If this is your first visit, be sure to
check out the FAQ by clicking the
link above. You may have to register
before you can post: click the register link above to proceed. To start viewing messages,
select the forum that you want to visit from the selection below.
فكرة مشاركة عضو من توكيل في المنتدى برضه لفته من التوكيل بانه مهتم بعملاءه و برغبه في التواصل معهم في اكبر منتدى سيارات مصري يقدر اعضاءه الدائمين و المتقطعين بالالاف و بالتالي المئات من مالكي هيونداي
:policeman: الحل السحري للتخلص من الازمة المرورية [URL]http://www.nilemotors.net/Nile/120871-a.html[/URL]
السلام عليكم يا باشمهندس عاطف انا معايا ماتركس 2009 اتوماتيك و كان فى مشكلة فى الفتيس (لما بحركه على الr العربية بتاخد و قت كبير علشان ترجع) و كلمتك وقتها و انت طمنتنى جدا و فعلا رحت ابو رواش و عملولى الفتيس و بعد 6 شهور العطل رجع تانى مش كده و بس لكن العربية اصبح ملهاش عزم فى المرشدير يعنى لو برجع بالعربية للخلف على مطلع بسيط مابترجعش هل دى مشكلة كبيرة والفتيس محتاج يتغير ولا ايه الموضوع
السلام على احلى ناس ف المنتدي لدي استفسار وارجو الاجابة انا اشتريت نيو اكسنت 2010 ماشية 160 كيلو فية صوت في الماكينة صوت خشن مش عارف طالع منين(صوت نحر في حديدة مش عارف بالضبط) وصوت الماكينة عالي شوية وكمان لما اشغل السيارة ونور الصالون منور ينطفيء وينور مع التشغيل ونور التابلوة يرعش هل هذا كلة طبيعي ارجو الرد
انا بشكر المهندس عاطف على سرعة ردة على مشكلتي وعلى فكرة الراجل دة في منتهي الذوق والتعامل و انة بجانب ضغط عملة بيرد على الرسائل وياجماعة عايزين نعطي الثقة شوية بالتوكيل ونشوف اية النتائج ولنا بقية للحديث
عناية المحترم / مهندس عاطف
تحية طيبة وبعد
انا والدى عنده النترا مانيوال 2007 واخى عنده النترا مانيوال 2009 ولحبى الشديد فى العربية دى وفى تعامل التوكيل فى ابو رواش باستثناء الانتظار فى بعض الاحيان خصوصا ايام الجمعة والسبت المهم اشتريت النترا 2010 اوتوماتيك الملاحظه ياباشمهندس ان الفرامل ضعيفة شوية عندى بالنسبة للنفس النوع بس المانيوال فى المانيوال مجرد لمسه صغيره العربية بتكلبش فى الارض بس عربيتى الاوتوماتيك لازم ادوس سنه زياده علشان تتوقف العربية لسه فى التليين وزى التعليمات مش بادوس على الفرامل فجأة بدون داعى علشان التيل يطبع براحته عموما اسف للإطاله بس السؤال هل ده راجع لأن العربية اوتوماتيك والا فى عيب فى الفرامل يعنى مثلا واخده هوا والعربية عامله 700 كيلو لغاية دلوقتى ارجوك تطمنى ياباشمهندس واسف لازعاجك ومقدر تعبك طبعا
ايوه كده ... هذا الشبل من ذاك الأسد
فرق العمر و التعود ... شوية كمان أن شاء الله و هاتتعود عليها ... و في صيانة الألف قولهم علي ملاحظتك ... و ممكن تكون محتاجة يتشيك علي الفرامل و يترجلش عليها ...
لو شايف أنها مقلقة هاتها فوراً لأي مركز خدمة قريب ليك
السلام عليكم يا باشمهندس عاطف
مش عارف اذا كنت لسه فاكرنى ولا لأ
على العموم ان محمد الطويل من اسكندرية
معايا النترا 2007 مانيوال
ان شاء الله كمان اسبوع او اكثر شوية ح اعمل صيانة ال 55 الف
والحمد لله العربية مرياحانى ومبسوط منها جدا جدا
وكمان معاملة الناس هناك فى التوكيل من اول المهندس عادل "المحترم" حتى اصغر عامل هناك ممتازة وعلى قدر المسئولية وبسبب كده قررت انى اتواصل مع هيوانداى واجيب لزوجتى i10
ولكن عندى مشكلة صغيرة مش عارف حلها ممكن يكون ايه
من اول صيانة 10.000 وانا بشتكى من صوت صفاره بسيطة بيروح لما ادوس على الدبرياج
وفى كل مره يقولى خلاص احنا شحمنا بلية الدبرياج وكله تمام وفعلا كله يبقى تمام حتى موعد الصيانة التالية ويظهر العيب ده تانى
مفيش غير مره واحدة قالوى احنا غيرنا بلية الدبرياج ....
وبرضه الصوت بيرجع تانى ....
ضمان العربية ينتهى 31 مايو 2010
هل كل ده بيحصل علشان بعد يوم 31 يتقالى انت كده بره الضمان والعربية محتاجة طقم دبرياج كامل !!!!
وبرضه فى الصيانة الأخيرة اشتكيت من صوت تكه لما بلف الدركسيون على الأخر (بس محصلتش كتير) وسألتهم ممكن يكون الكبالن فيها حاجة علشان اغيرها فى الضمان برضه قالولى لأ مفهاش حاجة !!!!
معلش طولت على حضرتك بس ده من عشمى وثقتى فى حضرتك وفى هيوانداى اللى بقى عندى ولاء ليها وثقة فى اسمها ....شكرا مقدما لرد حضرتك
بالمناسبة انا من الناس القديمة هنا جدا جدا وحضرتك لو مش فاكرنى ممكن تسأل كريم منير عنى
Last edited by mido777; 28-03-2010, 12:36 PM.
سبب آخر: اضافة
[SIZE=3][COLOR=navy][gdwl]
[SIZE=3][COLOR=navy]سبحانك اللهم وبحمدك ، أشهد أن لا إله إلا أنت أستغفرك وأتوب إليك[/COLOR][/SIZE]
[/gdwl][/COLOR][/SIZE][SIZE=4][COLOR=navy][/COLOR][/SIZE]
[SIZE=4][COLOR=navy]مـحـمـد الـطـويـل - إسـكـنـدريـه[/COLOR][/SIZE]
فاكرك يا أستاذ محمد ... و أفكرك لما كنت مسافر الغردقة ... مش كده ... علي كل حال روح المركز و قابل عادل و نتكلم مع بعض وقتها ... و أن شاء الله نقدر نعملك حاجة كويسة.
Comment