باركولى

[monuir]

الف مبروك واختار موفق بأذن الله

[mina_ramsis]

الله يخليك يا استاذ منير و ان شاء الله اكتب رأيي فى العربية بعد ما استلمها

[bassam nagy]

كود الكاسيت دة عبارة عن مجموعة من الارقام بتدخلها ان شاء اللة بعد مدى طويل ساعت ماتغير بطارية العربية ومن غيرة مايشتغلش الكاسيت خالص ودة بيبقى فى كاسيتات العربيات الاصلى الية نازل من بلادها انا بقوللك عشان واحد صحبى معاة شيفرولية اوبترا ونسى ياخد الكود وتعب شوية عبال مايجيبوا وربنا يباركللك فيها ان شاء اللة

[mina_ramsis]

شكرا ليك جدا يا استاذ بسام انت وضحتلى نقطة كانت غايبة عنى خالص

[bassam nagy]

عفوا على اية انا تحت امرك فى اى حاجة

[Karim_Monir]

طب ما شوفتش لانسر اتوماتيك ب 93 الف خليجي بضمان 3 سنين او 60 الف
عربية حلوة وبياعة وياباني واتومتيك
والاوبترا اتومتيك النوبيرا اللي مليان مشاكل وخير اللي يفيدك فيه سبعاوي وممدوح

[mina_ramsis]

اقولك لك يا استاذ كريم انا ليه ما جبتيش لانسر لعده اسباب اولا علشان ان الخليجى بتشتغل على بنزين 95 و ده غالى اوى حتى البنزين 92 اكيد مش هيدى نفس كفائة التانى ثانيا العفشة و الكلام ده باعتراف معرض بيبيع لانسر الخليجى مصممة على الطرق الناعمة مش طرقنا خالص خصوصا ان انا من طنطا مش من القاهرة او الاسكندرية و الشوارع عندنا ما شاء الله عليها ثالثا الشكل الجديد لللانسر فمش معقول انى اجيب عربية زيرو و بعدها ب4 اشهر الشكل اللى بعده ينزل و رابعا و ده الاهم اسعار قطع الغيار فى الاوبترا فيها شبه او ازيد حاجة بسيطة من اللانوس اللى معايا دلوقتى يعنى فلتر الزيت بتاع اللانوس ب 18 جنيه الاوبترا ب 22 جنيه فلتر البنزين فى اللانوس ب 40 جنيه فى الاوبترا 59 جنيه شوف اسعار القطع ديه فى اللانسر كام هتلاقيها ولعة و بينى و بينك انا ركبت اللانسر و الصنى و الاوبترا و الهوندا بصراحة ما ارتحتش نفسيا غير فى الاوبترا بس فى فى مشكله ان المفروض استلم بكرة بس همة اخروها شويه فى المعرض لغاية يوم الثلاثاء اللى جى فانا زعلان من الموضوع ده بس اه كمان حكاية الاوتوماتك فى الاوبترا الموضوع مختلف تماما عن النوبيرا يا جماعة شركة دايو اتباعة لشركة gm و الشركة ديه غيرت كل حاجة فى العربية ابتداءا من الموتور فى النوبيرا etech و فى الاوبترا etech 2 لغاية الفوانبس بتاعة العربية يعنى مصنع الدايو اتغير تماما الى gm كمان احتمال كبير ان يكون مشاكل الاوتوماتك بتاع النوبيرا مشاكل التقفيل المصرى اللى باين على كل عربية بتتقفل فى مصر حتى الصنى باين عليها التقفيل المصرى فى قفل الابواب و الشنطة و الكابوت كله بيرزع ده كان كل تفكيرى فى اختيار الاوبترا

[السيد أحمد]

الف مبروك وربنا يديك خيرها ويكفيك شرها ، وشر الطريق ،وشر اللى حواليك ، وشر الركنة
وعلى فكرة هى مع اخويا بس مانيوال عربية جميلة وان شاء الله تتبسط منها

[mina_ramsis]

متشكر جدا يا استاذ احمد على زوقك

[Salah_sr]

ألف مبروك و ربنا يكفيك شرها ممكن تقول لنا مواصفات الأسبور و السعر كام و هي لازم بالحجز و لا من الممكن الدفع و الأستلام الفوري و شكرا

[mina_ramsis]

شكرا يا استاذ صلاح على ردك الاسبور هى العربية السيدان العاديه بس ذايد عليها 4 جنوط اسبور عليها علامة شيفوليه و عتب اسبور حولين العربيه كلها الجناب و الاكصدامات و مزوده بنيكل فى العتب هى بتزيد عن سعر العربية 5 اللاف جنيه سواء مانيوال او اوتوماتك بس انا جبتها اوتوماتك اسبور فى العرض ب 99 الف بس انا دفعت الفلوس يوم الاثنين اللى فات و هستلم ان شاء الله يوم الثلاثاء اللى جاء اما بخصوص الاستلام الفورى انا معرفش ممكن ولا لأ بس كما عرضوا عليا استلم اللى مش اسبور فورى و اجى بعد 3 ايام اجد ورقها بس انا رفضت و قولتلهم ورقها استلمه مع العربية

[sh_masry]

الف مبروك ز ربنا يديك خيرها و يبعد عنك شرها

a7'ook
Sherif

[Salah_sr]

شكرا علي الرد السريع و ألف مبروك و أحنا في أنتظار تعليقك بعد الإستلام إن شاء الله

[mina_ramsis]

شكرا يا استاذ شريف و يا استاذ صلاح