المشاركة الأصلية كتبت بواسطة magomago
مشاهدة المشاركة
حمدا لله على سلامة المدام اولا و بارك الله لك فى ابنك
ان اى كميه لبن صناعى يأخذها الطفل تعكر صفو الامعاء و الاخراج لمده 15 يوم
بالنسبه لللون مش مشكله المهم القوام ان كان شبه متماسك (يعنى مش زى الماء) فده طبيعى و المرات حتى 5 مرات مش مشكله و طبيعى انه يتبرز بعد الرضاعة مرات كتير اول شهرين
بالنسبه للغازات و الحزق : الحزق طبعا بسبب و جود الغازات فى بطنه (بيدفع البراز و الهوا موجود )
اما الغازات فهى مشكله لانها تعوق الاخراج و تسبب المغص
و سبب الغازات كالآتى :
95% منها يقوم الطفل بابتلاعها اثناء الرضاعة بسبب ان الام مش بترضع بطريقه صحيحه فتلاقى الطفل عمال يشفط و يمص و يعمل اصوات و هو بيرضع و مبيقعدش ييجى 5 دقائق على بعض يرضع و تلاقيه يجوع تانى بعد 5 دقائق (و تقريبا 98% من الأمهات للاسف بترضع بالطريقه الخطأ و النتيجه شكاوى كثيره بان الطفل مش بيشبع (ودا صحيح) و ان لبنها مش كافى و يتفضل الجهال للاسف من الاطباء بوصف لبن صناعى قال ايه علشان تساعد مع لبنها
و طبعا الطفل لما بيلاقى الببرونه كانه لقى كنز لانها بتنزل اللبن فوووو و بيتعود عليها و يعيط لما الم تييجى ترضعه علشان العذاب اللى الام بتعذبهوله اثناء الرضاعة بالوضع الخاطىء
اما الرضاعة بطريقه صحيحه فتلاقى الطفل مستقر و يقعد حوالى 15-20 دقيقه و لا تسمع له الا صوت البلع و لا يجوع الا بعد ساعة و نصف على الاقل.
و ال 5% الباقيه انتفاخ طبيعى بيحصل لكل الاطفال و اى دواء للانتفاخ بيضيعه
و طبعا مهم ان الطفل يتكرع علشان يطلّع الهوا اللى فى معدته و الا الهوا بيدخل فى الامعاء و يأخذ دورته فيها مسببا المغص و صعوبه الاخراج .

Comment