إعـــــــلان

Collapse

.

,
See more
See less

أى سؤال أو استشارة فى طب العيون

Collapse
This is a sticky topic.
X
X
 
  • Filter
  • الوقت
  • Show
Clear All
new posts

  • د \ شريف ...

    الحقـــنــى :)

    عينى حمراااااااء اوى من الصبح و مش عارف ليه .

    خصوصا عينى الشمال . بعد ما رجعت من الامتحان و قلعت النظاره الشمس لاقيت عينى حمــــــراء بطريقة فظيعة .

    يا ترى ده عادى و هتروح ولا ايه ! و شكرا مقدما . :)

    Comment


    • المشاركة الأصلية كتبت بواسطة نور العمر مشاهدة المشاركة
      أهلا بيك د/ شريف
      أنا متابعة
      ونصائحك ما شاء الله عليها
      أنا بصراحة كدة ... كنت بلبس عدسات كذا سنة ... وفجأة كدة أهملت على موعد تغيير العدسات وركنتها ووقفت كل حاجة ... وبعد فترة طويلة مش عاوزة أقول قد إيه ... المهم سنتين او اكتر ... رجعت أفكر إني عاوزة ألبس حاجة تاني ... عملت عدسات عند مغربي ... ومريحتنيش نهائي ورجعتها وخسرت فيها ... فعملت نظارة ... وبقالي سسنتين بالنظارة .. دلوقتي انا عاوزة ارجع للعدسات .... وعاوزة اعملها ملونة .... عشان مبقاش فيه حيل أركز وسط المحلول وأدور على العدسة ... انا فيه عين وصلت ل -4 والتانية -1.5 مع استجماتيزم حاد ... أرجوك متقوليش بلاش عدسات ... عشان الاستجماتيزم ... انا كنت بلبسها بدون مشاكل ... بس يمكن النوع إللي عملته وأجبرت عيني فجأة بعد مدة على مقاس نظر بعدسة ... خلاها لا تتقبل .... تنصحني بإيه
      واعملها فين .... وأفضل نوع عدسة أطلبه إيه

      وألف مليون شكراً
      أولا : آسف جدا على التأخير فى الرد ... بس كنت مشغول جدا

      ثانيا : ماقدرش ماقولش بلاش عدسات ... استيجماتيزم حاد يعنى درجته كبيرة ، و العدسة الملونة مش بتصلح الأستيجماتيزم ... مجرد بناخد مقاس متوسط بين القصر و الأستيجماتيزم و ده احيانا بيكون مزعج و مجهد للعين (كنت بتلبسيها .. آه .. لكن بدون مشاكل ... لأ ... ممكن نقول مشاكل محتملة بالنسبة لك و لكن أولا و آخرا هى مشاكل..)
      لو ممكن تكتبى لى مقاساتك بالضبط و احاول احدد لك على ضوئها نوع العدسات الملائمة (شفافة او ملونة لو المقاس يسمح).
      فى انتظار الرد و آسف مرة أخرى على التأخير.
      و تحياتى
      [FONT=Comic Sans MS][SIZE=4]Dr. Sherif Mansy[/SIZE][/FONT][SIGPIC][/SIGPIC]
      [URL="http://nilemotors.net/Nile/showthread.php?t=55299"]أى سؤال أو استشارة فى طب العيون[/URL]
      [CENTER][COLOR=DarkGreen][B][SIZE=5]الصحة تاج على رؤوس الأصحاء
      لا يراه إلا المرضى
      [/SIZE][/B][/COLOR] [/CENTER]

      Comment


      • المشاركة الأصلية كتبت بواسطة mahmoudysf مشاهدة المشاركة
        السلام عليكم
        شكرا لحضرتك على تعاونك وجزاك الله كل خير
        فى الحقيقة ليا استفسار وارجو الاهتمام من حضرت
        عندي ابن عمره 6 سنوات من حوالى 3 سنين تقريبا ابتدت عنية تحمر بشكل شديد وتكون ملتهبة وتفرز سائل ابيض زي الخيوط وبيشتكى بالم دايما رحت لاكتر من دكتور وكلهم قالو حساسية وملهاش علاج حتى القطرة اللي بيكتبوها مفيش منها نتيجة طبعا مع استمرار احمرار والتهاب العين ومعظم الدكاترة قالو علاجو الوحيد كمادات مياة باردة ولاكن حتى مع المياة الباردة النتيجة غير مرضية
        ملحوظة الحاجة الوحيدة اللي بترجع عنية لطبيعتها هى قطرة كورتيزون ودى بستعملهة قليل وبحظر على فترات بعيدة
        هل يوجد حل لمعاناته علما بانه هيدخ المدرسة السنة الجاية
        اسف للاطالة ولاكن فعلا انا بتالم لمعاناته والمة
        وشكرا

        أسف على التأخير يا أستاذ محمود و لكن غصب عنى والله

        بالنسبة لموضوع ابنك فالوصف اللى حضرتك بتوصفه ممكن يكون حساسية او ممكن يكون التهاب بسبب "تراكوما" نشطة.
        لو ممكن حضرتك تراسلنى على الخاص و تقول لى حضرتك ساكن فين علشان لو ممكن نرتب ميعاد افحصه فيه.

        بالنسبة للأطفال فأنا مش بأحب أكتب علاج على الوصف فقط و ذلك لأن وصف العلاج فى الأطفال زى التعامل مع الديناميت ... كل حاجة بحساب و مقدار و معامل الأمان بين الجرعة الآمنة و الخطرة ضئيل ، و بالتالى أفضل أشوف بعينى.

        عموما عندنا قائمة ممنوعات لابد من منعها لحين البت فى الأمر:

        * البيض و السمك
        * الفلفل و الشطة و المخللات
        * الشكولاته و الكاكاو (مسموح بالشكولاته البيضاء فى اضيق الحدود)
        * الموز و المانجو و المشمش و الفراولة
        * اى مسبب آخر يعلم المريض انه حساس له
        *الأنتباه لمسببات الحساسية التى امام اعيننا ولا ننتبه لها مثل : الملابس الصوفية ، البطاطبن (و بالذات لو تم تخزينها فترة مثل الصيف مثلا) ، القطيفة ، الموكيت ، التراب ... الخ

        فى انتظار الرد
        و تحياتى
        [FONT=Comic Sans MS][SIZE=4]Dr. Sherif Mansy[/SIZE][/FONT][SIGPIC][/SIGPIC]
        [URL="http://nilemotors.net/Nile/showthread.php?t=55299"]أى سؤال أو استشارة فى طب العيون[/URL]
        [CENTER][COLOR=DarkGreen][B][SIZE=5]الصحة تاج على رؤوس الأصحاء
        لا يراه إلا المرضى
        [/SIZE][/B][/COLOR] [/CENTER]

        Comment


        • المشاركة الأصلية كتبت بواسطة Terrible_DaRsH مشاهدة المشاركة
          د \ شريف ...

          الحقـــنــى :)

          عينى حمراااااااء اوى من الصبح و مش عارف ليه .

          خصوصا عينى الشمال . بعد ما رجعت من الامتحان و قلعت النظاره الشمس لاقيت عينى حمــــــراء بطريقة فظيعة .

          يا ترى ده عادى و هتروح ولا ايه ! و شكرا مقدما . :)
          ألف سلامة عليك و لكن "عينى حمراء" لا تكفى لتشخيص الحالة او وصف علاج

          ده احنا عندنا كتاب لازم نقراه اول ما نتخرج اسمه "red eye" ....

          ارسلت لك على الخاص رقم تليفونى ... ارجو الأتصال لوصف الحالة بالتفصيل ... و ألف سلامة عليك
          [FONT=Comic Sans MS][SIZE=4]Dr. Sherif Mansy[/SIZE][/FONT][SIGPIC][/SIGPIC]
          [URL="http://nilemotors.net/Nile/showthread.php?t=55299"]أى سؤال أو استشارة فى طب العيون[/URL]
          [CENTER][COLOR=DarkGreen][B][SIZE=5]الصحة تاج على رؤوس الأصحاء
          لا يراه إلا المرضى
          [/SIZE][/B][/COLOR] [/CENTER]

          Comment


          • السلام عليكم و رحمة الله و بركاته

            الف شكر ليك يا د/ شريف على اهتمامك و مساعدتك , اتمنى ان كل الاطباء " و الناس عموما " يكونو على نفس الروح الطيبه .

            انا عاوز اخد رأيك فى مشكله عند والدتى :

            المشكله ان والدتى كان جالها نزيف فى الشبكيه و راحت كشفت فى مستشفى العيون الدولى فى الدقى و الدكتور هناك قال انها حتحتاج عمليه ليزر فورا للشبكيه و قال انها حتحتاج عمليه تنظيف ؟؟ هى قلقت من موضوع التنضيف ده و راحت عند دكتور تانى اسمه عبد اللطيف صيام و عملها الليزر و النزيف وقف الحمد لله ...الكلام ده من سنه تقريبا , المشكله ان لحد انهارده والدتى بتشوف زى حاجات بتنزل قدامها زى نقط او اشكال , سألت الدكتور تانى قالها ديه نتيجه النزيف و حيروح مع الوقت ..... الكلام ده من اكتر 10 شهور و مع ذلك لسه الموضوع مستمر معاها و لكن على حسب كلامها قل عن الاول كتير . بس هى عندها ميه بيضا على العين ...يمكن ديه برضه تكون مأثره على نظرها ؟
            * نسيت اقول ان عندها السكر و سعات الضغط مش منتظم سعات بيرتفع .

            انا مش عارف الحاله الى عندها ديه ايه ؟ و هل فعلا هى كانت محتاجه عمليه تانيه بعد الليزر زى ما قال الدكتور فى العيون الدولى ؟

            شاكر ليك يا د/ شريف على مبادرتك الجميله " و النادره " فى مساعده الغير
            تحياتى ليك


            Comment


            • المشاركة الأصلية كتبت بواسطة mohabsaeed مشاهدة المشاركة
              السلام عليكم و رحمة الله و بركاته

              الف شكر ليك يا د/ شريف على اهتمامك و مساعدتك , اتمنى ان كل الاطباء " و الناس عموما " يكونو على نفس الروح الطيبه .

              انا عاوز اخد رأيك فى مشكله عند والدتى :

              المشكله ان والدتى كان جالها نزيف فى الشبكيه و راحت كشفت فى مستشفى العيون الدولى فى الدقى و الدكتور هناك قال انها حتحتاج عمليه ليزر فورا للشبكيه و قال انها حتحتاج عمليه تنظيف ؟؟ هى قلقت من موضوع التنضيف ده و راحت عند دكتور تانى اسمه عبد اللطيف صيام و عملها الليزر و النزيف وقف الحمد لله ...الكلام ده من سنه تقريبا , المشكله ان لحد انهارده والدتى بتشوف زى حاجات بتنزل قدامها زى نقط او اشكال , سألت الدكتور تانى قالها ديه نتيجه النزيف و حيروح مع الوقت ..... الكلام ده من اكتر 10 شهور و مع ذلك لسه الموضوع مستمر معاها و لكن على حسب كلامها قل عن الاول كتير . بس هى عندها ميه بيضا على العين ...يمكن ديه برضه تكون مأثره على نظرها ؟
              * نسيت اقول ان عندها السكر و سعات الضغط مش منتظم سعات بيرتفع .

              انا مش عارف الحاله الى عندها ديه ايه ؟ و هل فعلا هى كانت محتاجه عمليه تانيه بعد الليزر زى ما قال الدكتور فى العيون الدولى ؟

              شاكر ليك يا د/ شريف على مبادرتك الجميله " و النادره " فى مساعده الغير
              تحياتى ليك



              ألف سلامة على الوالدة يا استاذ مهاب

              واضح من الوصف اللى حضرتك قلته ان الوالدة عندها السكر من فترة طويلة او انها مش منظمة السكر كويس
              و طبعا مش لازم ننسى الضغط العالى اللى بيفلت من حين لآخر

              طبعا الأثنين المجرمين دول هما السبب فى النزيف اللى حصل لعين الوالدة

              طبعا انا مش قادر احكم كويس لأن المفروض أشوف الوضع ايه و كمية النزيف أد ايه و فين ، و هل على الشبكية ولا فى الجسم الزجاجى و لا الأثنين ؟؟

              الليزر بيكون من الحاجات الضرورية فى الحالات دى عادة و لكن مش لازم ننسى ان لابد تكون الوالدة عملت تصوير لقاع العين بصبغة الفلورسين .. لأن ده بيكون زى الخريطة اللى بأمشى عليها و انا باعمل الليزر

              نقطة مهمة و هى ان الليزر مش بيوقف النزيف ، ده بيمنع تدهور حالة العين و يحافظ على الحالة كما هى (ان لم تتحسن) بإذن الله

              نقطة تانية مهمة ، هى الوالدة عملت كام جلسة ليزر ؟؟

              و بعدين ايه حكاية التنظيف دى ؟؟ مافيش حاجة اسمها كده ... الا لو كان يقصد عملية استبدال جسم زجاجى (مع او بدون حقن زيت سيليكون) و دى عملية كبيرة مش صغيرة !!!

              وجود النقط او الأشكال قدامها دى اللى بنسميها "الذبابة الطائرة" و دى شوائب فى الجسم الزجاجى (او بقايا نقط نزيف) و هنا سؤال ... ايه اللى يخلى نقط النزيف تقعد 10 شهور ؟؟؟ المفروض الجسم يكون سحبها و امتصها الا لو كان فيه انزفة جديدة (و ده بيحصل لو السكر و / او الضغط مش متنظمين كويس)

              وجود المياه البيضاء له بدون شك تأثير على النظر و لكن درجته حسب درجة و مكان النياه البيضاء (فى النواة و لا المحفظة الخلفية للعدسة و لا القشرة ... الخ) ... و لو تقيلة ممكن تعاكس فى تصوير و فحص قاع العين و توصيل الليزر لو احتجنا له

              انا عن نفسى اعتقد ان حالة الوالدة هى "اعتلال الشبكية الناتج من مرض السكر" و / او "الضغط المرتفع"

              لازم الموضوع يتاخد بجدية اكتر من كده شوية مع متابعة دقيقة

              معلش طولت عليك بس الفكرة ان انا اصلا تخصصى "شبكية و جسم زجاجى" ، فأنت جاى فى ملعبى

              ألف سلامة على الوالدة و مستنى ردك على و لو تحب افحصها أهلا و سهلا بيها ضيفة عزيزة علينا.

              و تحياتى
              [FONT=Comic Sans MS][SIZE=4]Dr. Sherif Mansy[/SIZE][/FONT][SIGPIC][/SIGPIC]
              [URL="http://nilemotors.net/Nile/showthread.php?t=55299"]أى سؤال أو استشارة فى طب العيون[/URL]
              [CENTER][COLOR=DarkGreen][B][SIZE=5]الصحة تاج على رؤوس الأصحاء
              لا يراه إلا المرضى
              [/SIZE][/B][/COLOR] [/CENTER]

              Comment


              • الف شكر لحضرتك يا د/ شريف على ردك الوافى , بجد شئ عظيم جدا ان الانسان يزكى عن علمه و يفيد الناس بعلمه و خبرته ...اتمنى ان كلنا نتحلى بهذه الروح الطيبه .
                انا حبعتلك لحضرتك رساله على الخاص علاشان كيفيه الاتصال بيك .

                Comment


                • السلام عليكم ورحمه الله وبركاته
                  لو سمحت يا دكتور
                  والدتي من اول امبارح بالليل
                  وهي عندها نقطه حمرا في عينها بنفسالشكل ده

                  وعلي كلامها ان مساحتها زادت شويه
                  ولما سالتها حاسه بالم فيها
                  قالتلي انها حاسه زي ما يكون فيه شعره صغيره في عينها
                  يا تري دي سببها ايه
                  وهي عندها ضغط وسكر بس بتاخد ادويتهم بانتظام
                  وجزاك الله عنا كل خير
                  [CENTER]

                  [URL="http://www.nilemotors.net/Nile/320037-a.html"]اسهل واسرع طريقه لتصغير حجم اي عدد من الصور باسرع وقت لرفعهم علي المنتدي[/URL][/B]
                  [/CENTER]

                  [B][SIZE=4] لا تحزن إذا فاتك قطار الزواج، فلأن يفوتك القطار خير من أن يدهسك..
                  ---------------------------------
                  [/SIZE][/B][CENTER]
                  [/CENTER]

                  Comment


                  • المشاركة الأصلية كتبت بواسطة shnory مشاهدة المشاركة
                    السلام عليكم ورحمه الله وبركاته
                    لو سمحت يا دكتور
                    والدتي من اول امبارح بالليل
                    وهي عندها نقطه حمرا في عينها بنفسالشكل ده

                    وعلي كلامها ان مساحتها زادت شويه
                    ولما سالتها حاسه بالم فيها
                    قالتلي انها حاسه زي ما يكون فيه شعره صغيره في عينها
                    يا تري دي سببها ايه
                    وهي عندها ضغط وسكر بس بتاخد ادويتهم بانتظام
                    وجزاك الله عنا كل خير
                    الصورة دى بتاعة نزيف فى الملتحمة (الغشاء الشفاف فوق الأبيض بتاع العين)

                    عادة بيكون فى شكل نقطة و خلال يوم او اثنين تفرش و تبقى اكبر فى المساحة و لكن اقل فى السمك ، و هى غير مؤلمة

                    أول متهم فى الموضوع ده لو الضغط فلت عياره و على شوية ، و طبعا باقى الأسباب بتكون عادة اما زعيق أو شيل حاجة تقيلة ، كحة او عطسة جامدة ، امساك مثلا ... الخ

                    لو على قد كده ما بتخوفش و مافيش داعى للقلق منها و لكن دى لمبة حمراء ربنا باعتها لنا تنبهنا ان فيه حاجة محتاجة للأنتباه (علشان لا قدر الله ما تحصلش فى مكان تانى ممكن يكون فيه خطورة الف بعد الشر علي الوالدة)
                    يبقى نراجع تنظيم الضغط و السكر ، نبعد عن الأنفعال و الحزق و الكجة الجامدة و العطس الجامد ، ممنوع شيل الحاجات التقيلة ، الأهتمام بالخضار و الفاكهة الطازجة للحصول على الفيتامينات الكافية

                    أول يوم بنعمل كمادات باردة لتقليل النزف و ابتداء من تانى يوم و انت طالع كمادات دافئة لتسهيل امتصاصه

                    طبيعى انها تقعد اسبوع او اثنين (حسب الحجم) فمافيش داعى للقلق

                    بما انها سطحية و معرضة للهواء فالدم بيفضل مؤكسج و بالتالى تفضل حمراء ، فلا داعى للأنزعاج

                    انا مش باحب ادى اى دواء فى الحالة دى و لكن لو فيه قلق منها ممكن نكتب

                    Tobrex Eye drops
                    قطرة للعين 3 مرات يوميا لمدة 5 ايام

                    Alphintern tablets
                    قرص 3 مرات يوميا

                    مع تمنياتى بالشفاء للوالدة

                    و تحياتى
                    [FONT=Comic Sans MS][SIZE=4]Dr. Sherif Mansy[/SIZE][/FONT][SIGPIC][/SIGPIC]
                    [URL="http://nilemotors.net/Nile/showthread.php?t=55299"]أى سؤال أو استشارة فى طب العيون[/URL]
                    [CENTER][COLOR=DarkGreen][B][SIZE=5]الصحة تاج على رؤوس الأصحاء
                    لا يراه إلا المرضى
                    [/SIZE][/B][/COLOR] [/CENTER]

                    Comment


                    • جزاك الله كل خير يا دكتور وربنا يجعله في ميزان حسناتك
                      الف شكر انك طمنتني لاني كنت قلقان جدا من الموضوع ده
                      [CENTER]

                      [URL="http://www.nilemotors.net/Nile/320037-a.html"]اسهل واسرع طريقه لتصغير حجم اي عدد من الصور باسرع وقت لرفعهم علي المنتدي[/URL][/B]
                      [/CENTER]

                      [B][SIZE=4] لا تحزن إذا فاتك قطار الزواج، فلأن يفوتك القطار خير من أن يدهسك..
                      ---------------------------------
                      [/SIZE][/B][CENTER]
                      [/CENTER]

                      Comment


                      • انا ديما بعانى من كتر
                        القذى فى العين
                        وساعات فى الجو البارد عينى تدمع
                        A.Saad

                        Comment


                        • المشاركة الأصلية كتبت بواسطة A.Saad مشاهدة المشاركة
                          انا ديما بعانى من كتر
                          القذى فى العين
                          وساعات فى الجو البارد عينى تدمع

                          أستاذ أحمد لو سمحت لى فيه جزء مش واضح فى سؤال حضرتك

                          قذى دى كلمة عربية فصحى معناها عايم فى الطب عندنا لأن معناها ان فيه حاجة مؤذية و مضايقة عين حضرتك ، يا ريت لو توضح لى اكتر قصدك ايه

                          بالنسبة للجو الحار او البارد (سيان) فنسبة بخر الدموع بتكون اكتر و بالتالى طبيعى جدا ان العين تدمع لتعويض الدموع اللى جفت (زى اما تقف امام فرن او بوتاجاز حامى او امام هواء مكيف او مروحة)

                          فى انتظار توضيح المشكلة

                          و تحياتى
                          [FONT=Comic Sans MS][SIZE=4]Dr. Sherif Mansy[/SIZE][/FONT][SIGPIC][/SIGPIC]
                          [URL="http://nilemotors.net/Nile/showthread.php?t=55299"]أى سؤال أو استشارة فى طب العيون[/URL]
                          [CENTER][COLOR=DarkGreen][B][SIZE=5]الصحة تاج على رؤوس الأصحاء
                          لا يراه إلا المرضى
                          [/SIZE][/B][/COLOR] [/CENTER]

                          Comment


                          • المشاركة الأصلية كتبت بواسطة dr.sherif mansy مشاهدة المشاركة
                            أستاذ أحمد لو سمحت لى فيه جزء مش واضح فى سؤال حضرتك

                            قذى دى كلمة عربية فصحى معناها عايم فى الطب عندنا لأن معناها ان فيه حاجة مؤذية و مضايقة عين حضرتك ، يا ريت لو توضح لى اكتر قصدك ايه

                            بالنسبة للجو الحار او البارد (سيان) فنسبة بخر الدموع بتكون اكتر و بالتالى طبيعى جدا ان العين تدمع لتعويض الدموع اللى جفت (زى اما تقف امام فرن او بوتاجاز حامى او امام هواء مكيف او مروحة)

                            فى انتظار توضيح المشكلة

                            و تحياتى

                            عماص ابيض طرى
                            بيكون فى جنب العين او اسفلها
                            A.Saad

                            Comment


                            • الدكتور الفاضل / شريف منسى

                              ابنى 8 سنوات يعانى من استجماتزم مختلط ( طول مع قصر ) بدرجة عالية

                              و يلبس نظارة منذ حوالى ثلاث سنوات

                              سؤالي هو : هل النظارة تساعد في تقليل درجة الاستجماتزيم او تحسن النظر مستقبلا !

                              و شكرا مقدما
                              [SIZE="4"]كف الاذى عن الناس ....عباده[/SIZE]

                              Comment


                              • المشاركة الأصلية كتبت بواسطة banboty مشاهدة المشاركة
                                الدكتور الفاضل / شريف منسى

                                ابنى 8 سنوات يعانى من استجماتزم مختلط ( طول مع قصر ) بدرجة عالية

                                و يلبس نظارة منذ حوالى ثلاث سنوات

                                سؤالي هو : هل النظارة تساعد في تقليل درجة الاستجماتزيم او تحسن النظر مستقبلا !

                                و شكرا مقدما
                                أولا آسف على التأخير بس الدنيا كانت مكركبة جدا معايا لما رجعت من السفر و أول يوم ادخل على المنتدى النهاردة

                                بالنسبة للنظارة فهى مش بتغير المقاس (يعنى لا تقلله و لا تزوده) و لكن بتخلى الواحد يشوف صورة سليمة واضحة و بكده تيقى بتحافظ على جودة الأبصار يعنى الواحد يفضل على طول يشوف صورة واضحة و سليمة (بعكس اللى يقلع النظارة ممكن لما يلبسها تانى يلاقى ان الصورة مش واضحة زى ايام ما كان بيلبسها يعنى جودة الصورة بقت اقل)

                                فكده بانه يلبس النظارة على طول نضمن حاجتين بأذن الله
                                * رؤية سليمة و واضحة
                                * الحفاظ على مستوى جودة الرؤية

                                بالنسبة للأطفال فهناك فائدة ثالثة و هى ان مركز الأبصار فى المخ بيكون فى طور التكوين من سن 4 الى 7 سنين (9 على اقصى تقدير) و بالتأكيد لازم له صورة سليمة علشان ينمو نمو سليم ، و لذلك نجد ان الطفل لو اهله اهملوا فى لبسه للنظارة ممكن يجى له كسل فى العين و دى بتبقى مشكلة مدى الحياة ، فكون انه يلبس النظارة فحضرتك بتحمى عينه من الكسل

                                و تحياتى
                                [FONT=Comic Sans MS][SIZE=4]Dr. Sherif Mansy[/SIZE][/FONT][SIGPIC][/SIGPIC]
                                [URL="http://nilemotors.net/Nile/showthread.php?t=55299"]أى سؤال أو استشارة فى طب العيون[/URL]
                                [CENTER][COLOR=DarkGreen][B][SIZE=5]الصحة تاج على رؤوس الأصحاء
                                لا يراه إلا المرضى
                                [/SIZE][/B][/COLOR] [/CENTER]

                                Comment

                                Working...
                                X