عيادة أسنان المنتدى (للاستشارة)

[A7MED_PHARMA]

طبعا اكيد مش بالمنظر ده انا فاهم و عارف انها سنة واحدة المنظر اللى فى الصورة ده اسمه rumpant caries و ده غالبا بيبقى عند الناس اللى بعد الشر بيتعالجوا بالكيماوى
بص بالنسبة للتكلفة انا معرفش الزقازيق نظامها ايه بس فى مصر بتتكلف من 75-300 جنيه على حسب نوع composite و خبرة الدكتور بس فى اى حال من الاحوال صمم ان نوع ال composite يكون nanocomposite طبعا غالى بس ده احسنهم و فى الصحة مفيش توفير

طيب ..وده مابيقعش بعد فترة أو حاجة زي كده
يعني دائم ولا مؤقت ممكن يقع مع الوقت؟؟؟

معلش ياميدو تعبك معايا

[medo2o1o]

طيب ..وده مابيقعش بعد فترة أو حاجة زي كده
يعني دائم ولا مؤقت ممكن يقع مع الوقت؟؟؟

معلش ياميدو تعبك معايا

لا مفيش تعب و لا حاجة
الحشو دائم و من مميزاته انه بيمسك فى السنة مش زى الابلاتين ممكن يقع
و كمان ابيض و الnanocomposite بيبقى لونه زى السنة بالظبط و مش بتبان خالص

[A7MED_PHARMA]

ربنا يخليك ياداكترة ..ومايحرمك مني أبدا

طيب شويه إستفسارات سريعة كده
ممكن نوصل لون الأسنان إنها تكون بيضااااااا بيضااااااااا..؟؟
معجون دي بيور دينت ..أنا جربته كام مرة .ومش ملاحظ فرق..؟؟
أنا بغسل أسناني أكتر من 4 أو 5 مرات كل يوم ..ومع ذلك عندي طبقة صفرا بسيطة مش عاوزة تروح..مهما غسلت..؟؟
الترسبات الصفرا عند قاعدة الأسنان ..دي حلها إيه..؟؟


وشكرا ياجميل

[medo2o1o]

ربنا يخليك ياداكترة ..ومايحرمك مني أبدا

طيب شويه إستفسارات سريعة كده
ممكن نوصل لون الأسنان إنها تكون بيضااااااا بيضااااااااا..؟؟
معجون دي بيور دينت ..أنا جربته كام مرة .ومش ملاحظ فرق..؟؟
أنا بغسل أسناني أكتر من 4 أو 5 مرات كل يوم ..ومع ذلك عندي طبقة صفرا بسيطة مش عاوزة تروح..مهما غسلت..؟؟
الترسبات الصفرا عند قاعدة الأسنان ..دي حلها إيه..؟؟


وشكرا ياجميل

بص لون السنان الطبيعى هو المائل الى الصفار و طبيعى عند قاعدة السنان يبقى لون السنة يبقى اكتر صفارا نتيجة لرفع طبقة المينا فى هذه المنطقة

و انك تخليها بيضاء تماما ممكن بس ادفع كتير و كمان مضر لانه مش دائم و بتضطر تعمله تانى و لو معملتوش تانى الصفار بيرجع اكتر
انا عن نفسى لا افضل التبييض الا لحالات staining مصتعصية زى tetracycline staining or fluorosis
مفيش احسن من الطبيعى

[mana_81]

اولا احيب ارد بس علي موضوع الفلاحين :) ممكنا نقول كلنا مسلمينا او أخوة مش مهم انت منين فلاح ولا مش فلاح غير ان كلمه فلاح ديه صفه مش حاجه وحشة لا فضل لأحد علي أحج الا بالتقوي
وانا عمرى مرحت المنصورة بس والله انا نفسي اروحها من كتر ما سمعت عن انها بلد جميلة اوي)
وجزاك الله كل خير يا دكتور أحمد وجعلك الله أحسن مما نظن

[MOSTAFABASAL]

دكتور أحمد /

هل يحدث عندك مثلما حدث لدي ؟؟

الضرس فى الفك السفلى الثالث خلف الناب الأيمن

كنت حاشيه رصاص بدون عصب من 6 سنوات بدون مشاكل لحد ما بدأ يألمني اليومين دول مع البارد والهواء

أنا فى عمان الآن ولازم أروح لدكتور المستشفى اللى أنا فيها

والأخ انا حاسس انه بهدللى الضرس , وهو سودانى الجنسية

أول جلسة نزل فى العصب pulp وشاله وحط الحشو الجبس

أتاري البيه نظف 3 جذور وساب الرابع , وفضلت 3 أيام عادى بدون ألم ولا البارد ولا الهواء

تانى جلسة شال الحشو الجبس ونزل فى ال3 جذور وبرضه مش لاقى الرابع . وحط الجبس وفضلت 3 ايام أعض فى الأرض من الألم والألم ينتشر لفوق وتحت والخلف والأمام

روحتله تالت مرة وبيحاول فى الجذر الرابع ومش لاقيه حتى بعد عمل الأشعة

واذ أفاجأ به يترك الضرس بدون حشو مؤقت بحجة التهوية ويقول لى تعالى بعد يومين وادانى قطن مكور عشان احطه داخل الضرس لما آكل ,,, وطبعا كدة فردة العصب مكشوفه والم رهييييييب بأضطر احط مرهم ليدوكايين فى القطن المكور داخل الضرس عشان أخدره وأنا عارف انه غلط يوصل الليدوكايين للدورة الدموية , بس هيجننى الألم وبدات آخد مضادات حيوية فلاجيل وكلوكساسيللين


المهم :-

الآن وأنا بتألم :- صح اللى هو عمله ؟ عشان انا ناويله على نيه مش كويسه

أخلع الضرس أفضل لو مالقيش الجذر الرابع ؟


الدبابيس اللى بينزل فيها للجذر استخدام واحد ؟ ولا بتتعقم ؟

من المستحيل ان يظل الضرس مكشوف لاكتر من 24 ساعه بدون حشو مؤقت
اهم حاجه في حشو العصب الايزوليشن ()العزل)
حتى لو الضرس عامل صديد يتفتح يتنضف و يتقفل تاني اللي بعملهولك ده بهاله
طبعا لو ما لقاش الكانال الرابعه يبقى فيه حل من اتنين يا اما يتقفل ولو عمل مشكله يبقى يتخلع يا اما تخلعوا من دلوقتي و تستعوض ربنا
المبارد بتاعه العصب دي ممكن تستعمل حتى 3 مرضى بس شرط التعقيم الجيد وفيه انواع منها صيني ما تامنش تستعملها غير مره واحده لانها ممكن تتقطم في القنوات و ما عادتش تطلع و في الحاله دي ممكن نخلع الضرس بسببها

[Lion_Heart]

بالنسبة لعمل طربوش او تركيب سنة بورسلين هل هى مستديمة ولا كل فترة اروح عند الدوكتور للكسف عليها
و هل بينتج عنهم اى التهابات او حاجة او تحس بحاجة غريبة بالفم ؟

[fars777]

دكتور احمد ..ربنا يبارك لك على المجهود الرائع اللي انت عاملة في المنتدى..

والدي عندى مشكلة مستمرة في أطقم الأسنان اللي بيعملها ...دائما مقاساتها مش مظبوطة وبتسبب له الم عند استعمالها وبتإذي لثته احيانا لدرجة بدأت تخلية بقلل كميات الأكل اللي بياكلها...أنا طالب من حضرتك ترشحلنا دكتور أو معمل أسنان في القاهرة يكون مشهود ليه بالكفاءة وعنده ضمير في موضوع عمل أطقم الاسنان الكاملة، وياريت لو تقولي كمان الطقم الكويس يتكلف في حدودد كام؟

[medo2o1o]

بالنسبة لعمل طربوش او تركيب سنة بورسلين هل هى مستديمة ولا كل فترة اروح عند الدوكتور للكسف عليها
و هل بينتج عنهم اى التهابات او حاجة او تحس بحاجة غريبة بالفم ؟

لو معمولين صح مفيش منهم مشاكل و بيعيشوا
و طبعا يفضل حتى لو حشو تتابغ مع الدكتور

[medo2o1o]

دكتور احمد ..ربنا يبارك لك على المجهود الرائع اللي انت عاملة في المنتدى..

والدي عندى مشكلة مستمرة في أطقم الأسنان اللي بيعملها ...دائما مقاساتها مش مظبوطة وبتسبب له الم عند استعمالها وبتإذي لثته احيانا لدرجة بدأت تخلية بقلل كميات الأكل اللي بياكلها...أنا طالب من حضرتك ترشحلنا دكتور أو معمل أسنان في القاهرة يكون مشهود ليه بالكفاءة وعنده ضمير في موضوع عمل أطقم الاسنان الكاملة، وياريت لو تقولي كمان الطقم الكويس يتكلف في حدودد كام؟

هو والدك عنده السكر
لو عنده السكر للاسف لازم هاييجى وقت و مش هاتبقى مقاسه ممكن نزود العمر للطقم بمواد بنحطها على الطقم مكان ما بيحمل على اللثة
و لازم الطقم اللى مش مظبوط يتغير عشان ممكن يعمل مضاعفات وخيمة
عموما انا ماعرفش عناوين دكاترة تركيبات بس اى دكتور سنان بيعمله
سعره يتراوح من 600- 1000 جنيه .

[fars777]

هو والدك عنده السكر
لو عنده السكر للاسف لازم هاييجى وقت و مش هاتبقى مقاسه ممكن نزود العمر للطقم بمواد بنحطها على الطقم مكان ما بيحمل على اللثة
و لازم الطقم اللى مش مظبوط يتغير عشان ممكن يعمل مضاعفات وخيمة
عموما انا ماعرفش عناوين دكاترة تركيبات بس اى دكتور سنان بيعمله
سعره يتراوح من 600- 1000 جنيه .

شكرا على ردك يا دكتور...بس والدى معندوش سكر..وكمان فكرة أن أي دكتور اسنان يعمل طقم كويس دي انا أؤكد لك أن ده مش حقيقى...لأنه عمل أكثر من طقم كلهم كان فيهم مشاكل ما عدا واحد فقط بس يا خسارة ضاع والدكتور اللي عملة هاجر بره مصر.

أنا مشكلتى الرئيسية اني عاوز معمل او دكتور شاطر قوى في الأطقم ، حتى لو هياخد فلوس اكتر شوية..، بالنسبة للسعر اللي حضرتك قايل عليه نا حاسس انه اقل كتير من الأسعار اللي في السوق. حضرتك متاكد من الرقم ده.

شكرا على وقتك واهتمامك..

[omaroof]

انا اول مره ادخل هنا وبصراحه شايف مجهود جميل ربنا يديم المحبه فى الله
عندى كام سؤال
1- عندى فى اللثه تحت السنه الاماميه بيتكون كوره صغيره جدا وبعصرها بايدى بتجيب راس دبوس كده صديد وبعده شوية دم صغننين وكل يومين امسح بايدى على المكان ده برضه يجيب صديد صغير ودم واستخدمت مضاد حيوى وماضعتش ايه الحل
2- تركيب الضروس الصناعيه فيه مشاكل وبيتم فى اد ايه مده وتكلفة الضرس الواحد كام تقريبا

[MOSTAFABASAL]

انا اول مره ادخل هنا وبصراحه شايف مجهود جميل ربنا يديم المحبه فى الله
عندى كام سؤال
1- عندى فى اللثه تحت السنه الاماميه بيتكون كوره صغيره جدا وبعصرها بايدى بتجيب راس دبوس كده صديد وبعده شوية دم صغننين وكل يومين امسح بايدى على المكان ده برضه يجيب صديد صغير ودم واستخدمت مضاد حيوى وماضعتش ايه الحل
2- تركيب الضروس الصناعيه فيه مشاكل وبيتم فى اد ايه مده وتكلفة الضرس الواحد كام تقريبا

اولا ما تحاولش تلعب بايدك في الكوره الضغيره دي لان انت كده بتوسع مكان الالتهاب
ثانيا الكوره دي بقالها قد ايه في بقك تحت السنه
ثالثا انت اتخبطت فيها ولا حاجه ولا عندك جير على السنان الي قدام ولا السنه مسوسه؟
المفروض تاخد مضاد حيوي كوبس وفي الغالب تاخد كيورام 1 جم كل 12 ساعه و معاه شريط فلاجيل كل 8 ساعات و تعمل اشعه على السنه و تتوجه مباشره لاقرب طبيب اسنان بعد الانتهاء من العلاج ولا تنتظر ان الصديد يصرف او يروح من نفسه و ما تستهونش بالموضوع دع لان من كتر ما الصديد بييجي تحت السنه ممكن في المستقبل لا قدر الله يقلب على حاجه اسمها سيست و دي بتبقى كيس تحت السنه مليان سوائل و بيتعمل عمليه عشان يتشال
بالنسبه بقى لتركيب الضروس حضرتك ما حددتش الضروس عاوزها ثابته ولا متحركه المتحرك منه انواع و الثابت منه انواع ولا تستطيع الحكم على موضوع التركيبات التي تصلح معاك الا بعد توقيع الكشف الطبي عليك لمعرفه الانسب لحالتك بناء على حاله اللثه و عدد الضروس المفقوده و طول الجذور المراد التحميل عليها و عوامل اخري كثيره
الجأ لطبيب اسنان في اقرب وقت ممكن
مع تحياتي

[dolly13]

بارك الله فيك يادكتور على المجهود الرائع ده
انا لى سؤال
انا من 9 شهور عملت كراون على ضرس علوى هو الضرس الثالث
ومن يومين الضرس اتكسر من الخلف وبقى فيه فراغ من فوق الكراون
ياترى ايه الحل وخصوصا انى كنت حاسة ان الدكتور اللى اشتغل على الضرس عمل مكان واسع قوى للكراون وبالتالى الضرس بقى ضعيف واعتقد ده اللى ادى للكسر
تنصحنى اعمل ايه
مع الشكر

[MOSTAFABASAL]

بارك الله فيك يادكتور على المجهود الرائع ده
انا لى سؤال
انا من 9 شهور عملت كراون على ضرس علوى هو الضرس الثالث
ومن يومين الضرس اتكسر من الخلف وبقى فيه فراغ من فوق الكراون
ياترى ايه الحل وخصوصا انى كنت حاسة ان الدكتور اللى اشتغل على الضرس عمل مكان واسع قوى للكراون وبالتالى الضرس بقى ضعيف واعتقد ده اللى ادى للكسر
تنصحنى اعمل ايه
مع الشكر

معلش مش متخيل كلامك
ارجو التوضيح اكتر
ازاي تبقى عامله كراون و الضرس يتكسر اللي فهمته من كلامك كده انك عامله حشو بورسلين مثلا ولا ايه؟