كل ما تود معرفته عن العوازل الحرارية-م.سامر

[Karim_Monir]

الموضوع ده هايكون مخصص من قبل ادارة المنتدى عشان الاعضاء تسال مهندس سامر عن العوازل الحرارية
والاستفادة بخبرتة ومعلوماته القيمة واللي استفدت انا منها شخصيا
مرحبا بيك مهندس سامر

[Ahmed Samy]

أحب أرحب بالباشمهندس سامر ...و كنت عايز أعرف وقت التركيب قد ايه وهل فيه معاملة خاصة للأفلام خلال التنظيف أو غيره كلزق استيكرات الشغل او النوادي او الترخيص .....الف شكر لتعاون حضرتك

[badblood]

تسلم ايدك يا كيمو
واهلا بيك ما م.سامر

[badblood]

عايز اعرف الانواع الموجودة في السوق ايه؟ وافضلهم ؟ وبلد المشأ
والاسعار طبعا

[mikology]

العوازل الحراريه دى للازاز ولا للبودى و عزله اكابينه عن غرفه المحرك ؟؟

[Samer_3M]

سامر سمير_3m
أهلا و مرحبا بجميع أعضاء منتدى نايل موتورز الأعزاء
في البداية يشرفني أرد على سؤال الأستاذ أحمد سامي وقت تركيب السيارة يتراوح ما بين ثلاث ساعات و أربع ساعات من العمل المتواصل و لايفضل فتح و غلق زجاج النوافذ في نفس اليوم الذي تم التركيب فيه و يفضل ترك السيارة في الشمس خلال الثلاث أيام الاحقة للتركيب (عند الركنة فقط), أما عن التنظيف فيكون عادي جدا بفوطة مبللة يمسح و ينظف الزجاج من الداخل( بدون استخدام ألة حادة أو مواد كيماوية) أما من الخارج افعل ما شئت أما عن الاستيكرات فيمكن لصقها فوق الفيلم و لكن يجب أن تكون من الأنواع سهلة الخلع و ذلك لأنه لا يجب استخدام ألات حادة أو مواد كيماوية أ بترولية على الفيلم

أما عن سؤال الأستاذ محمود فايد
فالأنواع الموجودة في السوق كثيرة و متنوعة و كالمعتاد المنتجات الصيني و الكوري متعددة جدا و تشبه و تقلد المنتجات الأمريكية من حيث الشكل فقط و لكن المضموت( الأداء) سيئ جدا و قد يكون عكسي في أغلب هذه الأنواع أى يزيد من الحرارة داخل السيارة والغريب ان الذين يتعاملون بمثل هذه الأنواع يقومون بالنصب على الناس و يقولون أن هذه المنتجات مستوردة من الولايات المتحدة ولكن الأمريكان يصنعونها في الصين
أما عن أشهر الأنواع المحترمة , والموجودة في السوق المصري والمشهود لها بالكفأة في العالم فهي - v-cool - 3M , والأسعار متفاوته بشكل كبير

أما عن السؤال الأخير فهو سؤال وجيه جدا, لأن هذه الأفلام هي أفلام خافضة للحرارة ( solar control window film) وليست عازل حراري و بالتالي فهي تقوم بتخفيض حرارة الشمس التي تنفذ للسيارة من الزجاج أما عن البودي و المحرك فكل شيخ و ليه طريقة أي أن كل صانع سيارة له مواد و خامات معينة في العزل الحراري بالنسبة للبودي و المحرك

[SAiF3S]

أ/ سامر
أنا كنت ها أسألك لما اجيلك لكن للافاده لى و للجميع نخلى السؤال هنا
انا عندى اجهزه خفيفه بتتعلق على الزجاج الامامى عن طريق suction cups زي حامل للموبيل و الجى بى اس و كاشف رادار وخلافه
فهل ده لا يؤثر على الفيلم بعد التركيب ?
و معلومه للجميع ان الفيلم ال crystalline 70 لا يؤثر على استقبال الموجات الخاصه بالمحمول و الجى بى اس كما هو الحال مع بعض الانواع الاخرى و ذلك نظر لعدم احتواءه على اى مواد معدنيه عاكسه

[michohat]

كان ليا سؤالين ليه الفيلم بيتركب من جوه العربية ليه مش بيتركب من بره؟
وهل افضل فى التركيب ان الزجاج كله يتفك ويطلع بره ويتركب عليه الفلم
دى بعض الاستفسارات اللى بتدور فى دماغى بس حاليا أجلت التنفيذ شوية

[SAiF3S]

كان ليا سؤالين ليه الفيلم بيتركب من جوه العربية ليه مش بيتركب من بره؟
وهل افضل فى التركيب ان الزجاج كله يتفك ويطلع بره ويتركب عليه الفلم
دى بعض الاستفسارات اللى بتدور فى دماغى بس حاليا أجلت التنفيذ شوية

ده فيلم بيوضح طريقه التركيب

http://www.youtube.com/watch?v=5JxjMl8qULA

[tayson54]

متابع واهلا بالمهندس سامر

[michohat]

الفيلم موضح التركيب من الخارج والداخل فهل اللى بيركب هوا اللى بيحدد هيركب جوه ولا بره
اظن ان التركيب من الخارج افضل لانه من وجهه نظرى يوفر حمايه لزجاج السيارة نفسة من اى خدوش او اى شئ مشابه وايضا يقوم بامتصاص او عكس الاشعه قبل دخولها ولا الافضل انه يكون من جوه

[abou_ruqi]

أ.سامر
أخبار الإسكندرانية إيه معاكم ؟؟
مين في اسكندرية بيركب الفيلم بتاعكم ؟؟؟

[Dr_Semsem]

أ.سامر
أخبار الإسكندرانية إيه معاكم ؟؟
مين في اسكندرية بيركب الفيلم بتاعكم ؟؟؟

بالظبط ايه اخبار اسكندرية ؟؟

[zonboroky]

اولا نرحيب حار بالمهندس سامر
ثانيا انا تقريبا فرأت كل حاجة عن المنتج بتاعكم بس لحد دلوقت مش لاقي اي كلام على السعر مع ان دي نقطة مهمة جدا في تحديد اذا كنت كعميل يعني هاركب ولا لا وشكرا مقدما

[SAiF3S]

الفيلم موضح التركيب من الخارج والداخل فهل اللى بيركب هوا اللى بيحدد هيركب جوه ولا بره
اظن ان التركيب من الخارج افضل لانه من وجهه نظرى يوفر حمايه لزجاج السيارة نفسة من اى خدوش او اى شئ مشابه وايضا يقوم بامتصاص او عكس الاشعه قبل دخولها ولا الافضل انه يكون من جوه

يا استاذى الفاضل هو بيعمل مقاس و قص و shrinkage من الخارج و بعد كده لزق من الداخل
و الافضل من الداخل طبعا مش من الخارج لانك لو اتخربش او اتخدش انت مش هتشوف منه و تبقى دفعت فلوس على الفاضى