كل ما تود معرفته عن العوازل الحرارية-م.سامر

[Mzeid]

أهلا بحضرتك يا أستاذ سامر ..
و واضح ان حضرتك على معرفة بمنتجات 3M الأخرى لأني وجدت أن فيه فيلم بيتلزق على العربية لحمايتها من الخدوش و كنت شوفته في الكماليات اللي تباع على موقع سيارات هامر و اسمه Scotchcal 3M فكنت عايز أعرف هل هو متوفر و لا لا لأني بحثت عنه على موقع الشركة و مش عارف اتوصله ..
و شكرا مقدما ..

[ahmed_atik]

السلام عليكم!
عندي استفسار صغير
اشتريت هيونداي النترا خليجي وكانت معزولة حراريا بنوع من الاستيكرز الفاميه لكن مشكلته ان في أماكن فيها فقاقيع هواء لما سألت عند أحد الأشخاص في شارع دمشق قالي ده عازل حراري غالي جدا لكن اللي ركبه معندوش ضمير مفنشوش كويس وقالي حرام تشيله وتغيره لأن سعره مش أقل من 1400 جنيه وقالي ان الفقاقيع دي ملهاش حل. أنا عايز رأيك يا بشمهندس هل في أي صمغ أو لزق شفاف ممكن يتحقن بإبرة يلزق الفقاقيع دي!!!!
منتظر اجابتك!! مع الشكر

[Mostafa Hessen]

معلش بس ممكن الإشارة للأسعار ان أمكن

ومشكووووورين

[Samer_3M]

السادة الأعزاء أعضاء منتدى نايل موتورز

اما بالنسبة عن الفيلم الذي يكسوا السيارة كلها فهو متوافر باذن الله من شركة 3m و قد جاري طلبه من 3m و ستوفره شركة أرماشيلد بسعر لا مثيل له

أما عن الأخ العزيز مالك السيارة الالنترا فنحن مستعدون لفحص الفيلم الذي به عيوب و علاجها بقدر الامكان - مجانا و يمكن الاتصال بي على 0127744609

أما عن الاشارة الى أسعار منتجات 3m فهي 2000 جنيه للكرستالاين 70 و 1600 جنيه لل6868 و هذه الأسعار شاملة التوريد و التركيب و ضمان المنتج ضد عيوب الصناعة والتركيب لمدة 10 سنوات

[Mostafa Hessen]

سؤال أخير
ما هو الفرق بين الكرستالاين 70 و 68 وهل العوازل دى بدخل ضوء فقط بلا حرارة أم ايه وضعها بالظبط
وهل بالتبعية ده بيأثر بشكل ايجابى على عمل التكييف فى السيارة أم لا .؟
بجانب مثلا لو تركت السارة فى الشمس هل عند ركوبها مش حتبقى سخنة كالوضع العادى؟
وآخرا هلى يتم التركيب لجميع الموديلات مع العلم ان سيارتى frv ?
وشكرا لسعة الصدر

[Samer_3M]

السيد المحترم عضو المنتدى نحن نطلق كلمة عوازل للحرارة مجازا على هذا المنتج و لكن التسمية الصحيحة هي أفلام خافضة للحرارة
فمثلا أفلام 3m تتكون من مئات الطبقات مصنوعة بتقنيات حديثة جدا(Nano Technology) و هي خالية تماما من المعادن التي تؤثر على أداء الأجهزة الحديثة الموجودة بالسيارات و تعتمد على امتصاص جزء من الحرارة النافذة من الزجاج و عكس جزء كبير من الحرارة وبالطبع مرور جزء و كما نعلم جميعا أن من أخطر مكونات الشعة الضوئية هي ال uv - , ir - الاشعة فق البنفسيجية و الأشعة تحت الحمراء
فمثلا الكرستالاين 70 يمنع دخول أكثر من 99% من الأشعة فوق البنفسجية و 95 % من الأشعة تحت الحمراء و هما من مكونات الضوء الضارة جدا و المسببان للحرارة و تلف فرش و طابلوه السيارة و أيضا سرطان الجلد

كما أن من اهم المزايا الأخرى للكرستالاين 70 و هي توفير عنصر الأمان في حالة الحوادث لاقدر الله أم محاولة الاقتحام و السرقة

أما عن تاثير الأفلام الخافضة للحرارة على مستوى التكيف فبالطبع تزيد من اداء و فاعلية التكيفات بشكل كبير و ملحوظ جدا و هذا ينعكس على أداء التكيف مما يؤدي الى قلة أعطال التكيف - توفير في استهلاك الوقود - الاحساس بسرعة تبريد التكيف و زيادة البرودة - بقاء فرش السيارة بحالة جيدة

بالطبع يمكن تركيب هذة الأفلام لأى نوع سيارة و تتم التركيب بحرفية عالية بحيث لا يمكن ملاحظة أن الزجاج عليه فيلم خافض للحرارة كما أن الكرستالاين يتمتع بشفافية عالية فهو لا يحجب الرؤية

[mero25]

اية يا جماعى مفيش جديد فى الموضوع ده لية مع انه مهم جدا
فى حد ركب تانى وجرب
فى جديد فى الاسعار
هل السعر دة مناسب يعنى اتوكل على الله واركب
هل من نصيحة

[SAiF3S]

اية يا جماعى مفيش جديد فى الموضوع ده لية مع انه مهم جدا
فى حد ركب تانى وجرب
فى جديد فى الاسعار
هل السعر دة مناسب يعنى اتوكل على الله واركب
هل من نصيحة

لو انت هتحتفظ بعربيتك ومشش هتبيعها و بتتحرك فى الشمس كتير سواء صيفا او شتاء يبقى ركب على بركه الله

[Migo123]

ال
اما بالنسبة عن الفيلم الذي يكسوا السيارة كلها فهو متوافر باذن الله من شركة 3m و قد جاري طلبه من 3m و ستوفره شركة أرماشيلد بسعر لا مثيل له

مهندس / سامر كل سنه وانت طيب
اتمنى انك تكون لسه متابع الموضوع
وياريت تقولنا اخبار الفيلم ايه ......... وصل مصر ولا لسه واسعاره ايه ؟؟؟

[mero25]

مهندس / سامر كل سنه وانت طيب
اتمنى انك تكون لسه متابع الموضوع
وياريت تقولنا اخبار الفيلم ايه ......... وصل مصر ولا لسه واسعاره ايه ؟؟؟

متابع باهتمام شديد

[sniperfox]

انا الى اعرفه ان الفى كوول وانواع تانيه كتير بتتصنع فى اسراءيل وده عرفتو من المنتدا هنا

[ziadahmed19]

هل يوجد فيلم بيتلزق على العربية لحمايتها من الخدوش وهل هذا العازل للزجاج فقط

[kimoboy]

Any new update

[SAiF3S]

كان فى اخ لنا فى قسم الاوبل كان طالب رايى فى فيلم 3m بعد فتره من التركيب وده كان تقييمى و رايى بعد 4-5 شهور تركيب

بالنسبه للعزل الحرارى 3m للان يبقى راكب عندى 5 شهور اللى هى فتره الصيف كامله ولسه شكلها الشتاء مش هتيجى
لو هتحتفظ بالعربيه 4-5 سنين انصحك بشده للاسباب التاليه
الفرش عندى جلد طبيعى و اكتر حاجه بتاثر على طراوه الجلد و لونه ال uv ray
لما بتركن فى الشمس و تدخل العربيه نفس درجه الحراره الخارجيه او اعلى شويه لكن الكراسى عجله القياده التابلوه و الفتيس مش سخنين على الاطلاق يعنى مش هتتلسع منهم
لو عندك فتحه سقف و فتحتها بدجرجه مائله هتلاقى درجه الحراره جو و بره واحد
انا بسافر بالعربيه كتير و مسافات طويله فاللى بيسوق فى الشمس بيجى له صداع وحرقان فى العين بعد فتره وده مابقاش موجود
كنت بعانى من الزراع الايسر بتاع سواقين التاكسى و الميكروباص انه بيكون اغمق كتير عن اليد و الزراع اليمنى دلوقتى مافيش
المرور عمرهم ما كلمونى انى لازق فيلم بيتكلموا بس على الستائر
التركيب للزجاج الامامى والخلفى قطعه واحده مش سوقى شرائط فوق بعض
التكييف افضل اداء من قبل كده
تغير اللون لملابسك الجديده لو بدله كتان او اى شىئ قطعتين او حتى بنطلون بتلاقى اللون بيغير من عند الفخد عن باقى البنطلون او الجزء العلوى
انا شايف ان 2000 جم سعر معقول قصاد الجوده المره دى money for the value

[mero25]

كان فى اخ لنا فى قسم الاوبل كان طالب رايى فى فيلم 3m بعد فتره من التركيب وده كان تقييمى و رايى بعد 4-5 شهور تركيب

كلاو حضرتك مضبوط 100 100