثناء فترة الحمل .أو الرضاعة في الشهور الثلاثة الاولى من الحمل
والأكثر أمانا منه ..أي عقار يحتوي الباراسيتامول
علشان أمن تماما
زي ..سيتال ..بارامول ..باراسيتامول ..بيرال ..سيتافين ...إلخ


.

[أبو صلاح]

ايه ريك يا دكتور في الادوية دي للتخسيس (معلش هكتبها عربي علشان مش حافظها انجليزي)
1.سيبوترم الشريط ب 19
2.ميرتي تقريبا الشريط ب 12او 24
3هاي كروم الشريط ب 12 او 24

[A7MED_PHARMA]

ايه ريك يا دكتور في الادوية دي للتخسيس (معلش هكتبها عربي علشان مش حافظها انجليزي)
1.سيبوترم الشريط ب 19
2.ميرتي تقريبا الشريط ب 12او 24
3هاي كروم الشريط ب 12 او 24

السيبوتريم كويس أوي ..ناس كتير جربته
بس المهم
والأهم يا أبوصلاح
النظام الغذائي ..من غيره
ولا كأنك عملت حاجة

[أشرف العدوي]

دكتور احمد انا كنت سالأت على دواء قبل كدة و انت حلقتلي
سمعت اعلان عن عقار منزلاه شركة فايز للأقلاع عن التدخين بس ما قلوش أسمه في الاعلان ( كان بيجي على الأف أم )
عايز اعرف هو عبارة عن ايه و سعره كام و فعال فعلاً و لا هجص و ليه أثار جانبية و لا لاء ( يعني مثلاً مش ابطل السجاير أبقى مدمن عقار و امش بالأزازة في جيبي و العربية )
كدة يعني
ياريت ما تحلقليش جامد علشان المرة الي فاتت جبتهالي زيرو

[A7MED_PHARMA]

دكتور احمد انا كنت سالأت على دواء قبل كدة و انت حلقتلي
سمعت اعلان عن عقار منزلاه شركة فايز للأقلاع عن التدخين بس ما قلوش أسمه في الاعلان ( كان بيجي على الأف أم )
عايز اعرف هو عبارة عن ايه و سعره كام و فعال فعلاً و لا هجص و ليه أثار جانبية و لا لاء ( يعني مثلاً مش ابطل السجاير أبقى مدمن عقار و امش بالأزازة في جيبي و العربية )
كدة يعني
ياريت ما تحلقليش جامد علشان المرة الي فاتت جبتهالي زيرو

معلش يا أبو آسر
الواحد دماغه وارمة ..بالنسبة لموضوع عقار شركة فايزر ..هسألك عليه في الشركة المصرية لتجارة الأدوية
وهوا غالبا هيكون لسه مانزلش السوق ..أو نزل بشكل بسيط
علشان يدرسوا السوق بتاعه الأول ..قبل طرحه

عموما
إستنى مني رد

[أشرف العدوي]

معلش يا أبو آسر
الواحد دماغه وارمة ..بالنسبة لموضوع عقار شركة فايزر ..هسألك عليه في الشركة المصرية لتجارة الأدوية
وهوا غالبا هيكون لسه مانزلش السوق ..أو نزل بشكل بسيط
علشان يدرسوا السوق بتاعه الأول ..قبل طرحه

عموما
إستنى مني رد

شاكر ليك جداً لأهتمامك
و مستني ردك

[A7MED_PHARMA]

أبو آســـر


العقار الجديد إسمه التجاري (شانتكس)
والمادة الفعالة بتاعته إسمــــــــها (فارينيكلين)
........بيشتغل إزاي؟
الموضوع صعب شوية وطويل
لكن ببساطة مُطلقة

النيكوتين بيدخل على مستقبلات خاصة إسمها الفا 4..وبيتا 2
وده بيسبب تأثير الإستمتاع بالنيكوتين
...العقار الجديد بتاع الشركة العملاقة فايزر
المادة الفعالة بتدخل تمسك في المستقبلات دي ..وبالتالي بتحس بنفس الشعور بالإستمتاع أو الإرضاء إلي بيحصل لما تدخن سيجارة
وبالتالي
بتفقد الرغبة في إنك تولع السيجارة


...
دي معلومات بسيطة عنه
وطبعا تمت الموافقة عليه من هيئة الرقابة على الأدوية
والعقار غير متوفر غير بالصيدليات الكبرى ...وماعنديش معلومات عن سعره

ونسبة نجاحه كانت حوالي 44 % لعينة من المدخنين
وطبعا مع وجود بعض الأثار الجانبية البسيطة نتيجة إنسحاب النيكوتين من الجسم

..والله أعلم..

[أشرف العدوي]

أبو آســـر


العقار الجديد إسمه التجاري (شانتكس)
والمادة الفعالة بتاعته إسمــــــــها (فارينيكلين)
........بيشتغل إزاي؟
الموضوع صعب شوية وطويل
لكن ببساطة مُطلقة

النيكوتين بيدخل على مستقبلات خاصة إسمها الفا 4..وبيتا 2
وده بيسبب تأثير الإستمتاع بالنيكوتين
...العقار الجديد بتاع الشركة العملاقة فايزر
المادة الفعالة بتدخل تمسك في المستقبلات دي ..وبالتالي بتحس بنفس الشعور بالإستمتاع أو الإرضاء إلي بيحصل لما تدخن سيجارة
وبالتالي
بتفقد الرغبة في إنك تولع السيجارة


...
دي معلومات بسيطة عنه
وطبعا تمت الموافقة عليه من هيئة الرقابة على الأدوية
والعقار غير متوفر غير بالصيدليات الكبرى ...وماعنديش معلومات عن سعره

ونسبة نجاحه كانت حوالي 44 % لعينة من المدخنين
وطبعا مع وجود بعض الأثار الجانبية البسيطة نتيجة إنسحاب النيكوتين من الجسم

..والله أعلم..

شكراً لتعبك و أهتمامك يا دكتور
ربنا يجعله في ميزان حسناتك

[حاتم سليم]

موضوع مفيد و محترم

شكراً د. أحمد ...

[lido_pink2000]

يا دكتور انا ابنى عندة سنةو نص و عندة دايما التهاب فى الاذن الوسطى و بياخد مضادات حيويه بصورة فظيعة يعنى تقريبا اخد 10 انواع فى 6 شهور و اخر مرة اخد اوجمنين هل المضاد دة كويس و هل كترة المضادات فى مشكلة و ايه الحل؟

[A7MED_PHARMA]

يا دكتور انا ابنى عندة سنةو نص و عندة دايما التهاب فى الاذن الوسطى و بياخد مضادات حيويه بصورة فظيعة يعنى تقريبا اخد 10 انواع فى 6 شهور و اخر مرة اخد اوجمنين هل المضاد دة كويس و هل كترة المضادات فى مشكلة و ايه الحل؟

من أهم أسباب تأخر الطب في مصر حبيبتنــا
إن الدكاترة بيحفظوا كام نوع دوا .. وبيكتبوهم لأي حد
ولو كتب نوع ..وماحصلش التأثير المطلوب
يكتب له مضاد حيوي تاني
ولو ماإشتغلش
يكتب نوع تالت ..ورابع ..وخامس
......................
وطبعا دي مهزلة بأي مقياس متحضر

المفروض إن إبن حضرتك يعمل مزرعة في معمل محترم
علشان يعرف نوع المضاد الحيوي إلي بيأثر معاه ..وهيجيب النتيجة المطلوبة

وطبعا
المضادات الحيوية الكتير بتقلل من مناعة الجسم ..وبتقلل من فعالية المضادات الحيوية دي بعد كده
وطبعا
المضاد الحيوي -زي أي عقار- لازم بيكمل دورته في الكبد
وده طبعا بيكون overload على الكبد


..والله أعلم..