د / أحمد السعيد ... استشارى دولى فى الرضاعة الطبيعية

[د.أحمد السعيد]

السلام عليكم ورحمة الله وبركاته
تحيه طيبه الى اعضاء المنتدى الكرام
انا اخصائى اطفال و استشارى دولى فى الرضاعة الطبيعية ibclc
international board certified lactation consultant
و اتمنى ان اساعد الاعضاء فى اى استفسار بخصوص رضاعة و تغذية الاطفال
و مرحبا بالاستفسارات على العام او الخاص

[M.Zaher]

جزاكم الله خيرا يا دكتور

ممكن تقولنا الاغذية اللى مفروض الطفل ياكلها بعد الفطام
ولحد سنتين مثلا
وايه الحل لو الطفل مثلا مابياكلش كتير

[mr_sameh]

شكرا علي عرض المساعده

[Ahmed Samy]

جزاكم الله خيرا يا دكتور

ممكن تقولنا الاغذية اللى مفروض الطفل ياكلها بعد الفطام
ولحد سنتين مثلا
وايه الحل لو الطفل مثلا مابياكلش كتير

نفسى السؤال وعندي سؤال تاني نخليه بعد ده

[د.أحمد السعيد]

جزاكم الله خيرا يا دكتور

ممكن تقولنا الاغذية اللى مفروض الطفل ياكلها بعد الفطام
ولحد سنتين مثلا
وايه الحل لو الطفل مثلا مابياكلش كتير

اولا يا جماعة لازم نعرف ان الفطام هو بداية تقليل عدد الرضعات وادخال الاغذية التكميليه و ليس الفطام هو الحرمان القاسى و المفاجىء من الرضاعه و يكفى ان نعلم ان الرضاعة الطبيعيه ليست تغذيه لبناء الجسم فحسب و انما تغذيه نفسيه و روحيه تنشىء الحبو الحنان المتبادل بين الام و الطفل .

ثانيا
نظام التغذية اليومى للطفل من أول الشهر السابع من العمر


§ يجب أن يكون الأكل مطحون أو مهروس جيدا حتى يسهل هضمه و إمتصاصه.

§ يجب أن يكون الأكل خالى من الملح و السكر و التوابل (يمكن إضافة كمون أو عصير ليمون).

§ تستمر الرضاعة الطبيعية ويعطى الطفل ثلاث وجبات يوميا من الآتى :

· صفار بيض.
· عدس او فول مدمس مقشرمع قليل من الزيت.
· قطعة خبز صغيرة.


· أرز أو مكرونة مسلوقة.
· شوربة خضار ( بطاطس– كوسة- جزر أو خضار الموسم ........).
· بروتينات مثل (فراخ – كبده –سمك ).


· عصير فاكهة طبيعى مصفى.
· بسكوت أو سريلاك.


§ يفضل تعريض الطفل للشمس المباشرة مع كشف الرأس و الأطراف لمدة ساعتين فى الاسبوع على الأقل.

§ يفضل عدم اعطاء الطفل زبادى أو أى منتجات للألبان حتى يتم عمره سنة.

ملحوظه :
* الطفل بعد سن 1 سنه ممكن ياكل اى اكل فى البيت بدون تحفظات
*يجب مراعاة ظروف الطفل من حيث نمو الاسنان فلا يستطييع الطفل الاكل جيدا الا بعد تمام نمو الاسنان الاماميه و الضروس و عندها ممكن الام تفكر انها تنهى الرضاعة و الطفل مهيأ لعملية الاكل.

وايه الحل لو الطفل مثلا مابياكلش كتير

بصوا بقى فيه طفل مش عارف ياكل و ده بيكون بسبب التسنين اى خروج الاسنان من اللثة و ده شى مؤلم جدا والطفل معذور طبعا
و فيه طفل مش عارف ياكل كل الاكل اللى اهله عايزينه و مستحيل طبعا يخلصه بس طبعا فيه مقياس علمى هل الاكل اللى الطفل بيأكله ( و هى كميه يعتبرها الاهل صغيره) يكفى حاجة الطفل ام لا و هى منحنى النمو لان فى كل سن يكون هناك وزن متوسط لهذا السن و ايضا بيكون برده فيه اقل وزن ممكن و اكثر وزن ممكن لهذا السن و منحنى النمو هذا ببساطه موجود فى كراسة التطعيمات اللى بتأخذوها مع شهادة الميلاد و دى صورها بس فيه للبنين زى دى
[img=http://s1.postimage.org/11It0.jpg]

و فيه للبنات زى دى
[img=http://s2.postimage.org/ODS2S.jpg]

فمثلا فى الاولاد عند سن 6 شهور اقل وزن طبيعى هو 5 كجم و المتوسط 7 كجم و اقصى وزن طبيعى هو 9 كجم( اذا فالطفل اللى اقل من 5 كجم مش طبيعى و يحتاج الى فحص اما الطفل من 5الى 9 يعتبر طبيعى و اللى اكتر من 9 بنخاف عليه من السمنه المبكره لان الوزن الزائد بيمثل عبىء على اجهزة جسم الطفل الضعيفة كالقلب و الكبد و البنكرياس مما قد يعرض الطفل مستقبلا الى امراض الضغط و السكر و كبد)

اتمنى تعرفوا تستخدموها و فيه جداول للسن الاكبر هرفعها بعدين


و فيه نقطه اخيرة وهى ان الطفل من اول 1.5 سنه و حتى تقريبا 4 سنوات بيكون عنيد يعنى الاهل يقولوا يمين يقول شمال و مبيرضاش ياكل علشان اهله عايزينه ياكل و ممكن يقعد جعان و ميرضاش ياكل (اللهم اهدى اولادنا جميعا)



فلابد من تقييم الوزن فان كان فى المتوسط يعنى بين اقل رقم و اكبر رقم فهذا طفل طبيعى والا فتقييم الحاله العامه كوجود انيميا و طفيليات او ديدان او اى عائق عن النمو .
سبحانك اللهم وبحمدك ، أشهد أن لا إله إلا أنت أستغفرك وأتوب إليك

[M.Zaher]

و فيه نقطه اخيرة وهى ان الطفل من اول 1.5 سنه و حتى تقريبا 4 سنوات بيكون عنيد يعنى الاهل يقولوا يمين يقول شمال و مبيرضاش ياكل علشان اهله عايزينه ياكل و ممكن يقعد جعان و ميرضاش ياكل (اللهم اهدى اولادنا جميعا)

اهيا دي بقى النقطه الاساسيه اللى مغلباني جدا

بس جزاك الله خيرا على المعلومات المفيدة دي

[بحري]

ما شاء الله لا قوة إلا بالله...بارك الله لك يا دكتور...موضوع مهم جدا ومفيد جدا إن شاء الله..أسأل الله أن ينفعك وأن ينفع بك

[د.أحمد السعيد]

اللهم علمنا ما ينفعنا و انفعنا بما علمتنا

[د.محمود صلاح]

د. أحمد جزاك الله خيراً ...

من فضلك بقية الجداول الكاملة والخاصة بطول الى الوزن ومحيط الرأس ( تكملة للصورتين اللي حضرتك وضعتهم بتوع جامعة عين شمس ) وجزاك الله خيراً

[Eng. Rafy Samy]

شكراُ جزيلاً على الموضوع العظيم ده... والمعلومات الهالية دي
اسمحلي من فضلك عندي كام سؤال. ( ابني عنده سنة ونص)
1- ايه هي عدد الوجابات اللي المفروض اقدمها كل يوم + البيبيرونات
2- اختبار الفول ( انا خايف ولسة مش عارف اوكلة فول لحد دلوقتي ) ازاي وايه الاحتياضات
3- ازاي اعرف انة معندهوش نقص في الكالسيوم او انيميا او ضعف عام.
4- هل ما دام ابني في معدل الوزن الطبيعي يبقة مقلقش من عدد الوجبات ومش لازم اضغط عليه علشان ياكل
5- هو مش بيعرف يمضغ لحد دلوقتي وبيزلض الاكل هل ده طبيعي..؟
6- امتى اوقف البيبيرونا نهائي واعتمد على الاكل العادي فقط

الف شكر مقدماُ وتقبل فائق تحياتي

[د.أحمد السعيد]

شكراُ جزيلاً على الموضوع العظيم ده... والمعلومات الهالية دي
اسمحلي من فضلك عندي كام سؤال. ( ابني عنده سنة ونص)
1- ايه هي عدد الوجابات اللي المفروض اقدمها كل يوم + البيبيرونات

5 و جبات و الرضاعة ان كانت صناعى تستمر 3 مرات و ان كانت طبيعى تبدأ فى التقليل تمهيدا للفطام بعد شهرين


2- اختبار الفول ( انا خايف ولسة مش عارف اوكلة فول لحد دلوقتي ) ازاي وايه الاحتياضات


هو فيه اى مشكله مع الفول فى العائله !! لو مفيش اديله و ان شاء الله مفيش مشاكل


3- ازاي اعرف انة معندهوش نقص في الكالسيوم او انيميا او ضعف عام.

نقص الكلسيوم = تاخير الاسنان و المشى ( المفروض 1.5 سنه يكون بيمشى و مطلع 4 اسنان فوق و 4 تحت و 4 ضروس و الانياب تكون بدأت تطلع

اما موضوع تاخير الاسنان بيكون غالبا معاه نقص كلسيوم و فيتامين د و ممكن معاه انيميا ....بس بتبان بالتحليل و للاسف نسبة الهيموجلوبين فى السن ده الطبيعى بتاعها 9.5 -14 (علشان فيه دكاترة كتير متعرفش النسبه الصحيحه للعمر ) و الهيموجلوبين لوحده مش كافى لتشخيص النيميا


4- هل ما دام ابني في معدل الوزن الطبيعي يبقة مقلقش من عدد الوجبات ومش لازم اضغط عليه علشان ياكل


مضبوط


5- هو مش بيعرف يمضغ لحد دلوقتي وبيزلض الاكل هل ده طبيعي..؟

طبيعى


6 امتى اوقف البيبيرونا نهائي واعتمد على الاكل العادي فقط


شكله بيرضع صناعى يبقى حوالى عند سن سنتين و باكتمال التسنين المذكور فى رقم 3 و اكتمال النياب


الف شكر مقدماُ وتقبل فائق تحياتي

[Eng. Rafy Samy]

د/ احمد انا عاجز عن الشكر على مجهودك وكرمك
من فضلك ليا سؤال - في النقطة رقم 1

1- ايه هي عدد الوجابات اللي المفروض اقدمها كل يوم + البيبيرونات
5 و جبات و الرضاعة ان كانت صناعى تستمر 3 مرات و ان كانت طبيعى تبدأ فى التقليل تمهيدا للفطام بعد شهرين

الخمس وجبات دول كميتهم قد ايه.. انا بصراحة مذهول من الرقم لان ابني بياكل واجبة او اتنين بالكتير في اليوم + حوالي 4 او 5 رضاعة صناعي - بس الوجبة الواحدة في طبق ( بولا ) زي اللي في الصورة كده
1- فهل ده معدل كويس ولا لأ
2- هل الكمية دي كبيرة المفروض اقللها وازود عدد الوجبات

انا لسا وازنه امبارح وهو حوالي 12 كجم


تقبل شكري واحترامي

[د.أحمد السعيد]

وازنه امبارح وهو حوالي 12 كجم ----> وزن معقول جدا و فوق المتوسط


بالنسبه لعدد الوجبات الكميه مش مشكله
. المهم العدد لان الطفل له طاقة استعاب للمعده لا يمكن ان يتعداها ( زي الكبار يعنى يقعد يستف الاكل و يرص و يحبس)



من سن سنه الى سنتين








فوق سنتين






و طبعا هتستغرب ازاى لما يكبر عدد الوجبات بيقل و الرضاعة بتكون انتهت!!! ده منقول من ارشادات لمنظمة الصحة العالميه

لان الطفل قبل سنتين بيجوع كتير لانه فى مرحلة نمو العظام و حاجات كتير فى الجسم فضلا عن ان حجم معدته بيكون صغير

[M.Zaher]

طب يا دكتور احمد
الوزن عندي 10.5 كيلو
و عملنا تحليل الهيموجلوبين اللى بيبقى مع التطعيم بتاع سنة ونص و النسبه كانت 11.6
وهوه مطلع اربع سنان فوق و اربع تحت و ضرسين

هل كده معناه انه فيه انيميا او نقص كالسيوم

[د.أحمد السعيد]

طب يا دكتور احمد
الوزن عندي 10.5 كيلو
و عملنا تحليل الهيموجلوبين اللى بيبقى مع التطعيم بتاع سنة ونص و النسبه كانت 11.6
وهوه مطلع اربع سنان فوق و اربع تحت و ضرسين

هل كده معناه انه فيه انيميا او نقص كالسيوم

الوزن متوسط و مفيش انيميا و لا حاجه و لو كان سنه 1.5 سنه فقط يأخد كالسيوم و فيتامين د لحد اما يخلص الضروس و الانياب


و بالمناسبه اعلى تركيز كالسيوم فى السوق و سعره بسيط جدا (hi cal syrup) هاى كال و جرعته 5 سم بالفم يوميا

و اعلى تركيز فيتامين د هو (vidrop drops) و جرعته من 5. الى 1 قطاره بالفم يوميا

و يفضل البدأ فى الكالسيوم و فيتامين( د ) من سن 6 شهور و حتى سنتين

سبحانك اللهم وبحمدك ، أشهد أن لا إله إلا أنت أستغفرك وأتوب إليك