إعـــــــلان

Collapse

.

,
See more
See less

أى سؤال أو استشارة فى طب العيون

Collapse
This is a sticky topic.
X
X
 
  • Filter
  • الوقت
  • Show
Clear All
new posts

  • المشاركة الأصلية كتبت بواسطة n.y.s.m.a مشاهدة المشاركة
    ربنا يبارك في حضرتك يادكتور بس لية سؤال صغير كده على الماشي


    زمان كنا لما نلبس نظارة بتاعة حد تاني كان أهالينا يقولولنا بلاش كده عشان نظركوا مايضعفش زي صاحب النظارة ... وأنا كنت بحب ألبس نظارة أبويا جدا


    هل ده فعلا مؤثر على صحة الإبصار

    لأن أنا فعلا من وأنا صغير نظري بيضعف بمعدل ثابت تقريبا لغاية ما وصل لـ -4

    يعني لما بلبس نظارة مش مقاسي فعلا عنية بتوجعني وبيحصل فيها بعض التقلصات ولما بيكون المقاس فرقه بسيط جدا مش بحس بألم في عيني لكن بيجيلي صداع مش عارف سببه لغاية ما مقاس النظارة يرجع يتظبط تاني (طبعا ده من ملاحظاتي مع نظارات كتير جدا غيرتها) هل بقى التأثير ده له نتيجة على صحة أو قوة الإبصار فعلا .. مع ملاحظة إني لما كنت البس نظارة حد غيري زي والدي مثلا وأنا صغير مكانش بيبقى لمدة كبيرة .. لأ آخرها خمس دقايق أو أقل لمجرد اللعب فقط


    المشكلة إن بناتي دلوقتي بيحاولوا ساعات فعلا لما نظارتي تقع في إيديهم إنهم يلبسوها لتقليدي فهل ده غلط فعلا ولا لأ

    وجزاك الله خيرا
    لبس نظارة الغير (أو مقاس مش مضبوط) ينتج عنه زغللة و/أو صداع ، و ليس له تأثير على مقاس العين الحقيقى ، بمعنى انه قد يتسبب فى حدوث شد بعضلة العين الداخلية مع تغير مؤقت فى المقاس يعود لطبيعته بعد فترة وجيزة من خلع النظارة الغير مضبوطة.

    يعنى ليس له تأثير دائم على مقاس العين ، لو حضرتك -4.00 و لبست نظارة -4.25 لفترة و رجعت قلعتيها بسبب الصداع مثلا ، لو خدنا مقاس جديد هانلاقى العين مازالت -4.00

    وطبعا غلط لبس الأطفال لنظارة حضرتك علشان اللخبطة فى النظر فى السن الصغير مش مطلوبة ، مش هاتغير مقاس عينهم ، و لكن مالهاش لازمة لأسباب أخرى يطول شرحها ، لأن لو السن اقل من 7 سنوات بيكون مركز الأبصار فى المخ فى طور التكوين و باختصار الزغللة ليه مش مطلوبة.

    و تحياتى
    [FONT=Comic Sans MS][SIZE=4]Dr. Sherif Mansy[/SIZE][/FONT][SIGPIC][/SIGPIC]
    [URL="http://nilemotors.net/Nile/showthread.php?t=55299"]أى سؤال أو استشارة فى طب العيون[/URL]
    [CENTER][COLOR=DarkGreen][B][SIZE=5]الصحة تاج على رؤوس الأصحاء
    لا يراه إلا المرضى
    [/SIZE][/B][/COLOR] [/CENTER]

    Comment


    • اعتقد ان فى سن الطفل سن 8 سنوات مش محتاجين لقطرة التوسيع لمدة يومين وبالتالى الكشف مظبوط من وجهة نظرى

      Comment


      • المشاركة الأصلية كتبت بواسطة mosaelaswad مشاهدة المشاركة
        اعتقد ان فى سن الطفل سن 8 سنوات مش محتاجين لقطرة التوسيع لمدة يومين وبالتالى الكشف مظبوط من وجهة نظرى

        أهلا و سهلا بحضرتك ، و هو بس فيه سوء تفاهم ، انا مش بأقول بنحط القطرة لمدة يومين ، انا بأقول بنحط القطرة و ننتظر ساعة لكى توقف عمل العضلة الداخلية و بعدها نأخذ القياس ، و لكن للأسف مفعول القطرة يمتد حتى يومين لأنه و كما تعرف سيادتك نستعمل قطرة cyclopentolate ة هذه تعمل على الCiliary muscle أصلا أكثر منها على Dilator pupillae و مفعولها يمتد الى 48 ساعة

        بالنسبة لموضوع السن فالمفترض لكى نتجنب تأثير ال Ciliary muscle ان نستعمل مرهم أتروبين لأى طفل عمره 10 سنوات او اقل لعمل مقاس نظارة له ، و يكون ذلك بوضعه 3 مرات يوميا لمدة 3 ايام (و يوقف فورا اذا حدث احمرار شديد بالعين او ارتفاع بدرجة الحرارة) ، و للأسف مفعوله ي
        متد حتى 14 يوم ، و لكن نظرا لأنه غير موجود بمصر منذ عدة سنوات فنستعمل القطرة السابق ذكرها ، و نظرا أيضا لأننا نخاف من حدوث مضاعفات من استعمالها (تكون المضاعفات اسرع كونها قطرة فيسهل امتصاصها من اغشية الأنف المخاطية) فنستعملها مرة و لابد ان يقوم الطبيب بوضعها بنفسه لأغلاق فتحتى القناة الدمعية لنتجب وصولها بكمية كبيرة للأنف و بالتالى نقلل من امتصاصها فى الدورة الدموية. الجيش قال اتصرف ، و لازم نستعمل الموجود و ناخد فايدته و نبعد عن ضرره باذن الله.

        أرجو أكون وضحت وجهة نظرى.

        و تحياتى
        [FONT=Comic Sans MS][SIZE=4]Dr. Sherif Mansy[/SIZE][/FONT][SIGPIC][/SIGPIC]
        [URL="http://nilemotors.net/Nile/showthread.php?t=55299"]أى سؤال أو استشارة فى طب العيون[/URL]
        [CENTER][COLOR=DarkGreen][B][SIZE=5]الصحة تاج على رؤوس الأصحاء
        لا يراه إلا المرضى
        [/SIZE][/B][/COLOR] [/CENTER]

        Comment


        • السلام عليكم
          في موضوع للنقاش بخصوص عدسات النظارات الشمسية وافضلية الفلاتر لوقاية العين من اشعة الشمس .....ياريت لو تشرفنا برايك في الموضوع يا دكتور شريف......وشكرا.
          http://www.nilemotors.net/Nile/140223-polarized.html
          إِن يَنصُرْ‌كُمُ اللَّـهُ فَلَا غَالِبَ لَكُمْ ۖ وَإِن يَخْذُلْكُمْ فَمَن ذَا الَّذِي يَنصُرُ‌كُم مِّن بَعْدِهِ ۗ وَعَلَى اللَّـهِ فَلْيَتَوَكَّلِ الْمُؤْمِنُونَ ﴿[U]160)[/U]
          م/محمد

          Comment


          • المشاركة الأصلية كتبت بواسطة mosaelaswad مشاهدة المشاركة
            اعتقد ان فى سن الطفل سن 8 سنوات مش محتاجين لقطرة التوسيع لمدة يومين وبالتالى الكشف مظبوط من وجهة نظرى
            و لأنى عارف ان أخى العزيزmosaelaswad بيفضل ان الحاجة تكون موثقة بالدلائل بتاعتها أسمح لى أؤيد كلامى اللى فات بعد اذنك



            و حضرتك شايف ان رقم واحد زى ما قلت الأطفال تحت 10 سنين ، و ان اللى يستعمل Cyclopentolate



            و هنا ميعاد الفحص (و دى الصفحة اللى بعدها زى ما حضرتك شايف من تسلسل الكلام) و ان الأتروبين بنستنى اسبوعين لحد مفعوله ما يروح ، و ال Cyclopentolate بنستنى عليه من يومين لثلاثة.

            أرجو اكون وضحت وجهة نظرى لحضرتك يا أخى العزيز

            و تحياتى
            [FONT=Comic Sans MS][SIZE=4]Dr. Sherif Mansy[/SIZE][/FONT][SIGPIC][/SIGPIC]
            [URL="http://nilemotors.net/Nile/showthread.php?t=55299"]أى سؤال أو استشارة فى طب العيون[/URL]
            [CENTER][COLOR=DarkGreen][B][SIZE=5]الصحة تاج على رؤوس الأصحاء
            لا يراه إلا المرضى
            [/SIZE][/B][/COLOR] [/CENTER]

            Comment


            • المشاركة الأصلية كتبت بواسطة osos_lion مشاهدة المشاركة
              شكرا لمجهودك يا د/شريف
              انا عندي استفسار انا عيني احمرت مره واحده وقعدت تدمع
              المهم رحت مسشفي مشهوره قي مصر الجديده
              والدكتور حطلي قطرت بينج وقالي في حاجه غريبه دخلت عينك وهو فعلا كان قبليها بيومين بركب خشبه كده فلبيت ووانا بدقها الحيطه اتكسرت وطار اسمنت وكده فعيني
              المهم
              جاب حقنه وشال الاجسام الغريبه دي
              بعديها بتاني يوم مستريحتش رحت لقيت دكتر تاني فقالي لسه في بواقي وعمل نفس الموضوع بينج وحقنه
              وانا لسه حاسس ان في حاجه فعيني بس هو قاي انك هتحس بيكده الكلام ده من السبت والاحد الي فات
              وكتبلي قطره وجيل بستعملهم
              المهم اي ضؤ بشوفو بيضايقني وهل كده القرنيه اتخربشت وبترجع تاني ولا الموضوع ده ياثر

              تاني حاجه هو طريقت كشف النضاره الصحيحه ازم القره الي بتفتح العين ولا ايه ياريت حضرتك تشرح طريقت كشف النضاره الصيحه


              آسف على التأخير فى الرد و لكن تاه منى سؤال حضرتك بين المشاركات ، سامحنى من فضلك.

              طالما تم ازالة جسم غريب من القرنية فلازم تكون اتخربشت و بتخليك متضايق من الضوء مع دموع و احيانا زغللة و حرقان ، و لكن عادة القرنية بتعالج خدوشها السطحية خلال ساعتين الى يومين فى وجود العلاج اللازم اللى يمنع الألتهاب الميكروبى ، و ان شاء الله ما دامت خدوش سطحية بتلتئم بدون أى أثر باذن الله.

              القطرة اللى بتوسع العين زمان كانت ضرورة ، لأننا بنخاف و احنا بناخد مقاس العين ان عضلة العين الداخلية تشد لا اراديا ، و دى بتخلى المقاس يدى مقاس سالب بدرجات متفاوتة و حسب الشد و حسب السن ، و لذلك كنا بنستعملها علشان نطلع مقاس العين الحقيقى ، و لكن دلوقت كومبيوترات قياس النظر فيها نظام اساسى بيعمل حاجة اسمها fogging و دى الغرض منها منع العضلة انها تشد ، و بالتالى دقتها فى القياس اعلى ، و قلت الحاجة لأستعمال القطرة

              و لكن تبقى حالات أقوى من أجهزة الكومبيوتر زى الأطفال 10 سنوات او أقل ، او الناس اللى عندهم طول نظر ، و حالات أخرى ، و دول بنحتاج نحط لهم القطرة علشان كشف النظارة

              و تحياتى
              [FONT=Comic Sans MS][SIZE=4]Dr. Sherif Mansy[/SIZE][/FONT][SIGPIC][/SIGPIC]
              [URL="http://nilemotors.net/Nile/showthread.php?t=55299"]أى سؤال أو استشارة فى طب العيون[/URL]
              [CENTER][COLOR=DarkGreen][B][SIZE=5]الصحة تاج على رؤوس الأصحاء
              لا يراه إلا المرضى
              [/SIZE][/B][/COLOR] [/CENTER]

              Comment


              • اهلا وسهلا بيك دكتور شريف انا فعلا موسى الاسود بتاع زمان بتاع الليزك اللى حضرتك لما زهقت من مناقشاتى خلتهم ىوقفونى اسبوعين عشان تستريح منى ,,, ما علينا اللى فات مات
                طبعا اكيد انت كدا استنتجت انى دكتور عيون ودة حقىقى انا واخد md دكتوراة يعنى بتكلم وعارف انا بقول اية..المهم السؤال هنا هو الطفل اللى عندة 10 او 8 سنوات وطلع الكمبيوتر بتاعة استيجماتيزم ناقص نص او حتى واحد محتاج قطرة توسيع ولو استخدمت قطرة توسيع محتاج فى السن دة cyclopentolate ولا كفاية tropicamide ولو استخدمت cyclopentolate هل تكفى ساعة لتحقىق الغرض...وهل كل هذا يطبق على كل الاطفال سن عشرة او اقل على المطلق وشكرا

                Comment


                • المشاركة الأصلية كتبت بواسطة mosaelaswad مشاهدة المشاركة
                  اهلا وسهلا بيك دكتور شريف انا فعلا موسى الاسود بتاع زمان بتاع الليزك اللى حضرتك لما زهقت من مناقشاتى خلتهم ىوقفونى اسبوعين عشان تستريح منى ,,, ما علينا اللى فات مات
                  طبعا اكيد انت كدا استنتجت انى دكتور عيون ودة حقىقى انا واخد md دكتوراة يعنى بتكلم وعارف انا بقول اية..المهم السؤال هنا هو الطفل اللى عندة 10 او 8 سنوات وطلع الكمبيوتر بتاعة استيجماتيزم ناقص نص او حتى واحد محتاج قطرة توسيع ولو استخدمت قطرة توسيع محتاج فى السن دة cyclopentolate ولا كفاية tropicamide ولو استخدمت cyclopentolate هل تكفى ساعة لتحقىق الغرض...وهل كل هذا يطبق على كل الاطفال سن عشرة او اقل على المطلق وشكرا

                  د. موسى ، أولا أهلا بيك و دايما بنقول الخلاف فى الرأى لا يفسد للود قضية.

                  ثانيا ماعتقدش ان انا شخص واصل للأدارة للدرجة اللى تخليهم يوقفوا حضرتك علشان خاطرى ، ادارة المنتدى بالذات مستقلة و بعيدة عن التأثيرات الفردية و ده واضح فى ادارتهم للمنتدى ، و مش عارف هاتصدقنى ولا لأ لو قلت لك ان انا لم اتقدم بشكوى منك او ضدك للأدارة ، و لكن اسلوب حضرتك كان على مايبدو ساعتها فيه تهكم اعتبرته الأدارة مخالف للقواعد.

                  ثالثا على فكرة انا كمان معايا MD و الحمد لله و كمان عضو فى الجمعية الرمدية المصرية ، و جميعة الشبكية المصرية و كمان عضو فى AAO الأكاديمية الأمريكية للعيون و زى ما سعادتك عارف عضويتها تستلزم ترشيح 2 من اعضائها و الحمد لله اساتذتى رشحونى و حصلت على عضويتها من زمان و الحمد لله.

                  بالنسبة لموضوع القطرة فحضرتك سيد العارفين ان ممكن الطفل يكون الأستيجماتيزم بتاعه -0.5 أو مافيش خالص و لكن يكون عنده Hyperopia و عينه عاملة Accomodative Spasm و مخليه مقاسه على ال Autoref يطلع Zero Sphere و لكن لما تعمل له Cycloplegic refraction بيطلع المقاس البلس بتاعه ، و ده احد اهم الأسباب لأستعمال القطرة فى الطفل اللى 10 سنين او اقل.

                  بالنسبة لحكاية ساعة كافية ولا لأ فلو حضرتك تفتكر ان ده الوقت المناسب لعمل القطرة ، و يا سيدى الفاضل ده مش كلامى انا ، ده كلام الفارماكولوجى ، و حضرتك لوشفت البامفلت بتاعة اى واحدة من القطرات دى هاتلاقى ان التأثير الأقصى بيكون بعد ساعة.

                  باللنسبة لسؤال حضرتك عن ال cyclopentolate ولا ال Tropicamide فمش عارف ده سؤال بجد و لا حضرتك بتمتحنى ؟؟ حضرتك زى ما قلت معاك MD يبقى أكيد سيادتك عارف ان ال cyclopentolate تأثيرها الأساسى على ال ciliary muscle و تأثيرها الثانوى الأضعف على ال dilator pupillae ، فى حين ان ال tropicamide تأثيرها الأساسى على ال dilator pupillae و الأضعف على ال ciliary muscle و بالتالى لا يجوز ان نستعملها فى أخذ المقاس للأطفال لأنها لن تحقق الغرض المطلوب وهو cycloplegia ، و لا ايه رأى حضرتك يا أخى العزيز ؟؟ اعتقد اننا مش مختلفين على النقطة دى .

                  بالنسبة للأستعمال مع الأطفال فهنا كمان سيادتك ده مش كلامى ، ده كلام كتب ال pediatric ophthamology ، و طبعا حضرتك عارف ان مافيش فى الطب حاجة مطلقة (و اسمح استعير الكلمة دى من كلام حضرتك) ، و لكن هناك قواعد نتبعها و نحاول الوصول للأفضل للمريض.

                  و أخيرا يا عزيزى د/ موسى ، حضرتك انا كل غرضى من الموضوع اللى انا عاملة ده انى احاول اقدم خدمة لأخوانى فى المنندى زى بقية الزملاء اللى عملوا كده قبلى و منهم دكتورنا الغالى د. محمود صلاح على سبيل المثال و ليس الحصر ، حيث يوجد العديد من الزملاء الأفاضل ، و ليس الغرض هو ادعاء العلم بكل شئ او الأدعاء بأنى الوحيد الذى يعرف كل شئ ، بل بالعكس تجدنى احاول التجنب فى الخوض فى التفاصيل العلمية لتبسيط المعلومة و سهولة توصيلها ، و لا اعتقد ان ذلك الغرض يستدعى تحويل الموضوع الى مناظرة علمية بيننا لأثبات من هو الأصح ، علما بأن الطب مدارس كما تعلم سيادتك ، و ممكن اكون انا تبع مدرسة و حضرتك تبع مدرسة تانية خالص مختلفة ، و لكن المدرستين صح ، و مش لازم واحدة تكون غلط و التانية صح ، و بعدين احنا كده بنبعد عن الهدف الأساسى و هو محاولة مساعدة الأعضاء.

                  و سعيد بوجود حضرتك معانا و أهلا وسهلا بحضرتك فى اى وقت.

                  و تحياتى لك يا أخى العزيز
                  [FONT=Comic Sans MS][SIZE=4]Dr. Sherif Mansy[/SIZE][/FONT][SIGPIC][/SIGPIC]
                  [URL="http://nilemotors.net/Nile/showthread.php?t=55299"]أى سؤال أو استشارة فى طب العيون[/URL]
                  [CENTER][COLOR=DarkGreen][B][SIZE=5]الصحة تاج على رؤوس الأصحاء
                  لا يراه إلا المرضى
                  [/SIZE][/B][/COLOR] [/CENTER]

                  Comment


                  • لو سمحت يادكتور انا لابس نظارة نظر وكنت عاوز اعمل نظارة شمس بس الفوتو جري ماعجبنيش ... فأنا عاوز اعمل شمبر شمس بس يكون شمس ونظر ... يعني مثلا شمبر ريبان واشيل العدسات واعمل عدسات نفس اللون وتكون طبية في نفس الوقت .. وبردو في شنابر الماسك الي العدستين بيكونو متصليين ببعض ممكن تتعمل بنفس الفكرة ولا ما ينفعش ....وشكرا
                    [aldl]http://store2.up-00.com/Jan12/l6z75685.png[/aldl]

                    Comment


                    • دكتور شريف أنا بعت لحضرتك رساله علي الخاص برجاء المساعده

                      Comment


                      • المشاركة الأصلية كتبت بواسطة ahmadmidop مشاهدة المشاركة
                        لو سمحت يادكتور انا لابس نظارة نظر وكنت عاوز اعمل نظارة شمس بس الفوتو جري ماعجبنيش ... فأنا عاوز اعمل شمبر شمس بس يكون شمس ونظر ... يعني مثلا شمبر ريبان واشيل العدسات واعمل عدسات نفس اللون وتكون طبية في نفس الوقت .. وبردو في شنابر الماسك الي العدستين بيكونو متصليين ببعض ممكن تتعمل بنفس الفكرة ولا ما ينفعش ....وشكرا

                        أنا عامل الفكرة اللى حضرتك بتقول عليها ، و يمكن اكتر كمان ، انا عندى نظارة راى بان و خليت محل النظارات اللى باتعامل معاه شال لى منها العدسات الأصلية و حط مكانها عدسات مقاسى و بنفس اللون ، و تخيل حضرتك انى عامل واحدة للمصيف و نزول البحر ، جبت نظارة سباحة و خليته شال لى العدسات بتاعتها و حط مقاسى مكانها ، و دى بانزل بيها الميه من غير ما اقلق ازاى هاشوف لو قلعت النظارة (لأن عندى البديل دلوقت).

                        و ألف مبروك النجاح ، و بالتوفيق ان شاء الله.

                        و تحياتى
                        [FONT=Comic Sans MS][SIZE=4]Dr. Sherif Mansy[/SIZE][/FONT][SIGPIC][/SIGPIC]
                        [URL="http://nilemotors.net/Nile/showthread.php?t=55299"]أى سؤال أو استشارة فى طب العيون[/URL]
                        [CENTER][COLOR=DarkGreen][B][SIZE=5]الصحة تاج على رؤوس الأصحاء
                        لا يراه إلا المرضى
                        [/SIZE][/B][/COLOR] [/CENTER]

                        Comment


                        • المشاركة الأصلية كتبت بواسطة dr.sherifmansy مشاهدة المشاركة
                          أنا عامل الفكرة اللى حضرتك بتقول عليها ، و يمكن اكتر كمان ، انا عندى نظارة راى بان و خليت محل النظارات اللى باتعامل معاه شال لى منها العدسات الأصلية و حط مكانها عدسات مقاسى و بنفس اللون ، و تخيل حضرتك انى عامل واحدة للمصيف و نزول البحر ، جبت نظارة سباحة و خليته شال لى العدسات بتاعتها و حط مقاسى مكانها ، و دى بانزل بيها الميه من غير ما اقلق ازاى هاشوف لو قلعت النظارة (لأن عندى البديل دلوقت).

                          و ألف مبروك النجاح ، و بالتوفيق ان شاء الله.

                          و تحياتى

                          حلوة قوي فكرة النظارة بتاعة السباحة دي ... أنا ببقى ضايع خالص في البحر وكمان كتير بأنزل البحر بالنظارة العادية سواء العادية أو الشمس (عشان أعرف أشوف) لدرجة إن النظارات بتاعتي اللى ضيعتها في البحر عدت الـ 10 نظارات تقريبا بولس وري بان وكاريرا والباقي مضروب لأني زهقت من الماركات اللى بتضيع مني

                          ياريت يادكتور تقوللى إنت عملت فين الزجاج بتاع بتاع نظارة السباحة وكان نوعها إيه عشان نفسي أعمل واحدة زي كده لأني سألت كذا واحد بس لاقيت في الآخر إن مش أي واحد بتاع عدسات يعرف يعملها

                          وجزاكم الله خيرا
                          [CENTER][U][FONT=Courier New]D . a . \ A Y M A N[/FONT][/U][/CENTER]
                          [CENTER][U][FONT=Courier New]A . S . Y[/FONT][/U][/CENTER]

                          N.Y.S.M.A سابقاً

                          Comment


                          • المشاركة الأصلية كتبت بواسطة n.y.s.m.a مشاهدة المشاركة
                            حلوة قوي فكرة النظارة بتاعة السباحة دي ... أنا ببقى ضايع خالص في البحر وكمان كتير بأنزل البحر بالنظارة العادية سواء العادية أو الشمس (عشان أعرف أشوف) لدرجة إن النظارات بتاعتي اللى ضيعتها في البحر عدت الـ 10 نظارات تقريبا بولس وري بان وكاريرا والباقي مضروب لأني زهقت من الماركات اللى بتضيع مني

                            ياريت يادكتور تقوللى إنت عملت فين الزجاج بتاع بتاع نظارة السباحة وكان نوعها إيه عشان نفسي أعمل واحدة زي كده لأني سألت كذا واحد بس لاقيت في الآخر إن مش أي واحد بتاع عدسات يعرف يعملها

                            وجزاكم الله خيرا
                            هى ما فيهاش فن كتير و لا مجهود ...

                            الحكاية كلها نظارة سباحة من نوع كويس علشان العدسات ما تقعش منها و محل نظارات فاهم شغله ، مش لازم يكون كبير أو صغير ، المهم فاهم شغله كويس علشان يركب العدسات صح.

                            و تحياتى.
                            [FONT=Comic Sans MS][SIZE=4]Dr. Sherif Mansy[/SIZE][/FONT][SIGPIC][/SIGPIC]
                            [URL="http://nilemotors.net/Nile/showthread.php?t=55299"]أى سؤال أو استشارة فى طب العيون[/URL]
                            [CENTER][COLOR=DarkGreen][B][SIZE=5]الصحة تاج على رؤوس الأصحاء
                            لا يراه إلا المرضى
                            [/SIZE][/B][/COLOR] [/CENTER]

                            Comment


                            • دكتور شريف انا كان عندي استفسار عن عدسات bausch and lomb pure vision
                              و بعته علي الخاص .. برجاء الرد
                              انا ما ردتش ابعته هنا عشان كنت بسأل عن أماكن بيعه و أسعاره و ممكن الأداره تعتبره اعلان

                              Comment


                              • المشاركة الأصلية كتبت بواسطة ahmedsamir5edr مشاهدة المشاركة
                                دكتور شريف انا كان عندي استفسار عن عدسات bausch and lomb pure vision
                                و بعته علي الخاص .. برجاء الرد
                                انا ما ردتش ابعته هنا عشان كنت بسأل عن أماكن بيعه و أسعاره و ممكن الأداره تعتبره اعلان
                                تم الرد على الخاص يا أخى العزيز..

                                و تحياتى
                                [FONT=Comic Sans MS][SIZE=4]Dr. Sherif Mansy[/SIZE][/FONT][SIGPIC][/SIGPIC]
                                [URL="http://nilemotors.net/Nile/showthread.php?t=55299"]أى سؤال أو استشارة فى طب العيون[/URL]
                                [CENTER][COLOR=DarkGreen][B][SIZE=5]الصحة تاج على رؤوس الأصحاء
                                لا يراه إلا المرضى
                                [/SIZE][/B][/COLOR] [/CENTER]

                                Comment

                                Working...
                                X