د/ احمد عبد الهادي مستشارك لعلاج الاورام

[نور القمر]

دكتور انا كنت سألت حضرتك قبل كدة على البرايفت بخصوص بابا الله يرحمه
وقلت لحضرتك انه اخد جلسات اشعاع وبعدها كيماوي 4 ايام متتالية بعدها بحوالي 4 ايام اصيب بقيء واسهال اسود وحصلت الوفاة
وحضرتك قلت لي انه حصله فشل حاد في الكبد ومكنش المفروض ياخد كيماوي لان كبير في السن
وبناءا على كلام حضرتك ان ده خطأ طبيب ادى للوفاة في رأيك المفروض في الحالة دي اهل المريض يتصرفوا ازاي
لاني مهما وصفت لحضرتك مشاعري بعد كلامك ومدى الحزن الذي اصابني الذي يكاد يكون اكبر من حزني عليه وقت وفاته

[MotorX]

لو سمحت يادكتور ، سؤال بالنسبة لوالدتي ، هي سنها 70 سنه ومؤخرا إكتشفنا اصابتها بسرطان القولون بالإضافة لإنتقالة للكبد بشكل بسيط جدا يتمثل في lesion واحدة فقط على dome (مش عارف انا كاتب الكلام صح ولا لأ بس ده اللي فهمته من الدكتور) ، عموما انا دلوقت محتار بين اكتر من رأي لإن بعض الدكاترة قاللي طالما انتقل للكبد يبقى لازم علاج كيماوي الأول و ناس تانية قالوا لأ ده كلام قديم ولازم نستأصل الورم الأصلي وبعد كده نتعامل مع الورم الثانوي سواء بعلاج كيماوي أو غيره ، وطبعا انا مش عارف الصح فين ، وسؤال تاني انا اسمع عن وجود علاج كيماوي ممكن يتاخد بالفم هل ده يبقى مناسب في حالتنا ؟

وشكرا

[nazaryia]

بالنسبة
1- قام جونز هوبكنز مؤخراً بنشر رسالة حول بحثه العلمي الجديد، وتم نشر هذه الرسالة في المركز الطبي لجيش Walter Reed.!
مركبات الديوكسين Dioxin تسبب أمراض السرطان، وخاصة سرطان الثدي.
الديوكسينات لها تأثيرات سمية عالية جداً على خلايا الجسم...

لاااااا تضع قناني البلاستك المملوءة بالماء في الثلاجة، لأن هذا يحرر الديوكسينات من البلاستك!

2- أيضاً قام الدكتور إدوارد فوجيموتو ، Wellness Program Manager at Castle Hospital, بشرح مطوّل على شاشة التلفاز حول الكارثة الصحية التي تتسبب بها الديوكسينات في حياتنا، ونبّه لخطورة استخدام المكرويف لتسخين الأطعمة وبخاصة تلك التي توضع في العلب البلاستيكية والأطعمة الحاوية على الدهون.
قال أن اختلاط الدهون والحرارة العالية والمواد البلاستكية، يحرر الديوكسينات إلى الطعام ومنه إلى خلايا الجسم. ونصح باستخدام البدائل الأفضل لتسخين الطعام كالأواني الزجاجية أو السيراميك والبيريكس.
ونبّه كثيراً من تغليف الطعام بالبلاستك... وحتى الورق قد يكون أفضل قليلاً لكنك لا تعرف ماذا يحوي من مواد.
وقد ذكّرنا كيف أن بعض مطاعم الوجبات السريعة قامت منذ مدة بالاستغناء عن عبوات الطعام البلاستيكية (البيضاء الأسفنجية) وبدأت باستخدام الورق


كان في حملة عليها في القنوات التليفزيونية اعتقد في برامج العاشرة مساء او90 دقيقه وكتير من الصحف اتكلمت عليها
حضرتك مش متابع ولا ايه

ممكن اكون سمعت عنه بس مش فاكر بس اللي انا عارفه ان الميكرويف عموما خطر علي الصحه و بالنسبه للبلاستيك ففيه نوع منه مكتوب عليه من اسفل كل عبوه رقم 5 جوه مثلث هو ده بس اللي ينفع يتحط فيه الاكل و مصنوع منه الببرونات الخاصه بالاطفال اما اي نوع بلاستيك اخر مكتوب عليه اي احرف او ارقام جوه المثلث غير رقم 5 مينفعش نعيد استخدامه في تخزين الاكل و المشروبات

[حماده المصري]

جزاك الله الف خير يا دكتور

للاسف الشديد والد واحد من الاصدقاء وهو ايضا دكتور

هو مريض بالسكر وسنه تقريبا 62 سنه

جاله ورم خبيث في البنكرياس طبعا مفيش مانع انه يشيل البنكرياس عشان هو كده كده مريض سكر ولكن المشكله الى حصلت
انه الورم لازم في شريان الاورطي او شريان متفرع منه
لذا نسبه النجاح في العمليه 10 % وتعتبر خطوره كبيره جدا
لذا قام له دكتور بعمليه تم فيها تغيير بعض التوصيلات في المعده لكي لا يكون الورم ضاغط على اي شيء في المعده ولكي لا يعاني المريض من وضع البطن لانه كان لا يستطيع الاكل

والان يتم علاج كيماوي كل اسبوع مع العلم انه مرهق جدا جدا للمريض
وعلى امل ان يقوم العلاج الكيماوي بتصغير الورم قليلا او تحجيمه لكي يبتعد عن الشريان وتصبع العمليه سهله وبدون مخاطر على الحياه
كان راي الدكاتره ان ورم البنكرياس حاله تصيب بعض مرضى السكر بعد سن الستين

انا عايز راي حضرتك في الكلام ده

[nazaryia]

دكتور انا كنت سألت حضرتك قبل كدة على البرايفت بخصوص بابا الله يرحمه
وقلت لحضرتك انه اخد جلسات اشعاع وبعدها كيماوي 4 ايام متتالية بعدها بحوالي 4 ايام اصيب بقيء واسهال اسود وحصلت الوفاة
وحضرتك قلت لي انه حصله فشل حاد في الكبد ومكنش المفروض ياخد كيماوي لان كبير في السن
وبناءا على كلام حضرتك ان ده خطأ طبيب ادى للوفاة في رأيك المفروض في الحالة دي اهل المريض يتصرفوا ازاي
لاني مهما وصفت لحضرتك مشاعري بعد كلامك ومدى الحزن الذي اصابني الذي يكاد يكون اكبر من حزني عليه وقت وفاته

صحيح قد يكون خطأ طبي في متابعه الحاله طبيا اثناء العلاج الكيمائي بس هل عندك اثبات بتحاليل وظائف كبد قبل و اثناء ماحدث لوالدك ؟
لو عندك متهيألي موضوع التقاضي ده هيبقي سهل شويه غير كده هيبقي صعب

[nazaryia]

لو سمحت يادكتور ، سؤال بالنسبة لوالدتي ، هي سنها 70 سنه ومؤخرا إكتشفنا اصابتها بسرطان القولون بالإضافة لإنتقالة للكبد بشكل بسيط جدا يتمثل في lesion واحدة فقط على dome (مش عارف انا كاتب الكلام صح ولا لأ بس ده اللي فهمته من الدكتور) ، عموما انا دلوقت محتار بين اكتر من رأي لإن بعض الدكاترة قاللي طالما انتقل للكبد يبقى لازم علاج كيماوي الأول و ناس تانية قالوا لأ ده كلام قديم ولازم نستأصل الورم الأصلي وبعد كده نتعامل مع الورم الثانوي سواء بعلاج كيماوي أو غيره ، وطبعا انا مش عارف الصح فين ، وسؤال تاني انا اسمع عن وجود علاج كيماوي ممكن يتاخد بالفم هل ده يبقى مناسب في حالتنا ؟

وشكرا

المشكله الوحيده في حاله والدتك هي السن المتقدمه و علشان اقدر ارد عليك علميا بطريقه صحيحه ياريت تبعتلي صور تقارير الاشعات المقطعيه علي البطن والحوض بالاضافه الي اشعه الباريوم ......
الجراحه هي احسن الحلول لحالات سرطان القولون الا اذا كانت لها ثانويات فلازم نتأكد 100 % ان الحاجه اللي موجوده في الكبد دي ثانويات و دي بنعمل لها اشعه مقطعيه ثلاثيه حلزونيه علي البطن triphasic spiral CT abdomen بالاضافه الي الحاله الصحيه العامه للمريض ووظائف الكبد
العلاج الكيماوي اللي بالفم هو XELODA و ده هيبقي جزء من البروتوكول اللي هتاخده بس برده لازم وظائف الكبد
ياريت تعمل الحاجات دي و تبعتهالي علي الايميل

[nazaryia]

جزاك الله الف خير يا دكتور

للاسف الشديد والد واحد من الاصدقاء وهو ايضا دكتور

هو مريض بالسكر وسنه تقريبا 62 سنه

جاله ورم خبيث في البنكرياس طبعا مفيش مانع انه يشيل البنكرياس عشان هو كده كده مريض سكر ولكن المشكله الى حصلت
انه الورم لازم في شريان الاورطي او شريان متفرع منه
لذا نسبه النجاح في العمليه 10 % وتعتبر خطوره كبيره جدا
لذا قام له دكتور بعمليه تم فيها تغيير بعض التوصيلات في المعده لكي لا يكون الورم ضاغط على اي شيء في المعده ولكي لا يعاني المريض من وضع البطن لانه كان لا يستطيع الاكل

والان يتم علاج كيماوي كل اسبوع مع العلم انه مرهق جدا جدا للمريض
وعلى امل ان يقوم العلاج الكيماوي بتصغير الورم قليلا او تحجيمه لكي يبتعد عن الشريان وتصبع العمليه سهله وبدون مخاطر على الحياه
كان راي الدكاتره ان ورم البنكرياس حاله تصيب بعض مرضى السكر بعد سن الستين

انا عايز راي حضرتك في الكلام ده

ورم البنكرياس من اسوأ الامراض التي نواجهها وذلك لصعوبه استئصاله جراحيا بالاضافه الي العلاج الكيمائي الذي يأخذه المريض اسبوعيا مثل Gemzar لمده سبعه اسابيع متتاليه ثم راحه اسبوعين ثم اسبوعيا لمده ثلاث اسابيع و راحه اسبوع ثم ثلاث اسابيع و هكذا مع المتابعه الدوريه بالاشعه المقطعيه علي البطن لتصغير حجم الورم ثانيا حكايه ربط ورم البنكرياس بالسكر بعد الستين دي حاجه مش اكيده قد تكون مصادفه في بعض الحالات ولكنها ليست قانون طبي
و عفا الله عن الجميع

[حماده المصري]

الف شكر ليك يا دكتور على الرد السريع

جزاك الله خيرا وجعله في ميزان حسناتك

انا مش عارف اقول لحضرتك ايه على الموضوع

الانساني الرائع ده

[نور القمر]

صحيح قد يكون خطأ طبي في متابعه الحاله طبيا اثناء العلاج الكيمائي بس هل عندك اثبات بتحاليل وظائف كبد قبل و اثناء ماحدث لوالدك ؟
لو عندك متهيألي موضوع التقاضي ده هيبقي سهل شويه غير كده هيبقي صعب

شكرا يا دكتور على الرد
احنا عندنا تحاليل للكبد قبل الكيماوي لكن بعده مفيش لاننا كنا هنوديه المستشفى في نفس اليوم اللي توفى فيه
وبابا وتوفى وخلاص والتقاضي مش هايرجعه وربنا يرحمه
ولعل مشاركتي دي تفيد غيري لو لا قدر الله شاف الاعراض دي على مريض بالسرطان ميأخرش باللجوء لمستشفى لاننا كنا معتقدين انها اعراض طبيعيه للكيماوي

[نور العمر]

السلام عليكم يا دكتور
أم صديقتي تعرضت لجلطة أثرت على رجلها ونصف جسدها ... ومن عدة أشعر تتعالج ... وفجأة اشتد عليها مغص .. وهي تعاني من امساك دائم ... أصبح مزمن ... المهم عملت آشعة ظهر ورم ... وفي النهاية اتضح انه خبيث .. للأسف بتابع في مستشفى جامعي .. الدكتور قال لازم عملية استئصال قولون وجزء من المستقيم ... ودخلت المستشفى وحضرها للعملية لأنها مريضة سكر ... مع الجلطة والأنيميا الحادة .. المهم دخلت العمليات ... لما بدأ وجد الورم منتشر أكثر من اللازم ... استأصل ما استأصله ... وخرج أحبطهم وسودها في وجههم ... بأن الموضوع فوق السيطرة ... ومفيش داعي للكيماوي حتى ...
أنا مش طبيبة ... بس شايفة إن المسألة طالما كانت سلبية كدة ليه عمل العملية وحط مشرط ممكن يكون سبب في انتشاره أكثر وأكثر ... وطالما حالة ميئوس منها هل كان من الممكن اللجوء لأي بدائل أخرى ... وهم في حالة انهيار تام من أمس ... ده معناه في انتظار وفاتها في أي لحظة ... واللا هو قلبه جامد ... وقاسي في ردوده وممكن تكون هناك رؤية أخرى في المسألة ... أرجو الإفادة والرد .... لو سمحت يا دكتور

[nazaryia]

السلام عليكم يا دكتور
أم صديقتي تعرضت لجلطة أثرت على رجلها ونصف جسدها ... ومن عدة أشعر تتعالج ... وفجأة اشتد عليها مغص .. وهي تعاني من امساك دائم ... أصبح مزمن ... المهم عملت آشعة ظهر ورم ... وفي النهاية اتضح انه خبيث .. للأسف بتابع في مستشفى جامعي .. الدكتور قال لازم عملية استئصال قولون وجزء من المستقيم ... ودخلت المستشفى وحضرها للعملية لأنها مريضة سكر ... مع الجلطة والأنيميا الحادة .. المهم دخلت العمليات ... لما بدأ وجد الورم منتشر أكثر من اللازم ... استأصل ما استأصله ... وخرج أحبطهم وسودها في وجههم ... بأن الموضوع فوق السيطرة ... ومفيش داعي للكيماوي حتى ...
أنا مش طبيبة ... بس شايفة إن المسألة طالما كانت سلبية كدة ليه عمل العملية وحط مشرط ممكن يكون سبب في انتشاره أكثر وأكثر ... وطالما حالة ميئوس منها هل كان من الممكن اللجوء لأي بدائل أخرى ... وهم في حالة انهيار تام من أمس ... ده معناه في انتظار وفاتها في أي لحظة ... واللا هو قلبه جامد ... وقاسي في ردوده وممكن تكون هناك رؤية أخرى في المسألة ... أرجو الإفادة والرد .... لو سمحت يا دكتور

اولا عاوز اعرف المريضه عندها كام سنه و بتتعالج من ايه بالظبط؟
ثانيا الاشعه المقطعيه علي البطن والحوض او الباريوم بالاضافه الي تقرير الباثولوجي بتاع العمليه و ايه اللي اتشال في العمليه بالظبط؟
انا علي استعداد لمناظره المريضه مجانا ....و تليفوني موجود ياريت تكلمني عليه و نتفق علي الميعاد
مفيش حاجه اسمها ميئوس منها باذن الله

[zAzU]

دكتور احمد انا طالب فى 4 طب المنصوره و بروح مركز الاورام كتير انا بحترم المكان ده جدا بصراحه هو ومركز الكلى و مركز العيون اماكن تجبرك انك تحترمها وبالذات طبعا مركز الكلى انا كنت بروح الكلى و الاورام فى الصيف فى التدريب بتاع الكليه ده و حضرت كذا عمليه عندكوا انا نفسى اتعرف على حضرتك و اقابل حضرتك يكون شرف لي ولو ممكن اتدرب فى المستشفى مش مهم اعمل حاجه اكيد لو مشاهده بس هستفيد من حضرتك احنا لسه كنا فى المركز قريب انا و زملائى ولاد وبنات احنا عاملين تقليد كده بعد نهاية كل روند بنعمل زياره لقسم الاطفال حاجة زى حفله كده العاب و حلويات و مساعدات ماديه عماناها مرتين و ان شاء الله هنعملها تانى اتمنى مكنش تقلت على حضرتك و اتشرف بمعرفة حضرتك و اسف جدا لو كان كلامى خارج نطاق الموضوع

[nazaryia]

دكتور احمد انا طالب فى 4 طب المنصوره و بروح مركز الاورام كتير انا بحترم المكان ده جدا بصراحه هو ومركز الكلى و مركز العيون اماكن تجبرك انك تحترمها وبالذات طبعا مركز الكلى انا كنت بروح الكلى و الاورام فى الصيف فى التدريب بتاع الكليه ده و حضرت كذا عمليه عندكوا انا نفسى اتعرف على حضرتك و اقابل حضرتك يكون شرف لي ولو ممكن اتدرب فى المستشفى مش مهم اعمل حاجه اكيد لو مشاهده بس هستفيد من حضرتك احنا لسه كنا فى المركز قريب انا و زملائى ولاد وبنات احنا عاملين تقليد كده بعد نهاية كل روند بنعمل زياره لقسم الاطفال حاجة زى حفله كده العاب و حلويات و مساعدات ماديه عماناها مرتين و ان شاء الله هنعملها تانى اتمنى مكنش تقلت على حضرتك و اتشرف بمعرفة حضرتك و اسف جدا لو كان كلامى خارج نطاق الموضوع

انا مدرس مساعد بقسم علاج الاورام و الطب النووي في المستشفي الرئيسي بمبني الاشعه بجوار مركز الاورام القسم عندنا بيعالج الاورام برضه بالعلاج الكيمائي والاشعاعي و قسمنا موجود بالدور الارضي و العيادات بالدور الاول و مكاتب الاساتذه بالدور الثالث و الرابع و القسم الداخلي بالدور الخامس
و انت تشرف انت و زمايلك في اي وقت انا موجود جميع ايام الاسبوع ماعدا السبت و الثلاثاء
انا في انتظارك انت و زمايلك و رقمي موجود ممكن تكلمني عليه

[abdalla45]

الَّذِينَ إِن مَّكَّنَّاهُمْ فِي الْأَرْضِ أَقَامُوا الصَّلَاةَ وَآتَوُا الزَّكَاةَ وَأَمَرُوا بِالْمَعْرُوفِ وَنَهَوْا عَنِ الْمُنكَرِ وَلِلَّهِ عَاقِبَةُ الْأُمُور

[mishak]

اللهم ما إجعلها فى ميزان حسناتك.

بعد أن تحولت مهنة الطب لتجارة على يد الكثير من الاطباء ... فيجب ان نشكر الدكتور أحمد وأمثاله ... اللهم ما تقبل مساعى عبدك أحمد عبد الهادى وإجعلها فى ميزان حسناته ... قولوا آميين