عيادة أسنان المنتدى (للاستشارة)

[m_love4me]

وعليكم السلام ورحمه الله وبركاته


بص يا استاذ مجمد , حضرتك لسه يا دوب صغير مش شباب حتى

موضوع انك تخلع وتركب حاجه تانيه دا , عاوزك تشيله من دماغك نهائى نهائى

لان مافيش حاجه ابدا مهما كانت بتعوض بالفعل السنان ال ربنا خلقها

حضرتك لازم تتابع مع دكتور محترم , وتشوف اللازم بالظبط
تشوف الحاجات ال محتاجه حشو عصب وتعملها


وال محتاج يتخلع وتعمله

ياريت قبل ما تبدا تروح لكذا دكتور , تشوف كل واحد فيهم خطه العلاج بتاعته ايه بالظبط

علشان نفاضل ما بينهم
ف ناس عازوه تشتغل وخلاص
يعملك الحشو العصب و الخلع وخلاص
ومش فاضى يعمل التركيبات اللازمه بعد كدا

وف واحد هيخلص كل حاجه

ف علشان نشوف الافضل

و لازم تبقى حضرتك عارف ان الموضوع على حسب وصف حضرتك كدا هيكلف كتير شويه

يعنى ممكن يتجاوز حاجز الالف - الفين
على حسب الحاله بالظبط

حشو العصب لوحده لا يقل عن 350 جنيه
وحضرتك بتقول كذا ضرس
ولسه ف تركيبات


ف معلش حضرتك لازم تهتم


تحياتى لك

وبعدين

[رزق]

هل ينفع خلع العصب - أو تمويته - أو مشابه مع الإحتفاظ بالضرس؟
أصل أنا عندي ضروس مسوسة أوي رحت لدكتوره كبيرة قوي نضفت وحشت وكده
لكن لسة الوجع رهيب مع أي حاجة برده حتى لو ماء ساقع
حتى وهي شغالة في الضروس دي ادتني حقنتين بينج على غير العادة وبرضه كنت بافلفص أول ماتشتغل في حتة بعينها

ولكم جزيل الإحترام

[mohamedmostaf0]

انا مع حضرتك طيب تقولى لو تعرف دكتور كويس اى حاجه انا عايز اروح لحد يمسكنى كده يخرجنى من عنده مش محتاج اى حاجه تانى للاسنان ولا افكر فيها تانى
لانى بجد اتخنقت من موضوع ده وعندى دروس متكسره ودروس نصها موجود والنص التانى مش موجود وبواقى حاجات وزفت

وزهقت بجد

ياريت تدينى اسمائ وارقام وياريت رقمك لو ينفع

[m_love4me]

انا مع حضرتك طيب تقولى لو تعرف دكتور كويس اى حاجه انا عايز اروح لحد يمسكنى كده يخرجنى من عنده مش محتاج اى حاجه تانى للاسنان ولا افكر فيها تانى
لانى بجد اتخنقت من موضوع ده وعندى دروس متكسره ودروس نصها موجود والنص التانى مش موجود وبواقى حاجات وزفت

وزهقت بجد

ياريت تدينى اسمائ وارقام وياريت رقمك لو ينفع

بص يا فندم هو المفروض بالفعل حضرتك تروح لحد محترم يعملك الحاجات دى كلها مره واحده
اقصد على كذا زياره طبعا
بس يعملك حشو العصب والخلع و التركيبات وكل ما يلزم

وانا للاسف مااقدرش افيد حضرتك بحد معين لانى مش من القاهره
انا من الشرقيه
وشغلى ف الاسماعيليه

لو حضرتك تحب تشرفنا ف الاسماعيليه
واعمل لحضرتك الحاجات ال تلزم ان شاء الله , بدون ادنى تكاليف غير تكاليف المعمل فقط
لان الشغل هيكون ف الجامعه , بأذن الله
ف انا تحت امرك

وعموما دا رقمى
0100843813
محمد حسام

هل ينفع خلع العصب - أو تمويته - أو مشابه مع الإحتفاظ بالضرس؟
أصل أنا عندي ضروس مسوسة أوي رحت لدكت وره كبيرة قوي نضفت وحشت وكده
لكن لسة الوجع رهيب مع أي حاجة برده حتى لو ماء ساقع
حتى وهي شغالة في الضروس دي ادتني حقنتين بينج على غير العادة وبرضه كنت بافلفص أول ماتشتغل في حتة بعينها

ولكم جزيل الإحترام

يا حشو العصب بيشمل ازاله العصب من الضرس المتضرر فيه العصب

ومع الاحتفاظ بالضرس بكل تأكيد
دا حاجه ودا حاجه
لكن للاسف حشو العصب بردو ليه عيوبه
لانه بيضعف من الاسنان الطبيعيه

معنى ان فيه وجع مع الميه الساقعه و السخنه وما الى ذلك
ان ف جزء من السنه مكشوف , حشوه مكسوره
تسوس فى السنه
او جزء من الجزر الخاص بالسنه مكشوف
مشاكل ف اللثه و الاسنان عموما
ما اقدرش احكم نظرى

ومعنى ان الدكتور ادت لحضرتك حقنتين بنج , وبرضوا كان ف الم انه معناه ان العصب كان ملتهب
علشان كدا , كان الشغل فيه حتى تحت تاثير البنج متعب

ف علشان كدا المفروض حضرتك تراجع دكتور تانى
لان احتمال الدكتوره ما تكونش شالت كل التسوس ال كان موجود

او انه واصل للعصب بالفعل
ومحتاج حشو عصب


تحياتى لك

[rosebox]

سلام عليكم انا عندى مشكله فى جانب ضروسى الايسر و مش قادرة احدد فين بالضبط و كان الالم غير محتمل غير وجع التسوس العادى فقلت اكيد ده خراج فاخدت مضاد حيوى قوى قبل ما اروح عند الدكتور عشان مايعطلنيش خصوصا ان مواعيده صعبة جدا و فعلا اتحسنت عليه جدا و لما الدكتور شافه قاللى مش شايف حاجه لازم تعمليلى اشعة بانوراما
و عملتها و حوريهاله ان شاء الله بكرة الشكوى بتاعتى دلوقتى انى لما اقرب حاجة شخنة ليها بتألم جدا جدا انما لو حاجة ساقعة برتاح قوى. و دى حاجه عكس الناس فى موضوع السنان. انما فى العادى مفيش الم الحمد لله.

الجنب التانى الحشو بتاع ضرس طلع فالدكتر قاللى لازم كراون ضرورى و قاللى على نوعين كراون بس الفرق بينهم شااااسع فى السعر الرخيص ب500 تقريبا و الغالى ب2000 فى الحقيقه مش فاكرة اساميهم لو فعلا يفرق قوى حعمل الغالى,. بس ممكن توضحلى الفرق.

و اشكر اهتمامك بالرد؟

[medo_elgezy]

سلام عليكم انا عندى مشكله فى جانب ضروسى الايسر و مش قادرة احدد فين بالضبط و كان الالم غير محتمل غير وجع التسوس العادى فقلت اكيد ده خراج فاخدت مضاد حيوى قوى قبل ما اروح عند الدكتور عشان مايعطلنيش خصوصا ان مواعيده صعبة جدا و فعلا اتحسنت عليه جدا و لما الدكتور شافه قاللى مش شايف حاجه لازم تعمليلى اشعة بانوراما
و عملتها و حوريهاله ان شاء الله بكرة الشكوى بتاعتى دلوقتى انى لما اقرب حاجة شخنة ليها بتألم جدا جدا انما لو حاجة ساقعة برتاح قوى. و دى حاجه عكس الناس فى موضوع السنان. انما فى العادى مفيش الم الحمد لله.

الجنب التانى الحشو بتاع ضرس طلع فالدكتر قاللى لازم كراون ضرورى و قاللى على نوعين كراون بس الفرق بينهم شااااسع فى السعر الرخيص ب500 تقريبا و الغالى ب2000 فى الحقيقه مش فاكرة اساميهم لو فعلا يفرق قوى حعمل الغالى,. بس ممكن توضحلى الفرق.

و اشكر اهتمامك بالرد؟

بسم الله الرحمن الرحيم
د/محمد الجيزى
اخصائى طب و جراحة الفم و الاسنان

بالنسبة للمشكلة الاولى فهى بنسبة كبيرة ان العصب مكشوف و الامه لاتحتمل بل تشمل الفك و جانب الوجه الايسر و العين و الاذن و غالبا ما تاتى الامه فى منتصف الليل و ولاكن مش مستهله اشاعة بانوراما الموضوع ابسط من كده بكتيييير يكفيه اشاعة اسنان عادية على مكان الالم وحله هو حشو العصب و عند شعورك بالالم يكفيك مسكن قوى .
اما بالنسبة للموضوع الثانى فالكرون الى ب 500 جينيه فهو بورسلين اما 2000 فهو زيركونيوم و يعتبر الزيركونيوم الان افضل و اقوى و الاشد تحمل فى التركيبات الثابتة
و يارب اكون جاوبت على اسئلتك

[rosebox]

بسم الله الرحمن الرحيم
د/محمد الجيزى
اخصائى طب و جراحة الفم و الاسنان

بالنسبة للمشكلة الاولى فهى بنسبة كبيرة ان العصب مكشوف و الامه لاتحتمل بل تشمل الفك و جانب الوجه الايسر و العين و الاذن و غالبا ما تاتى الامه فى منتصف الليل و ولاكن مش مستهله اشاعة بانوراما الموضوع ابسط من كده بكتيييير يكفيه اشاعة اسنان عادية على مكان الالم وحله هو حشو العصب و عند شعورك بالالم يكفيك مسكن قوى .
اما بالنسبة للموضوع الثانى فالكرون الى ب 500 جينيه فهو بورسلين اما 2000 فهو زيركونيوم و يعتبر الزيركونيوم الان افضل و اقوى و الاشد تحمل فى التركيبات الثابتة
و يارب اكون جاوبت على اسئلتك

اولا متشكرة جدا جدا يا دكتور على اجابتك الوافية
انا بعد ما عملت الاشعة البانوراما الدكتور شك فى ضرسين و قاللى انه حيشتغل فى ضرس و لو لسه بيوجعنى حيروح على الضرس التانى و اتفقنا انه حيعمللى طربوشين بورسيلين. و الله المستعان

[medo_elgezy]

بص حضرتك الجواب بيبان من عنوانه .ياعنى عندنا اكشف يدوى اول و لما اعجز عن كشف سبب الالم من الضرس ده ولا ده فبلجاء للاشاعة و الاشاعة هتقولى يا ده يا ده يا الاتنين يا اما حاجة غيرهم تبقى سبب الالم فمفيش حاجة اسمها شاكك فى الاثنين و هعملك واحد و لو فضل الالم هعملك الثانى يعنى يالاثنين بيظين و يا اما واحد بس

[rosebox]

بص حضرتك الجواب بيبان من عنوانه .ياعنى عندنا اكشف يدوى اول و لما اعجز عن كشف سبب الالم من الضرس ده ولا ده فبلجاء للاشاعة و الاشاعة هتقولى يا ده يا ده يا الاتنين يا اما حاجة غيرهم تبقى سبب الالم فمفيش حاجة اسمها شاكك فى الاثنين و هعملك واحد و لو فضل الالم هعملك الثانى يعنى يالاثنين بيظين و يا اما واحد بس

متشكرة تانى يا دكتور من ساعة ما اشتغل فى ضرسى اللى هو شاكك فيه اكتر و انا بتعذب فعلا انما مع المضمضة المنتظمة ارتحت كتير الحمد لله بس يعد 5 ايام كاملين. انا حاروحله تانى بكرة ان شاء الله عشان يكمللى شغل فى ضرسى و بجد قلقانه لإنه حيشتغل جذور زى ما انت عارف. هو ممكن يعرف من العصب نفسه و هو بيشتغل اذا كان كان مكشوف و لا لا؟ يعنى عشان يتأكد ان هو ده الضرس اللى سببلى المشكله؟ انا على اى حال ابتديت ارتاح بجد مع العلم انه لسه ما اشتغلش فى الجذور خالص و حيشتغل بكرة ان شاء الله.
هو اخد المرة اللى فاتت مقاس طربوشين بورسيلين ان شاء الله حيركبهملى بكرة
المشكلة ان واحدة صاحبتى لسه مقلقانى منه و بتقوللى انه عملها طربوش لضرس العقل و ثبتهولها بدعامة و ده حسب رأى دكتور تانى كان غلط. ايه رأيك؟ و لو كان غلط انا ممكن اطلب منه اية و ازاى عشان ما يقعش معايا فى نفس الغلط ده

[medo_elgezy]

مقدما الف سلامة عليكى , بالنسبة للالم الرئيسى هو جيب بين الضرسين و زال الالم مع المضمضة
و بالنسبة للعصب المكشوف ليه دليلين معروفين اول واحد يصحيكى من احلى نومة بالم فظيع- ثانيا و الدكتور و هو بيكشف بيعرف انو وصل للعصب بسهوله
و بصراحة انا مش متخيل عملها دعامة ازاى لو ينفع صورة علشان المصطلح ذات نفسه غريب و هقولك كويس او لا ان شاء الله
والله هو المستعان

[rosebox]

مقدما الف سلامة عليكى , بالنسبة للالم الرئيسى هو جيب بين الضرسين و زال الالم مع المضمضة
و بالنسبة للعصب المكشوف ليه دليلين معروفين اول واحد يصحيكى من احلى نومة بالم فظيع- ثانيا و الدكتور و هو بيكشف بيعرف انو وصل للعصب بسهوله
و بصراحة انا مش متخيل عملها دعامة ازاى لو ينفع صورة علشان المصطلح ذات نفسه غريب و هقولك كويس او لا ان شاء الله
والله هو المستعان

انا متشكرة جدا على اهتمامك يا دكتور. انا بصراحة معنديش صور للموضوع انا بنقل عن الحالة نفسها . امبارح الدكتور عملى الطرابيش الحمد لله و غيرلى على الحشو المؤقت بتاع الضرس اللى فيه مشكلة العصب(المشكوك فيه ده) المهم انا من ساعتها حاسة بطعم ظاهر قوى فى فمى انا بس خايفه على صيامى (هو قاللى انه حاططلى دوا فى الحشو عشان الالتهابات)
معلش دوشاك معايا

[shaddadfalcon1]

السلام عليكم

انا كنت حاشي ضرس في الفك الايسر الللي تحت من اكتر من 10 سنين ومستريح عليه قوي ومن اسبوعين ابتدي يوجعني جامد جدا وكان اقل حاجه ميه اكل حتي لما ابلع ريقي او لساني يجي عليه احس بنار

رحت كشفت يوم الخميس الدكتور قالي انت ازاي ساكت عليه والكلام ده وقال ان تقريبا مفيهوش حشو خالص وحط حشو مؤقت وقالي تيجي الأسبوع الجاي
انا لحد يوم الأتنين كنت مرتاج جدا ويوميها شربت حاجه ساقعه ومياه ساقعه وعينك ماتشوف الا النور الم فظيه طول يوم التلاثاء والأربعا والنهارده رحت تاني وقلتله علي الألم قالي بيروح ويجي ولا علي طول قلتله علي طول
بص فيه شويه وحط حاجه كدد مش عارف بنج ولا ايه وحطلي قطنه وقالي تعمل اشعه وتجيب المضمضه والمسكن دوول وتجيلي يوم السبت عشان غالبا طالما في الم مستمر كده يبقي محتاج حشو عصب

انا عايز اعرف دلوقتي حشو العصب ده هيرحني فعلا وهو بيعمل ايه وهل ممكن يبوظ بعد فتره قصيره ولا بيطول
واسعاره ايه وهل اي دكتور ممكن يعمله ولا يشترط دكاتره معينين؟
انا الحمد لله لسه واخد الفوار المسكن والمضمضه والأتنين طعمهم زفت بس ارتحت عليه
هل ياتري ممكن يكون الموضوع مش محتاج حشو عصب ويكون المياه الساقعه هي اللي عملت كده ولا ايه؟
متشكر مقدما

[medo_elgezy]

والله بالنسبة للالم فممكن يكون التسوس قريب جدا لعصب الضرس .و مع حشو العصب هترتاح و هيتعمل على 3 او اربع جلسات تنظيف و حشو عصب,و بالنسبة للدكتور المهم سمعته علشان تعرف هو شاطر ولا لأ و السعر يتراوح من 150 الى 200 ده المعدل الطبيعى و فى ناس بتعمله ب 300 و 350 -و كمسكنات للالم انا افضل فوار حلو قوى و انا شخصيا عندى و بستعمله Brufen Granules ممتاز جدا و خفيف على المعدة وطعمة برتقال
و الف سلامه عليك

[رزق]

ياريت لو توصفلي مبيض اسنان كويس
أنا حاعمل bleaching بس لما اركب ال 6 كرونات اللي مخططلهم
فـبستخدم مبيض اسنان كارفور بس لحد دلوقتي مش حاسس بفارق خالص


في سيتس تقولك peroxide hydrogen بس أنا معرفش ده فعلا ماء أكسوجن ولا حاجة تانية

ياريت لو تنصحنى بحاجة

[goge]

السلام عليكم و رحمة الله
ارجو من اطباء الاسنان المحترمين فى المنتدى الرد على ضرورى
قمت فى شهر 12 الماضى بخلع ضرس العقل اليمين بعد الام مبرحة لعدة شهور تحمتلها حتى لا اتعرض للخلع و بعد الخلع ظهرت الام اصعب منها تشكلت فى تنميل نصف اللسان الايمن و الام حادة فى جانب الفك الايمن السفلى و بعد ذلك تطورت هذه آلام الا ان وصلت الى احساس بكهرباء فى الخد الايمن و زادت بثقل حركة اللسان اثناء المضغ او الشرب او حتى الكلام ووصلت ذروتها حتى الاسبوع الماضى ذهبت الى طبيبة اسنان فقالت لى انه احتمال ان تكون هذه الام العصب الخامس نتيجة جرح عصب اللسان اثناء خلع ضرس العقل و اعطتنى تجريتول ارتحت جدا اول يومين بعد اخذ هذا الدواء و كانت الجرعة قرصان فى اليوم ثم بعدها بدأت تظهر الاعراض المناوئة لهذا الدواء من هبوط ضغط الدم و صداع رهيب و ثقل فى حركة الجسم عامة و آلام لا تطاق فى العين و اسفل الراس و اسفل الاذن اليمنى و رجعت الام عصب اللسان فى الظهور مرة اخرى وطلبت منى طبيبة الاسنان ان اذهب الى طبيب اعصاب حتى يحدد لى الجرعة المناسبة و لكن بصراحة انا خايفة انه يمد لى العلاج بال تجريتول لانى حاسة انى بضيع بسببه ...........افيدونى افادكم الله آلام عصب السان لا تحتمل و آلام التجريتول لا تطاق