صيدلية المنتدى ..كل مايخص الأدوية المصرية

[misoalex]

حاجة تفصلك؟؟؟
الحاجات إلي بتفصل ..بتكون غالبا من أجوية الجدول ..المحظور بيعها بدون روشتة طبيب.
ودي مش هتعرف تشتريها من أي صيدلية ..إلا لو كان الصيدلي معرفة
زي
الزولام
والكالميبام
وال زاناكس(المدمنين بيسموه سبراكس)

ينهار ابيض ايه كل ده
هى المشكله مش فى على الجدول (احنا الحكومه بتاعتنا والدفاتر فى ادينا هههههههه انت نسيت يا دكتور)
بس هى المشكله فى الكارثه اللى وراء الادويه دى

لا يعم انا كده كويس
ولما احب افصل حبقى ادخل نايل موتورز :)

[pro_samir]

طب ايه اعراضه والخطوره من استعماله يا د احمد
انا نفسى فى حاجه كده تفصل تفكيرى

بسيطة يا ميسو شوف أي من اصحابك يكون بيحب يخدم وخلية يخبطك بحاجة علي دماغك هتفصل خالص ههههههههههههه



لا مؤاخذة يا دوك

فعلا الواحد مبقاش عارف يعمل اية .. عايز حاجة تنيم وحاجة للأكتئاب وحاجة للتركيز وحاجة للـ.. لا مش انا

علية العوض ، معندكش استمارات 6 ؟

[eng.octooo]

شوف يابوحميد
في أنواع أدوية كتير ممتازة جدا ..زي الخميرة الطبية
ودي بتتكتب كتير في روشتات التخسيس ..علشان فيها كميات كبيرة من الفيتامينات والبروتينات..
بس الأفضل
العسل الطبيعي ...والفواكه ..والخضار

شكرااااااااااااااااااااااااااااااااااااااااااااااا اا

هانزل النهاردة اسأل عن الخميرة دى وهاروح افتح التلاجة ادور فيها على العسل (بس يارب مالقيش حاجة تانى تخلينى اسيب الريجيم والعسل هههههه)

شكرا خالوو

[misoalex]

بسيطة يا ميسو شوف أي من اصحابك يكون بيحب يخدم وخلية يخبطك بحاجة علي دماغك هتفصل خالص ههههههههههههه



لا مؤاخذة يا دوك

فعلا الواحد مبقاش عارف يعمل اية .. عايز حاجة تنيم وحاجة للأكتئاب وحاجة للتركيز وحاجة للـ.. لا مش انا

علية العوض ، معندكش استمارات 6 ؟

هههههههههههههه
كده عاوز تفصلنى نهائى مااااااااااشى
شكلك عاوز تفضى مقابله اسكندريه الجايه عشان تهيص براحتك

طب سؤال يا دكتور بعد ازنك هو هل فعلا الفسفور ده موجود فى الاسماك والحاجات دى ولا ده مفهوم خاطى
وماهو الفسفور وما هى فوائده (هل ليه اسم تانى غير الفسفو اسم علمى يعنى)

[A7MED_PHARMA]

طيب
من باب التجديد...
معلومات صيدلانية

من أفضل المسكنات لألام الظهر وإلتهاب اللوزتين والآم المفاصل والمغص الكلوي
أي مادة بتحتوي على الديكلوفيناك(صوديوم أو بوتاسيوم)

زي ( كتافلام ..ديكلوفين ..أولفين ..دولفين .. إلخ)
ودي بتكون فعالة جدا جدا ..أنا جربتها شخصيا في حالة إلتهاب اللوزتين
ربع ساعة بالظبط ..وماتحسش بيها خالص

...
وإن شاء الله هعمل مسلسل كامل-إن شاء الله- عن معظم الأدوية الصيدلانية وكيفية عملها

...
الحلقة الجاية
أدوية الكحة والأزمة التنفسية ..وطوارد البلغم

[Moh.Fahmy]

في البدايه احب احيي حضرتك علي الموضوع الجميل ده
من خلال بعض الفحوصات تبين اني عندي كلسترول و سكر
و بدات مرحله العلاج بالادويه التاليه

liptor
lipanthyl
omega 3 plus
neurobion
mixtard

غيرت ال neurobion المصري بالمستورد منه
يا تري عند حضرتك اي اقتراح بتغيير منتج مكان تاني لاسيما في الفيتامينات
و محتاج حاجه للعنايه بالقدمين زي كريم او اسبراي لان بحس ان رجلي مجهده

و جزاك الله كل الخير

مش معقول المهاتما هاني ادم رجع تاني بعد الغيبة الطويلة دي
حمدا لله علي سلامتك هاني باشا - فينك ..واحشنا كتير و الله
الف سلامة عليك يا شقيق و طهور ان شاء الله
يا ريت نشوفك في المقابلة الجاية في اسكندرية ان شاء الله
اعتذاري لدكتور احمد اني خرجت عن الموضوع بس الراجل ده واحشني جدا و بقاله فترة مش ظاهر و هو يعتبر من قدماء المنتدي يعني الرعيل الاول

[eltorky]

بعد أذنك يا دكتور أحمد أنا بدور علي حقن بقالي فترة كدة حوالي شهرين و مش لاقيها معأنها كانت متوفرة قبل كدة فمش عارف هل الشركة بطلت انتجها ولا أية اللي حاصل بظبط ياريت تدليني هل هي فعلا اتوقف انتجها ولا هيا ناقصة و هاترجع تاني ولا هيا الشركات بتتعامل في الحلات اللي زي دية بأنهي منطق ؟ هي حقن سوستانون و شكرا جزيرااا ليك علي خدمتك للمنتدي

[A7MED_PHARMA]

ده حال الأدوية في مصر
كل فترة تلاقي نوع دوا ينقص من السوق ..والصيادلة تضطر تشتريه بسعر بيعه للجمهور
يعني الصيدلي يكون مكسبه صفــر
.
حقن السوستانون طبعا كانت نقصت فترة هيا والديكاديورابولين
وإتوفرت تاني
ونقصت تاني
وإتوفرت تاني


إنت ممكن تستخدم السيدوتيستون بدالها

[eltorky]

ده حال الأدوية في مصر
كل فترة تلاقي نوع دوا ينقص من السوق ..والصيادلة تضطر تشتريه بسعر بيعه للجمهور
يعني الصيدلي يكون مكسبه صفــر
.
حقن السوستانون طبعا كانت نقصت فترة هيا والديكاديورابولين
وإتوفرت تاني
ونقصت تاني
وإتوفرت تاني


إنت ممكن تستخدم السيدوتيستون بدالها

ياعني هيا بدأت تتوفر تاني دلوقتي يا دكتور أحمد ؟؟ بس للاسف مش متوفرة في القاهرة خالص

[A7MED_PHARMA]

للأسف مش متوفرة اليومين دول..

حظك كده بقا

[eltorky]

للأسف مش متوفرة اليومين دول..

حظك كده بقا

تسلالملي يا دكتور

[Moh.Fahmy]

دكتور احمد ...صباح الفل
انا بحكم عملي و نشاطاتي و طبعا بتكلم كتير فدايما بيجيلي التهاب في الاحبال الصوتية و الحمد لله الدور ده بقاله اكتر من 3 سنين ما بيجيش لكن اليومين دول انا حاسس ببعض اعراضه و ظروف العمل و مشغوليات الحياة تحول دون الذهاب الي طبيبي
لذلك قولت اشتري العلاج اللي كان كاتبه و هو بخاخ pulmicort و بجانب روني برو و بكل اسف لم اجد البخاخ و لفيت عليه صيدليات كتير جدا لغاية لما صيدلي اخبرني انهم بطلوا يصنعوه و بيصنعوا بدلا منه نوع تاني به نفس المواصفات و المادة الفعالة و اسمه symbicort و الغرض رفع السعر فقط فالنوع الاول كان سعره 46 جنيه و النوع الجديد سعره 95 جنيه
فأيه رأي حضرتك لاني اشتريته و فوجئت ان النشرة الداخلية مكتوبة بالتركي و مش فاهم منها اي حاجة و كمان مش عارف استخدم البخاخ و كلمتهم في الصيدلية و اخبروني انهم حيدوني نشرة انجليزية غدا ان شاء الله لكن قولت استفسر من حضرتك هل فعلا مافيش فرق بين الاتنين

و جزاك الله كل خير

[A7MED_PHARMA]

دكتور احمد ...صباح الفل
انا بحكم عملي و نشاطاتي و طبعا بتكلم كتير فدايما بيجيلي التهاب في الاحبال الصوتية و الحمد لله الدور ده بقاله اكتر من 3 سنين ما بيجيش لكن اليومين دول انا حاسس ببعض اعراضه و ظروف العمل و مشغوليات الحياة تحول دون الذهاب الي طبيبي
لذلك قولت اشتري العلاج اللي كان كاتبه و هو بخاخ pulmicort و بجانب روني برو و بكل اسف لم اجد البخاخ و لفيت عليه صيدليات كتير جدا لغاية لما صيدلي اخبرني انهم بطلوا يصنعوه و بيصنعوا بدلا منه نوع تاني به نفس المواصفات و المادة الفعالة و اسمه symbicort و الغرض رفع السعر فقط فالنوع الاول كان سعره 46 جنيه و النوع الجديد سعره 95 جنيه
فأيه رأي حضرتك لاني اشتريته و فوجئت ان النشرة الداخلية مكتوبة بالتركي و مش فاهم منها اي حاجة و كمان مش عارف استخدم البخاخ و كلمتهم في الصيدلية و اخبروني انهم حيدوني نشرة انجليزية غدا ان شاء الله لكن قولت استفسر من حضرتك هل فعلا مافيش فرق بين الاتنين

و جزاك الله كل خير

بسم الله الرحمن الرحيم
"وما أُوتيتم من العلم إلا قليلاً"

بالنسبة للنوع الأول pulmicort
المادة الفعالة بتاعته إسمها بوديسونيد..ودي من (الكورتيزون)
النوع التاني symbicort
المادة الفعالة بتاعته إسمها بوديسونيد(كورتيزون)+فورميتيرول(موسع للشعب)

..
والنوع التاني أكثر فعالية علشان وجود المادتين ..واحدة للحساسة والتانية موسعة للشعب
وأنا رأيي الشخصي
إنت ممكن تجرب نوع تاني أرخص كتير
وله نفس خواص ونفس فعالية الأدوية التانية
ممكن نوع من الأتنين دول
كلينيل مركب بخاخ وسعــــره 16 جنيه
أو
فينتال مركب بخاخ وسعــــــره 14 جنيه
والإتنين تركيبهم ..بيتاميثازون(كورتيزون)+سالبوتامول(موسع للشعب الهوائية)



...والله أعلم...

[Moh.Fahmy]

بسم الله الرحمن الرحيم
"وما أُوتيتم من العلم إلا قليلاً"

بالنسبة للنوع الأول pulmicort
المادة الفعالة بتاعته إسمها بوديسونيد..ودي من (الكورتيزون)
النوع التاني symbicort
المادة الفعالة بتاعته إسمها بوديسونيد(كورتيزون)+فورميتيرول(موسع للشعب)

..
والنوع التاني أكثر فعالية علشان وجود المادتين ..واحدة للحساسة والتانية موسعة للشعب
وأنا رأيي الشخصي
إنت ممكن تجرب نوع تاني أرخص كتير
وله نفس خواص ونفس فعالية الأدوية التانية
ممكن نوع من الأتنين دول
كلينيل مركب بخاخ وسعــــره 16 جنيه
أو
فينتال مركب بخاخ وسعــــــره 14 جنيه
والإتنين تركيبهم ..بيتاميثازون(كورتيزون)+سالبوتامول(موسع للشعب الهوائية)



...والله أعلم...

ربنا يباركلك دكتور احمد ..ردك جه في وقته لاني لما كنت بسألك كنت لسه ما قريتش النشرة عشان كانت مكتوبة بالتركي و روحت الصيدلية و اخدت النشرة الانجليزية فوجئت بالاعراض الجانبية مرعبة جدا زي مثلا خفقان و زيادة سرعة ضربات القلب و هشاشة في العظام و مسبب للنعاس..و غيره و غيره
ابقي اجرب كلينيل ان شاء الله لغاية ما اكون فاضي اخر الاسبوع

[أشرف العدوي]

أبو آســـر


العقار الجديد إسمه التجاري (شانتكس)
والمادة الفعالة بتاعته إسمــــــــها (فارينيكلين)
........بيشتغل إزاي؟
الموضوع صعب شوية وطويل
لكن ببساطة مُطلقة

النيكوتين بيدخل على مستقبلات خاصة إسمها الفا 4..وبيتا 2
وده بيسبب تأثير الإستمتاع بالنيكوتين
...العقار الجديد بتاع الشركة العملاقة فايزر
المادة الفعالة بتدخل تمسك في المستقبلات دي ..وبالتالي بتحس بنفس الشعور بالإستمتاع أو الإرضاء إلي بيحصل لما تدخن سيجارة
وبالتالي
بتفقد الرغبة في إنك تولع السيجارة


...
دي معلومات بسيطة عنه
وطبعا تمت الموافقة عليه من هيئة الرقابة على الأدوية
والعقار غير متوفر غير بالصيدليات الكبرى ...وماعنديش معلومات عن سعره

ونسبة نجاحه كانت حوالي 44 % لعينة من المدخنين
وطبعا مع وجود بعض الأثار الجانبية البسيطة نتيجة إنسحاب النيكوتين من الجسم

..والله أعلم..

بعد أذن الدكتور أحمد
انا كنت بعمل بحث عن شانتكس
و لقيت حاجة مهمة قولت انقلهالكم
و يمكن ده التفسير لعدم وجودة في الصيدليات

واشنطن: أكدت جهات أمريكية مختصة أنه قد يكون هناك ارتباط وثيق بين استخدام عقار يساعد في الإقلاع عن التدخين والإصابة باضطرابات نفسية خطيرة.
وأشارت دائرة الدواء والغذاء الأمريكية إلى تلقي 37 تقريراً عن حالات انتحار وأكثر من 400 محاولة انتحار بين مستخدمي عقار "شانتيكس" Chantix، الذي تنتجه شركة "فايزر".
ويأتي إعلان دائرة الدواء والغذاء عقب أسبوعين من إضافة الشركة المصنعة تحذيراً قوياً حول استخدامات "شانتيكس"، مشددة بأن الرابط بين العقار والتوترات النفسية، لم يؤكد بصورة قاطعة، إلا أنها لم تستبعد العلاقة كلياً.
وأشار شركة فايزر إلى أنه من الصعوبة الشديدة تحديد مدى ارتباط العقار بالإصابة بتلك العوارض النفسية نظراً لأن انعدام "النيكوتين" وحده كفيل بأن يؤدي لتقلب الأمزجة والانفعالات الشديدة، إلا أن دائرة الدواء والغذاء لفتت إلى أدلة تربط بين العقار والمشاكل النفسية بين مستخدميه الذين لم يقلعوا عن التدخين.
وقال بوب بارابوت مدير تقييم العقاقير بالدائرة، وفقا لموقع CNN: "هنا العديد من الأدلة القوية تبدو كنتيجة للاستخدام المباشر للعقار، وليس لدواع أخرى"، مشيراً إلى معاناة بعض مستخدميه من تلك الأعراض النفسية حتى بعض وقف تعاطيه.

ط¹ظ‚ط§ط± ظ„ظ„ط¥ظ‚ظ„ط§ط¹ ط¹ظ† ط§ظ„طھط¯ط®ظٹظ† ظ‚ط¯ ظٹط³ط¨ط¨ ط§ط¶ط·ط±ط§ط¨ط§طھ ظ†ظپط³ظٹط©