عياده جراحه العظام والعمود الفقري

[amrelsaqqa]

د. ضياء ، حضرتك مش هتدخل الموضوع تانى ولا ايه ؟
انا عندى استفسارات كتير ومستنى رأي حضرتك فيها

[hobyana47]

السلام عليكم
الدكتور الكريم جزاك الله خيرا على هذه المشاركة
الله يجعله فى ميزان حسناتك
عندى مشكله وهى

عندى الم دائم فى عظام الساق السفلية
فى الجزء الموضح بالصورة بأسم
tibia
الاول كان بيجى الالم فقط عند الجرى او لعب الكورة
اما الان فدائما ما احس به الالم بالظبط فى العظمة من الجهة الامامية اسف الركبة بحوالى 15 سانتمتر من الجهه الامامية فقط
وفى القدمين نفس الالم فى نفس المكان
فما العلاج مع العلم ان وزن الجسم متوسط والسن منتصف العشريتات

[hobyana47]

دى صورة لمكان الالم بالتحديد

[narutoforever]

دكتوووور الحقنىىىىىىىىىىىىىى

السلام عليكم ورحمة الله وبركاته

حضرتك من 5 شهور تقريبا طلعت لمنطقة مرتفعة واتزحلقت نزلت واقف على رجلى بس الارتداد جيه على العمود الفقرى . وطرقع جامد . المهم وجعنى شوية واهملت الموضوع . بعدين من شهرين حسيت بوجع جامد جدا فى اسفل الظهر فى الجزء الايمن فقط . روحت دلكتور حضرتك قالى ده برد جامد فى المنطقة دى . وادانى مرهم حطيته خفيت شوية . وبعدين امس حسيت بوجع جامد بس مختلف عن التانى . حضرتك الموجع ده مش فى العمود الفقرى من تحت لا ده من الجناب حاسس ان العضم بيكحت فى بعضه . ده طبعا لما قعدت فترة كبيرة على الكمبيوتر فالدكتور اعطانى

1- ibu profen
2-كيتوبروفين 2.5%
3-ميولجين

دهنت المرهم واخدت الكبسولة والبرشامة حسيت براحة مؤقتة كدة او دى راحة نفسية معرفش . وبعدين حسيت بنفس الوجع تانى لسة موجود

انا سنى 20 سنة وبقعد فترة كبيرة عالكرسى

وانا حضرتك بلعب كورة عادى وبجرى عادى . وحتى الدكتور اللى روحتله قالى وطى لقدام او ارجع بظهرك لورا . يعنى محستش بوجع كبير كان عادى يعنى الوجع كله لما بقعد

[vodanet]

الف شكر ليك يا دكتور على عرض مساعدتك لنا
انا عندى سؤال.. واحد صاحبى اصيب فى العمل الفقرى و spinal cord complete crack
مما ادى اى فقد جميع حواسه السفليه...حضرتك معندكش اى معلومات او اى اماكن خارج مصر انا اسمع مفيش حاجه ناجحه بس قلت اسئل حضرتك

[mohamed777]

السلام عليكم ورحمة الله وبركاته

من حوالى اربع سنين (فجأة) حسيت بطقة فى ركبتى الشمال كلما فردت او تنيت ركبتى كان سنى وقتها 21 سنه
على الفور ذهبت للطبيب وعملى رنين مغناطيسى وقالى قطع فى الغضروف الهلالى الداخلى مع تليف فى الغضروف
وجاء بالتقرير المحرر مع الاشعة الاتى



-Evidence of linear transverse high signals seen within the substance of the posterior horn of the medial and lateral menisci not reach the articular surface than signify myxoid degeneration.
-Normal course and signal intensity pattern of the anterior and posterior cruciate ligaments as well as medial and lateral collateral’s ligament .
-Normal appearance of the surrounding muscles as well as preservation of the facial plans noted.
-A hyperintense T2WI signal area seen in the posterior aspect of the distal femoral shaft mainly ....physeal … this represents persistent red marrow.
-Normar appearance of the pattelo-femoral articulation.


وقالى مش محتاج تدخل جراحى لان القطع بسيط وكان وقتها لا يوجد ورم بالركبة مطلقاً ولا يوجد اى الم بها


ومن وقتها وانا ماشى بيها مع تجنبى حدوث هذة الطقة لانها كلما فردت او تنيت ركبتى من غير ماكون محمل عليها فلاتحدث الطقة (وهى لها صوت قوى مكتوم)


إلا انه فى الفترة الاخيرة بدأ حدوث ورم اسفل الصابونة وفى الخلف (بسيط)

بدأت فى عمل تمرينات لتقوية الرباعية (على نصيحة دكتور فى تربية رياضية)
لاحظت نقصان الورم (و بفضل الله لا يوجد الم بها حتى الان)


اية بقى سبب هذة الطقة؟؟ وهل محتاجة لعملية؟؟ انا خايف احسن تعمل خشونة مبكرة وخايف من التدخل الجراحى


بلاحظ انى لما بمشى كتير الورم بيخف وثبات الركبة بيتحسن


وبلاحظ برضة انها ايام بتكون كويسة وثابتة وايام العكس



انا اللي قالقنى حاجتين الورم والطقة الغريبة دى خايف من تدهور الحالة وتبقى خشونة مبكرة


بتنى رجلى فى الصلاة عادى بدون ادنى الم بها

وبفضل الله بقدر اقوم من وضع الجلوس فى الصلاة بدون ما اسند وبدون اى الم بها


احيانا بجرى عليها واسبرنت بدون الم والحمد لله


هل هيكون فى خطورة لو التحق باكاديمية عسكرية؟؟


مين افضل دكتور فى مصر متخصص فى الركبة خصوصاً لاعبى الكرة؟؟


اسف على الاطالة بس حبيت اشرح مشكلتى من جميع الجوانب على شان تقدروا تساعدونى فى حلها


وجزاكم الله خيرا

[rahmanboud]

ربنا يكرم هذا المنتدى والقائمين عليه ويكرم كل من يقدم خير لأهل بلده واصدقائه ابتغاء وجه الله

ربنا يكرمك يا دكتور